Danyèl 1–7

Nan yon sans, nou tout ap viv nan Babilòn. Nou souvan fè fas ak tantasyon pou fè konpwomi sou prensip nou yo epi vire do bay lafwa nan Kris la. Pandan w ap li Danyèl1, 3, ak 6, note fason Danyèl, Chadrach, Michak, ak Abed-nego t ap sibi presyon pou yo te fè bagay yo te konnen ki pa t bon. Kijan yo te reyaji devan sitiyasyon sa yo? (gade Danyèl 1:10–13; 3:15–18; 6:10). Ki rezilta lafwa yo a te pote? Kisa w aprann apati eksperyans sa yo ki ka ede w fè Senyè a konfyans lè w ap fè fas ak opozisyon? Konsidere kesyon sa yo tou:

• Kilè w konn santi w anba presyon pou w fè yon bagay ou te konnen ki mal? Kijan Senyè a te beni ou paske w kenbe kòmandman Li yo?

• Men e si lafwa w pa mennen nan mirak w ap chèche yo? (pa egzanp, gade Alma 14:8–13). Baze sou sa w li nan Danyèl 3:13–18 yo, kijan w panse Chadrach, Michak, ak Abed-nego t ap reponn kesyon sa a? Kijan egzanp yo a ka afekte fason ou apwoche eprèv yo?

• Kijan chwa jis ou yo ka mennen lòt moun nan pi gwo lafwa nan Senyè a? (gade Danyèl 2:47; 3:28–29). Medite sou efè ke chwa nou yo ka genyen sou lòt moun.

Gade tou Dieter F. Uchtdorf, “Ou Pa Bezwen Pè, Sèlman Kwè,” Liahona, Nov. 2015, 76–79.

Atravè revelasyon, Danyèl te wè ke rèv Nebuchadneza a te predi wayòm mond lan ki t ap vini yo, ansanm ak fiti wayòm Bondye a ki t ap vini an, ki “pa p janm detwi a” (Danyèl 2:44). Èldè D. Todd Christofferson te anseye, “Legliz la se wayòm dènye jou a ke yo te pwofetize a, “ki pa kreye pa lòm, men ki etabli pa Bondye nan syèl la, e l ap woule desann tankou yon wòch ‘ki detache soti nan mòn nan san okenn men pa voye l’ pou ranpli tè a (“Rezondèt Legliz la,” Liahona, Nov. 2015, 111). Panse sou wayòm Bondye a nan dènye jou yo pandan w ap li deskripsyon sou wòch la nan Danyèl 2:34–35, 44–45 yo Ki wòl ou jwe nan ede pwofesi sa a akonpli?

Gade tou “Peuples du Monde, Ecoutez Donc!,” Cantiques, no. 170; “Bondye Te Ba Yo Konesans” (videyo), ChurchofJesusChrist.org.

13:49

Pandan w ap repase Danyèl 2:1–15, konsidere kijan ou t ap santi w si w te twouve w nan pozisyon Danyèl la. Kisa Danyèl te fè? (gade Dànyèl 2:16–18). Kisa ou aprann nan Danyèl 1:17 konsènan fason Bondye te prepare Danyèl? Kisa ou ka aprann nan pawòl ak aksyon Danyèl yo apre l te fin resevwa èd Senyè a? (gade Danyèl 2:20–30).

Pandan ministè tèrès Sovè a, anpil Juif te konsidere tit “Pitit Lòm” nan ki nan Danyèl 7:13 la pou fè referans ak Mesi ki t ap vini an. Kisa w aprann konsènan Mesi a nan Dànyèl 7:13–14? (gade tou Moyiz 6:57).

Sovè a te souvan fè referans a tèt li kòm “Pitit Lòm nan.” Konsidere revize kèk egzanp: Matye 25:31; Mak 9:31; 10:45. Kisa L ap anseye konsènan Limenm nan vèsè sa yo? Nan Mak 14:61–64, Jezi te itilize tit sa a nan dènye jou lavi mòtèl Li. Remake reyaksyon moun ki te tande deklarasyon Li a. Kjan pwofesi Danyèl la konsènan Pitit lòm nan te afekte santiman w konsènan sa k te rive Li nan Mak 15 la?

Menm jan yo te rayi Jezi poutèt deklarasyon ke Li sete “Pitit Lòm nan,” ou gendwa fè fas a pèsekisyon tou paske w ap deklare laverite. Konpare pwofesi ki nan Danèl 7:13–14 la avèk pwomès ki nan Doktrin ak Alyans 121:29, 46 yo.

Gade tou Doktrin ak Alyans 49:6; Gid Ekriti yo: “Pitit Lòm nan”, Bibliyotèk Levanjil la.

• Pou ede pitit ou yo aprann nan istwa enspire yo ki nan liv Danyèl la, ou ta ka chèche foto sou evenman ki nan Danyèl 1, 3, yo ak 6 (gade paj aktivite semèn sa a oswa Liv Ilistrasyon Levanjil la, 23, 25, 26). Apresa ou ta ka mete foto yo fas anba epi envite yon timoun pou vire youn epi pale konsènan istwa a li reprezante a. (Pou èd, gade “Danyèl ak Zanmi Li yo,” “Chadrak, Michak, ak Abèd-Nego,” epi “Danyèl nan Kav Lyon yo” nan Istwa Ansyen Testaman yo, 154–56, 160–62, 163–65.)

  

  1:39

  

  1:39

  

  1:45

• Ede timoun ou yo panse a sitiyasyon kote yo gendwa sibi presyon pou yo fè yon move chwa, tankou Danyèl ak zanmi l yo te jwenn nan Danyèl 1, 3 ak 6 yo. Pataje youn ak lòt kijan nou te beni paske nou te fè bon chwa a menm lè li te difisil. Chante ansanm yon chan ki an rapò avèk sijè sa a, tankou “Bien choisir” Cantiques, no.154).

• Lekti istwa sou Danyèl ak zanmi l yo ki ap refize vyann ak diven wa a ka enspire yon konvèsasyon sou lwa sante Papa nou ki nan Syèl la ba nou jodi a (gade Doktrin ak Alyans 89). Petèt ou ta ka chèche jwenn benediksyon Danyèl ak zanmi l yo te resevwa yo epi konpare yo avèk benediksyon yo te pwomèt nan Pawòl Sajès la (gade Danyèl 1:15–17 ak Doktrin ak Alyans 89:18–21).

• Pandan w ap li Danyèl 2:31–35, 44–45 avèk timoun ou yo, ou ka envite yo pou yo desinen yon foto sou rèv Nebuchadnezzar la. Ede yo konprann ke wòch nan rèv la reprezante Legliz Jezikri pou Sen Dènye Jou yo. Kisa nou aprann konsènan Legliz la nan rèv sa a? Tmoun ou yo ta ka site kèk bagay Pè Selès la te fè pou etabli Legliz Li a nan dènye jou yo. Si yo bezwen èd, ou ta ka montre yo foto sou evenman nan Retablisman Legliz la (gade Liv Ilistrasyon Levanjil la, nos. 90–95).

• Poukisa priye Papa nou ki nan Syèl la te tèlman enpòtan pou Danyèl? Petèt ou menm ak timoun ou yo te ka pale konsènan kesyon sa a pandan n ap li Danyèl 6 ansanm. Apresa nou ta ka di youn ak lòt poukisa lapriyè enpòtan pou ou. Timoun ou yo ka pran plezi nan desinen foto tèt yo k ap priye nan diferan sitiyasyon. Yo te kapab itilize desen yo pou anseye youn lòt ke nou ka priye Papa nou ki nan Syèl la kèlkeswa kote nou ye oswa sa nou bezwen.