Ihāia 58–66

Me aha tētahi e kore ai e kai i runga i tōna ake kōwhiringa i ngā wā he nui tonu te kai? I a koe e rangahau ana i Ihāia 58:3–12, tērā pea ka whakaarohia ake ngā take e nohopuku ai koe—me ngā take i homai ai tēnei ture e te Ariki. Anei ētahi atu pātai hei whakaaro māu:

• He aha e whakaarohia ai i ētahi wā he taumaha te nohopuku ehara i te manaakitanga? (tirohia Ihāia 58:3–5). Me pēhea ngā akoranga a te Ariki i tēnei upoko e tīni i taua āhuatanga mōu?

• He aha te tikanga o te “wetekina ngā here o te whakarihariha” me te “whawhati i ia ioka”? (Ihāia 58:6). Me pēhea te nohopuku e tō ai i ngā manaakitanga ki runga i ētahi atu? (tirohia whiti 7).

• Me pēhea te nohopuku e tō mai ai i ngā manaakitanga i kōrerotia ai i Ihāia 58:8–12ki runga ki a koe?

I tana karere “Is Not This the Fast That I Have Chosen?” (Liahona, Mei 2015, 22–25), i kōrero mai a Tumuaki Henry B. Eyring e pā ana ki ngā tauira maha mō ngā manaakitanga i tau ai ki runga i ngā tāngata he mea nā te nohopuku. Kua kitea rānei e koe ēnei momo manaakitanga i tō oranga?

Tirohia anōtia “Bless Our Fast, We Pray,” Hymns, no. 138; Ngā Kaupapa me ngā Pātai, “Fasting and Fast Offerings,” Wharepukapuka Rongopai.

He “āhuareka” te rā Hāpati ki a koe? I a koe e rangahau ana i Ihāia 58:13–14, me whakaaro ake koe me aha kia nui ake tō āhuareka i te rā o te Ariki. Hei tauira, he aha te tikanga o te tahuri “i ngā mea e āhuareka ana ki a koe i [Tana] rangi tapu”? He aha te rerekētanga o te “[whakaāhuareka] i a koe anō i roto i te Ariki” me te “mahi i tāu e pai ai”?

Tirohia anōtia tā Russell M. Nelson, “The Sabbath Is a Delight,” Liahona, Mei 2015, 129.

He maha ngā kōrero i Ihāia 58–66 e aro ana ki te mīhana whakamārie a Ihu Karaiti. Rapua aua mea i a koutou e rangahau ana. Kia tino aro ki ngā taitara me ngā kupu e whakamahia ana kia whakamāramahia te āhua o te Kaiwhakaora. Hei tauira:

• He aha ngā mea pai ki a koe i te whakamāramatanga mō te “kaiwawao” i Ihāia 59:16–21? He aha tā te Kaiwhakaora hei turaki iho i ngā āhuatanga e whakamāramahia ana i ngā whiti 9–15?

• I te whakapuakitanga a Ihu Karaiti ki ngā tāngata o Nahareta ko Ia te Mīhaia, Nāna ngā kupu a Ihāia 61:1–3 (tirohia Ruka 4:16–21; tirohia anōtia te whitiāhua “Jesus Declares He Is the Messiah,” Wharepukapuka Rongopai). He aha tā Ihu Karaiti hei manaaki i a koutou me ētahi atu e rite ana ki ngā āhuatanga kua whakamāramahia i ēnei whiti? He aha Tāna hei whakaātaahua i ngā wāhi pungarehu?

  

  3:24

• He aha ngā mea “atawhai aroha a te Ariki” e taea te “whakahua”? (tirohia Ihāia 63:7–9).

• He aha atu ngā kupu aro a te Kaiwhakaora e kitea ai i Ihāia 58–66?

Tirohia anōtia Mōhia 3:7; Whakaakoranga me ngā Kawenata 133:46–53.

E kōrero ana a Ihāia 60 me te 62 e pā ana ki te māramatanga me te pōuritanga, ngā karu me te kitenga atu hei whakaako e pā ana ki te āhua o te rongopai a Ihu Karaiti ki te manaaki i te ao i ngā rā whakamutunga. Rapua ēnei whakaaro i Ihāia 60:1–5, 19–20; 62:1–2. I a koe e pānui ana i ēnei upoko, kia whakaarohia tā te Atua whakahuihui i Ana tamariki mai i te pōuritanga ki Tōna māramatanga. He aha tō tūranga i roto i Tana mahi?

Tirohia anōtia 1 Nīwhai 22:3–12; 3 Nīwhai 18:24; Whakaakoranga me ngā Kawenata 14:9; Bonnie H. Cordon, “That They May See,” Liahona, Mei 2020, 78–80.

I kōrero a Ihāia mō tētahi rā ina “warewarehia ngā raruraru o mua” (Ihāia 65:16). Ahakoa he maha ngā mea kua tutuki i ana poropititanga, ko tōna raneatanga, kāore anō kia tutuki—ina hoki mai a Ihu Karaiti. I whakamāramahia tēnei rangi anamata ki a Ihāia i Ihāia 64:1–5; 65:17–25; 66. Kia aro ki te nui o tana whakamahi i ngā kupu pērā i te “hari” me te “harikoa.” He aha te rā e hoki mai ai te Kaiwhakaora i te rā e harikoa ai koe? He aha ngā mea e taea ana e tātou hei whakarite mō Tana haerenga mai?

Tirohia anōtia ngā Tikanga Whakapono 1:10; Russell M. Nelson, “The Future of the Church: Preparing the World for the Savior’s Second Coming,” Ensign, Āperira. 2020, 13–17.

• Tērā pea ko te huarahi pai ake ki te akiaki i ō tamariki kia nohopuku—ina rite rātou—koia ko te āwhina i a rātou kia mārama ki ngā take o te Ariki mō tēnei ture. Me pānui tahi i Ihāia 58:6–11 kia rapua ngā whakautu ki ēnei pātai: He aha tātou e nohopuku ai? Me pēhea tātou e nohopuku ai? Māu hoki e titiro atu ki “Fast, Fasting” i te Pukapuka Aratohu ki ngā Karaipiture.

• Mehemea kua pā nei tētahi āhuatanga whakahirahira ki a koe i a koe e nohopuku ana, kōrerohia atu ki ō tamariki. Māu hoki e ui atu ki a rātou he aha tā rātou hei whakamārama atu ki tētahi hoa he aha te Ariki i homai ai tēnei ture ki a tātou.

• Whai muri iho i te pānui i a Ihāia 58:13–14, māu e aro ki ngā rā o te wiki i runga i te maramataka kātahi ka tonoa ngā tamariki kia whakahuatia ake ngā ingoa o aua rā. Ina tae ki te rā o te Hāpati, tonoa rātou kia whakahuatia tērā rangi “he āhuareka.” Me kōrero atu ki a rātou he aha taua rangi i te mea āhuareka ki a koe.

• Tohaina atu ngā kōrero e taea ai te “whakaāhuareka i a koe anō i roto i te Ariki” i te rā Hāpati. Tērā pea me tā pikitia ngā tamariki mō ō rātou whakaaro kātahi ka purua iho ki roto i tētahi “pouaka o ngā mea āhuareka.” Ka mutu, ina hia rapu whakaaro hei mahi mā rātou i te Hāpati, ka taea te tango i tētahi mea i taua pouaka.

• Māu ō tamariki e tono kia kopi ō rātou karu i a koe e pānui ana i Ihāia 60:1–3. Tonoa rātou kia huakina ō rātou karu ina rangona te kupu “māramatanga” kātahi ka kopi anō ina rangona te kupu “pōuritanga.” Whakamāramahia he rite a Ihu Karaiti me Tana rongopai ki tētahi māramatanga e āwhinatia ana kia kitea tō tātou huarahi e hoki atu ai ki te Matua i te Rangi.

• E whakamāramahia ana e Ihāia 65:17–25e pā ana ki te āhua o te whenua ina hoki mai anō te Kaiwhakaora. I a koe e pānui ana i ēnei whiti ki ō tamariki, āwhinatia rātou ki te rapu i ngā āhuatanga rerekē o te oranga i te “ao hou” i kōrerotia mai ai e Ihāia. He aha tēnei wā i te wā “e hari ai, ā, e harikoa ai mō āke tonu atu”? (whiti 18).

• Me waiata tahi anō i tētahi waiata e pā ana ki te Haerenga Tuaruatanga Mai, pērā i “When He Comes Again” (Wharepukapuka Rongopai). Tohaina atu ki ō tamariki he aha ngā mea e manakohia ana e koe hei te hokinga mai a te Kaiwhakaora. He aha ngā mea e taea ana e tātou hei whakarite mō taua rangi?