Novemba 16–22. ‘Mi bai lovim Ol Natin Tru ’: Hosea 1–6; 10–14; Joel,” Kam, Bihainim mi—Bilong Haus na Sios: Olpela Testamen 2026 (2026)
Novemba 16–22. ‘Mi bai lovim Ol Natin Tru,’” Kam, Bihainim Mi: Olpela Testamen 2026
Novemba 16–22: “Mi bai lovim Ol Natin Tru ”
Hosea 1–6; 10–14; Joel
Kavanen bilong Israel wantaim Bikpela em i dip na i gat bikpela minin tru olsem na Bikpela i bin skelim i go long wantaim maret. Kavanen, olsem maret, i gat komitmen i stap oltaim oltaim, serim ol ekspiriens, buildim laip wantaim, stap gut wantaim wanpela tasol, na, moa yet, lovim wantaim olgeta bel. Sori tru, ol Israelites i no bin feitful long ol kavanen bilong ol. Tasol toktok bilong Bikpela long ol i no olsem “Mi bai sakim long yu oltaim oltaim.” Tasol em i tok olsem “Mi bai askim yu long kam bek” (lukim Hosea 2:14–15). “Mi bai maretim yu kam insait long stretpela pasin bilong mi,”Em i bin tokaut long profet Hosea (Hosea 2:19). “Mi bai oraitim bekslid bilong ol, Mi bai lovim ol natin tru” (Hosea 14:4). Dispela em wankain toktok we Em i givim long yumi tete taim yumi wok long painim we long bihainim ol kavanen bilong yumi wantaim lov na pasin bilong lotu.
Joel i bin serim wankain toktok: “Tanim i go bek long Bikpela God bilong yu: long wanem Em i man bilong bel isi na marimari, na em i no save belhat hariap, na em i gat gutpela pasin.” (Joel 2:13). Ridim ol toktok bilong dispela ol profet, dispela i ken kirapim tingting bilong yu long tingim gut relesensip bilong yu yet wantaim Bikpela—long tingim hau feitful em i long yu i ken strongim yu long stap feitful long Em.
Long ovaviu billong ol buk bilong Hosea na Joel, lukim “Hosea, or Hosea” na “Joel” insait long Baibel Diksinari.
Ol Aidia bilong Lainim long Haus na long Sios
Hosea 1–3; 14
Bikpela i save askim mi oltaim long go bek long Em.
Meri bilong Hosea, Gomer, i no bin stap feitful long em,na God i bin toktok long dispela sori samting i bin kamap long tisim ol Israel hau Em i bin filim long ol na ol kavanen bilong ol wantaim Em. Taim yu ridim Hosea 1–3, tingim gut long hau Bikpela i save lukluk long relasensip bilong Em wantaim ol kavanen pipol bilong Em. Olsem wanem pasin bilong mekim kavanen em i wantaim Bikpela i wankain olsem taim in go insait long maret? Olsem wanem sapos i no bihainim dispela kavanen, dispela iolsem yu no feitful long manmeri yu maretim? (lukim Hosea 2:5–7, 13). Wanem samting Hosea 2:14–23 i tisim yu long lov na marimari bilong Bikpela? Hau bai yu soim lov na pasin bilong stap tru bilong yu long Em?
Insait long Hosea 14, painim ol planti gutpela promis Bikpela i mekim long ol lain husait i save go bek gen long Em. Dispela hap tok “lovim ol nating tru” em i minim long yu? (vese 4). Wanem samting ol tok piksa bilong ol plant insait long ol veses 5–8 i tisim yu long ol blesing bilong Bikpela,na tu ol blesing bilong tanim bel? Olsem hap stadi bilong yu,tingim long singsing o harim ol hymn long marimari bilong Sevia, kain olsem “Kam long Jisas” (ol Hymn, no. 117).
Gomer, husait i makim haus bilong Israel na ol kavanen bilong ol we i brukim, i bin kisim ofa long ridemsen long Bikpela. Piksas bilong Deb Minnard, i kisim laisens long goodsalt.com
Hosea 6:4–7; Joel 2:12–13
Pasin long lotu long God i mas pilim long insait, i no soim long autsait tasol.
Ol pipol long taim bilong Hosea i save mekimol animal sakrifais, tasol ol i wok long brukim ol impotent lo. Yu tingim em i minim wanem taim Bikpela i “laikim marimari,na i no sakrifais; na save bilong God moa long ol kuk ofarins”? (Hosea 6:6). Yu tingim dispela em i minim wanem long stretpela pasin i bai olsem klaut o liklik wara i save pudaun long monin? (lukim Hosea 6:4). Stretpela pasin bilong yumi shud stap olsem wanem? (lukim Aisaia 48:18; 1 Nifai 2:9–10).
Yu mas ridim tu Matyu 9:10–13; 12:1–8 long lukim hau Sevia i save usim Hosea 6:6 long taim bilong ministri bilong Em. Hau bai ol dispela hap tok helpim yu long kliagut long toktok bilong Hosea?
Taim yu ridim Joel 2:12–13,em bai helpim yu long save olsem pasin bilong brukim klos em i long soim long autsait sore o bel hevi. Hau em pasin bilong brukimbel bilong yumi narapela kain long bruk klos bilong yumi?
Joel 2
“Mi bai kapsaitim spirit bilong mi antap long olgeta manmeri.”
Wanem samting long taim bilong yumi i wainkain olsem long taim bilong Joel em bin lukim? (lukim moa yet Joel 2:1–2, 11, 18–32). Wanem gutpela tingting yu kisim long ol blesing Bikpela i promisim insait long ol vese 18–32? Bilong wanem ol dispela blesing i bikpela samting tru long tete?
Em bai gutpela long ridim wanem samting Moronai i bin tok long Joel 2 taim em i visitim Joseph Smith long 1823 (lukim Joseph Smith—Histori 1:41). Yu pilim olsem wanem long ol tok profet insait long Joel 2:28–32 i wok long kamap tru long taim bilong yumi? (lukim tu Acts 2:1–21). Yu ting dispela i minim wanem samting olsem Bikpela bai “kapsaitim spirit [bilong Em] uatap lo olgeta manmeri”? (Joel 2:28).
Yu ken tingim ol dispela toktok bilong President Russell M. Nelson: “Long ol de i kam, em i no isi long stap laip long sait bilong sprit wantaim nogat gaidin, direktin, bel isi , na strong we i save kam long Holi Gos oltaim” (“Revelsen bilong Sios, Revelesen bilong Laip bilong Yumi,” Liahona, Me 2018, 96). Bilong wanem revelesen em i impotent long stap laip long sait bilong spirit bilong yumi?
Wanem samting bai yu makim sapos yu pilim olsem yu no kisim ol despela kapsaitim? Hia em ol sampela eksampel we inap long helpim. Wanem samting ol dispela lain insait long sripksa i bin makim long kisim wanpela kapsaitim bilong Spirit bilong Bikpela?
-
Doktrin na ol Kavanen 19:37–41
Taim yu ridim ol toktok bilong Elder David A. Bednar,tingim gut wanem em i minim long yu long long pilim Holi Gos i kapsait long laip bilong yu long olgeta de:
“Planti taim yumi save mekim hat long yumi yet long kisim ol revelesen bilong yumi yet. Long dispela mi min olsem promis bilong kavanen em i olsem taim yumi onarim ol kavanen bilong yumi, yumi ken gat Holi Gost long kamap oltaim pren bilong yumi. Tasol yumi i ken toktok long em na yumi ken tritim em olsem yumi harim nek bilong Bikpela long Spirit Bilong Em i wanpela samting we i no save kamap planti taim. … [Spirit] i mas stap wantaim yumi olgeta taim. I no olgeta nanoseken, tasol sapos wanpela man o meri i mekim bes bilong em—yu bai no inap long kamap pefet—tasol sapos yu na mi i mekim best bilong yumi na yumi no mekim bikpela rong , orait yumi ken bilip long Holi Gost long gaidim yumi. …
“… i luk olsem yumi bilip olsem Holi Gost i dramatik, bigpela na i hariap tru, tasol em i isi na liklik na i go bikpela ova taim” (“Elda David A. Bednar Toktok” [ivinin wantaim wanpela Jenerel Atoriti, Feb. 7, 2020], ol brodkasts.ChurchofJesusChrist.org).
Lukim tu Gary E. Stevenson, “Ol Prompting bilong Spirit,” Liahona, Nov. 2023, 42–45; “Teritori bilong Birua” (vidio), Gospel Laiberi.
Enemy Territory
Kamapim wanpela ples bilong spirit. ”Yu bin lukim wanem samting i helpim yumi long kisim save long stap bilong ol spirit long lainim gospel? Wanem samting i save daunim dispela? … Tingim ol ples we yu save tisim [o lainim] planti taim. Yu pilim olsem wanem taim yu stap long dispela hap? Bai yu mekim wanem samting moa long invaitim Spirit i stap long dispela hap? (Tisin long We bilong Sevia, 7).
Ol Aidia bilong Tisim ol Pikinini
Hosea 2:19–20
Mi mas bihainim gut kavanen bilong mi.
-
Insait long buk bilong Hosea, Bikpela i skelim ol kavanen bilong Em wantaim ol pipol bilong Em i go long wanpela maret. Long lainim long dispela skelim, yu na pikinini bilong yu ken lukluk long piksa bilong wanpela meri i laik maret na man i laik maret na toktok long hau Papa long Heven i laikim man na meri long mekim gutpela pasin long narapela narapela. Helpim ol pikinini bilong yu long painim ol wod insait long Hosea 2:19–20 we i tokklia long hua Bikpela i plim long yumi. Olsem wanem bai yumi soim Bikpela olsem yumi lovim Em na bai faitful long Em?
Hosea10:12
“Em i taim bilong painim Bikpela.”
-
Hosea 10:12 i toktok long planim,kisim kaikai, taim, na ren long invaitim yumi long painim Bikpela. Taim yu ridim dispela ves, wanem ol gutpela aidia i kam long tingting long kirapim tingting bilong ol pikinini long painim Em? Long eksampel,ating ol pikinini bilong yu i ken droim klok na ritim daun ol rot ol i ken painim Bikpela long narakain taim insait long de. Wanpela singsing olsem “Long wanem taim, Long olgeta hap” (Gospel Laibreri) i ken helpim yu long tisim olsem em gutpela olgeta taim long panim Bigpela.
-
O ol pikinini bilong yu ken mekim ol isi eksen we i go wantaim ol ves, kain olsem giaman long planim ol sid, kisim ol kain bilong gaden , o sanap insait long ren. Helpim ol pikinini bilong yu long skelim planim sid na kisim gutpela kaikai wantaim pasin bilong stap gut na kisim ol blesin bilong Bikpela. Oriat nau yu ken tokim ol narapela long ol blesing Bikpela i salim kam daun long yu olsem ren taim yu traim long panim Em.
Hosea 13:4, 14
Jisas Krais em i Sevia na Ridima bilong mi.
-
Long strongim toktru insait long Hosea 13:4 olsem i nogat Sevia tasol em Jisas Krais tasol, yu ken soim ol pikinini bilong yu ol piksa bilong sampela manmeri, na bilong Jisas tu. Ol pikinini bilong yu i ken senis senis long soim man i gat pawa long sevim yumi long sin na dai. Serim testimoni bilong yu long Jisas Krais na Atonmen bilong Em.
-
Ol pikinini bilong yu i ken painim ol wod insait long Hosea 13:4,14 i tokklia long Jisas Krais. Ol dispela wod i lainim yumi wanem samting long Em? Tingim long helpim ol pikinini bilong yu long yusim Gaid bilong ol Sripksa long painim ol narapela skripsa we i tisim olsem Jisas em Sevia na Ridima bilong yumi. Serim wantaim narapela hau yu pilim long Jisas Krais.
Joel 2:28–29
Holi Gos ken gaidim mi.
-
Yu ken helpim pikinini bilong yu long kilagut long Joel 2:28–29 larim ol kapsaitim sampela wara na skelim wantaim wanpela drip o liklik wara. Em i minim wanem long Spirit long ”kapsaitim spirit” long yumi?
-
Taim yu ridim Joel 2:28–29 wantaim, yu ken invaitim ol pikinini bilong yu long putim nem bilong narapela insait long ol hap tok olsem “ol pikinini man bilong yu” na “ol pikinini meri bilong yu.” Bihain helpim ol long painim ol sriipksas olsem Jon 14:16; Moronai 10:5; Doktrin na ol Kavanen 42:17 long painim hau Spirit i ken helpim ol.
Long moa, lukim isu bilong dispela mun bilong Pren megazin.