U-Isaya 13–14; 22; 24–30; 35

Esikhathini sika-Izaya, iBabiloni laliwumbuso onamandla onombusi onamandla. Manje iBabiloni liwumlando wasendulo. Ngakho-ke, kungani umlayezo ka-Isaya obhekiswe eBabele, ku Isaya 13–14, ubalulekile kithi na? Kungoba iBabiloni lifanekisela ukuziphakamisa, ukuhala, nesono, izinto ezisasizungezile nanamuhla. Cabanga ngalomfanekiso ngesikhathi ufunda U-Isaya 13:1–11, 19–22; 14:1–20. Ungase ucabange imibuzo ekanje:

• Yikona kuphi okufanayo okubonayo phakathi kwempakamo yenkosi yaseBabele nempakamo kaSathane na? (bheka ku-Isaya 14:4–20; Mose 4:1–4). Yiziphi izexwayiso ozitholela zona kulamavesi na?

• Ngabe uMsindisi unikeza kanjani “[impumezo] ebuhlungwini bakho, nasekuhluphekeni kwakho”? (U-Isaya 14:3.)

Izimfundiso zika-Isaya zivame ukuphatha umsebenzi woMsindisi, okubalwa kuwo umnikelo wenhlawulo, uVuko kwabaFileyo, nokuBuya kwesiBili. Yikuphi okuphathelene nomsebenzi Wakhe okufika emqondweni ngesikhathi ufunda lamavesi: U-Isaya 22:22–23; 24:21–23; 25:-6–8; 26:19; 28:16? Yimiphi eminye imibhalo oyitholayo ekukhumbuza ngoMsindisi na?

Ngomusa Wayo, iNkosi yathumela u-Isaya ukuba axwayise abantu besivumelwano ukuthi babeduka Kuye. Bheka ukuthi ungazithola yini izimpawu eziyisixwayiso ezingokomoya zalokhu ku Isaya 24:5; 29:13; 30:8–12. Kungani lezi zimo zengqondo nezenzo ziyingozi ngokomoya?

Ukuxwayisa ngomphumela wokujikela iNkosi, u-Isaya wasebenzisa iziqhathaniso ezikhumbulekayo. Njengoba ufunda ngazo, zibuze ukuthi ukufulathela iNkosi kufana kanjani:

• Nomhlaba odabukisayo, oyincithakalo (U-Isaya 24:1–12).

• Nokudakwa (U-Isaya 28:7–8).

• Nokulamba nokoma (U-Isaya 29:7–10).

• Nodonga oluphukile noma isitsha (U-Isaya 30:13–14).

Kungani kubalulekile kuwe ukuthi uhlale useduze neNkosi?

Ngabe uke walahlekelwa okuthile obucabanga ukuthi ngeke uphinde ukuthole? Noma mhlawumbe kukhona okwaphuka, futhi wakhathazeka ngokuthi ngeke kuphinde kulungiswe. Lapho sifulathela iNkosi, uSathane ufuna sicabange ukuthi angeke siphinde sikwazi ukubuya noma siphiliswe. Kepha, u-Izaya wachaza ezinye izinto ezinhle ezizokwenziwa yiNkosi ukusisiza sibuyele Kuyo. Yikuphi okufundayo ku-Izaya 29:13–24; 30:18–26;35 ngeNkosi, uthando Lwayo, namandla Ayo? Mhlawumbe ungathola umusho kulezi ziqephu okunikeza ithemba lapho udinga ukuphulukiswa. ­Ungabheka futhi emlayezweni kaDade Amy A. Wright “Christ Heals That Which is Broken” (ILiyahona, ngoMeyi 2022, 81–84).

Indlela eyodwa iNkosi eveza ngayo amandla kanye nomusa Wayo ukuBuyiselwa kweVangeli. U-Isaya 29 uqukethe imibhalo embalwa eqondene nezehlakalo zokuBuyiselwa. Isibonelo:

• Qhathanisa U-Isaya 29:11–12 no 2 Nefi 27:6–26 no Joseph Smith—Umlando 1:63–65.

• Qhathanisa U-Isaya 29:13–14 ne Mfundiso neziVumelwano 4 no Joseph Smith—Umlando 1:17–19.

• Qhathanisa u-Isaya 29:18–24 ne khasi lesihloko seNcwadi kaMormoni.

Ngokubona kwakho, kungani “okumangalisayo” kanye “nokumangala” (U-Isaya 29:14) kungamagama amahle okuchaza iNkosi ibuyisela ivangeli Layo? Ungasiza kanjani ukugcwalisa iziphrofetho mayelana nokuBuyiselwa? Ukuze uthole amanye amasu, bheka noGerrit W. Gong, “All Nations, Kindreds, and Tongues,” (ILiyahona, ngoNovemba 2020, 38–41).

Bheka futhi “UkuBuyiselwa kweVangeli likaJesu Kristu ngokuPhelele: IsiMemezelo semiNyaka engamaKhulu amaBili esibhekiswe emHlabeni” (Umtapo woLwazi weVangeli).

• Uzobasiza kanjani abantwana bakho babone uMsindisi emibhalweni ka-Isaya? Ungabasiza bathole imishwana ebakhumbuza Ngaye ku Isaya 14:3; 25:8; noma 28:16. Bangaphinda futhi baqondanise lamavesi aku-Isaya namanye amavesi afundisa ngoMsindisi, njengo NgokukaMathewu 11:28–30; 1 KwabaseKhorinte 15:53–57; Helamani 5:12. Ngabe yiziphi izinto ezinkulu iNkosi esenzele zona?

• Emva kokufunda U-Isaya 25:8–9 ndawonye, ningabheka izithombe zoMsindisi eGetsemane, esiphambanweni, kanye nangemva koVuko Lwakhe. Vumela abantwana bakho bakhulume ngalokho okwenzeka ezithombeni nokuthi kungani bethanda uJesu futhi “bethokoza ngensindiso yakhe” (uvesi 9).

• Ungase ukhethe ukutshela abantwana bakho ngokudabuka owakuzwa lapho othile omthandayo eshona. Fakaza ngenduduzo owayithola ngenxa kaJesu Kristu. Mhlawumbe abantwana bakho bangadweba ubuso obukhalayo bese beyazisusa izinyembezi njengoba nifunda U-Isaya 25:8 ndawonye.

• Ngabe wena nabantwana bakho nake nasizwa isibusiso sokuba nendawo ephephile yokuhlala ngesikhathi sesivunguvungu noma umthunzi ngosuku olushisayo ehlobo na? Noma ingabe ukujabulela ukudla okumnandi ngesikhathi nilambile? Khulumani ngalezi zehlakalo njengoba ufunda U-Isaya 25:4–6. UJesu ufana kanjani nalezi zincazelo na?

• Njengoba wena nabantwana bakho nifunda U-Isaya 29:14, yabelana nabo ngamanye amagama asho into efanayo nelithi “isimangaliso” nelithi “ukumangala .” Bavumele bakusize uthole izinto noma izithombe ezimele eminye yemisebenzi emangalisayo yeNkosi phakathi nezinsuku zokugcina. Lokhu kungase kuhlanganise ikhophi yeNcwadi kaMormoni, isithombe sethempeli, noma isithombe soMbono WokuQala (sikhona esisekuqaleni kwalesi sifundo). Emva kwalokho abantwana bakho bangase bakhethe into ethile futhi bakutshele ukuthi kungani imangalisa kubo.

• - Futhi mhlawumbe oseke wabhekana nakho komuntu siqu nolwazi lwakho kungasiza abantwana baqonde ukuthi kusho ukuthini ukubuyiselwa. Mhlawumbe wena nabantwana bakho ningaxoxa ngento ethile eyanilahlekela nokuthi nayithola kanjani. Siza abantwana bakho bafanise lokho nokuBuyiselwa kwevangeli. Ngokusho kwa-Izaya 29:13–15, kungani sidinga ukuBuyiselwa kwevangeli? Yimiphi imisebenzi emangalisayo iNkosi eyenzayo ukubuyisela ivangeli Layo? (bheka ikhasi lomsebenzi lakulelisonto).