Oktoba 19–25. ‘M̧okta Jān Aō Kar Kōm̧anm̧an Eok ilo Lo̧jien Jinōm̧, Iar Jeļā Eok’: Jeremaia 1–3; 7; 16–18; 20,” Itok, Ļoor Eō—N̄an M̧weeo im Kabun̄ in: Kallim̧ur M̧okta 2026 (2026)
“Oktoba 19–25. ‘M̧okta Jān Aō Kar Kōm̧anm̧an Eok ilo Lo̧jien Jinōm̧, Iar Jeļā Eok,’” Itok, Ļoor Eō: Kallim̧ur M̧okta 2026
Jeremaia, jān Walter Rane
Oktoba 19–25: “M̧okta Jān Aō Kar Kōm̧anm̧an Eok ilo Lo̧jien Jinōm̧, Iar Jeļā Eok”
Jeremaia 1–3; 7; 16–18; 20
Ilo jinoin, Jeremaia ekar jab ļōmņak enaaj erom̧ juon rikanaan em̧m̧an. “I jab jeļā kōnnaan,” ear kean̄ (Jeremaia 1:6). Ak Irooj ear kam̧ool n̄an e, “em̧ōj Aō likūt naan ko Aō ilo lo̧n̄iim” (eoon 9). Jeremaia ekar en̄jake bwe ekar juon “ajri” eo ejjeļo̧k an jeļā im imminene (eoon 6), ak Irooj ekar kōmeļeļe bwe eļapļo̧k an pojak jān jon̄an eo ej ļōmņak—kar kapit e n̄an kūr in m̧okta ļo̧k jān an kar ļotak (lale eoon 5 Kōn menin Jeremaia ekar joļo̧k mijak ok an im bōk kūr eo. Ekar kakkōļ kiin̄ im pris ro an Jerusalmen bwe aer moņe mejān armej kōn aer kwojarjar eban lo̧mo̧o̧ren er. “Ajri” eo ekar ļōmņak ekar jab maron̄ kōnnaan ekar en̄jake naan eo an Anij “ilo [būrūōn] āinwōt juon kijeek e urur” im ekar jab maron̄ ikōn̄ (Jeremaia 20:9
Bwebwenato eo an Jeremaia ej am̧ bwebwenato. Anij ejeļā wōn kwe, m̧okta jān am̧ kar ļotak im kepooj eok n̄an mijen eo am̧ ilo mour in. Ilubwiljin men ko jet, ko me rej jerbal ekoba juon men Jeremaia ekar lo m̧oktaļo̧k: aiintok armej ro an Anij, juon ilo̧k juon, n̄an “an̄inļo̧k [er] n̄an Zaion” (Jeremaia 3:14). Im em̧ool eļan̄n̄e jej jab lukkuun jeļā n̄an kōm̧m̧ane ak ba “kwōn jab mijak…; bwe N̄a Ij ippam̧, Irooj ej ba” (Jeremaia 1:8,19).
Kōn juon tukaduin kōmeļeļe kōn bok in Jeremaia, lale “Jeremiahilo Bible Dictionary eo.
Ļōmņak ko n̄an Ekkatak ilo M̧weeo im ilo Kabun̄ in
Jeremaia 1:4–19; 7:1–7; 20:8–9
Rikanaan ro rej kūr n̄an ekōnono naan eo an Irooj.
Ļōmņak ke kwoj kōnono ippān juon m̧ōttam̧ eo me ejanin kar ron̄ kōn rikanaan ro, im kwoj kāālet in kōmeļeļe kake ilo am̧ kōjerbal kūr eo an Jeremaia bwe en juon rikanaan ilo Jeremaia 1:4–19. Ta ko kwoj loe ilo eoon kein me rej katakin kōn rikanaan ro an Anij? Komaron̄ bar lale Jeremaia 7:1–7; 20:8–9 im juon al in jar āinwōt “We Listen to a Prophet’s Voice” (Hymns, no. 22).
Komaron̄ bar kōņaan katakin ro m̧ōttam̧ kōn rikanaan eo emour rainin. Ewōr ke jabdewōt ilo eoon kein me emaron̄ jipan̄? N̄an waanjon̄ak, ta ko rikanaan ro ilo raan kein ad rej “julo̧k” or “im leļaļļo̧k”? Ta ko er rej “kalōk” im “ekkat”? (Jeremaia 1:10). Ekōjkan am̧ kar itok im jeļā ke rikanaan eo emour rainin kar kūr jān Anij?
Bar lale Articles of Faith 1:6, 9; “Why Do We Have Prophets?” (video), ChurchofJesusChrist.org.
Why Do We Have Prophets?
Jeremaia 1:5
Anij ear jeļā kajjeō m̧okta jān aō ļotak.
Ta eo Jeremaia ear katak kōn e make ilo Jeremaia 1:5? Āinwōt juon rikanaan ekāāl kar kūri, etke meļeļe in emaron̄ naaj aorōk n̄an e bwe en jeļā?
Eitōn aolepen ta eo Jeremaia ear katak kake e make ilo Jeremaia 1:5 ebar m̧ool kake eok. Anij ear bar jeļā kajjeem̧ m̧okta jān am̧ kar ļotak im kepooj eok n̄an eddo ko rejenolo̧k. N̄an ekkatak eļapļo̧k kōn mour eo am̧ m̧okta jān am̧ ļotak, riiti Alma 13:1–4; Katak im Bujen Ko 138:53–56; im Ebream 3:22–23. Komaron̄ kōm̧m̧ane juon laajrak in m̧ool ko kwoj loi. Etke meļeļe in eaorōk bwe kwōn jeļā?
N̄an ekkatak kōn m̧ool kein raar jelet mour eo an Elder Ahmad S. Corbitt, ekkatak enaan eo an “You Can Gather Israel!” (Liahona, May 2021, 63–63). Am̧ jeļā kōn mour eo am̧ m̧okta ewi wāween an jelōt jōkjōk in am̧ mour ioon laļin?
En̄iin ej ta eo Būreejtōn Nelson ear ba kōn mour eo m̧okta:
“Jemedwōj Ilan̄ eaar jeļā kōn kom̧ ilo juon tōre eaetok. Kom̧ij, ļaddik im leddik ro Nejin, kar kālet jen E n̄an itok n̄an laļ in ilo tōre in, n̄an erom̧ ritōl ro An ilo jerbal in eļap ioon laļ in. Kom̧ ar kālet ejjab n̄an paoktok ko an ānbwinūm̧ ak n̄an m̧wil ko ilo jetōb āinwōt kajoor, peran, m̧ool ilo bōro, juon maro kōn m̧ool eo, juon kwole kōn jeļāļo̧kjeņ, im juon kōņaan jerbal n̄an ro jet.
“Kwar kōm̧m̧ani jet iaan jerbal kein ilo mour eo m̧okta. Ro jet remaron̄ eddōkļo̧k ioon laļin ilo am̧ kijejeto in kappukoti” (“Decisions for Eternity,” Liahona, Nov. 2013, 107).
Ļōmņak kōn jet jekjek ko komaron̄ jelmae me remaro̧n̄ kar aorōk n̄an keememej m̧ool kein kōn mour eo am̧ m̧okta. Ta eo komaron̄ kōm̧m̧ane n̄an kakeememej eok make kōn m̧ool kein?
Bar lale Russell M. Nelson, “Decisions for Eternity,” Liahona, Nov. 2013, 106–9; Topics and Questions, “Foreordination,” “Premortal Life,” Gospel Library.
Ilo Jeremiaia 2:13, Irooj ear keidi jekjek in jetōb eo an armej ro n̄an “aebōj jimeen erup” im keidi E make n̄an “katōreek in dānin mour.”
Jeremaia 2; 7
“Raar ilọk jān eō unin dān ko re mour.”
Ilo āne ko rem̧ōrā ijo ri Israel ro raar jokwe ie, armej raar kakwoņ dān ko raorōk ilo aebōj jimeen ko iumin laļ. Ta eo kwoj ļōmņak rej “nien dān ko rerup” me kōnono kaki ilo Jeremaia 2:13 remaron̄ jutak kaki? Etke ebbōk dān jān juon unin dān em̧m̧anļo̧k jān pedped ioon nien dān ko? Ta meļeļe in n̄an kōjooļ “unin dān ko re mour”? Ilo am̧ riiti Jeremaia 2 im 7, kile an kar armej ro kōjekdoon dānin mour eo an Irooj (lale, n̄an waanjon̄ak, Jeremaia 2:26–28; 7:2–11). Etke “dānin mour” ej juon kakōļļe n̄an ta eo Rilo̧mo̧o̧r ej lewaj n̄an eok? Ļōmņak kōn ekōjkan am̧ bōk dānin mour.
Jeremaia 7 ej kōnono n̄an armej ro raar deļo̧n̄e “m̧weo m̧ōn Irooj … n̄an kabun̄ n̄an Irooj,” ak m̧akutkut ko aer raar jab jejjōt n̄an kōm̧m̧an ko aer (lale verses 2–11). Ta ennaan eo kwoj en̄jake Irooj emaron̄ kar kōpooje n̄an eok ilo eoon ko 21–23
Kōjerbal kein katakin ko. Rikanaan ro an Irooj ekutkut aer keidi m̧ool ko ilo jetōb n̄an men ko jeminene kaki. Ļōmņak in kōm̧m̧ane ejja men eo wōt ilo am̧ ekkatak im katakin gospel eo. N̄an waanjon̄ak, n̄an pijaikļo̧k Jeremaia 2:13, komaron̄ likut dān ilo juon tarbōj erup ak idraak jān jikin daak fountain ko. Ewi wāween an Jisōs āinwōt juon “dānin mour”? Jeremaia 2:13 Elmen ad idaak jān An dānin mour eo?
Jeremaia 3:14–18; 16:14–21
Irooj enaaj aiintok armej ro An.
Ilo Jeremaia 16:14–15, Jeremaia ear keidi kuktok eo an Israel ilo raan ko āliktata ippān Diwōjļo̧k eo an Israel jān Ijipt Ilo ļōmņak eo am̧, etke kuktok in enaaj aorōkļo̧k n̄an armej ro an Anij jān Diwōjļo̧k eo?
Ta eo Jeremaia 3:14–18; 16:14–21 ej kwaļo̧k kōn ewi wāween an kar kuktok eo kōm̧m̧an?
Ilo enaan eo an ilo“Hope of Israel,” Būreejtōn Russell M. Nelson, āinwōt Jeremaia, ear katakin bwe kuktok eo an Israel “ej men eo eaorōktata ej bōk jikin ilo laļin rainin” (worldwide youth devotional, June 3, 2018, Gospel Library). Riit ak ron̄jake naan eo an, im lale n̄e komaron̄ lo (a) elmen an Būreejtōn Nelson kōmeļeļeik kuktok eo an Israel, (b) elmen an kōmeļeļein aorōkin, im (c) elmen bwe kwon juon m̧ōttan kuktok eo.
N̄an eļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.
Ļōmņak ko n̄an Katakin Ajri ro
Jeremaia 1:5
Jemedwōj Ilan̄ ejeļā eō m̧okta jen aō kar ļotak.
-
N̄an kwaļo̧k kadkadk in m̧ool eo eaorōk kar katakin ilo Jeremaia 1:5, komaron̄ kwaļo̧k n̄an ajri ro juon pija in juon nin̄nin̄ (ak, eļan̄n̄e emaron̄, kom̧ maron̄ kalimjōk pija in ajri ro ke raar nin̄nin̄). Kajjitōk ippān ajri ro n̄e rejeļā ia eo raar jokwe ie m̧okta jān aer kar ļotak. Kom maro̧n̄ al ippān doon juon al me ej katakin kōn mour eo ad m̧okta, āinwōt “I Lived in Heaven” (Children’s Songbook, 4).
-
Eļan̄n̄e ajri ro remaron̄ ekkatak eļapļo̧k, komaron̄ jipan̄ er kappukot “Premortal Life” ilo Unin Tōl n̄an Jeje ko Rekwojarjar. Remaron̄ bar kappukot uwaak in “wōn,” “n̄āāt,” and “ta” kajjitōk ko kōn mour eo m̧okta.
Jeremaia 1:4–19
Em̧ōj kūr rikanaan ro n̄an kōnono kōn naan ko an Irooj.
-
Ļōmņak in kwaļo̧k pija in rikanaan eo emour ak rikanaan ro jān jeje ko rekwojarjar (komaron̄ lo jet ilo Church magazines, Bok In Gospel Pija, im Itok, Ļoor Eō). Kajjitōk ippān ajri ro ta eo rejeļā kōn rikanaan rein.
-
N̄an katak kōn ta ko rikanaan rej kōm̧m̧ani, komaron̄ kāālet jet eoon ko rejipan̄ jān Jeremaia 1, āinwōt eoon 5, 7, 10, im 19. Ajri ro remaro̧n̄ kajjojo kāālet juon iaan eoon ko, riit, im kwaļo̧k juon men rej ekkatak kōn rikanaan ro.
Jeremaia 16:14–16
Imaron̄ jipan̄ ro nejin Jemedwōj Ilan̄ jepļaak n̄an E.
-
Ilo am̧ riiti Jeremaia 16:16, ajri ro remaron̄ kōtanke rej “eon̄ōd” ak “kakijen” juon men ilowaan ruum̧ eo. Būreejtōn Russell M. Nelson ar keidi rieon̄ōd ro im rikakijen ro ilo eoon in n̄an mijenede ro (lale “The Gathering of Scattered Israel,” Liahona, Nov. 2006, 81). Ta eo mijenede ro rej kōm̧m̧ane? Ekōjkan ad jipan̄ “eon̄ōd” im “kakijen” e Israel eo ejeplōklōk (lale “A Message for Children from President Russell M. Nelson” [video], ChurchofJesusChrist.org).
3:30Video: A Message for Children from President Russell M. Nelson
Jeremaia 18:1–6
Imaron̄ kōtļo̧k bwe Irooj en tōl mour e aō, āinwōt juon rikōm̧m̧an pot ej kōkm̧anm̧ani.
-
N̄an etale eoon kein, komaron̄ kōnono ak kwaļo̧k elmen aer kōm̧m̧an pot (lale pija eo ilo jem̧ļo̧k in unin tōl in). Enaan ta eo an Irooj n̄an kōj ilo Jeremaia 18:1–6? Ta eo meļeļein n̄an erom̧ kle ilo pein Irooj? (bar lale Aiseia 64:8 N̄an bar juon bwebwenato me jemaron̄ keidi n̄an clay eo an juon rikōm̧m̧an pot, lale enaan eo an Elder Richard J. Maynes “The Joy of Living a Christ-Centered Life” (Liahona, Nov. 2015, 27–30).
N̄an eļapļo̧k, lale ennaan eo an allōn̄ in ilo eo Jera māākjiin.