UJeremiya 1–3; 7; 16–18; 20

Cabanga ukhuluma nomngane ongakaze ezwe ngabaprofethi, bese ukhetha ukuchaza lowomqondo usebenzisa ubizo lukaJeremiya lokuba umprofethi ku-Jeremiya 1:4–19. Yini oyitholayo kulamavesi efundisa okuthile ngabaprofethi bakaNkulunkulu? Ungabheka futhi kuJeremiya 7:1–7; 20:8–9 kanye nehubo elifana nelithi “We Listen to a Prophet’s Voice” (Hymns, no. 22).

Ungase futhi ufune ukufundisa umngane wakho ngomprofethi wanamuhla ophilayo. Ngabe kukhona okungasiza kulamavesi? Isibonelo, yini abaprofethi osukwini lwethu “abayisiphulayo” noma “abayidilizayo”? Yini “abayakhayo” futhi “abayitshalayo”? (UJeremiya 1:10). Uzitholele kanjani wena ngokwakho ukuthi umprofethi wethu ophilayo ubizwe nguNkulunkulu?

Bheka futhi ku­ ImiBhalo yoKholo 1:6, 9; “Why Do We Have Prophets?” (ividiyo), ChurchofJesusChrist.org.

1:37

UJeremiya wafundani ngaye kuJeremiya 1:5? Njengomprofethi osanda kubizwa, kungani lokho kwakubalulekile kuye ukuba akwazi?

Okuningi kwalokho uJeremiya akufunda ngaye kuJeremiya 1:5 kuyiqiniso futhi ngawe. UNkulunkulu wakwazi nawe ngaphambi kokuba uzalwe futhi wakulungiselela izibopho ezithile. Ukufunda kabanzi ngempilo yakho ngaphambi kokuba uzalwe funda u-Alima 13:1–4; IMfundiso Nezivumelwano 138:53–56; kanye u-Abrahama 3:22–23). Ungase wenze uhlu lwamaqiniso owatholayo. Kubaluleke ngani ukuthi ukwazi lokhu na?

Ukuze ufunde ngendlela lamaqiniso athinta ngayo impilo yeGosa u-Ahmad S. Corbitt, funda umlayezo wakhe othi “You Can Gather Israel!” (ILiyahona, ngoMeyi 2021, 63–63). Ukwazi ngempilo yethu eyandulela eyasemhlabeni kuyithinta kanjani indlela ophila ngayo impilo yakho yasemhlabeni?

Nakhu uMongameli uRussell M. Nelson akusho mayelana nempilo yakho eyandulela eyasemhlabeni:

“UBaba wakho oseZulwini ukwazile isikhathi eside kakhulu. Wena, njengendodana noma indodakazi Yakhe, wakhethwa Nguye ukuthi uze emhlabeni ngalesi sikhathi esiqondile, ukuze ube ngumholi emsebenzini Wakhe omkhulu emhlabeni. Wakhethwa hhayi ngenxa yezimpawu zakho zomzimba kodwa ngenxa ngezimfanelo zakho ezingokomoya, ezinjengobuqhawe, isibindi, ubuqotho benhliziyo, ukomela iqiniso, ukulambela ukuhlakanipha, nesifiso sokusiza abanye.

“Uthuthukise ezinye zalezi zimfanelo ungakabi semhlabeni. Ezinye ungazithuthukisa lapha emhlabeni njengoba uphikelela ngokuzifuna” (Decisions for Eternity,” ILiyahona,, ngoNovemba 2013, 107).

Cabanga ngezimo ongabhekana nazo lapho kungabaluleka ukuthi ukhumbule lamaqiniso ngempilo yakho eyandulela eyasemhlabeni. Yini ongayenza ukuzikhumbuza lamaqiniso?

-­

Endaweni eyomile lapho ama-Israyeli ayehlala khona, abantu babegcina amanzi ayigugu emithonjeni engaphansi komhlaba ebizwa ngokuthi amathangi amanzi. Ucabanga ukuthi ngabe “imithombo evuzayo” okukhulunywe ngayo kuJeremiya 2:13 ifana nani na? Kungani ukuthola amanzi emthonjeni bekungaba ngcono kunokuthembela ethangini? Kusho ukuthini ukushiya “umthombo wamanzi aphilileyo” na? Njengoba ufunda UJeremiya 2 kanye no 7, qaphela ukuthi abantu babewashiya kanjani amanzi aphilileyo eNkosi, (bheka isibonelo, UJeremiya 2:26–28; 7:2–11). Kungani “amanzi aphilileyo” ewuphawu oluhle lwalokho uMsindisi akunikeza kona? Cabanga ngokuthi uwemukela kanjani amanzi aphilayo empilweni yakho.

UJeremiya 7 uqondiswe kubantu ababengena “endlini kaSimakade … ukuyokhuleka kuSimakade,” kodwa izenzo zabo zazingahambisani nokuzinikela kwabo kwangaphandle (bheka amavesi 2–11). Yimiphi imilayezo ocabanga ukuthi iNkosi ingaba nayo kuwe emavesini 21–23?

KuJeremiya 16:14–15, uJeremiya waqhathanisa ukuqoqwa kuka-Israyeli ezinsukwini zokugcina noFuduko luka-Israyeli eGibithe Ngokubona kwakho, kungani ukuqoqwa kubaluleke kakhulu kubantu bakaNkulunkulu kunoFuduko?

Ngabe lamavesi UJeremiya 3:14–18; 16:14–21 athi ukuqoqwa kuzokwenzeka kanjani?

Kumyalezo wakhe othi “Hope of Israel,” uMongameli uRussell M. Nelson, njengoJeremiya, wafundisa ukuthi ukuqoqwa kuka-Israyeli “kuyinto ebaluleke kakhulu eyenzekayo emhlabeni namuhla” (worldwide youth devotional, ngoJuni 3, 2018, UMtapo woLwazi weVangeli). Funda noma ulalele umlayezo wakhe, futhi ubone ukuthi ungakwazi yini ukuthola (a) indlela uMongameli Nelson awuchaza ngayo ukuqoqwa kuka-Israel, (b) ukuthi ukuchaza kanjani ukubaluleka kwakho, kanye (c) nokuthi ungaba kanjani yingxenye yokuqoqwa kuka-Israyeli.

• Ukwethula iqiniso elibalulekile elifundiswa kuJeremiya 1:5, ungase ubonise abantwana bakho isithombe somntwana (noma, uma kungenzeka, ungabheka izithombe zabantwana bakho ngenkathi basengabantwana). Buza abantwana bakho ukuthi bayazi yini lapho babehlala khona ngaphambi kokuba bazalwe. -

• Uma abantwana bakho bengathanda ukufunda okwengeziwe, ungabasiza bathole “iPremortal Life” kwiziHloko zemiBhalo eNgcwele. Bangabheka izimpendulo zemibuzo ethi “ngubani,” “nini,” kanye “yini” mayelana nempilo eyandulela eyasemhlabeni.

• Cabanga ngokubonisa izithombe zomprofethi ophilayo noma abaprofethi abavela emibhalweni engcwele (ungazithola ezinye kumaphephabhuku eBandla, iNcwadi Yobuciko beVangeli, kanye nencwadi ethi Wozani, Ngilandeleni). Buza abantwana bakho ukuthi yikuphi abakwaziyo ngalaba baprofethi.

• Ukuze ufundise ngalokho okwenziwa abaprofethi, ungase ukhethe amavesi athile awusizo kuJeremiya 1, njenga mavesi 5, 7, 10, no 19. Abantwana bakho bangakhetha ivesi ngalinye, balifunde, futhi basho okuthile abakufunda ngabaprofethi.

• Njengoba ufunda uJeremiya 16:16, abantwana bakho bangenza sengathi “bayadoba” noma “bazingela” izinto ezisendlini. UMongameli uRussell M. Nelson ufanise abadobi kanye nabazingeli kulelivesi nabefundisi bevangeli (bona “The Gathering of Scattered Israel,” Liahona, ngoNovemba 2006, 81). Benzani abefundisi bevangeli? -

  

  3:30

• Ukuhlola lamavesi, ungaxoxa noma ubonise ukuthi isitsha sobumba senziwa kanjani (bheka isithombe esisekupheleni kwaloluhlaka). Yimuphi umyalezo iNkosi esiphathele yona kuJeremiya 18:1–6? Kusho ukuthini ukuba ubumba ezandleni zeNkosi? (bheka futhi u-Isaya 64:8). Ukuze uthole enye indaba esiqhathanisa nobumba lombumbi, bheka umlayezo weGosa uRichard J. Maynes “The Joy of Living a Christ-Centered Life” (ILiyahona,ILiyahona, ngoNovemba 2015, 27–30).