හොෂෙයා 1–6; 10–14; යෝවෙල්

හොෂෙයාගේ භාර්යාව වූ ගොමෙර් ඔහුට ද්‍රෝහී වූ අතර, දෙවියන්වහන්සේ මෙම දුක්ඛිත සිදුවීම පෙන්වා දුන්නේ ඉශ්‍රායෙල් සෙනඟ ගැන සහ ඔවුන් උන්වහන්සේ සමඟ ඇති කරගත් ගිවිසුම් ගැන උන්වහන්සේට හැඟෙන ආකාරය ඉගැන්වීමටයි. ඔබ හොෂෙයා 1–3 කියවන විට, ස්වාමින්වහන්සේ තම ගිවිසුම් සෙනඟ සමඟ ඇති සබඳතාව දෙස බලන්නේ කෙසේදැයි මෙනෙහි කරන්න. ස්වාමින්වහන්සේ සමඟ ගිවිසුමක් කිරීම විවාහයකට ඇතුල් වීම හා සමාන වන්නේ කෙසේද? එම ගිවිසුම රැකීමට අපොහොසත් වීම සහකරු හෝ සහකාරියට ද්‍රෝහි වීම හා සමාන වන්නේ කෙසේද? (බලන්න හොෂෙයා 2:5–7, 13). ස්වාමින්වහන්සේගේ ප්‍රේමය සහ දයාව ගැන හොෂෙයා 2:14–23 තුළ ඔබට උගන්වන්නේ මොනවාද? ඔබ ඔබේ ආදරය සහ පක්ෂපාතිත්වය උන්වහන්සේට පෙන්වන්නේ කෙසේද?

හොෂෙයා 14 තුළ ස්වාමින්වහන්සේ උන්වහන්සේ වෙත ආපසු එන අයට දෙන බොහෝ ලස්සන පොරොන්දු සොයන්න. “කැමැත්තෙන්ම ඔවුන්ට ආදරේ වන්නෙමි” යන වාක්‍ය ඛණ්ඩයෙන් ඔබට අදහස් කරන්නේ කුමක්ද? (4 වෙනි පදය). පසුතැවිල්ලේ ආශිර්වාද ඇතුළුව ස්වාමින්වහන්සේගේ ආශිර්වාද ගැන 5–8 පදවල ඇති උපමා ඔබට උගන්වන්නේ මොනවාද? ඔබේ අධ්‍යයනයේ කොටසක් ලෙස, ගැලවුම්කරුවාණන්ගේ දයාව පිළිබඳ ගීතිකාවක් ගායනා කිරීම හෝ සවන් දීම සලකා බලන්න.

හොෂෙයාගේ කාලයේ සිටි මිනිසුන් සත්ව පූජා ඔප්පු කළ නමුත් ඔවුන් වඩා වැදගත් ආඥා කඩ කරමින් සිටියා. ඔබ සිතන ආකාරයට “මම පූජාවට නොව කරුණාවටත් දවන පූජාවලට වඩා දෙවියන්වහන්සේ ඇඳිනගැන්මටත් කැමැත්තෙමි” ලෙස ස්වාමින්වහන්සේ අදහස් කළේ කුමක්ද? (හොෂෙයා 6:6). ඔබ සිතන ආකාරයට ධර්මිෂ්ඨකම වලාකුළක් මෙන්ද හෝ පිනි වැනිද යන්නෙන් අදහස් කරන්නේ කුමක්ද? (බලන්න හොෂෙයා 6:4). අපගේ ධර්මිෂ්ඨකම කෙබඳු විය යුතුද? (බලන්න යෙසායා48:18; 1 නෙපී 2:9–10).

ගැලවුම්කරුවාණන් තම දේවසේවයේදී හොෂෙයා 6:6 භාවිතා කළ ආකාරය බැලීමට ඔබට මතෙව් 9:10–13; 12:1–8 කියවන්න පුළුවන්. හොෂෙයාගේ වචන තේරුම් ගැනීමට මෙම පද ඔබට උපකාර කරන්නේ කෙසේද?

යෝවෙල් 2:12–13 කියවන විට, කෙනෙකුගේ ඇඳුම් දෙපළු කිරීම හෝ ඉරා දැමීම වැලපීමේ හෝ පසුතැවිල්ලේ බාහිර ලකුණක් බව දැන ගැනීම උපකාරී වෙන්න පුළුවන්. අපගේ හදවත් දෙපළු කිරීම අපගේ ඇඳුම් දෙපළු කිරීමට වඩා වෙනස් වන්නේ කෙසේද?

අපේ දවස සහ යෝවෙල් කලින්ම දුටු දවස අතර ඔබ දකින සමානකම් මොනවාද? (විශේෂයෙන් බලන්න යෝවෙල් 2:1–2, 11, 18–32). 18–32 පදවල ස්වාමින්වහන්සේ පොරොන්දු වූ ආශිර්වාද ගැන ඔබේ සිතට වඩාත්ම දැනෙන්නේ කුමක්ද? අද දවසේදි මෙම ආශිර්වාද විශේෂයෙන් වටින්නේ ඇයි?

1823 දී ජෝසෆ් ස්මිත් බැලීමට ගිය විට යෝවෙල් 2 ගැන මොරෝනි පැවසූ දේ කියවීම රසවත් වෙන්න පුළුවන් (බලන්න ජෝසෆ් ස්මිත්—ඉතිහාසය 1:41). යෝවෙල් 2:28–32 තුළ සඳහන් අනාවැකි අපේ කාලයේ ඉටු වෙමින් පවතින බව ඔබට හැඟෙන්නේ කෙසේද? (තවත් බලන්න ක්‍රියා 2:1–21). ඔබ සිතන ආකාරයට, ස්වාමින්වහන්සේ “සියලු මනුෂ්‍යයන් කෙරෙහි [උන්වහන්සේගේ] ආත්මය වගුරුවීම” යන්නෙන් අදහස් කරන්නේ කුමක්ද? (යෝවෙල් 2:28).

සභාපති රසල් එම්. නෙල්සන්ගේ මෙම වචන ඔබට මෙනෙහි කළ හැකිය: “මතු පැමිණෙන කාලයේදී, ශුද්ධාත්මයාණන්ගේ මගපෙන්වීම, මෙහෙයවීම, සැනසිල්ල, සහ ශුද්ධාත්මයාණන්ගේ නිරන්තර බලපෑම් නැතිව ආත්මිකව බේරීමට අපට හැකිවන්නේ නෑ” (“සභාව සඳහා එළිදරව්, අපගේ ජීවිත සඳහා එළිදරව්,” ලියහෝනා, මැයි 2018, 96). ඔබේ අධ්‍යාත්මික පැවැත්මට එළිදරව් අත්‍යවශ්‍ය වන්නේ ඇයි?

ඔබට එම වැගිරීම නොලැබෙන බව ඔබට හැඟේ නම් ඔබට කුමක් කළ හැකිද? උදව් විය හැකි උදාහරණ කිහිපයක් මෙන්න. ස්වාමින්වහන්සේගේ ආත්මය වැගිරීමක් ලැබීමට මෙම ශුද්ධලියවිලිවල සිටින අය කළේ මොනවාද?

• මොසායා 4:1–3, 19–20; 18:7–11

• හිලමන් 6:34–36

• දහම සහ ගිවිසුම 19:37–41

ඔබ වැඩිහිටි ඩේවිඩ් ඒ. බෙඩ්නාර්ගේ මෙම වචන කියවන විට, ඔබගේ දෛනික ජීවිතය තුළ ශුද්ධාත්මයාණන්වහන්සේගේ වැගිරීමක් දැනීම යන්නෙන් ඔබ අදහස් කරන්නේ කුමක්දැයි මෙනෙහි කරන්න:

“අපි බොහෝ විට අපිටම පුද්ගලික එළිදරව් කිරීම් ලබා ගැනීම අපහසු කර ගෙන ඉන්නවා. එයින් මම අදහස් කරන්නේ ගිවිසුමේ පොරොන්දුව නම්, අපි අපගේ ගිවිසුම්වලට ගරු කරන විට, අපගේ නිරන්තර සහකරු වීමට ශුද්ධාත්මයාණන්වහන්සේ අපට සැමවිටම සිටිය හැකි බවයි. නමුත් අපි ඒ ගැන කතා කරන අතර අපි එය සලකන්නේ ස්වාමින්වහන්සේගේ ආත්මය තුළින් උන්වහන්සේගේ හඬ ඇසීම දුර්ලභ සිදුවීමක් ලෙසය. … [ආත්මයාණන්වහන්සේ] සෑම විටම අප සමඟ සිටිමට දිවුරා ඇත. සෑම නැනෝ තත්පරයක්ම නොවේ, නමුත් පුද්ගලයෙකු ඔහුගේ හෝ ඇයගේ උපරිමය කරන්නේ නම්—ඔබ පරිපූර්ණ විය යුතු නැත—නමුත් ඔබ සහ මම අපගේ උපරිමය කරන්නේ නම් සහ අප බරපතල වරදක් නොකරන්නේ නම්, එවිට ශුද්ධාත්මයාණන්වහන්සේ අපට මඟ පෙන්වනු ඇතැයි අපට විශ්වාස කළ හැකිය. …

“…ශුද්ධාත්මයාණන්වහන්සේ නාටකාකාර හා විශාල හා හදිසි බව අප විශ්වාස කරන බව පෙනේ, එය නිශ්චල හා කුඩා වන අතර කාලයත් සමඟ වැඩි වේ” (“Elder David A. Bednar Discussion” [evening with a General Authority, Feb. 7, 2020], broadcasts.ChurchofJesusChrist.org).

3:38

• හොෂෙයාගේ පොතේ, ස්වාමින්වහන්සේ තම සෙනඟ සමඟ ඇති ගිවිසුම් විවාහයකට සමාන කළා. මෙම සැසඳීමෙන් ඉගෙන ගැනීමට, ඔබට සහ ඔබේ දරුවන්ට මනාලිය හා මනාලයාගේ පින්තූරයක් දෙස බලා ස්වාමිපුරුෂයා සහ භාර්යාව එකිනෙකාට සැලකීමට ස්වර්ගීය පියාණන්ට අවශ්‍ය වන්නේ කෙසේද යන්න ගැන කතා කළ හැකියි. ස්වාමින්වහන්සේට අප ගැන හැඟෙන ආකාරය විස්තර කරන හොෂෙයා 2:19–20 තුළ ඇති වචන සොයා ගැනීමට ඔබේ දරුවන්ට උදව් කරන්න. අපි ස්වාමින්වහන්සේට ප්‍රේම කරන බවත් උන්වහන්සේට ඇදහිලිවන්තව සිටින බවත් අපට පෙන්විය හැක්කේ කෙසේද?

• හොෂෙයා 10:12 තුළ වැපිරීම, අස්වැන්න නෙලීම, කාලය සහ වර්ෂාව ස්වාමින්වහන්සේව සෙවීමට අපට ආරාධනා කිරීමට යොමු කරනවා. ඔබ මෙම පදය කියවන විට ඔබේ මනසට පැමිණෙන, උන්වහන්සේව සෙවීමට දරුවන්ට පොළඹවන නිර්මාණාත්මක අදහස් මොනවාද? උදාහරණයක් වශයෙන්, සමහර විට ඔබේ දරුවන්ට ඔරලෝසුවක් ඇඳ සහ දවස පුරා විවිධ වේලාවන්හි ස්වාමින්වහන්සේව සෙවිය හැකි ආකාරය ලියා තැබිය හැකියි.

• නැතහොත් ඔබේ දරුවන්ට මෙම පදය සමඟ යන බීජ සිටුවීමට, එළවලු කැඩීමට, හෝ වැස්සේ සිටගෙන සිටින ආකාරය රඟ දැක්වීම වැනි, සරල ක්‍රියා කරන්න පුළුවන්. ඔබේ දරුවන්ට බීජයක් සිටුවීම සහ හොඳ ආහාර නෙලා ගැනීම ධර්මිෂ්ඨ ලෙස ජීවත්වීම සහ ස්වාමින්වහන්සේගේ ආශිර්වාද ලැබීම සමඟ සංසන්දනය කිරීමට උපකාර කරන්න. ඉන්පසු ඔබ උන්වහන්සේව සෙවීමට උත්සාහ කළ විට ස්වාමින්වහන්සේ ඔබ මත වැස්සවූ ආශිර්වාද ගැන එකිනෙකාට පවසන්න ඔබට පුළුවන්.

• හොෂෙයා 13:4 තුළ සඳහන් සත්‍යය අවධාරණය කිරීමට යේසුස් ක්‍රිස්තුස්වහන්සේ හැර වෙනත් ගැලවුම්කරුවෙකු නැත, ඔබට යේසුස්වහන්සේ ඇතුළු කිහිප දෙනෙකුගේ පින්තූර ඔබේ දරුවන්ට පෙන්විය හැකියි. පාපයෙන් හා මරණයෙන් අපව ගලවා ගැනීමට බලය ඇති පුද්ගලයා වෙත ඇඟිල්ල දිගු කරමින් මාරුවෙන් මාරුවට ඔබේ දරුවන්ට එය පෙන්විය හැකියි. යේසුස් ක්‍රිස්තුස්වහන්සේ සහ උන්වහන්සේගේ වන්දිගෙවීම පිළිබඳ ඔබගේ සාක්ෂිය බෙදාගන්න.

• හොෂෙයා 13:4, 14 තුළ යේසුස් ක්‍රිස්තුස්වහන්සේව විස්තර කරන වචන ඔබේ දරුවන්ට සෙවිය හැකියි. මෙම වචන උන්වහන්සේ ගැන අපට උගන්වන්නේ කුමක්ද? යේසුස් ක්‍රිස්තුස්වහන්සේ ගැන ඔබට හැඟෙන ආකාරය එකිනෙකා සමඟ බෙදාගන්න.

• සමහර විට ඔබට දියරයක් වත් කර එය බිංදුවක් හෝ කාන්දු වීමක් සමඟ සංසන්දනය කිරීමෙන් යෝවෙල් 2:28–29 තේරුම් ගැනීමට ඔබේ දරුවන්ට උපකාර කළ හැකියි. ආත්මයාණන්වහන්සේ අප මතට “වැගිරීම” යන්නෙන් අදහස් කළ හැක්කේ කුමක්ද?

• ඔබ එකට එක්ව යෝවෙල් 2:28–29 කියවන විට, “නුඹලාගේ පුත්‍රයෝද” සහ “නුඹලාගේ දූවරුද” යන වාක්‍ය ඛණ්ඩ වෙනුවට එකිනෙකාගේ නම් ඇතුළත් කිරීමට ඔබේ දරුවන්ට ආරාධනා කරන්න. ආත්මයාණන්වහන්සේට ඔවුන්ට උපකාර කළ හැකි ආකාරය සොයා ගැනීමට යොහන් 14:16; මොරෝනි 10:5; දහම සහ ගිවිසුම් 42:17 වැනි ශුද්ධලියවිලි පද සෙවීමට ඔවුන්ට උපකාර කරන්න.