Daniele 1–7

Ka tsela nngwe, rotlhe re tshela mo Babilone. Re kopana gantsi le dithaelo go tlhanogela ditekanyetso tsa rona le go ikgatholosa tumelo ya rona mo go Keresete. Jaaka o bala Daniele 1, 3, le 6, tshwaela ditsela tse ka fa Daniela, Shateraka, Mešake, le Abetenego ba neng ba le mo kgatelelong go dira dilo tse di sa siamang. Ba ne ba tsibogela jang diemo tse? (bona Daniel 1:10–13; 3:15–18; 6:10). Maduo a tumelo tsa bone e ne e le eng? O ithuta eng mo maitemogelong a se se ka go thusang go ikanya mo Modimo fa o kopana le kganetso? Le gone akanyetsa dipotso tse di latelang:

• O ikutlwile leng o gateletswe go dira sengwe se o itseng gore ga se a siama? Morena o go segofaditse jang gore o tshegeditse ditaelo tsa Gagwe?

• Fa jaanong tumelo ya gago e ka seke ya gogela kwa dikgakgamatsong tse o di batlang? (Ka sekai, bona Alema 14:8–13). O beeleditse ka se o se badileng mo Daniele 3:13–18, o akanya gore Shateraka, Mešake, le Abetenego ba ka bo ba arabile dipotso tse jang? Ke ka jang dikai tsa bone di ka ama ka fa o lebang diteko tsa gago?

• Ke ka jang maikgethelo a a boitshepo a gago a ka gogelang ba bangwe kwa tumelong e kgolo mo Moreneng? (bona Daniele 2:47; 3:28–29). Tlhatlhanya ka fa maikgethelo a gago a ka amang ba bangwe ka teng.

Bona le gone Dieter F. Uchtdorf, “Be Not Afraid, Only Believe,” Liahona, Nov. 2015, 76–79.

Ka tshenolo, Daniele o ne a bona gore toro ya ga Nebukatenesare e ne e bolela pele ka ga magosi a selefatshe a isago, go akaretsa le magosi a Modimo a isago, a “a sekang a senngwa” (Daniele 2:44). “Kereke ke bogosi jwa malatsi a bofelo jo bo perofetilweng,” Mogolwane D. Todd Christofferson o rutile, “e sa bopiwa ke motho mme e tlhamilwe ke Modimo wa legodimo e bile e kgokologela pele jaaka lejwe ‘le kgolwa mo thabeng go sa dirisiwe diatla’ go tlatsa lefatshe” (“Why the Church,” Liahona, Nov. 2015, 111). Akanya ka bogosi jwa malatsi a bofelo jwa Modimo jaaka o bala ditlhaloso tsa lejwe mo Daniele 2:34–35, 44–45. Karolo ya gago ke eng mo go thuseng perofeso e go diragala?

Le gone bona “Hark, All Ye Nations!,” Hymns, no. 264; “God Gave Them Knowledge” (setshwantsho sa motshikinyego), ChurchofJesusChrist.org.

13:49

Jaaka o sekaseka Daniele 2:1–15, akanyetsa ka fa o ka ikutlwang ka teng fa o ka iphitlhela ka sebele o le mo maemong a ga Daniele. Daniele o dirile eng? (bona Daniele 2:16–18). O ka ithuta eng go tswa mo Daniele 1:17 mabapi le ka fa Modimo a baakantseng Daniele ka teng? O ka ithuta end mo mafokong le ditiro tsa ga Daniele morago ga go amogela thuso ya Morena? (bona Daniele 2:19–30).

Ka nako ya tirelo ya ga Mmoloki mo lefatsheng, Bajuta ka bontsi ba ne ba tsaya setlhogo “Morwa Motho” go tswa Daniele 7:13 go umaka go tleng gwa Mesia. O ithuta eng ka ga Mesia go tswa Daniele 7:13–14? (bona le gone Moše 6:57).

Mmoloki gantsi o ne a ikaya ka sebele jaaka “Morwa Motho.” Akanyetsa go sekaseka dikai dingwe: Mathaio 25:31; Mareko 9:31; 10:45. O ruta eng ka ga Gagwe mo ditemaneng tse? Mo Mareko 14:61–64, Jeso o dirisitse setlhogo se mo letsatsing la bofelo la botshelo jwa go swa jwa Gagwe. Tshwaela tsibogo ya batho ba ba utlwileng pego ya Gagwe. Ke ka jang perofeso ya ga Daniele ka ga Morwa Motho e ama maikutlo a gago ka ga se se Mo diragaletseng mo Mareko 15?

Fela jaaka Jeso a ne a ilelwa go bega gore E ne ele “Morwa motho,” le wena o ka nna wa lebagana le kgokgontsho ka go bega boammaruri. Tshwantshanya perofeso mo Daniele 7:13–14 le ditsholofetso mo Dithuto le Dikgolagano 121:29, 46.

Le gone bona Dithuto le Dikgolagano 49:6; Guide to the Scriptures, “Son of Man,” Motlobo wa Efangele.

• Go thusa bana ba gago go ithuta mo dipolelong tse di tlhotlheletsang tse di mo bukeng ya ga Daniele, o ka nna wa batla ditshwantsho tsa ditiragalo tse di mo Daniele 1, 3, le 6 (bona tsebe ya ditiragatso ya beke e kgotsa Gospel Art Book, nos. 23, 25, 26). Gone o ka nna wa baya ditshwantsho di ribame mme wa laletsa ngwana go ribolola e le nngwe le go bua ka polelo e e e kayang. (Ka thuso, bona “Daniel and His Friends,” “Shadrach, Meshach, and Abed-nego,” le “Daniel and the Lions’ Den” mo Old Testament Stories, 154–56, 160–62, 163–65.)

  

  1:39

  

  1:39

  

  1:45

• Thusa bana ba gago go akanya ka seemo se ba nnang mo kgatelelong go dira tshwetso e e seng yone, jaaka Daniele le ditsala tsa gagwe mo Daniele 1, 3, le 6. Abelanang ka fa lo segofaditsweng ka teng ke go dira ditshwetso tse di siameng le fa go ne go le thata. Le gone lo ka opela mmogo pina e e amang le setlhogo se, jaaka “Choose the Right” (Hymns, no. 239).

• Go bala polelo ka ga Daniele le ditsala tsa gagwe ba gana go ja nama le mofine tsa kgosi go ka tlhotlheletsa puisanyo ka ga molao wa botsogo o Rara wa Legodimo a re o fileng gompieno (bona Dithuto le Dikgolagano 89). Gonwe lo ka batla ditshegofatso tse Daniele le ditsala tsa gagwe ba di amogetseng mme lwa di tshwantshanya le ditshegofatso tse di solofeditsweng mo Lefokong la Tlhalefo (bona Daniele 1:15–17 le Dithuto le Dikgolagano 89:18–21).

• Jaaka o bala Daniele 2:31–35, 44–45 le bana ba gago, o ka ba laletse go tshwantsha toro ya ga Nebukatenesare. Ba thuse go tlhaloganya gore lejwe le le mo torong e le kaya Kereke ya ga Jeso Keresete ya Baitshepi ba Malatsi a Bofelo. Ke eng se re se ithutang ka ga Kereke go tswa mo torong e? Bana ba gago ba ka fa maina a dilo dingwe tse Rara wa Legodimo a di dirileng go tlhama Kereke ya Gagwe mo malatsing a bofelo. Fa ba ka tlhoka thuso, o ka supa ditshwantsho tsa ditiragalo tsa Tsosoloso ya Kereke (bona Gospel Art Book, Nos. 90­–95).

• Ke eng go rapela Rara wa Legodimo go ne go le botlhokwa thata mo go Daniele? Gongwe wena le bana ba gago lo ka bua ka potso e jaaka lo bala Daniele 6 mmogo. Mme lo ka bolelelana gore ke eng go rapela go le botlhokwa mo go lona. Bana ba gago ba ka nna ba itumelela go tshwantsha ditshwantsho tsa ba rapela mo diemong tse di farologanyeng. O ka nna wa dirisa ditshwantsho tsa bone go rutana gore re ka rapela Rara wa Legodimo go sa kgathalesege gore re kae kgotsa re tlhoka eng.