Aiseia 58–66

Dahme kahrehda aramas emen eh pahn medewehda en sohte mwonge nan eh mie mwonge? Ni ahmw pahn onopiki Aiseia 58:3–12, ke kak medewe kahrepen kaisihsol—oh kahrepen Kauno ah ketkihdo kosonned wet. Iet ekei kalelapak mehn medemedewe:

• Dahme kahrehda ekei pak kaisihsol kin mwomwen wia katoutou ehu ahpw kaidehn kapai? (kilang Aiseia 58:3–5). Ia mwomwen Sapwellimen kauno padahk pwukat nan iralaud wet ah wekidala ahmw wehwehki?

• Iawehwehn en “kamweidpeseng sahl me pirepenehr irail kan me mihmi Nan kehnaudek” oh “kasaledekala irail kan me mihmi Nan apwal”? (Aiseia 58:6). Iamwomwen kaisihsol ah kak kapwaiada mehteikan? (tehk ire tikitik 7).

• Iamwomwen kaisihsol eh kapaiukada duwehte me sansal nan Aiseia 58:8–12?

E ketin mahsanih “Kaidehn Met Kaisihsol Me I Ketin Piladahro?” (Liahona, Mei 2015, 22–25), President Henry B. Eyring ehukihda ekei karasaras me kasalehda mwomwen aramas akan ahr kin alehdi kapai sang ni kaisihsol oh meirong en kaisihsol. Komw aledier soangen kapai pwukat?

Pil tehk “Bless Our Fast, We Pray,” Melkahka, nempe. 138; Oaralap oh Kalelapak, “Kaisihsol oh Meirong en Kaisihsol Kan,” Gospel Library.

Komw kin “wauneki” rahn sarawi? Ni omw Pahn onopiki Aiseia 58:13–14, medewe iamwomwen ahmw kak wauneki sapwelimen Kauno rahn. Ni karasepe, ia wehwehn “sohte rapahki mehkot me mihmi ni pein kamwahupamwail ni rahnen Sapad”? Ia wekpeseng en “[kaloalamwahuihki] pein kowe Kauno” oh “wiewia pein ahmw”?

Pil tehk Russell M. Nelson, “The Sabbath Is a Delight,” Liahona, Mei 2015, 129–32.

Aiseia 58–66 kolokol ire tohto me kaweidki duwen koasoandi en tomw en Sises Krais. Rapahki mepwukat ni ahmw wihwia ahmw onop. .Ni mehlel, Tamataman had akan oh mahsen kan me kawehwehda duwen Sounkomouro Ni karasepe:

• Dahme kesempwal ohng komwi me pid kawehweh pen “aramas me kin sewese me milahr nan apwal” nan Aiseia 59:16–21? Iamwomwen Sounkomouro ah powehdi dahme wiawih kan me sansal nan iretikitik 9–15?

• Ansou me Sises pakairkihong mehn Nazareth kan me ihme Mesaiahu, E doadoahngki ire kan sang Aiseia 61:1–3 (kilang Luk 4:16–21; pil kilang kasdohn “Jesus Declares He Is the Messiah,” Gospel Library). Iamwomwen Sises Krais ah kapai kumwailda nin duwen dahme sansal nan ire tikitik pwukat? Iamwomwen Ah pahn ketkihong peren oh nsenamwahu wasahn pahtou kan?

  

  3:24

• Soangen “mwekid en limpoak en Kauno da” me ke kak “kosoiahda”? (kilang Aiseia 63:7–9).

• Iahnge ekei ire me pid Sounkomouro me ke diar nan Aiseia 58–66?

Pil tehk Mosaia 3:7; Doctrine and Covenants 133:46–53.

Aiseia 60 oh 62 kosoia duwen marain oh rotorot, pworenmas en kilang pwehn kalohngki ia mwomwen rongamwahu en Sises Krais ah pahn kapaiada sampah ni imwin rahn akan. Rapahki iren kaweid pwukat nan Aiseia 60:1–5, 19–20; 62:1–2. Ni ahmw pahn wadek iralaud pwukat, medewe mwomwen Koht ah ketin kapwkapwurepene Sapwelime seri kan sang nan rotorot ohng Sapwellime marain. Ia omw pwukoah ohng nan doadoahk wet?

Pil tehk 1 Nihpai 22:3–12; 3 Nihpai 18:24; Doctrine and Covenants 14:9; Bonnie H. Cordon, “Irail Akan Me Pahn Kilang,” Liahona, May 2020, 78–80.

Aiseia kosoia duwen ehu rahn me “kahpwal en mahsoko pahn manoknokla” (Aiseia 65:16). Mendahte kokohp wet ah pweidahr ansou kei, ahpw ni wehweh unsek, rahno pahn leledo—me Sises Krais pahn pwuredo. Aiseia kawehwehda rahn me pahn wiawi wet nan Aiseia 64:1–5; 65:17–25; 66. Komwi kak tehk mwahu eh kalahpw doadoahngki lepin lokaia “kaping” oh “kepkepinga.” Dahme kahrehda ketdohn Sounkomouro pahn wia rahn en kaping ohng komwi? Dahme komw kak wia pwehn kaunopada ohng Sapwelime ketdohu?

Pil tehk Iren Pwoson kan 1:10; Russell M. Nelson, “}Me Pahn Kohdohng Mwowohdiso: “Kaukaunop Sampah ong Ketdo keriau en Sounkomouro,” Ensign, Epreil 2020, 13–17.

• Mwein ahl me keieu mwahu en sewesehki noumwail seri kan en kak kasihsol—ansou me irail onopadahr—iei en sewese irail en wehwehki kahrepen Sapwelimen Kauno kosonned wet. Kumwail kak wadek pene Aiseia 58:6–11 oh rapahkida pasapeng pen peidek me iei: Dahme kahrehda kitail kin kaisihsol? Ia mwomwen atail pahn kaisihsol? Ke pil kak kilang nan “Kaisihsol, Kaikaisihsol” mehn Kaweid ohng Pwuhk Sarawi kan.

• Komwi kak ehukihiong seri kak kapai en kaisihsol me komw alehier. Komw pil kak kalelapak rehrail iamwomwen arail pahn kawehwehiong kempoakepahrail kan dahme kahrehda Kauno ketkihong kitail ki kosonned wet.

• Mwurin amwail wadek Aiseia 58:13–14, ke kak idih ehu ehu rahn nan pwuken kalander oh lukehiong noumw seri kan en ianguhk nda rahn akan. Ma kumwail wadekada Sapad, ah komw padahkihong irail en kahdanki rahno “rahn kaperen.” Padahkihiong irail dahme Rahn Sarawi kesempwal kihong komwi.

• Ehukipene wiepehkan me kumwail kak wie pwehn “wauneki Kauno” rahn en Sapad. Mwein noumwail seri kak kan mahleniada arail madamadau kan oh kihong nan ehu “kakon ohng Rahn Sarawi kan.” Eri, ansou me irail kin sehsehla dahme irail pahn wia nan ehu rahn sarawi, irail kak waikeisang ehu mahlen nan kakon wet.

• Komw kak lukehiong seri kan en meirpene ni omw Pahn wadwadek Aiseia 60:1–3. Ndahng irail en pehdpeseng ansou me irail pahn rong lepin lokaia “marain” oh pwurehng meirpene ansou me irail rong “rotorot.” Kawehwehda me Sises Krais oh Sapwelime rongamwahuo wia mehn kamarain me pahn seweseie kitail en kak pwuralahng Samatail Nanleng.

• Aiseia 65:17–25 kawehwehda ia pahn mwomwen sampah ansou me Sounkomouro pahn sapahldo. Ansou me kumwail pahn wadekpene ire tikitik pwukat, sewese irail en rapahki ia mwomwen mour wet ah pahn wekila nan “sampah kapwo” me Aiseia kawehwedahr. Dahme kahrehda e pahn wia ansou en “nsenamwahula oh pereperen kohkohlahte”? (ire tikitik 18).

• Kumwail kak koulkipene koul me pid Ketdo Keriau o, me rasehng “Ansou me Sounkomouro Pahn Sapahldo” (Gospel Library). Ehukihpene dahme emen emen kumwail kasik rahn me Sounkomouro pahn pwurehng sapahldo? Dahme kitail kak wia pwehn kaunopada ohng rahno?