එසකියෙල් 1–3; 33–34; 36–37; 47

එසකියෙල් 3 සහ 34 තුළ, ස්වාමින්වහන්සේ තම සෙනඟගේ නායකයන්ව, මුරකරුවන් සහ එඬේරුන් ලෙස හඳුන්වනවා. ඔබ මෙම පරිච්ඡේද කියවන විට, නායකයෙකු වීම යන්නෙන් අදහස් කරන්නේ කුමක්ද යන්න පිළිබඳව මෙම මාතෘකා යෝජනා කරන්නේ කුමක්ද කියා සලකා බලන්න.

ඔබ පෝෂණය කරනවාට ස්වාමින්වහන්සේට අවශ්‍ය “බැටළුවන්” කවුද? එසකියෙල් 34 තුළ ඔබ සොයා ගන්නා, ධර්මදූත මෙහෙවරකට සේවය කිරීමට සූදානම් වීමට, දරුවන් ඇති දැඩි කිරීමට හෝ දේවසේවයේ පැවරුමක් ඉටු කිරීමට යමෙකුට උපකාර කළ හැකි දේවල් මොනවාද? අපගේ එඬේරාණන් ලෙස ඔබට ගැලවුම්කරුවාණන්ගේ ආදර්ශය අනුගමනය කළ හැක්කේ කෙසේද? (බලන්න 11–31 පද).

මෙම පරිච්ඡේදයේ ඔබ සොයා ගන්නා සංකේතවාදය ගැනද ඔබට සිතා බලන්න පුළුවන්. 14 වෙනි පදයේ “හොඳ තෘණබිම්” සහ “හොඳ රැල” නියෝජනය කරන්නේ කුමක්ද විය හැකිද? “නැතිවූ” බැටළුවෙකු සහ “පන්නාදමනු ලැබූ” බැටළුවෙකු අතර වෙනස කුමක්ද? (16 වෙනි පදය). ඔබ සොයා ගන්නා වෙනත් සංකේත මොනවාද?

තවත් බලන්න යොහන් 21:15–17; ජෙරිට් ඩබ්. ගොන්ග්, “දේවසේවය,” ලියහෝනා, මැයි 2023, 16–19.

“අපේ පාපද අප කෙරෙහි තිබෙද්දී, අප ජීවත්වන්නේ කොහොමදැයි” කියා වහල්භාවයේ සිටි ඉශ්‍රායෙල් සෙනඟ කල්පනා කළා. (එසකියෙල් 33:10). ඊට ප්‍රතිචාර වශයෙන්, පසුතැවිලි වීම සහ සමාව දීම ගැන ස්වාමින්වහන්සේ ඔවුන්ට ඉගැන්වූවා. උන්වහන්සේ ඉගැන්වූ දේ ගැන මෙනෙහි කිරීමට මෙම ප්‍රශ්න ඔබට උපකාරී වෙන්න පුළුවන්.

• ඔබ සිතන ආකාරයට “[ඔබේ] ධර්මිෂ්ඨකම කෙරෙහි විශ්වාසය තැබීම” යන්නෙන් අදහස් කරන්නේ කුමක්ද?(බලන්න එසකියෙල් 33:12–13).

• එසකියෙල් 33:12–19 තුළ විස්තර කර ඇති මිනිසුන්ට සාධාරණ ලෙස සලකනු ලැබෙන්නේ නැති බවක් හැඟෙන කෙනෙකුට ඔබ පවසන්නේ කුමක්ද? (තවත් බලන්න මතෙව් 21:28–31; ලූක් 18:9–14).

• ඔබ මෙම පදවල සොයාගන්නා, පසුතැවිලි වීම යන්නෙන් අදහස් කරන්නේ කුමක්ද කියා තේරුම් ගැනීමට ඔබට උපකාරී දේවල් මොනවාද? එසකියෙල් 36:26–27 සහ ඇල්මා 7:14–16 තුළ ඔබ සොයා ගන්නා අමතර අදහස් මොනවාද?

ඉශ්‍රායෙලයේ එක්රැස් කිරීම සංකේත දෙකක් හරහා එසකියෙල් 37 තුළ නිරූපණය කරනවා. මිය ගිය ඇටකටු නැවත පණ ගැන්වීම (බලන්න 1–14 පද)—යන පළමුවැන්න ගැන ඔබ කියවන විට ඉශ්‍රායලය තිරය දෙපස එක්රැස් කිරීම ගැන එයින් ඔබට යෝජනා කරන්නේ කුමක්දැයි මෙනෙහි කරන්න (තවත් බලන්න එසකියෙල් 36:24–30). මෙවැනි ප්‍රශ්න සලකා බලන්න:

• ඉශ්‍රායෙල් සෙනඟ එක්රැස් කිරීම තුළින් ස්වාමින්වහන්සේ ඉටු කිරීමට උත්සාහ කරන්නේ කුමක්ද?

• උන්වහන්සේ එයින් සාක්ෂාත් කරගන්නේ කුමක්ද?

15–28 පදවල දෙවන සංකේතය ගැන කියවන විට ඔබට මෙම ප්‍රශ්නයම ඔබෙන්ම අසන්න පුළුවන්. මෙම සංකේතයට ලී දෙකක් ඇතුළත් වන අතර, බොහෝ විද්වතුන් එය සරනේරුවකින් සම්බන්ධ කරන ලද ලීයෙන් නිමවූ ලියන පුවරු ලෙස අර්ථකථනය කරනවා. යුදාගේ ලීය බයිබලය නියෝජනය කළ හැකිය (බයිබලයේ වැඩි කොටසක් ලියා ඇත්තේ යුදාගෙන් පැවත එන්නන් විසින්), සහ යෝසෙප්ගේ ලීය මෝර්මොන්ගේ පොත නියෝජනය කළ හැකිය (ලෙහිගේ පවුල ඊජිප්තුවේ යෝසප්ගෙන් පැවත එන්නන් වූ නිසා). එය මනසේ තබාගෙන, ඉශ්‍රායෙල් සෙනඟ එක්රැස් කිරීමේදී ශුද්ධලියවිලිවල කාර්යභාරය පිළිබඳව මෙම පද ඔබට උගන්වන්නේ කුමක්ද?

බයිබලය සහ මෝර්මොන්ගේ පොත එකට එක්ව ඔබේ ජීවිතය තුළ ක්‍රියා කර ඇති ආකාරය ගැන සිතන්න—විශේෂයෙන්ම, ක්‍රිස්තුස්වහන්සේ වෙතට පැමිණීමට ඔබට උපකාර කිරීමට. ඔබට විශේෂයෙන්ම අර්ථවත් වූ ඡේද මොනවාද?

තවත් බලන්න 2 නෙපී 3:11–13; 29:14;

1:31

ඔබ එසකියෙල් 47:1–12 කියවන විට, මළ මුහුද මාළු සහ ශාකවලට ජීවත් විය නොහැකි තරම් ලුණු සහිත බව දැන ගැනීමට උපකාරී වෙන්න පුළුවන්. 1–12 පදවල විස්තර කර ඇති ජලය ගැන ඔබේ සිත් ඇඳගත්තේ කුමක්ද? (තවත් බලන්න එළිදරව්ව 22:1). මෙම ජලය සංකේතවත් කරන්නෙ කුමක් විය හැකිද? 12 වෙනි පදයේ විස්තර කර ඇති ගස් නියෝජනය කරන්නෙ කුමක් විය හැකිද?

වැඩිහිටි ඩේල් ජී. රෙන්ලන්ඩ්ගේ “පවුල් ඉතිහාසය හා දේවමාළිගා කාර්ය : මුද්‍රා තැබීම හා සුව කිරීම” යන පණිවිඩය ඔබේ අවබෝධයට එක් කරන්නේ මොනවාද? (බලන්න ලියහෝනා, මැයි 2018, 47–48). දේවමාළිගාව නිසා ඔබට අධ්‍යාත්මික ජීවිතය සහ සුවය ලැබුණේ කෙසේදැයි මෙනෙහි කරන්න.

• කුඩා දරුවන්ට එසකියෙල් 3:17 සමඟ ගැලපෙන ක්‍රියාවන් කිරීමෙන් සතුටක් ලැබිය හැකියි. උදාහරණ වශයෙන්, ඔබ “මුරකරු,”, “අහන්න,” සහ “මුඛය,” යන වචන කියවන විට ඔවුන්ට ඔවුන්ගේ ඇස්, කන් සහ මුඛය පෙන්විය හැකියි. එළිමහනේ හෝ කාමරය වටා—ඔවුන් කඳු නැගීමකටද කැමති විය හැකියි. ඔවුන් ඇවිදින විට, උඩින් පනින ගංගාවන් මංපෙත්වල, අතු යට තාරාවා හෝ මඟ හැරිය යුතු සතුන් (සැබෑ හෝ මවාපාන) වැනි මඟ දිගේ ඇති දේවල් ගැන ඔවුන්ට අනතුරු අඟවන්න. මෙය අපට නොපෙනෙන අන්තරායන් ගැන ස්වාමින්වහන්සේගේ අනාගතවක්තෘවරයා අපට අනතුරු අඟවන්නේ කෙසේද යන්න පිළිබඳ සංවාදයකට තුඩු දිය හැකියි.

• එසකියෙල් 3:17; 33:1–5. නිදර්ශනය කිරීමට තවත් ක්‍රමයක් මෙන්න. ඔබේ ළමයෙකුට “මුරකරුවෙකු” ලෙස අඟවමින් ජනේලයකින් පිටත බලා පිටත සිදුවන දේ අන් අයට පැවසිය හැකියි. අපගේ ජීවමාන අනාගතවක්තෘවරයා අපට මුරකරුවෙකු මෙන් වන්නේ කෙසේද?

  

  4:17

• එකට එක්ව එසකියෙල් 37:15–23 කියවීමෙන් පසු, ඔබට සහ ඔබේ දරුවන්ට ලී කුරූ දෙකක් සොයාගෙන එකක යුදා සඳහා (බයිබලය) සහ අනෙක ජෝසෆ් සඳහා (මෝර්මොන්ගේ පොත) ලෙස ලියන්න පුළුවන්. ඉන්පසු ඔබට ගැලවුම්කරුවාණන්ට සමීප වීමට සහ “[උන්වහන්සේගේ] සෙනඟ”(23 වෙනි පදය) වීමට උපකාර වන බයිබලයෙන් සහ මෝර්මොන්ගේ පොතෙන් කථා හෝ ශුද්ධලියවිලි පද බෙදා ගන්න පුළුවන්. මේ ශුද්ධලියවිලි පොත් දෙකම තිබීම හොඳ වෙන්නේ ඇයි?

• එසකියෙල් 47 තුළ දේවමාළිගාවෙන් ගලා එන ජලය සහ මළ මුහුද සුව කිරීම පිළිබඳ එසකියෙල්ගේ දර්ශනය —මසුන්ට සහ ශාකවලට ජීවත් විය නොහැකි තරම් ලුණු සහිත මුහුදක් ගැන විස්තර කරනවා. ඔබේ දරුවන්ට එම දර්ශනයෙන් දේවමාළිගාවක්, ගංගාවක්, කාන්තාරයක්, මළ මුහුදක්, මසුන් රාශියක් හෝ ඵල දරන ගසක් වැනි දේවල් එකක් හෝ දෙකක් අඳින්න පුළුවන්. ඉන්පසුව, ඔබ එකට එක්ව 1–12 පද කියවන විට, එම දේවල් සඳහන් වන අතරතුර ඔවුන්ට ඔවුන්ගේ චිත්‍රය බෙදා ගන්න පුළුවන්. මෙම දර්ශනයේ ගඟෙන් ලැබුණු ආශිර්වාද මොනවාද? මෙම ආශිර්වාද දේවමාළිගාවේ ගිවිසුම් රකින අයට ගැලවුම්කරුවාණන් ලබා දෙන ආශිර්වාද හා සමාන වන්නේ කෙසේදැයි බැලීමට දරුවන්ට උපකාර කරන්න.

  

  3:43

• දේවමාළිගාවේ ආශිර්වාද විස්තර කරන ගීතයක් ඔබට එකට එක්ව ගායනා කළ හැකියි. ස්වමින්වහන්සේ උන්වහන්සේගේ ශුද්ධ වූ ගෘහය තුළ අපට ආශිර්වාද කරන ආකාරය ගැන ඒ ගීතය උගන්වන්නේ කුමක්ද?