Aiseia 50–57

Men̄e Riisrael ro rekar joļo̧k elōn̄ iiō ko ilo kōm̧akoko—im aeet men̄e kam̧akoko ko kar juon tōprak in jokālet ko rebōd—Irooj ekar kōņaan bwe ren reilo̧k n̄an ilju im jekļaj kōn kōjatdikdik. Ta eo kwoj loe ilo enaan eo an Aiseia me ej lewaj kōjatdikdik? Juon jaat āinwōt men in emaron̄ jipan̄ eok ekkatak:

Bar lale Mosaia 12:20–24; 15:13–18; 3 Nipaii 20:29–46; Katak im Bujen Ko 113:7–10; Russell M. Nelson, “Bun̄ M̧aanļo̧k,” Liaona, Nob. 2020, 73–76.

Jejjo jebta ilo jeje ko rekwojarjar eaiboojojļo̧k aer kōmeļeļeik mijen in lo̧mo̧o̧r eo an Jisōs Kraist jān Aiseia 53. Ļōmņak m̧akutkut ko āinwōt kein n̄an meļeļeļo̧k im mour kōn katak kein rekajoor:

• Lin̄ūri im kōnono kōn ekōjkan an bwebwenato im pija ko ekutkut aer kwaļo̧k kōn riperan ro rej lo̧mo̧o̧r armej. Keidi pija kein ippān kōmeļeļe ko kōn Rilo̧mo̧o̧r ilo Aiseia 53.

• likin riiti kajjojo eoon, bōjrak jidk im kejōkļo̧kjeņ kōn an Rilo̧mo̧o̧r eo kar en̄taan— “liajļōļ,” “būrom̧ōj,” im “bōd ko” Ekar ineeki—n̄an aolep armej ro eļaptata n̄an kwe. Kwomaron̄ bōk jikin naan ko āinwōt “kōj” im “ad” n̄an “N̄a” im “aō” ilo am̧ riiti. Ta en̄jake ko ak ļōmņak ko me eoon kein rej im̧we eok kaki?

• Ļōmņak in alooje pija eo “My Kingdom Is Not of This World” (Gospel Library), im lin̄ūri ekōjkan an kanaan kein ilo Aiseia 53 kar kūrm̧ool. Ta jet iaan būrom̧ōj im liāājļo̧ļ ko me Rilo̧mo̧o̧r ej ineek n̄an kwe?

  

  5:25

• Kappukot pija in iien ko me rej jepool Pinm̧uur eo an Jisōs Kraist (lale Bok in Gospel Pija, nos. 56–60). Innem komaron̄ kappukot naan ko ilo Aiseia 53 me rej kōmeļeļeik iien ko ilo pija ko. Ta ko katak kein rej im̧we eok n̄an kōm̧m̧ane?

Bar lale “Behold the Great Redeemer Die,” Hymns, no. 191

Kōj aolep ewōr iien jej en̄jake ad ettoļo̧k jān Irooj kōn jerawiwi ko ad ak m̧ōjņo ko ad. Jet rekar ebweer jān kōjatdikdik eo ke E enaaj jeorļo̧k aer bōd. Aiseia 54 im 57 rej jebta ko rem̧m̧an n̄an riiti kōn kam̧ool im kōketak ilo iien rōt kein. Eļaptata ilo Aiseia 54:4–10; 57:15–19, ta naan ko rej katakin eok kōn ekōjkan en̄jake eo an Rilo̧mo̧o̧r kake eok? Ta oktak eo ilo mour eo am̧ ilo am̧ jeļā men kein kōn E?

Būreejtōn Dieter F. Uchtdorf ekar katakin:

“Ejjab aorōk wāween an lukkuun kar jorreen mour ko ad ilo kalimjōke. Ejjab aorōkļo̧k jon̄an nana in bōd ko ad, wāween ad lukkun būromōj, wāween ad ajimakeke, ak an rub būruōd. Jekdoon ro me ejjeļo̧k aer kōjatdikdik, ro rej mour ilo inepata, ro rekar kakure lōke ko aer, joļo̧k m̧ool eo aer, ak jeorļo̧k jān Anij remaron̄ bar kajutak er. …

“Enaan eo ekamōņōņō kōn gospel eo ej: kōnke karōk eo ekamōņōņō kōn mour indeeo kar letok jān Jemedwōj Ilan̄ im kōn Pinmuur eo an Jisōs Kraist me ejjeļo̧k jem̧ļo̧kin, jejjab maron̄ wōt bōk lo̧mo̧o̧r jān ad bun̄ im bar erreo, jemaron̄ barāinwōt wōnm̧aanļo̧k jen jon̄an eo armej remaron̄ lōmņak kake im erom rijolet mour indeeo im ribōk koņaad ilo aiboojoj an Anij eo ejjeļo̧k emaron̄ kōmeļeļeiki” (“He Will Place You on His Shoulders and Carry You Home,” Liahona, May 2016, 102).

Bar lale Patrick Kearon, “Kōņaan eo an Anij ej n̄an Boktok Eok n̄an Kapijuknen,” Liaona, Māe 2024, 87–89.

N̄an epepen ko, Riisrael rekar kōjenoļo̧k er āinwōt armej in bujen an Anij. Ijoke, karōk eo an Anij ekar aolep iien kakobaik eļapļo̧k jān juon laļ, n̄an “jabdewōt eo ej maro” ej ruwainene n̄an “itok … n̄an dān ko” (Aiseia 55:1). Likit wōt ilo kōļmenļo̧kjeņ ilo am̧ riiti Aiseia 55 and 56, im kejōkļo̧kjeņ kōn ta meļeļein armej in Anij. Ta ennaan eo an Anij n̄an ro rej en̄jake “kōjepel” jān E? (Aiseia 56:3). Ļōmņak in kōkaļļe eoon ko me rej kōmeļeļeik m̧wil im jerbal ko an ro rej “dāpij wōt bujen eo Aō” (lale Aiseia 56:4–7).

• Emaron̄ limo ippān ajri ro n̄an loe naan ko āinwōt “ruj,” “jerkak,” im “likut kajoor eo am̧” ilo Aiseia 51:9, 17; 52:1–2, 9 innem kōm̧m̧ane an naan kein ba. Ālkin ami kōm̧m̧ane, komaron kōnono kōn ta meļeļeik ruj, jerkak, im likut kajoor eo am̧ ilo jetōb. Ta eo Irooj ej kajjitōk bwe jen kōm̧m̧ani ilo eoon kein?

• Kajjitōk ippān ajri ro n̄an riiti Aiseia 51:1, 4, 7 im kalikkar wōn ro Irooj ej kōnono kake im ta eo Ej kōņaan bwe ren kōm̧m̧ane. Ta meļeļein “ron̄jake” Irooj? Elmen ad maron̄ kwaļo̧k n̄an Irooj ke jej “ron̄jake” E?

• Kwe im ajri ro maron̄ kalimjōk jet pija me rej kwaļo̧k en̄taan im mej eo an Jisōs Kraist (lale, n̄an waanjon̄ak Bok In Gospel Pija, nos. 56, 57, 58). Innem riiti ippān doon Aiseia 53:3–6, 9 im kappukot naan ko me rej kōmeļeļeik ta ko rej waļo̧k ilo pija ko. Jipan̄ ajri ro meļeļe ke Aiseia ear kwaļo̧k m̧ool kein buki iiō m̧okta jān aer kar waļo̧k. Etke eaorōk bwe armej ren jeļā men kein elōn̄ iiō ko rellōn̄ m̧oktaļo̧k? (lale Alma 39:15–19

• Ālkin riiti jān Aiseia 53:4, “Ear inek eñtaan ko ad, im bōkḷọk būroṃōj ko ad,” ajri ro remaron̄ kajjieon̄ kotak juon men eddo (ak arin āinwōt n̄e rej kotak juon). Kōmeļeļeik bwe “en̄taan” im “būrom̧ōj” emaron̄ in juon en̄jake eddo im pen n̄an ineeke. Etke E ekar ineek “būrom̧ōj,” im “liāājļōļ” ko ad? (bar lale Alma 7:11–12).

• N̄an katakin ajri ro kōn Aiseia 55:6, komaron̄ ņooj juon pija in Jisōs juon jikin ilo ruum̧ eo. Komaron̄ karuwanene ajri ro n̄an kappukot pija eo im kwaļo̧k juon wāween er remaron̄ “kappukot … Irooj ilo iien in jemaron̄ loe.” Juon al āinwōt “Seek the Lord Early” (Children’s Songbook, 108) emaron̄ leļo̧k n̄an er ļōmņak ko. Innem komaron̄ kōtļo̧k bwe juon ajri en ņooj pija eo im āliji ikkure eo.

• Ālkin riiti Aiseia 55:9, emaro̧n̄ limo ippān ajri ro n̄an jutak ioon juon kein jutak im kōnono kōn elmen an men ko oktak n̄e “eutiejļo̧k” ijo kwoj pād ie. Ak remaron̄ jin̄aik juon pija in ta meļeļein Aiseia 55:9 n̄an er. Innem kom̧ maron̄ kōnono kōn jet iaan wāween ko an Irooj me reutiejļo̧k jān wāween ko ad. N̄an waanjon̄ak, ta iaļ an An n̄an kōmour rijerawiwi ro? (lale Mark 2:15–17). Ta iaļ ko An n̄an tōl ro jet? (lale Matu 20:25–28). Kwaļo̧k n̄an ajri ro elmen am̧ kar jeļā n̄an lōke ilaļ ko im ļōmņak ko reutiej an Irooj.