Aiseia 50–57

Mendahte mehn Isrehl akan ahr sensenkiher sounpar tohto—oh mendahte selidi wet ah kohsang ni pein arail pilipil sapwung—kauno kupwurki irail en kilengla mwohrail oh ahneki koapwoaroapwoar. Dahme ke diar sang nan Aiseia me kihieng komwi koapwoaroapwoar? Soangen wiepen wet kak sewese ahmw onop:

Pil tehk Mosaia 12:20–24; 15:13–18; 3 Nihpai 20:29–46; Doctrine and Covenants 113:7–10; Russell M. Nelson, “Embrace the Future with Faith,” Liahona, Nov. 2020, 73–76.

Ekei irelaud en nan pwuhk wet kasalehda lingan en Sapwelimen Sises Krais doadoahk en komourlahu sangAiseia 53. Ke kak wia soangen kamwadong pwukat pwehn kalaudehla ahmw wehwehki oh doadoahngki padahk manaman pwukat:

• Medewe oh kosoiapene soai oh kasdo kan me kin kasalehda aramas men me kin sawas kapitala aramas kan. Kilangada wekpesengen mwomwarail oh Sounkomouro nan Aiseia 53.

• Mwurin amwail wadek ire tikitik pwukat, uhdi pwehn medewe duwen Dahme Soundoaro lokolokiher—me iei “pahtou,” “kansensuwed” oh “dihp akan” me e lokolongkiher—ohng aramas koaros oh mehlel ohng uhk. Ni amwail wie wadawad, kumwail kak weliankihdi lepin lokaia “kitail” de “atail” ohng “ahi.” Ia ahmw pepehm oh iren madamadau ohng ire tikitik pwukat?

• Kumwail kak kilang kadohn “Ahi Wehi Sohte Mihmi Sampah” (Gospel Library), oh medewe mwomwen kokohp pwukat nan Aiseia 53 ahr pweidahr. Soangen katoutou oh nsensuwed da me Sounkomouro kasaledekih komwi sangehr?

  

  5:25

• Kilangada kilel kan me kasalehda Dahme wiawi ansou en Tomw en Sises Krais (kilang Gospel Art Book, nos. 56–60). Kahpw uhd kilangada ire kan nan Aiseia 53 me kawehwehda dahme wiawi kan nan kilel pwukat. Dahme padahk pwukat kapehmih kin komwi en wia?

Pil tehk “Behold the Great Redeemer Die,” Melkahka, nempe. 191.

Kitail koaros lelohngehr pepehm en me kitail dohsangehr Kauno pwehki dipatail kan. Ekei solahr koapwoaroapwoarki me E pahn mahkehng irail. Aiseia 54 oh 57 wia iren sawas me pahn kakehlekei komwi nan soangen irair pwukat . Ahpw mehlel nan Aiseia 54:4–10; 57:15–19, dahme mahsen pwukat padahkihiong komwi duwen Sapwelimen Sounkomouro pepehm ohng komwi? Ia wekdeklahn kan me mepwukat wiahiong omw mour ni omw esehla duwen Ih?

President Dieter F. Uchtdorf padahngki:

“E sohte lipilipil iawen laud en ohlahn atail mour. E sohte lipilipil ia wen laud en dipatail kan, ia wen loal en atail kapwunod kan, ia wen sangat, sohte me men tehk kitail, de olahn atail mohngiong kan. Mehndahte irail kan me sohte arail koapworopwor, momourki soukoapworopwor, sohla arail kamehlele, sesehla dahme mwahu, de pil sohpeisang Koht kak pwurehng mwahula. …

“Ih rohng kaperen en rongamwahu wet iei: pwehki sapwelime plahn en peren me kodohng kitail sang rehn Samatail Nanleng oh sang ni tohnmetei me Sises Krais ketkiong kitail, kitail sohte pahn komourlahte sang pwupwila me kitail wiahu oh pwurehng mwakelekelada, ahpw kitail pil kak weksang atail madamadau en palinwar oh sosohkila mour soutuk oh alehda Sapwelimen Koht glory.”(“E Pahn Pwil Uhk Pohn Pwopwe Oh Kapwureiukala Reh,” Liahona, Mei 2016, 102).

Pil kilang en Patrick Kearon padahk, “Koht Kupwurki en Kapwureiukodo Reh,” Liahona, Mei 2024, 87–89.

Uhwen ansou ieu, mehn Isrehl kan dehdehki Sapwelimen Koht aramas en inou. Ahpw, Sapwelimen Koht koasoandi sangete ni tapio kaidehn ohngete wehi ehu, pwe “kumwail koaros me men nimpil dahr” kumwail kohdo “iet … pwarer en” (Aiseia 55:1). Tamataman met ni ahmw pahn wadek Aiseia 55 oh 56, oh medmedewe ia wehwehn en wia Sapwelimen Koht aramas. Ia Sapwelimen Koht kaweid ohng koaros me pehm “me re tohrohrsangehr” Ih? Aiseia 56:3. Kilelehdi ire tikitik kan me kawehwehda duwen momour oh wiewia kan en irail akan me “Kolokol ei inou sarawi kan” (kilang Aiseia 56:4–7).

• E pahn kaperen ohng seri kan en diar mahsen kan me rasehng “pirda,” “kesihnenda,” oh “pwurehng kehlailda oh lapalapala” nan Aiseia 51:9, 17; 52:1–2, 9 oh sohngada. Mwuri, komw kak kosoiahiong irail ia wehwehn pirida, kesihnenda, oh pwurehng kehlailda ni pali ngehn. Dahme Kauno kupwuki kitail en wia nan iretikitik pwukat?

• Seri kan pil kak wadek Aiseia 51:1, 4, 7 oh kilangada isime Kauno mahseniong oh dahme E kupwuriki ren wia. Ia wehwehn “karonge” Kauno? Iamwomwen atail kak Kasalehiong Kauno me kitail pahn “karonge” Ih?

• Kumwail oh noumwail seri kan kak kilangpene kilel kan me kasalehda lokolok oh pwoulahn Sises Krais (kilang, karasepe, Gospel Art Book, nos. 56, 57, 58). Mwurin Kumwail kak wadek pene Aiseia 53:3–6, 9 oh kilangda mahsen kan me kawehwehda dahme wihwiawi nan kilel pwukat. Sewesehki seri kan ren wehwehki me Aiseia kosoiahda soahng pwukat pahr epwiki kei mwohn ahr wiawi. Dahme e kesempwalkihiong aramas en wehwehki soahng pwukat pahr ekei mwohn ahr pahn wiawi? (tehk Alma 39:15–19).

• Mwurin amwail wadek sang Aiseia 53:4, “Ahpw, atail tungoal lokolok kan me e lokolongki, atail medek me e toutoukihla,” noumwail seri kan kak song en pwokada ehu mehkot toutou (de mwomwehda meh toutou). Kosoiapene iamwomwen “katoutou” oh “nsensuwed” de pahtou ah apwal ohng komwi en wouwa de kolokol. Dahme Sises alehkihda atail “pahtou kan,” “nsensuwed kan,” oh “sapwung kan” de dihp kan? (pil kilang Alma 7:11–12).

• Pwehn padahkihong noumwail seri kan duwen Aiseia 55:6, ke kak ekihla ehu kilel en Sises ekis wasa nan amwail pere. Ke kak lukehiong noumw seri kan en rapahkihda kilelo oh ndahda ehu ahl en “rapahki Kauno oh diar Ih.” Koul me rasehng “Seek the Lord Early” (Pwuken Koul Ohng Seri Kan, 108) kak kihieng irail ekei iren madamadau. Komwi pil kak mweidohng emen seri en ekihla kilelo oh kapwrehiong oh kapwrehiong iren kamwadong wet.

• Mwurin amwail wadek Aiseia 55:9, seri kan pil pahn pereniki kesihnenda pohn mehkot oh kosoiahda ia wekdeklahn mehkan me re kilkilang ni ahr keskesihnen wasa “ile.” De re kak mahleniada ia wehwehn Aiseia 55:9 ohng irail. Kumwail kak kosoia pene iamwomwen sapwelimen Kauno wiewia kan ah ileileh sang atail. Ni karasepe, dahme E kin Ketin wiahiong me dipan kan? (tehk Mark 2:15–17). Iamwomwen Ah ketin kawkaweid mehteikan ? (tehk Madiu 20:25–28). Ehukihong noumwail seri kan duwen ahmw esehla koapwoaroapwoarki Sapwelimen kauno ahl oh madamadau sarawi kan.