Ezekiyeli 1–3; 33–34; 36–37;47

Muri Ezekiyeli 3 na 34, Nyagasani avuga abayobozi b’abantu Be nk’abarinzi n’abungeri. Uko musoma ibi bice, mutekereze ibyo iyi mitwe itangaho igitekerezo ku byerekeranye n’icyo bisobanuye kuba umuyobozi.

Mbese “intama ” Nyagasani ashaka kuragira ni ba nde? Mbese ni iki mubona muri Ezekiyeli 34 cyashobora gufasha umuntu kwitegura kujya mu ivugabutumwa, kurera abana, cyangwa kuzuza inshingano yo kwitanaho? Mbese ni gute mushobora gukurikiza urugero rw’Umukiza nk’Umwungeri wacu? (reba verses 11–31).

Mushobora kandi gutekereza byimbitse k’ugukoreshwa kw’ibimenyetso musanga muri iki gice. Mbese ni iki ” urwuri rwiza“ n’” ikiraro cyiza” birashushanya iki umurongo wa 14? Mbese ni irihe tandukaniro rir hagati y’intama ” zazimiye” n’” izirukanywe” ? (umurongo wa 16). Mbese ni ibihe bimenyetso bindi musanzemo?

Reba kandi Yohana 21:15–17; Gerrit W. Gong, “Ministering,” Liyahona, Gicurasi 2023, 16–19.

“Niba … ibicumuro byacu n’ibyaha byacu ari twebwe biriho,” Abisirayeli baribajije bati: ” None se twabasha dute kubaho?” (Ezekiyeli 33:10). Mu gisubizo cye, Nyagasani yabigishije iby’ukwihana n’imbabazi. Ibi bibazo bishobora kubafasha gutekereza byimbitse ibyo yigishije:

• Mbese ni iki mutekereza ko “kwiringira ubukiranutsi [bwanyu] bwite bisobanura iki? (reba Ezekiyeli 33:12–13).

• Mbese ni iki mwabwira umuntu wiyumvira ko abantu bavuzwe muri Ezekiyeli 33:12–19 batarimo gufatwa mu buryo bukwiriye? (reba kandi Matayo 21:28–31; Luka 18:9–14).

• Mbese ni iki musanga muri iyi mirongo kibafasha gusobanukirwa icyo kwihana bisobanura? Mbese ni ibihe bitekerezo by’inyongera musanga muri Ezekiyeli 36:26–27 na Aluma 7:14–16?

Ikoranywa rya Isirayeli rishushanywa muri Ezekiyeli 37 binyujijwe mu bimenyetso bibiri. Uko musoma icya mbere—amagufa y’abapfuye agarurwa mu buzima (reba imirongo 1–14)—nimutekereze byimbitse icyo kibabwira ku gukoranya Isirayeli ku mpande ebyiri n’umwenda ukingiriza (reba kandi Ezekiyeli 36:24–30). Mutekereze ibibazo nk’ibi:

• Mbese ni iki Nyagasani arimo kugerageza gusohoza binyuze mu gukoranywa kwa Isirayeli.?

• None se ni gute arimo kubisohoza?

Mushobora kwibaza ubwanyu ibi bibazo uko musoma ikimenyetso cya kabiri, mu mirongo 15–28. Iki kimenyetso gikoresha inkoni ebyiri, abanyeshuri benshi basobanura nk’ibibaho byo kwandikaho by’ibiti bihujwe n’ipata. Inkoni ya Yuda ishobora gushushanya Bibiliya (kuva igice kinini cya Bibiliya cyaranditswe n’abakomoka ku Bayuda), naho inkoni ya Yozefu ishobora gushushanya Igitabo cya Morumoni (kuva umuryango wa Lehi wari ugizwe n’abakomoka kuri Yozefu wo muri Egiputa). Mufite ibyo mu gitekerezo, mbese ni iki iyi mirongo ibigisha byerekeranye n’uruhare rw’ibyanditswe bitagatifu mu gukoranywa kwa Isirayeli?

Mutekereze uko Bibiliya n’Igitabo cya Morumoni byakoranye mu buzima bwawe—by’umwihariko, kugufasha kwegera Kristo. Mbese ni iyihe mirongo yagize cyo ibasobanurira bidasanzwe?

reba kandi 2 Nefi 3:11–13; 29:14; “Israel, Israel, God Is Calling,” Indirimbo, no. 7; Topics and Questions, “Bibiliya,” “Igitabo cya Morumoni,” Isomero ry’Inkuru Nziza; “The Book of Mormon Gathers Scattered Israel” (videwo), Isomero ry’Inkuru Nziza.

1:31

Uko musoma Ezekiyeli 47:1–12, birashoboka kumenya ko Inyanja y’Umunyu irimo umunyu mwinshi cyane ku buryo ifi n’ibimera bidashobora kuyibamo. Mbese ni iki kibatangaje kuri ayo mazi yavuzwe mu mirongo 1–12? (reba kandi Ibyahishuwe 22:1). Mbese ayo mazi yaba ashushanya iki? Mbese ni iki ibiti byavuzwe mu murongo wa 2 bishushanya?

Mbese ni iki ubutumwa bw’Umukuru Dale G. Renlund “Family History and Temple Work: Sealing and Healing” bwongera ku myumvire yanyu? (reba Liyahona, Gicurasi 2018, 47–48). Mutekereze byimbitse uko mwabonye ubuzima bwa roho n’ugukizwa kubera ingoro.

• Abana batoya bashobora kunezezwa no gukora ibikorwa bijyanye na Ezekiyeli 3:17. Nk’urugero bashobora gutunga urutoki ku maso yabo, amatwi, n’umunwa mu gihe musomye amagambo ”umurinzi,” ”kumva,” n’”umunwa.” Bashobora kandi kwigira nk’aho burira imisozi—hanze cyangwa gusa aho mu cyumba. Uko bagendagenda, mubaburire ku bintu biri mu nira, nk’imigezi yo gusimbuka, amashami baca munsi yayo, cyangwa inyamaswa zo kwirinda (by’ukuri cg bahimba). Ibi bishobora kuganisha ku kiganiro cyerekeranye n’uko umuhanuzi wa Nyagasani atuburira akaga tudashobora kubona.

• Hano hari ubundi buryo bushushanya Ezekiyeli 3:17; 33:1–5. Umwe mu bana banyu ashobora kwigira nk’aho ari ” umurinzi” urebera hanze mu idirishya maze akabwiraburi muntu wese wundi ibirimo kubera hanze. Mushobora kandi kureba videwo “Watchman on the Tower” (ChurchofJesusChrist.org). Mbese ni gute umuhanuzi wacu uriho ameze nk’aho ari umurinzi wacu?

  

  4:17

• Nyuma yo gusomera hamwe Ezekiyeli 37:15–23 , mwebwe n’abana banyu mushobora kureba inkoni ebyiri maze mukandika kuri imwe ngo Iya Yuda (Bibiliya)) naho ku yindi mukandikaho ngo Iya Yozefu (Igitabo cya Morumoni). Mushobra noneho gusangira inkuru cyangwa ibyanditswe bitagatifu byo muri Bibiliya n’Igitabo cya Morumoni zibafasha kumva murushijeho kuba hafi y’Umukiza kandi mwahindutse “abantu [Be]“ (umurongo wa 23). Mbese ni kuki ari byiza ko mugira ibi bitabo byombi by’ibanditswe bitagatifu?

• Ezekiyeli 47 isobanura ibonekerwa rya Ezekiyeli ry’amazi atemba aturuka mu ngoro maze agakiza Inyanjya y’Umunyu—inyanja irimo umunyu mwinshi cyane ku buryo ifi n’ibimera bidashobora kubamo. Wenda abana banyu bashobora buri wese gushushanya ikintu kimwe cyangwa bibiri byo muri iryo yerekwa, nk’ingoro, umugezi, ubutayu, Inyanja y’Umunyu, agahumbagiza k’amafi, cyangwa igiti cy’imbuto. Noneho, uko musomera hamwe imirongo 1–12 , bashobora gusangira igishushanyo cyabo igihe icyo kintu kivuzwe. Mbese ni iyihe migisha yaturutse mu mugezi mu ibonekerwa? Mufashe abana kubona uko iyi migisha ari nk’imigisha Umukiza aha abakomera ku bihango by’ingoro. Videwo ” And the River Will Grow” (Isomero ry’Inkuru Nziza) ishobora gufasha.

  

  3:43

• Mushobora kandi kuririmbira hamwe indirimbo isobanura imigisha y’ingoro, nka “Families Can Be Together Forever” (Children’s Songbook, 188). Mbese ni iki iyi ndirimbo yigisha k’uburyo Nyagasani aduhera imigisha mu nzu Ye ntagatifu?