“NgoSepthemba 28–Okthoba 4. ‘Nibaduduze Abantu Bami’: U-Isaya 40–49,” Wozani, Ngilandeleni—Incwadi Yezifundo zaseKhaya naseBandleni: ITestamente eliDala 2026 (2026)
“NgoSepthemba 28–Okthoba 4. ‘Nibaduduze Abantu Bami,’“ Wozani, Ngilandeleni: ITestamente eliDala 2026
Healing the Blind Man [Ukwelapha Indoda Eyimpumputhe], nguCarl Heinrich Bloch, eFrederiksborg Museum of National History
NgoSepthemba 28–Okthoba 4: “Nibaduduze Abantu Bami”
U-Isaya 40–49
Igama elithi “nibaduduze” yigama lokuqala lika-Isaya kwisahluko 40. Likhombisa ukuqala kwenkulumo ehlukile, enokugcizelela okuhlukile kumlayezo womprofethi. Imibhalo ka-Isaya yangaphambilini yaxwayisa u-Israyeli noJuda ngokubhubha nokuthunjwa okwakuzoza ngenxa yezono zabo. Kodwa lezi ziprofetho ezalandela ngemuva zazimele ukuba ziduduze amaJuda ngaphezulu kweminyaka eyi-150 eyalandela—emuva kokuba iJerusalema nethempeli libhubhile, futhi nabantu bathunjwa yiBabele. Nokho, lezi ziprofetho zithinta abaningi kunabakwa-Israyeli abahluleka, nabadumala. Zikhuluma nathi, esibuye sizizwe sihlulekile, sidumele, futhi silahlekile.
Umlayezo ka-Isaya kubantu bakhe nakithi ulula: “Ungesabi” (U-Isaya 43:1). Lisakhona ithemba. INkosi ayikukhohliwe, futhi Inamandla ezimweni ezibukeka zingaphezulu kwamandla akho. Ngabe iNkosi, “eyadala amazulu” (U-Isaya 42:5), Ayinawo amandla amaningi kuneBabele, kunesono, kunanoma yini leyo ekubophile na? Iyancenga ithi, “Buyela kimi, ngokuba ngikuhlengile” (U-Isaya 44:22). Iyakwazi ukwelapha, ukubuyisela, ukuqinisa, ukuxola nokududuza—noma yikuphi okudingayo, esimweni sakho, ukuba uhlengeke.
Amasu okuFunda eKhaya naseBandleni
U-Isaya 40–49
INkosi ingangiduduza futhi inginike ithemba.
Lapho ama-Israyeli ethunjelwe eBhabhiloni, kufanele ukuthi baningi abazibuza ukuthi ngabe sebeyilahlekelwe indawo yabo ingunaphakande njengabantu baNkulunkulu besivumelwano, abakhethiwe. Ngesikhathi ufunda U-Isaya 40–49, bheka imibhalo okungase kube wukuthi yanika induduzo nethemba. Ngombhalo ngamunye owutholayo, cabanga bese uyafunda ngalokho uNkulunkulu okungenzeka ukuthi ukusho kuwe kulamavesi Nawa ambalwa ongase uqale ngawo.
-
40:11, 29–31:
-
41:10–13, 17–18:
-
42:6–7:
-
43:1–7, 25:
-
44:1–4, 21–24:
-
46:3–4:
-
49:7–16:
Ucabanga ukuthi yini iNkosi efuna ukwazi Ngayo?
- - INkosi izigcwalise kanjani izithembiso ezikulamavesi empilweni yakho?
Bheka futhi inkulumo kaPatrick Kearon, “He Is Risen with Healing in His Wings: We Can Be More Than Conquerors,” ILiyahona,, ngoMeyu 2022, 37–40.
Sebenzisa imibhalo engcwele ehlobene. Kwesinye isikhathi singaliqonda kangcono iTestamente eliDala uma sengeza isifundo sethu ngamavesi eNcwadi kaMormoni. Isibonelo, abaprofethi beNcwadi kaMormoni uNefi kanye noJakobe babenayo imibhalo ka-Isaya ezingcwepheni zethusi (bheka 1 Nefi 19:22–23), futhi basebenzisa lezi ziprofetho ukufundisa ngoMsindisi. Ukufunda indlela uNefi noJakobe abafanise ngayo u-Isaya 48–49 kubantu babo, bheka u-1 Nefi 22. Lokho kungase kukusize ufanise lezi zahluko nempilo yakho.
Ngokulalela iNkosi, singaba “[no]kuthula … njengomfula” (U-Isaya 48:18).
U-Isaya 40–49
“Uyinceku yami.”
Ku Isaya 40–49 iNkosi ikhuluma ‘ngenceku’ Yayo kanye “nofakazi” Bayo. Lamagama angakhuluma ngoJesu Kristu (bheka U-Isaya 42:1–7), ngendlu ka-Israyeli (bheka ku-Isaya 45:4), futhi ngeNkosi uKoresi, eyadedela amaJuda ukuba abuyele eJerusalema futhi akhe ithempeli kabusha (bheka ku Isaya 44:26–28; 45:1–4). Ungaphinde ucabange ngendlela lemibhalo ekuthinta ngayo njengenceku kanye nofakazi weNkosi. Isibonelo, cabanga imibuzo ekanje:
U-Isaya 40: 1–3; 9–11; 43:9–12. Ungufakazi kaJesu Kristu ngayiphi indlela na? Yiziphi “izindaba ezinhle” ongabelana ngazo njengofakazi Wakhe? Ungase ucabange ukuthi ubizelwe endaweni yofakazi ecaleni lasenkantolo. Kulelicala, uJesu Kristu ubekwe icala lokwenza isimangalo esilotshwe ku Isaya 43:11. Yibuphi ubufakazi ongabunikeza ukuze usekele ukusho kukaJesu? Yibuphi ubufakazi obuvela empilweni yakho ongabuveza?
U-Isaya 41:8–13; 42:6; 44:21. Yikuphi iNkosi ekubizele khona na? Cabanga ngobizo laseBandleni kanye namanye amathuba okuyisebenzela. “Ukubumbe” noma ukulungise kanjani ukuthi ube yinceku Yakhe? Ngabe ukweseka kanjani ngesikhathi umsebenzela?
U-Isaya 49:1–9. Ngabe yimiphi imiyalezo oyitholayo kulamavesi engakusiza uma imizamo yakho ibukeka “[i]yize [futhi i]ngelutho”? (uvesi 4).
U-Isaya 40:3–8, 15–23; 42:15–16; 47:7–11
Amandla kaNkulunkulu makhulu kunamandla asemhlabeni.
U-Izaya wayehlezi ekhumbuza abantu bakhe ngamandla kaNkulunkulu angaqhathaniseki, ngisho angaqhathaniswa namandla asemhlabeni anengcindezi ayebazungezile. Bheka lomlayezo ngesikhathi ufunda u-Isaya 40:3–8, 15–23; 42:15–16; no 47:7–11 (qaphela ukuthi isahluko 47 sibhekiswe kowathumba abakwa Israyeli, iBabele). Ngabe ikufundisani lemibhalo ngezinto zasemhlabeni na? Ngabe ikufundisani ngoNkulunkulu na? Cabanga ngokuthi kungani lomlayezo ubungaba yigugu kumaJuda athunjiwe. Kungani iyigugu kuwe na?
U-Isaya 48:10; 49:13–16
INkosi ingangicwengisisa ekuhluphekeni kwami.
Ngesikhathi ufunda u-Isaya 48:10, cabanga “ngesithando sakho sezinhluphekho.” INkosi “ikucwenga” kanjani? Ngabe u-Isaya 49:13–16 ukusiza kanjani lapho ubhekene nezinhluphekho?
Bheka futhi “The Refiner’s Fire” (ividiyo), UMthombo woLwazi lweVangeli.
The Refiner's Fire
Ukuze uthole amanye amasu, bheka amaphephabhuku alenyanga eLiyahona kanye ne For the Strength of Youth (Okwakha iNtsha).
Amasu okuFundisa abaNtwana
U-Isaya 40:3–5
Ngingasiza ukulungisa “indlela kaJehova.”
-
Cabanga ngezinye izindlela zokukhombisa ukuthi kusho ukuthini “ukulungisa … indlela kaJehova,” njengoba kuchazwe ku Isaya 40:3–5. Isibonelo, wena nabantwana bakho ningakwazi ukuqondisa into ethile egwegwile, nisuse indawo egcwele amafuhlufuhlu, noma nivule indlela endaweni enamatshe. Ungaphinde ukhombise izithombe zikaJohane uMbhabhadisi noJoseph Smith (bheka iNcwadi Yobuciko beVangeli, inombolo 35, 87). Ngabe bayilungisa kanjani indlela yokubuya kweNkosi na? (Bheka ku NgokukaLuka 3:2–18; IMfundiso neziVumelwano 135:3). Singasiza kanjani na? Leli kungaba ithuba lokukhuluma ngokuthi abaphathi bobuPhristi buka-Aroni basiza kanjani ukulungisa indlela yeNkosi (bheka IMfundiso Nezivumelwano 84:26–28).
Isaya 43:10
Ngingaba ufakazi weNkosi.
-
Emva kokufunda U-Isaya 43:10 ndawonye, ningaxoxa ngokuthi kuchazani ukuba ufakazi. Yabelanani ngezinto enihlangabezane nazo eningaba “ufakazi” wazo—isibonelo, ukudla okuzwile, indawo eniyivakashele, noma umuntu omaziyo. Ngabe kusho ukuthini ukuba ufakazi weNkosi? Yikuphi esingatshela abanye abantu Ngaye?
U-Isaya 44:3–4; 45:8
INkosi “izothela” izibusiso zayo phezu kwami.
-
Emuva kokufunda lamavesi, abantwana bakho bangachelela isitshalo ngesikhathi ukhuluma ngezibusiso iNkosi ezithululele phezu kwabo. Ngabe kwenzakalani kwisitshalo uma sisichelela na? Izibusiso zeNkosi zisisize kanjani ukuthi sikhule?
“Ukulunga kwethu [kungaba] njengamagagasi olwandle” (U-Isaya 48:18).
U-Isaya 48:17–18
Ukugcina imiyalo kaNkulunkulu kuletha ukuthula.
-
Izithombe noma amavidiyo emifula namagagasi olwandle angasiza abantwana bakho babone ngeso lengqondo u-Isaya 48:18 (njengezithombe ezikuloluhlaka). Abantwana bakho bangase bakujabulele ukuhambisa izandla nezingalo njengomfula namagagasi olwandle. Ukuthula kungafana kanjani njengomfula na? Ukulunga kungafana kanjani namagagasi na? Khuluma ngokuthi ukugcina imiyalo kaNkulunkulu kukusize kanjani uzizwe unokuthula njengomfula noma unamandla njengamagagasi.
-
- -
U-Isaya 49:14–16
INkosi ayisoze yangikhohlwa.
-
U-Isaya 49:14–16 angaba yinduduzo enkulu ebantwaneni bakho eminyakeni ezayo. Ngesikhathi ufunda uvesi 14, ungakhuluma ngalokho okungenza abantu bazizwe bekhohliwe noma belahliwe. Sazi kanjani ukuthi iNkosi ayisikhohliwe?
-
Ukwethula amavesi 15–16, ungabuza abantwana bakho ngomuntu abangasoze bamkhohlwa, njengelungu lomndeni noma umngane. Ngokusho kwa-Isaya 49:15–16, kungani iNkosi ingasoze yasikhohlwa? Ningabe seniyabelana ngemizwa yenu ngoJesu Kristu.
Ukuze uthole amanye amasu, bheka iphephabhuku lalenyanga le Friend (Umngani).