Esekíel 1–3; 33–34; 36–37; 47

Í Esekíel 3 og34 vísar Drottinn til leiðtoga fólks síns sem varðmanna og hirða. Þegar þið lesið þessa kafla, íhugið þá hvað þessir titlar segja um merkingu þess að vera leiðtogi.

Hverjir eru „sauðirnir“ sem Drottinn vill að þið nærið? Hvað finnið þið í Esekíel 34 sem gæti hjálpað einhverjum sem býr sig undir trúboð, elur upp börn eða sinnir hirðisþjónustuverkefni? Hvernig getið þið fylgt því fordæmi frelsarans að vera hirðir okkar? (sjá vers 11–31).

Þið gætuð líka íhugað hið táknræna sem þið finnið í þessum kafla. Hvað gæti „gott haglendi“ og „[gott beitiland]“ þýtt í versi 14? Hver er munurinn á sauð sem „villist [frá]“ eða þess sem er [hrakinn í burtu]“? (vers 16). Hvaða fleiri tákn finnið þið?

Sjá einnig Jóhannes 21:15–18; Gerrit W. Gong, „Hirðisþjónusta,“ aðalráðstefna, apríl 2023.

Hinir herteknu Ísraelsmenn veltu fyrir sér „hvernig [þeir gætu] haldið lífi“, þar sem „afbrot [þeirra] og syndir hvíldu á [þeim]“ (Esekíel 33:10). Drottinn svaraði með því að kenna þeim um iðrun og fyrirgefningu. Þessar spurningar gætu hjálpað við að ígrunda það sem hann kenndi:

• Hvað haldið þið að felist í því að „treysta á réttlæti sitt“? (sjá Esekíel 33:12–13).

• Hvað mynduð þið segja við þann sem finnst að fólkið sem lýst er í Esekíel 33:12–19 fái ekki sanngjarna meðferð? (sjá einnig Matteus 21:28–31; Lúkas 18:9–14).

• Hvað finnið þið í þessum versum sem hjálpar ykkur að skilja merkingu þess að iðrast? Hvað annað eykur skilning ykkar sem þið finnið í Esekíel 36:26–27 og Alma 7:14–16?

Samansöfnun Ísraels er sýnd í Esekíel 37 með tveimur táknum. Þegar þið lesið um annað þeirra – dauð bein sem verða lífguð (sjá vers 1–14) – íhugið þá það sem í því felst fyrir ykkur varðandi samansöfnun Ísraels beggja vegna hulunnar (sjá einnig Esekíel 36:24–30). Hugleiðið spurningar sem þessar:

• Hverju er Drottinn að reyna að koma til leiðar með samansöfnun Ísraels?

• Hvernig kemur hann henni til leiðar?

Þið gætuð spurt ykkur sjálf þessara sömu spurninga þegar þið lesið um annað táknið í versum 15–28. Þetta tákn felur í sér tvo tréstafi, sem margir fræðimenn hafa túlkað sem tréborð til skriftar, sett saman á hjörum. Tréstafur Júda getur táknað Biblíuna (þar sem Biblían var að mestu rituð af niðjum Júda) og tréstafur Jósefs getur táknað Mormónsbók (þar sem fjölskylda Lehís voru afkomendur Jósefs frá Egyptalandi). Hvað kenna þessi vers ykkur um hlutverk ritninganna við samansöfnun Ísraels, með þetta í huga?

Íhugið hvernig Biblían og Mormónsbók hafa unnið saman í lífi ykkar – einkum til að hjálpa ykkur að koma til Krists. Hvaða ritningarvers hafa verið ykkur einkar þýðingarmikil?

Sjá einnig 2. Nefí 3:11–13; 29:14; „Ísrael, Drottinn á þig kallar,“ Sálmar, nr. 5; Leiðarvísir að ritningunum, „Biblía,“ „Mormónsbók,“ Gospel Library; „The Book of Mormon Gathers Scattered Israel“ (myndband), Gospel Library.

1:31

Við lestur Esekíels 47:1–12, gæti verið hjálplegt að útskýra að Dauðahafið sé svo salt að fiskar og jurtir geta ekki lifað í því. Hvað vekur áhuga ykkar varðandi vatnið sem lýst er í versum 1–12? (sjá einnig Opinberunarbókin 22:1). Hvað gæti þetta vatn táknað? Hvað gætu trén í versi 12 táknað?

Hverju bætir boðskapur öldungs Dale G. Renlund, „Ættarsaga og musterisverk: Innsiglun og lækning“, við skilning ykkar? (sjá aðalráðstefna, apríl 2018). Ígrundið hvernig þið hafið fundið andlegt líf og lækningu vegna musterisins.

• Ung börn gætu haft gaman að því að gera hreyfingar sem eiga við um Esekíel 3:17. Dæmi: Þau gætu bent á augu, eyru og munn þegar þið lesið orðin „vörður“, „heyra“ og „munnur“. Þau gætu líka notið þess að fara í göngu – utandyra eða bara um herbergið. Þegar þau ganga, skuluð þið vara þau við hlutum á slóðinni, eins og ám sem hoppa á yfir, greinum til að beygja sig undir eða dýrum sem forðast á (raunverulegum eða ímynduðum). Þetta gæti leitt til umræðu um það hvernig spámaður Drottins varar okkur við hættum sem við fáum ekki séð.

• Hér er önnur leið til að útskýra Esekíel 3:17; 33:1–5. Eitt barna ykkar gæti látist vera „vörður“ með því að horfa út um glugga og segja öllum öðrum frá því sem er að gerast úti. Þið gætuð einnig horft á myndbandið „Watchman on the Tower“ (ChurchofJesusChrist.org). Hvernig eru lifandi spámenn okkar eins og verðir fyrir okkur?

  

  4:17

• Eftir að hafa lesið saman Esekíel 37:15–23, gætuð þið og börn ykkar fundið tvo tréstafi og skrifað á annan Fyrir Júda (Biblían) og á hinn Fyrir Jósef (Mormónsbók). Þið gætuð síðan miðlað frásögum eða ritningarversum úr Biblíunni og Mormónsbók sem hjálpa þeim að skynja betur nálægð frelsarans og verða „[hans] lýður“ (vers 23). Af hverju er gott að hafa báðar þessar ritningarbækur?

• Í Esekíel 47 er lýsing á sýn Esekíels varðandi vatnið sem streymdi frá musterinu og læknaði Dauðahafið – vatn sem er svo salt að fiskar og gróður fá ekki þrifist í því. Börn ykkar gætu ef til vill teiknað einn eða tvo hluti úr sýninni, eins og musteri, fljót, eyðimörk, Dauðahafið, fjölda fiska eða frjósamt tré. Þegar þið síðan lesið saman vers 1–12, gætu þau miðlað teikningunum sínum þegar sá hlutur er tilgreindur. Hvaða blessanir komu frá fljótinu í þessari sýn? Hjálpið börnunum að sjá hvernig þessar blessanir eru eins og þær blessanir sem frelsarinn býður þeim sem halda musterissáttmála. Myndbandið „And the River Will Grow“ (Gospel Library) getur komið að gagni.

  

  3:43

• Þið gætuð líka sungið saman söng sem lýsir blessunum musterisins, t.d. „Fjölskyldur geta átt eilífð saman“ (Barnasöngbókin, 98). Hvað kennir þessi söngur um það hvernig Drottinn blessar okkur í sínu heilaga húsi?