“Oakotohpe 19–25. ‘Mowhn Ei Kihiong Uhk Mour I Piluhkadahr’: Seremaia 1–3; 7; 16–18; 20,” Kohdo, Idawehn Ie—Ohng Tehnpas akan oh Imwen Sarawi Kan: Kadehdeh Mering 2026 (2026)

“Oakotohpe 19–25. ‘Mwohn Ei Kihiong Uhk Mour I Piluhkadahr,’” Kohdo, Idawehn Ie: Kadehdeh Mering 2026

Seremaia, sang Walter Rane

Oakotohpe 19–25: “Mwohn Ei Kihong Uhk Mour I Piluhkadahr”

Seremaia 1–3; 7; 16–18; 20

Ni tapio, Seremaia lemeleme me e sohte pahn wiahla soukohp mwahu men. E ahpw sapeng patohwan, “ia duwe, pwe I sohte kin ese pato” (Seremaia 1:6). Ahpw Kauno ketin mahsanihong, “I kihong uhkehr mahsen kan me ke pahn nda” (ire tikitik 9). Seremaia kehn me e soakoahiek (iretikitik 6), ahpw Kauno padahkihiong me e koahiek sang me e medemedewe—e pilipildahr en wia pwukoah wet mwohn ah saik ipwidi o (tehk ire tikitik 5). Seremaia ahpw pwilikihdi ah soukoapwoaroapwoar oh alehda poahngoako. E kaparki nahnmwarki en Seruhsalem kan oh samworo kan me ahr me sarawi likamwete kan sohte pahn kamaur iraila. Aramas men me medewe me e sohte ese pato ahpw kehndahr manaman en mahsen en Koht me rasehng “kisiniei me lullul” oh sohte kak tokedi (Seremaia 20:9).

Soai pen Seremaia pil iei soai pomw. Koht Ketin pilkomwi dah mwohn omw ipwidi oh kaunopehng komwihier omw pwukoahn seiloak en mour wet. Me duehte soahng teikan, Seremaia kilangehr mehkot me pidada pwukoah wet me iei: kapwurepene Sapwelimen Koht aramas akan, wad emen, pwehn “kapwure [iraildohng] Saion” (Seremaia 3:14). Oh mendahte a ke sehse dahme ke pahn nda de wia, ke kak “dehr masak … ; pwe I ketin ieiang uhk, Kauno me mahsanih” (Seremaia 1:8, 19).

Ohng oaralap pen pwuken Seremaia, kilang “Seremaia” nan Diksineri en Pwuhk Sarawi.

Mehn Kaskuhl Ohng Tehnpesomwi Oh Wasahn Kaudok Kan

Seremaia 1:4–19; 7:1–7; 20:8–9

Soukohp kan pilipildahr en kalohngki mahsen en Koht.

Medewehiong meke loklokaiahng aramas emen me saikinte rong duwen soukohp, oh kahpw pilada en doadoahngki karasaras en Seremaia ah alehdi pwukoah en soukohp men nan Seremaia 1:4–19. Dahme ire pwukat padahkihiong komwi duwen soukohp en Koht akan? Komwi pil kak kilang nan Seremaia 7:1–7; 20:8–9 oh melkahka me rasehng “We Listen to a Prophet’s Voice” (Melkahka, nempe. 22).

Mwein komw pil pahn men ehukihiong kempoakepahmw kan duwen soukohp en rahnwet. Mie ire sang nan ire pwukat me kak sawas? Karasepe, dahme soukohp en rahnwet kin “usada” de “kupwelidi”? Dahme kitail kin “kawada” oh “padokedi”? (Seremaia 1:10). Komwi esehiero me atail sounkohp me ieiias rahnwet pilipildahr sang rehn Koht?

Pil tehk Iren Pwoson 1:6, 9; “Dahme miehki atail soukohp?” (kasdo), ChurchofJesusChrist.org.

Seremaia 1:5

Koht ketin piliedahr mwohn Ei ipwidi.

Dahme Seremaia esehla duwen pein me sansal nan Seremaia 1:5? Nin duwen soukohp men me ahpwtehn alehda ah pwukoah, dahme kahrehda mehn kaweid wet kesempwaliki en wehwehki?

Soahng tohto me Seremaia esehla me pid pein ih nan Seremaia 1:5 pil duehte kowe. Koht esei komwi mwohn omw ipwidi oh ketin kaunopadahr pwukoah kan me ohngete komwi. Pwehn kalaudehla ahmw wehwehki ahmw mour mwohn ipwidi, wadek Alma 13:1–4; Doctrine and Covenants 138:53–56; and Abraham 3:22–23. Ke kak kilelehdi padahk mehlel kan me ke diarada. Dahme e kesempwalki Ken ese mepwukat?

Pwehn esehla mwomwen padahk mehlel pwukat ah wekidala mour en Elder Ahmad S. Corbitt, onopki ah padahk “Ke Kak Kapwurepene Isrehl!” (Liahona, Mei 2021, 61–63). Iamwomwen omw wehwehki mwomwen omw mour mwohn mour wet ah pahn sewese omw momour en ansou wet?

Iet me President Russell M. Nelson kosoia me pid omw mour mwohn mour wet:

“Semomw Nanleng wehwehkin komwi ier ansou werei. E ketin pilkomwidahr en ipwidiong nan mwehi wet, pwe ken wia Sapwelime soun papah ohng Sapwelime doadoahk kesempwal o ohng Sampah. Ke pilipilda kaidehn kaidehn pwehki mwomwen palweromw ahpw pwehki wiewihan palingenomw, me duehte komwad, eimah, mohngiong mwakelekel, duhpengki dahme pwung, duhpengki marain, oh ineng en papah mehteikan.

“Ke aledier ekei soahng pwukat nan mour mwohn mour wet. Ekei ke pahn alehdi ni Sampath sang ni ahmw pahn paodehng rapahki” (“Decisions for Eternity,” Liahona, Nop. 2013, 107).

Medewe ekei pak me ke kin lelohng mehkot ieu me inenen kesempwal ken tamataman padahk mehlel pwukat me pid amw mour mwohn mour wet. Dahme ke kak wia pwe kan kak Tamataman me pwungo?

Pil tehk Russell M. Nelson, “Decisions for Eternity,” Liahona, Nohpempe. 2013, 106–9; Oaralap oh Kalelapak KAn, “Foreordination,” “Mour Mwohn Mour Wet,” Gospel Library.

pali soakoahiek, aramas emen keskesihnen nan pwarer ieu; pali koahiek, mie tenihr ieu — Nan Seremaia 2:13, Kauno karasahiong mour en pali ngenen aramas akan ohng “denkin Phil ohla ehu” karasahiong pein Ih “kereker en Phil mour ehu.”

Seremaia 2; 7

“Re sohpeisangieier, me wia utuhnpihl mwakelekelo.”

Nan Isrehl wasa me madaekeng wasa me mehn Isrehl kan kin kousoanie, aramas koa nekidala pihl kaselel kei kan pahn pwehl me adaniki cisterns. Dahme ahmw madamadau ong “pwarer me sohte kak kol pihl” me sansal nan Seremaia 2:13 pahn kak rasehng? Dahme kahrehda nimpil sang ni utuhnpihl mwahu ki sang nan pwarer? Iawehwehn sohpeisang “utuhnpihl mwakelekelo”? Ni ahmw pahn wadek Seremaia 2 oh 7, kilang mwomwen aramas akan ahr kin soikala Sapwelimen Kauno pilen komour (kilang, karasepe, Seremaia 2:26–28; 7:2–11). Dahme kahrehda “utuhnpihl mwakelekelo” wiahki mehn karasepe mwahu ohng dahme Sounkorouo ketkihong komwi? Medewe iamwomwen ahmw nimnimpilsang ni utuhnpihl mwakelekelo.

Seremaia 7 padahkehng aramas akan me pidpidelong nan “tehnpas en Kauno … pwehn kaudok ohng Kauno,” ahpw arail wiewihan kan sohte duehte dahme irail kamelele (kilang ire tikitik 2–11). Soangen kaweid da me ke pehm me Kauno kupwurki ken ese nan ire tikitik 21–23?

Doadoahngki dipwsou ohng mehn kasukuhl. Sapwelimen Kauno soukohp kan kin kalapw karasahiong padahk mehlel kan en pali ngehn ohng mehkot me kitail esehier. Song wia duehte ni ahmw pahn esehla oh kalohngki rongamwahu wet. Karasepe, pwehn Kak kilang Seremaia 2:13, ke kak audehda ehu kepin Phil me pwal de ohla de ke kak nimpil sang kereker en pihl ehu. Ia mwomwen Sises ah rasohng “kereker en pihl mour ehu”? (Seremaia 2:13). Ia mwowmen atail pahn nimpil sang Sapwelime pilen mour?

Seremaia 3:14–18; 16:14–21

Kauno kapwurepene sapwelime aramas akan.

nan Seremaia 16:14–15, Seremaia karasahiong kopwurpwurpenehn Isrehl ni imwin rahn akan ohng mehn Isrehl akan ahr seiloaksang Isip. Ni pein ahmw madamadau, Dahme kopwurpwurpenehu kakete kesempwalkihsang seiloak en Sapwelimen Koht aramas akan sang Isip?

Dahme Seremaia 3:14–18; 16:14–21 kawehwehda me pid mwomwen kopwurupwurpene?

Nan ah padahk “Hope of Israel,” President Russell M. Nelson, duehte seremaia, padahngki me kopwurpwurpenehn Isrehl “iei me keieu kesempwal me wihwiawi nan sampah rahnwet” (worldwide youth devotional, Suhn 3, 2018, Gospel Library). Rong de wadek padahk wet, oh kilang ma komw kak diarada (a) iamwomwen President Nelson ah kawehwehda duwen kopwurupwurpenehn mehn Isrehl, (b) ia kesempwalpe, oh (c) ia atail pwukoah ohng nan doadoahk wet.

kalaudpe, kilang makesihn kan en sounpwonget Liahona oh Ohng Kakehlepen Me Pwulopwul Kan.

Mehn Kaskuhl Ohng Seri Kan

Seremaia 1:5

Sahm Nanleng eseiehier mwohn ahi apwidi.

Pwehn kapehseh padahk mehlel me mih nan Seremaia 1:5, ke kak kasalehiong noumw seri kan kilel en seri pwelel (de, ma kak, ke kak kilang kilel en noumw seri kan ni arail pwelel). Kalelapak rehn seri kan ma re ese iawasa re mihmi Ie mwohn arail ipwidi. Kumwail kak koulkipene koul me pid mour mwohn mour wet, me rasehng “I Lived in Heaven” (Pwuken Koul Ohng Seri Kan, 4).
Ma seri kan men esehla mwahu, komw kak seweseirail rapahkida duwen “Mour Mowhn Mour Wet” nan wasahn kaweid en pwuhk sarawi kan. Re kak rapahki pasapeng pen kalelapak kan en mour mwohn mour wet me pid duwen “ihs,” “iahd,” oh “dahme.”

kisin serepein men kolokol seri pwelel men

Seremaia 1:4–19

Soukohp kak kin pilipildah pwe ren kalohngki mahsen en Kauno kan.

Komw kak kasalehda kilel en soukohp en rahnwet de soukohp kan nan pwuhk sarawi (komwi kak diar kilel pwukat nan Church magazines, the Gospel Art Book, oh Kohdo, Idawehn Ie). Kalelapak rehn Seri Kan dahme re ese duwen soukohp pwukat.
Pwe ken kak padahngki dahme soukohp kin wia, ke kak pilada ekei ire sang nan Seremaia 1, oh ire tikitik 5, 7, 10, and 19. Seri kan kak pilada ehu ire, wadek, oh kosoiahda dahme re esehla duwen soukohp.

Seremaia 16:14–16

I kak sewese Sapwelimen Sahm Nanleng seri kan pwurodohng Reh.

Ni omw Pahn wadewadek Seremaia 16:16, seri kan kak sohngda mwomwen “laid” oh “rapahki” mehkot nan perehn kasukuhlo. Presiden Russell M. Nelson karasahiong soused oh sounpwek kan nan ire tikitik wet ohng misineri kan (kilang “The Gathering of Scattered Israel,” Liahona, Nop. 2006, 81). Dahme misineri kan kin wia? Ia mwomwen atail kak sawas “laidih” oh “rapahki” mehn Isrehl salongalahr kan? (kilang “Padahk ohng Seri Kan sang President Russell M. Nelson” [kasdo], ChurchofJesusChrist.org).

3:30
Video: A Message for Children from President Russell M. Nelson

Seremaia 18:1–6

I kak mweidohng Kauno en kaweid ei mour, duwehte soun wia dahl sang kilehi.

Pwehn wehwehkihla mwahu ire tikitik pwukat, ke kak kosoia de kasalehda mwomwen Dahl eh kin wiawihdahsang kilehi (kilang kilel me mih ni imwin oaralap wet). Soangen kaweid da me Kauno kasalehiong kitail nan Seremaia 18:1–6? Ia wehwehn kitail en wia kilehi kei nan limen Kauno? (pil kilang Aiseia 64:8). Ohng pilehu soai me karasahiong kitail Dahl kilehi wet, kilang en Elder Richard J. Maynes padahk “The Joy of Living a Christ-Centered Life” (Liahona, Nop. 2015, 27–30).

Kalaudpe, kilang makesihn en sounpwonget Kempoakepah.

Pehn aramas kamkamedele dahl kilehi ni mehn kepir — “Kumwail kin mihmi Nan limei kat duwehte pwehl na pehn sounwia dahlo” (Seremaia 18:6).

Ire tohrohr ohng seri kan: I kak sewese Sapwelimen Sahm Nanleng seri kan pwurodohng Reh. — “Kumwail kin mihmi Nan limei kat duwehte pwehl na pehn sounwia dahlo” (Seremaia 18:6).