Isaya 50–57

Noma abakwa-Israyeli bachitha iminyaka eminingi bethunjiwe—futhi noma lokhu kuthunjwa kwakungenxa yezinqumo zabo—iNkosi yayifuna babheke ikusasa ngethemba. Yini oyithola kumyalezo ka Isaya ekunika ithemba? Ishadi elifana naleli lingakusiza ukuthi ufunde:

Bheka futhi Mosiya 12:20–24; 15:13–18; 3 Nefi 20:29–46; IMfundiso neziVumelwano 113:7–10; Russell M. Nelson, “Embrace the Future with Faith,” eLiahona, Nov. 2020, 73–76.

Izahluko ezimbalwa embhalweni zichaza umsebenzi wokuhlenga kaJesu Kristu ngendlela enhle ukwedlula Isaya 53. Cabanga imisebenzi efana nale ukuze uqonde kangcono futhi usebenzise lezi zimfundiso ezinamandla:

• Zindlani noma xoxani ngokuthi izindaba namamuvi ngokuvamile aveza kanjani amaqhawe ahlenga abantu. Qhathanisa lezo zithombe nezincazelo zoMsindisi ku Isaya 53.

• Ngemva kokufunda ivesi ngalinye, yima kancane ucabange ngalokho uMsindisi ahlupheka ngakho—“izifo,” “ubuhlungu,” kanye “neziphambeko” Azithwala—kubo bonke abantu futhi ikakhulukazi ngawe. Ungase ufake amagama athi “mina” namagama athi “okwami” esikhundleni samagama athi “thina” namagami athi “okwethu” ngesikhathi ufunda. Yimiphi imizwi edalwa yilamavesi kuwe na?

• Cabanga ukubukela ividiyo ethi, “My Kingdom Is Not of This World” (Umtapo woLwazi weVangeli), futhi ucabange ngendlela iziprofetho ezisencwadini ka-Isaya 53 ezafezeka ngayo. Yiziphi ezinye zezifo kanye nobuhlungu uMsindisi akuthwalele bona?

  

  5:25

• Thola izithombe zezehlakalo ezizungeze iNhlawulo kaJesu Kristu (bheka Incwadi Yobuciko Bevangeli, nos. 56–60). Ungathola imishwana ku Isaya 53 echaza izehlakalo ezithombeni. Lezi zimfundiso zikukhuthaza ukuba wenzeni?

-

Sonke sinezikhathi lapho sizizwa sidedile eNkosini ngenxa yezono noma ubuthaka bethu. Abanye sebaze balahla ithemba lokuthi Iyoke iphinde ibaxolele. U-Isaya 54 kanye no 57 izahluko ezinhle ongazifunda ukuze uthole isiqinisekiso nesikhuthazo ngezikhathi ezinjalo. Ikakhulukazi ku Isaya 54:4–10; 57:15–19, yimaphi amazwi akufundisayo ukuthi uMsindisi uzizwa kanjani ngawe? Kwenza muphi umehluko empilweni yakho ukuthi wazi lezi zinto Ngaye na?

UMongameli Dieter F. Uchtdorf wafundisa:

“Akunandaba ukuthi impilo yethu kungase ibonakale icekeleke phansi kangakanani. Akunandaba ukuthi izono zethu zibomvu kangakanani, ukuthi izinhliziyo zethu zijule kangakanani, ukuthi izinhliziyo zethu, zinesizungu, zilahliwe, noma ziphuke kangakanani . Ngisho nalabo abangenathemba, abaphila ngokudangala, abaye bakhaphela ukwethenjwa, badela ubuqotho babo, noma abahlubuka kuNkulunkulu bangakhiwa kabusha. …

“Izindaba ezithokozisayo zevangeli yilezi: ngenxa yesu lensindiso laphakade elihlinzekwa uBaba wethu oseZulwini onothando futhi nangomhlatshelo ongapheli kaJesu Kristu, ngeke nje sihlengwe esimweni sethu sokuwa futhi sibuyiselwe ekuhlanzekeni, kodwa thina futhi singawudlula umcabango wenyama futhi sibe yizindlalifa zokuphila okuphakade nabahlanganyeli benkazimulo kaNkulunkulu engachazeki” (“He Will Place You on His Shoulders and Carry You Home,” eLiahona, Meyi 2016, 102).

Bheka futhi isihloko esithi Patrick Kearon, “God’s Intent Is to Bring You Home,” eLiyahona, Meyi 2024, 87–89.

Iminyaka neminyaka, u-Israyeli kade waziwa ngokuba abantu baNkulunkulu besivumelwano. Nokho, isu likaNkulunkulu belilokhu lihlanganisa okungaphezu kwesizwe esisodwa, ngoba “wonke owomileyo” bayamenywa ukuba “beze … emanzini” (saya 55:1). Gcina lokhu engqondweni njengoba ufunda u-Isaya 55 futhi 56, futhi uzindle ngokuthi kusho ukuthini ukuba abantu bakaNkulunkulu. Uthini umlayezo waNkulunkulu kulabo abazizwa “behlukene” Naye na? (Isaya 56:3). Cabanga ukudwebela amavesi achaza ukuziphatha nezenzo zalabo “ababamba isivumelwano sami” (bheka ku-Isaya 56:4–7).

• Kungase kubemnandi ebantwaneni bakho ukuthola amagama anjengokuthi “vuka,” “sukuma,” nelithi “gqoka amandla akho” Isaya 51:9, 17; 52:1–2, 9 bese ulingisa leyo mishwana. Ngemva kokwenza kanjalo, ungase ukhulume ngokuthi kusho ukuthini ukuphaphama, ukusukuma, nokuqinisa ngokomoya. INkosi isicela ukuthi senzeni kulamavesi?

• Abantwana bakho nabo bangafunda u-Isaya 51:1, 4, 7 futhi bakhombe ukuthi iNkosi ikhuluma nobani nokuthi Ifuna benzeni. Kusho ukuthini “ukulalela” iNkosi? Singayikhombisa kanjani iNkosi ukuthi “siyayilalela” Yona?

• Wena kanye nabantwana bakho ningabuka izithombe ezimbalwa ezibonisa ukuzwa ubuhlungu nokufa kukaJesu Kristu (bheka, isibonelo, Incwadi Yobuciko Bevangeli, nos. 56, 57, 58). Ngemva kwalokho ningafunda ndawonye Isaya 53:3–6, 9 bese ubheka amagama achaza okwenzekayo ezithombeni. Siza abantwana bakho baqonde ukuthi u-Isaya wakhuluma lamaqiniso emakhulwini eminyaka ngaphambi kokuba enzeke. Kungani kungabaluleka ukuthi abantu bazi lezi zinto kusasele iminyaka eminingi kangaka? (bheka u-Alima 39:15–19).

• Ngemva kokufunda incwadi ka Isaya 53:4, “Yazithwala izifo zethu, yabetshatha ubuhlungu bethu,” abantwana bakho bangazama ukuphakamisa into esindayo (noma benze sengathi bayayiphakamisa). Khuluma ngokuthi ”isifo” kanye ”nobuhlungu” noma ukudabuka kungase kuzwakale kunzima futhi kulukhuni ukukuthwala. Kungani uJesu athwala “izifo,” “nobuhlungu,” “nobubi” noma izono zethu? (bheka futhi Alma 7:11–12).

• Ukuze ufundise abantwana bakho ngo-Isaya 55:6, ungafihla isithombe sikaJesu ndawana thize ekamelweni. Ungakwazi ukumema abantwana bakho ukuthi bathole isithombe bese usho indlela eyodwa “abangafuna ngayo … iNkosi ingatholakala.” - Bese ungavumela omunye wabantwana ukuthi ifihle isithombe bese aphinde umsebenzi.

• Ngemva kokufunda u-Isaya 55:9, kungase kube mnandi ebantwaneni bakho ukuma esitulweni futhi bakhulume ngokuthi izinto zibukeka kanjani uma “uphakeme.” Noma bangadweba isithombe sokuthi u-Isaya 55:9 usho ukuthini kubo. Bese ningaxoxa ngezinye zezindlela zeNkosi eziphakeme kunezindlela zethu. Isibonelo, iyiphi indlela Yakhe yokuphatha izoni? (bheka NgokukaMarku 2:15–17). Ithini indlela Yakhe yokuhola abanye? (bheka NgokukaMathewu 20:25–28). Yabelana nabantwana bakho ukuthi ufunde kanjani ukwethemba izindlela nemicabango ephakeme yeNkosi.