Daniel 1–7

Long wanpela wei, yumi olgeta stap insait long Babilon. Planti taim yumi save bungim ol traim long lusim ol standet bilong yumi na lusim feit bilong yumi insait long Krais. Taim yu ridim Daniel 1, 3, na 6, luksave long ol rot we Daniel, Sadrak, Mesak, na Abed-nego ol i bin presarim ol long mekim we ol i save olsem em i rong. Ol i mekim wanem samting long ol dispela situasen? (lukim Daniel 1:10–13; 3:15–18; 6:10). Wanem samting i kamap bikos long feit bilong ol? Yu lainim wanem samting long ol dispela eskpiriens we i ken helpim yu long trastim Bikpela taim yu bungim birua? Tingim tu ol dispela askim:

• Yu bin pilim presa long wanpela taim long mekim ol samting yu save olsem em i rong? Hau Bikpela i bin blesim yu long bihainim ol lo bilong Em?

• Olsem wanem sapos feit bilong yu i no inap long kamapim mirakel yu wok long panim stap? (long wanpela eskampel,lukim Alma 14:8–13). Bes long wanem yu ridim insait long Daniel 3:13–18, yu ting Sadrak, Mesak, na Abed-nego bai asarim ol dispela askim olsem wanem? Hau bai eskampel bilong ol i senisim pasin bilong yu long taim bilong traim bilong yu?

• Hau bai ol raitpela sois bilong yu i ken lidim ol narapela long gat moa feit long Bikpela? (lukim Daniel 2:47; 3:28–29). Tingim ol samting we i ken kamap we ol sios bilong yu i ken mekim long ol narapela.

Lukim tu Dieter F. Uchtdorf, “Noken Pret, Bilip Tasol,” Liahona, Nov. 2015, 76–79.

Long rot bilong revelesen, Daniel i lukim driman biong Nebukednesar i tokaut long ol kingdom bilong wol bihain,na wankain olsem kingdom bilong God bai kamap bihain, wer “bai i no nap long bagarap” (Daniel 2:44). “Sios em i dispela kingdom bilong las-dei kingdom we ol i bin tokprofet long en,” Elder D. Todd Christofferson i tisim, “i no man mekim tasol God bilong heven i sanapim na rolim kam out olsem wanpela ston ol i ‘katim long maunten wantaim nogat han’ long pulamapim graun” (“Bilong wanem dispela Sois,” Liahona, Nov. 2015, 111). Tingim kingdom bilong God long las-de taim yu ridim ol tokklia bilong ston insait long Daniel 2:34–35, 44–45. Wanem em wok bilong yu long helpim tokprofet long kamap?

Lukim tu “Hark, OlgetaNesen!,” ol Hymn, no. 264; “God Givim Ol Save” (vidio), ChurchofJesusChrist.org

13:49

Taim yu riviuim Daniel 2:1–15, tingim hau bai yu pilim taim yu painim yu yet long wankain posisen olsem Daniel. Daniel i bin mekim wanem? (lukim Daniel 2:16–18). Yu lainim wanem samting long Daniel 1:17 long hau God i bin redim Daniel? Wanem somtin bai yu lanim long ol toktok na eksen bilong Daniel bihain em i kisim help long Bikpela? (lukim Daniel 2:19–30).

Long ministri bilong Sevia long dispela graun, ol planti Jews i bin tingim taitel “Pikinini bilong man” long Daniel 7:13 i toktok long kam bilong Mesaia Yu lainim wanem samting long Messiah long Daniel 7:13–14? (lukim tu Moses 6:57).

Planti taim Sevia i save kolim Em yet olsem “Pikinini bilong man.” Tingim long skelim gen sampela ol eskampel: Matyu 25:31; Mak 9:31; 10:45. Em i tisim wanem samting long Em yet long ol dispela ves? Insait long Mark 14:61–64, Jisas i yusim dispela taitel long las de bilong laip bilong Em long dispela graun. Lukave long ol rieksen bilong ol pipol husait i bin harem tokaut bilong Em. Hau tokprofet bilong Daniel long Pikinini bilong Man i senisim tingting bilong yu long wanem samting i bin kamap long Em insait long Mark 15?

Kain olsem ol i no laikim tru Jisas taim Em i tokaut olsem Em i “Pikinini bilong man,” yu tu bai bungim hevi long tokaut long tok i tru. Skelim tokprofet insait long Daniel 7:13–14 wantaim ol promis insait long Doktrin na ol Kavanen 121:29, 46.

Lukim tu Doktrin na ol Kavanen 49:6; Gaid long ol Skripsas, “Pikinini bilong man,” Gospel Laiberari.

• Long helpim ol pikinini bilong yu long lanim long ol gutpela stor insait long buk bilong Daniel, yu ken painim ol piksa bilong ol samting i kamap insait long Daniel 1, 3, na 6 (lukim dispela wik pes o long Gospel Art Buk, nos. 23, 25, 26). Bihain yu ken putim ol piksas pes i go daun na invaitim wanpela pikinini long tanim wanpela na toktok long ol stori bilong em. (Long helpim, lukim “Daniel na ol Pren Bilong Em,” “Sadrak, Mesak, na Abed-nego,” na “Daniel insait long Hul bilong Laion” insait long Olpela Testamen Stories, 154–56, 160–62, 163–65.)

  

  1:39

  

  1:39

  

  1:45

• Helpim ol pikinini bilong yu long tingim taim we ol i bin stap long presa long mekim ol ron sois, olsem Daniel na ol pren bilong em i mekim insait long Daniel 1, 3, na 6. Serim wantaim narapela hau yu bin kisim blesin taim yu bin makim raitpela sois maski taim em i bin hat. Yupela olgeta ken singim wantaim wanpela singsing i wankain long dispela topik, olsem “Soisim Rait” (ol Hymn, no. 239).

• Taim yu ridim stori bilong Daniel na ol pren bilong em i les long kaikai mit na wain bilong kin i ken kirapim tingting long toktok long lo bilong helt Papa long Heven i givim yumi tude (lukim Dokrin na ol Kavanen 89). Yu ken painim ol blesings Daniel na ol fren bilong em i bin kisim na skelim wantaim ol blesing we Wod bilong Wisdom i promisim (lukim Daniel 1:15–17 na Doktrin na ol Kavanen 89:18–21).

• Taim yu ridim Daniel 2:31–35, 44–45 wantaim ol pikinini bilong yu, invaitim ol long droim piksa bilong driman bilong Nebukednesar. Helpim ol long kliagut long ston long dispela driman i minim Sios Bilong Jisas Krais Bilong Ol Seint Long Las De. Wanem samting yu lainim long Sios long dispela driman? Ol pikinini bilong yu ken nemim sampela samting we Papa long Heven i bin mekim long kirapim Sios bilong Em insait long dispela las de. Sapos ol nidim helpim, yu ken soim ol piksa bilong ol taim long Restoresen bilong Sios (lukim Gospel Art Buk, nos. 90–95).

• Bilong wanem pasin bilong prea long Papa long Heven em i impotent long Daniel? Ating yu na ol pikinini bilong yu i ken toktok long ol askim taim yu ridim Daniel 6 wantaim. Bihain yu ken tokim ol narapela bilong wanem prea i impotent long yu. Nogut bai ol pikinini bilong yu bai amamas long droim ol piksa bilong ol yet taim ol i beten long kainkain taim. Ol i ken yusim ol piksa ol i droim long tisim narapela olsem yumi ken beten long Papa long Heven maski wanem hap yumi stap o long samting yumi nidim.