Heremaia 1–3; 7; 16–18; 20

Kia whakaarohia anō nei kei te kōrero ki tētahi hoa kāore anō kia rongo e pā ana ki ngā poropiti, ā, ka whakatau ka whakamārama koe e pā ana ki te karangatanga a Heremaia hei poropiti i Heremaia 1:4–19. He aha tāu e kite nei i ēnei whiti nā konā whakaakona ai tētahi mea e pā ana ki ngā poropiti a te Atua? Ka taea hoki te titiro i Heremaia 7:1–7; 20:8–9 me tētahi hīmene pērā i “We Listen to a Prophet’s Voice” (Hymns, no. 22).

Ka hiahia pea koe ki te whakaako i tō hoa e pā ana ki te poropiti ora o nāianei. Kei reira tētahi mea i ēnei whiti e āwhina ai? Hei tauira, he aha ngā mea e “hutia ake” e “kumea iho” rānei e ngā poropiti i ēnei rā? He aha ngā mea e “waihanga” ai, ā, e “whakatō” ai rātou? (Heremaia 1:10). He aha ngā mea nā konā mōhio ai koe kua karangatia te poropiti ora e te Atua?

Tirohia anōtia ngā Tikanga Whakapono 1:6, 9; “Why Do We Have Prophets?” (whitiāhua), ChurchofJesusChrist.org.

1:37

He aha ngā mea i ako ai a Heremaia e pā ana ki a ia anō i Heremaia 1:5? I te mea he poropiti hou ia, he aha i whakahirahira ai aua kupu ki a ia?

He pono te nuinga o ngā mea i ako ai a Heremaia e pā ana ki a ia anō i Heremaia 1:5, ā, he pono mōu anō hoki. I mōhio anō te Atua ki a koe i mua i tō whānautanga mai, ā, nāna hoki koe e whakarite mō ngā tūmomo haepapa. Ki te hia ako e pā ana ki tō oranga i mua i tō whānautanga mai, pānuitia Arami 13:1–4; Whakaakoranga me ngā Kawenata 138:53–56; me Aperahama 3:22–23. Māu pea e whakarārangi ngā mea pono e kitea ai i reira. He aha e whakahirahira ai kia mōhio koe ki tēnei mea?

Me rangahau te karere e kīa nei ko “You Can Gather Israel!” kia ako e pā ana ki ngā hua o ēnei mea pono i te oranga o Erata Ahmad S. Corbitt. (Liahona, Mei 2021, 63–63). He aha ngā hua e puta ai ki a koe i tēnei oranga nā tō mōhio ki ngā āhuatanga o tō oranga i mua i tō whānautanga mai?

Anei tā Tumuaki Russell M. Nelson i kī ai e pā ana ki te oranga i mua i tō whānautanga mai:

“Kua roa e mōhio ana tō Matua i te Rangi ki a koe. Koe, tētahi o Ana tama, tētahi o Ana tamāhine rānei, he mea kōwhiria e Ia kia haere mai ki te ao i tēnei wā pū anō, kia tū ai hei rangatira i roto i Tana mahi nunui i runga i te mata o te whenua. I kōwhiria koe ehara i te mea nā te āhua o te tinana engari nā te āhua o tō wairua, pērā i te māia, te tapatahi o tō ngākau, tō mateinu ki te pono, me tō matekai ki te mātauranga, me tō hiahia ki te āwhina i ētahi atu.

“Kua whakawhanakehia ētahi o ēnei āhuatanga i mua i tō whānautanga mai. Ka taea te whakawhanake i ērā atu āhuatanga i tēnei ao i a koe e tārake tonu ana ki te rapu i aua mea” (“Decisions for Eternity,” Liahona, Noema 2013, 107).

Kia huri ō whakaaro ki ētahi āhuatanga e tau ki mua i a koe i reira whakahirahira ai kia maumahara ki ēnei mea pono e pā ana ki tō oranga i mua i tō whānautanga mai. He aha ngā mea e taea ana e koe kia mahara ki ēnei mea pono?

Tirohia anōtia tā Russell M. Nelson, “Decisions for Eternity,” Liahona, Noema 2013, 106–9; Ngā Kaupapa me ngā Pātai, “Foreordination,” “Premortal Life,” Wharepukapuka Rongopai.

I ngā whenua maroke, te whenua i noho ai ngā Iharāira, i whakapātakahia ngā wai ki roto i ngā kōpua wai i roto i te whenua, ko te ingoa o ēnei kōpua wai ko te ‘cistern’ arā ko te kōpapa wai. Ki ō ake whakaaro, he aha te hāngaitanga o ngā “kōpapa wai pakaru” kua kōrerotia nei i Heremaia 2:13 ? He aha e pai ake ai te inu wai mai i tētahi mātāpuna i te aro ki te tiaki wai i roto i tētahi kōpapa wai? He aha te tikanga o te “whakarere i te mātāpuna o ngā waiora”? I a koe e pānui ana i Heremaia 2 me te 7, kia aro ki āhua o tā te iwi whakarere i ngā waiora o te Ariki (hei tauira, tirohia, Heremaia 2:26–28; 7:2–11). He aha te “waiora” i te tohu pai mō tā te Kaiwhakaora e homai ai ki a koe? Kia huri ō whakaaro ki te āhua o tāu whiwhi i ngā waiora.

I aro a Heremaia 7 ki te iwi e tomo atu ana i “te whare o te Ariki … ki te koropiko ki te Ariki,” engari kāore i hāngai ā rātou mahinga ki tō rātou ū ā-tinana (tirohia ngā whiti 2–11). He aha ngā karere a te Ariki mōu i ngā whiti 21–23?

I Heremaia 16:14–15, i whakataurite a Heremaia i te whakahuihuinga o Iharāira i ngā rā o muri ki te Ekoruhe/Putanga o Iharāira i Ihipā. Ki ō whakaaro, he aha e whakahirahira ake ai te whakahuihuinga ki te iwi o te Atua i te Ekoruhe/Putanga?

He aha tā Heremaia 3:14–18; 16:14–21 mō te āhua e mea ai te whakahuihuinga?

I roto i tana karere “Hope of Israel,” i whakaakona e Tumuaki Russell M. Nelson, pērā i a Heremaia, ko te whakahuihuinga o Iharāira “te mea whakahirahira rawa ake e meatia ana i runga i te mata o te whenua i tēnei rā” (huinga taiohi o te ao, Hune 3, 2018, Wharepukapuka Rongopai). Pānuitia, me whakarongo rānei ki tana karere, kātahi ka kite mehemea ka taea e koe te rapu i (a) tā Tumuaki Nelson whakamārama mō te whakahuihuinga o Iharāira, (b) tana whakamāramatanga mō tōna whakahirahiratanga, me (c) te āhua i āwhina ai koe i te whakahuihuinga.

• Hei huataki i ngā kōrero mō te mea pono whakahirahira e whakaakona ai i Heremaia 1:5, māu e whakaatu atu ki ō tamariki tētahi pikitia o tētahi pēpi (me ka taea, me titiro ki ngā pikitia o ō ake tamariki i te wā e nohinohi ana). Uia ō tamariki mehemea e mōhio ana rātou kei hea tō rātou kāinga i mua i tō rātou whānautanga mai. Me waiata tahi anō i tētahi waiata e pā ana ki te pānui karaipiture, pērā i “I Lived in Heaven” (Children’s Songbook, 4).

• Mehemea kei te hiahia ō tamariki kia ako tonu rātou, māu rātou e āwhina kia rapua te “Oranga i mua i te Whānautanga” i roto i te Pukapuka Aratohu ki ngā Karaipiture. Me rapu anō rātou ngā whakautu ki ngā pātai “ko wai,” “nōnahea,” me te “aha” e pā ana ki te oranga i mua i te whānautanga mai.

• Me whakaatu i ētahi pikitia o tētahi poropiti e ora ana, ngā poropiti rānei mai i ngā karaipiture (ka rapua ētahi i ngā makahīni Hāhi, te Gospel Art Book, me te Haere Mai, Whai Mai i Ahau). Tonoa ō tamariki ki te kōrero i ngā mea e mōhio nei rātou e pā ana ki ēnei āhuatanga.

• Whakaakona e pā ana ki ngā mea e mahi nei ngā poropiti, māu pea ētahi whiti pai e kōwhiri mai i Heremaia 1, such as whiti 5, 7, 10, and 19. Mā ō tamariki katoa e kōwhiri tētahi whiti, ka pānuitia, kātahi ka tohaina atu tētahi kōrero e pā ana ki tā rātou e ako ai e pā ana ki ngā poropiti.

• I a koe e pānui ana i a Heremaia 16:16, ka whakataruna ō tamariki anō nei kei te “hī ika,” kei te “aruaru” rānei i ngā momo mea huri noa i te ruma. Kua whakatauritetia e Tumuaki Russell M. Nelson ngā tangata hī ika me ngā tangata aruaru kararehe i tēnei whiti ki ngā mihingare (tirohia “The Gathering of Scattered Israel,” Liahona, Noema. 2006, 81). He aha ngā mahi a ngā mihingare? Me pēhea tātou e āwhina kia “hī” me te “aruaru” i te hunga marara o Iharāira? (tirohia “A Message for Children from President Russell M. Nelson” [whitiāhua], ChurchofJesusChrist.org).

  

  3:30

• Hei tiro i ēnei whiti, me kōrero, me whakaatu rānei me pēhea e mahia ai ngā pereti uku (tirohia te pikitia kei te pito mutunga o tēnei whakatakotoranga mahi). He aha tā te Matua i te Rangi karere mō tātou i Heremaia 18:1–6? He aha te tikanga o te kōrero kia pērā tātou i te uku i ngā ringaringa o te Ariki? (tirohia anōtia Ihāia 64:8). Tirohia tā Erata Richard J. Maynes karere “The Joy of Living a Christ–Centered Life” (Liahona, Noema 2015, 27–30) mō tētahi atu kōrero e whakataurite ana i a tātou ki te uku a te kaimahi uku.