Ezekiel 1–3; 33–34; 36–37; 47

Ezekiel 3 na 34 mu no, Ewuradze frɛ No nkorɔfo hɔn banodzifo no dɛ aweɔmfo na nguanhwɛfo. Ber a ekenkan etsir yinom no, hwɛ dza edzin yinom susu ho fa dɛ ebɛyɛ banodzinyi n’asekyerɛ ho.

Woana nye “nguan” no a Ewuradze pɛ dɛ enyɛn hɔn no? Ebɛnadze na ihu no wɔ Ezekiel 34 a obotum aboa obi a ɔreyɛ ahoboa akɔsom asɛmpakã dwuma, ɔbɛtsetse mbofra, anaa ɔbɛhyɛ ɔsom dwumadzi bi mã? Ibesi dɛn botum edzi Agyenkwa ne fasusu do dɛ hɛn guanhwɛfo? (hwɛ nyiyimu 11–31).

Ibotum asan so adwendwen sɛnkyerɛdze a ihu no wɔ tsir yi mu ho. Ebɛnadze na obotum ayɛ “edzidzidze pa” na “nguamban pa” gyina hɔ ma wɔ nyiyimu 14? Ebɛn nsonsonee na ɔda guan a “[ɔayew]” na dza “[ɔapam]” no ntamu? (nyiyimu 16). Ebɛn nsɛnkyerɛdze bio na ihu?

San so hwɛ John 21:15–17; Gerrit W. Gong, “Ministering,” Liahona, Esusow Aketseaba 2023, 16–19.

“Na hɛn … bɔn wɔ hɛn do,” Israelfo ndɔmmumkɔfo no dwendwenee dɛ, “yebesi dɛn mbɔ atsena ase?” (Ezekiel 33:10). No mbuae no, Ewuradze kyerɛkyerɛɛ hɔn nnuho na bɔnfakyɛ ho asɛm. Nsɛmbisa yinom botum aboa wo ma adwendwen dza Ɔkyerɛkyerɛɛ no ho:

• Edwen ho dɛ “[ebɔ]twer [woara wo] ndzeyɛtsenenee” n’asekyerɛ nye dɛn? (hwɛ Ezekiel 33:12–13).

• Ebɛn asɛm na ebɛkã akyerɛ obi a onya atsenka dɛ nkorɔfo a wɔakã hɔn ho asɛm wɔ Ezekiel 33:12–19 wɔrennye hɔn nndzi yie no? (Hwɛ Matthew 21:28–31; Luke 18:9–14 so).

• Ebɛnadze na ihu no wɔ nyiyimu yinom mu a ɔboa wo ma etse nnuho n’asekyerɛ ase? Ebɛn nhumu a ɔkekã ho na ihu no wɔ Ezekiel 36:26–27 na Alma 7:14–16?

Wɔnam nsɛnkyerɛdze ebien do ada Israel mboaboano no edzi wɔ Ezekiel 37 mu. Ber a ekenkan kor no a odzi kan no—mbiew a woewuwu bɛsan enya nkwa no(hwɛ nyiyimu 1–14)—dwendwen dza osusu ma wo fa Israel mboano no ho wɔ ntwamutam afã ebien no ho (san so hwɛ Ezekiel 36:24–30). Hwɛ nsɛmbisa tse dɛ iyinom:

• Ebɛnadze na Ewuradze robɔ mbɔdzen edua Israel mboano no do ayɛ ewie?

• Orisi dɛn ayɛ ewie?

Ibotum ebisa woho nsɛmbisa kor yinom ara ber a ekenkan nsɛnkyerɛdze a otsĩa ebien no wɔ nyiyimu 15–28. Poma ebien na ɔwɔ sɛnkyerɛdze yi mu, a nwomasũafo pii kyerɛ ase dɛ ndua akyerɛw bɔɔd a wɔdze sesɛn do esuo mu. Judah poma no botum egyina hɔ ama Bible no (ɔnam dɛ Judah n’asefo na wɔkyerɛɛw Bible no dodow ara), na Joseph poma no botum egyina hɔ ama Mormon Nwoma (ɔnam dɛ Lehi n’ebusuafo yɛ Joseph a ofi Egypt n’asefo). Dɛm no wɔ w’adwen mu no, ebɛnadze na nyiyimu yinom kyerɛkyerɛ fa kyerɛwsɛm n’asɛdze wɔ Israel mboano no mu no ho?

Dwen mbrɛ Bible na Mormon Nwoma no esi abɔ mu ayɛ edwuma wɔ w’abrabɔ mu ho—tsitsir ara, dɛ ɔbɔboa wo ma aba Christ hɔ? Ebɛn nsɛnsin na tsitsir ara wɔayɛ mfaso ama wo?

San so hwɛ 2 Nephi 3:11–13; 29:14; “Israel, Israel, God Is Calling,” Asɔr Ndwom, nkanee 7; Topics and Questions, “Bible,” “Book of Mormon,” Asɛmpa Nwoma Korabea; “The Book of Mormon Gathers Scattered Israel” (video), Asɛmpa Nwoma Korabea.

1:31

Ber a ekenkan Ezekiel 47:1–12 no, obotum aboa dɛ ibohu dɛ Po Wui no yɛ nkyennkyen ara ma dɛ nam na ndua nntum nnyin wɔ mu. Ebɛnadze na okenyan wo fa nsu a wɔkãa ho asɛm wɔ nyiyimu 1–12? (san so hwɛ Nyikyerɛ 22:1). Ebɛnadze na esu sɛnkyerɛdze yinom botum ayɛ? Ebɛnadze na ndua a wɔakã ho asɛm wɔ nyiyimu 12 gyina hɔ ma?

Ebɛnadze na Elder Dale G. Renlund n’asɛm yi “Family History and Temple Work: Sealing and Healing” dze kã wo ntseasee ho? (hwɛ Liahona, Esusow Aketseaba 2018, 47–48) Dwendwen mbrɛ osian temple no ntsi esi enya sunsum mu nkwa na ayarsa ho.

• Mbofra nkakramba botum enya enyigye dɛ wɔreyɛ ndzeyɛe a ɔnye Ezekiel 3:17 kɔ do. Mfatoho, wobotum atsen hɔn nsa wɔ hɔn enyiwa, asowa, na ano do sɛ ekenkan nkasafua “aweɔmfo,” “tsie,” na “anomu.” Bia wɔbɛpɛ so dɛ wobotu mpasar—wɔ abowano anaa wɔ dan no mu ara. Ber a wɔnantsew no bɔ hɔn kɔkɔ fa ndzɛmba a ɔwɔ kwan no do ho, tse dɛ esu a wobohurow afa do, nkorbata a wɔbɔdɔ ase, anaa mbowa a wobokwetsir hɔn (papa anaa woepetuw). Iyi botum egya akɔ mpɛnsampɛnsamu a ɔfa mbrɛ Ewuradze no nkɔnhyɛnyi si bɔ hɛn kɔkɔ fa esian a yennkotum ehu ho.

• Kwan kor so a edze bɛkyerɛ nye yi Ezekiel 3:17; 33:1–5. Wo mbofra no kor botum epetuw dɛ ɔyɛ “ɔweɔmfo” ber a ɔhwɛ tokura mu na ɔkã dza orisi wɔ abowano kyerɛ obiara. Hom botum asan so ahwɛ video “Watchman on the Tower” (ChurchofJesusChrist.org). Hɛn nkɔnhyɛnyi tseasefo si dɛn tse dɛ ɔweɔmfo ma hɛn?

  

  4:17

• Wɔabɔ mu akenkan Ezekiel 37:15–23 ekyir no, ɔwo na wo mbofra no botum ahwehwɛ ndua ebien na wɔakyerɛw kor do Dze ma Judah (Bible) na wɔ kor no so do Dze ma Joseph (Mormon Nwoma). Nkyii ibotum akyɛ nsɛm anaa kyerɛwsɛm fi Bible na Mormon Nwoma mu a ɔboa wo ma etwe bɛn Agyenkwa no yie na hom abɛyɛ “[No] nkorɔfo” (nyiyimu 23). Ebɛnadze ntsi na ɔyɛ adzepa dɛ yebenya kyerɛwsɛm nwoma ebien yinom no?

• Ezekiel 47 kã Ezekiel n’enyido-adzehu fa nsu a ɔrepem fi temple mu na ɔresa Po Wui no yarba—nsu a ɔyɛ nkyennkyen ara ma dɛ nam na ndua nntum nntsena mu. Bia wo mbofra no kor biara botum adorɔw adze kor anaa ebien fi enyido-adzehu no mu, tse dɛ temple, esu, sar, Po Wui, nam menyamenya, anaa dua a ɔsow aba. Nkyii, ber a wɔbɔ mu kenkan nyiyimu 1–12 no, wobotum dze hɔn adorɔw no akyerɛ sɛ wɔbɔ adze kor no ne dzin a. Ebɛn nhyira na ofii esu a ɔwɔ enyido-adzehu mu no bae? Boa mbofra no ma wonhu mbrɛ nhyira yinom tse dɛ nhyira a Agyenkwa no dze ma hɔnnom a wosie hɔn temple ahyɛmudzi horow no. Video no “And the River Will Grow” (Asɛmpa Nwoma Korabea) botum aboa.

  

  3:43

• Hom botum so abɔ mu atow ndwom a ɔkã temple nhyira ho asɛm, tse dɛ “Families Can Be Together Forever” (Children’s Songbook, 188). Ebɛnadze na ndwom yi kyerɛkyerɛ fa mbrɛ Ewuradze si hyira hɛn wɔ Ne fi krɔnkrɔn mu ho?