Aiseia 58–66

Etke jabdewōt armej enaaj bōk ko̧ņaan n̄an jab m̧ōn̄ā jekdoon n̄e elōn̄ m̧ōn̄ā? Ilo am̧ ekkatak Aiseia 58:3–12, komaron̄ ļōmņak kōn unin am̧ jitlo̧k—barāinwōt unin an Irooj letok kakien in. Erkein bar jet kajjitōk n̄an lin̄ūri:

• Etke jet iien jej kalimjōk jitlo̧k āinwōt juon eddo jān juon menin kōjeraam̧m̧an? (lale Aiseia 58:3–5). Elmen an katak ko an Irooj ilo jepta kein ukot kōļmenļo̧kjen in n̄an kwe?

• Emaron̄ ta meļeļein n̄an “jeļate kworak in jero̧wiwi” im “ruji ine otemjej”? (Aiseia 58:6). Ewi wāween an jitlo̧k kōjeraam̧m̧an ro jet? (lale eoon 7).

• Ewi wāween an jitlo̧k bōktok n̄an eok kōjeraam̧m̧an ko kar kōmeļeļeiki ilo Aiseia 58:8–12

Ilo ennaan eo an “Is Not This the Fast That I Have Chosen?” (Liahona, May 2015, 22–25), Būreejtōn Henry B. Eyring ar kwaļo̧k jet waanjon̄ak in ekōjkan an armej kar jeraam̧m̧an jān jitlo̧k im mennin joortak. Ewi wāween am̧ kar kam̧oole ejja kōjeraam̧m̧an ko wōt ilo mour eo am̧?

Bar lale “Bless Our Fast, We Pray,” Hymns, no. 138; Topics and Questions, “Fasting and Fast Offerings,” Gospel Library

Raan in Jabōt ej ke “juon m̧ōņōņō” n̄an kwe? Ilo am̧ ekkatak Aiseia 58:13–14, ļōmņak ekōjkan am̧ lo m̧ōņōņō ilo raan eo an Irooj. N̄an waanjon̄ak, emaron̄ ta meļeļein n̄an jitļo̧k “jān kōm̧m̧ani ikdeelel ko am̧ ilo raan eo ekwojarjar [An]”? Ta oktak eo ikōtaan “[kam̧ōn̄ōņōik] eok make ilo Irooj” im “kōm̧m̧ane wāween ko am̧ make”?

Bar lale Russell M. Nelson, “Jabōt Ej Juon Menin Lan̄lōn̄,” Liaona, Māe 2015, 129–32.

Aiseia 58–66 elōn̄ ie unin kōnono kōn mijen in pinmuur eo an Jisōs Kraist. Kappukoti ilo am̧ ekkatak. Eļaptata, je taitōļ im naan ko me rej kōjerbali n̄an kōmeļeļe kake Rilo̧mo̧o̧r. N̄an waanjon̄ok:

• Ta ko rej im̧we eok kōn kōmeļeļein “armej n̄an kajjitōk” eo ilo Aiseia 59:16–21? Ewi wāween an Rilo̧mo̧o̧r anjo jān jekjek eo kōmeļeļeiki ilo eoon 9–15?

• Ke Jisōs Kraist ekar kōjjeļļāik armej in Nazareth ro bwe E ekar Messia eo, Ekar kōnono jān Aiseia 61:1–3 (lale Luk 4:16–21; bar lale pija in alooj eo “Jesus Declares He Is the Messiah,” Gospel Library). Elmen an Jisōs Kraist kar kōjeraam̧m̧an eok im ro jet ilo wāween ko kōmeļele kake ilo eoon kein? Ewi wāween An kar letok aiboojoj ilo jikin melkwaarar?

  

  3:24

• Ta “yokwe im ilo tūriaṃo kake eo Jeova,” komaron̄ “kōnono kake”? (lale Aiseia 63:7–9).

• Ta eoon ko jet kōn Rilo̧mo̧o̧r kwoj lo ilo Aiseia 58–66?

Bar lale Mosaia 3:7; Katak im Bujen Ko133:46–53.

Aiseia 60 and 62 ej kōnono kōn meram im marok, māj ko im loļo̧kjeņ, n̄an katakin kōn wāween an gospel eo an Jisōs Kraist naaj kōjeraam̧m̧an laļ in ilo raan ko āliktata. Kappukoti katak kein ilo Aiseia 60:1–5, 19–20; 62:1–2. Ilo am̧ riiti jebta kein, kejōkļo̧kjeņ kōn wāween an Anij aiintok ajri ro Nejin jān maroklep n̄an meram eo An. Ta eddo eo am̧ ilo jerbal in?

Bar lale 1 Nephi 22:3–12; 3 Nephi 18:24; Doctrine and Covenants 14:9; Bonnie H. Cordon, “That They May See,” Liahona, May 2020, 78–80.

Aiseia ekar kenono kōn raan eo “kōnke em̧ōj meļokļok men ko m̧okta” (Isaiah 65:16). Men̄e kanaan in ekar kūrm̧ool elōn̄ kattōn, ilo likio in meļeļe in, raan eo ej itok wōt—raan eo Jisōs Kraist enaaj roltok. Aiseia ekar kōmeļeļeik raan eo ilju im jekļaj ilo Aiseia 64:1–5; 65:17–25; 66. Kile wāween an ekkā An kōjerbal naan ko āinwōt “m̧ōņōņōe” im “em̧ōņōņō.” Etke jepļaaktok eo an Rilo̧mo̧o̧r enaaj juon raan in lan̄lōn̄ n̄an kwe? Ta eo jemaron̄ kōm̧m̧ane n̄an kōppopo n̄an itok eo An?

Bar lale Articles of Faith 1:10; Russell M. Nelson, “The Future of the Church: Preparing the World for the Savior’s Second Coming,” Ensign, Apr. 2020, 13–17.

• Bōlen wāween eo em̧m̧antata n̄an kōketak ajri ro n̄an jitlo̧k—iien eo repojak—ej n̄an jipan̄ er meļeļe jibadbad eo an Irooj n̄an kakien in. Ļōmņak in riiti ippān doon Aiseia 58:6–11 n̄an kappukot uwaak ko n̄an kajjitōk kein: Etke jej jitlo̧k? Ewi wāween ad jitlo̧k? Komaron̄ lale “Fast, Fasting” ilo Unin tōl an Jeje ko Rekwojarjar.

• Eļan̄n̄e ekar wōr am̧ en̄jake eaorōk kōn jitlo̧k, kwaļo̧k n̄an ajri ro. Komaron̄ bar kajjitōk ippaer ewi wāween aer naaj kar kōmeļeļeik n̄an juon eo m̧ōttam̧ etke Irooj ear letok kakien in.

• Ālkin riiti Aiseia 58:13–14, komaron̄ jitōn̄ļo̧k raan ko ilo wiik eo ilo juon kōļanta im karuwaneneik ajri ro n̄an ba etan raan ko ippam̧. N̄e kotopar Jabōt, kajjitōk ippaer n̄an ņaetan raan eo “juon kam̧ōņōņō.” Kajjitōk ippaer etke Jabōt ej juon kam̧ōņōņō n̄an kwe.

• Kwaļo̧k n̄an doon wāween ko jet komaron̄ “kam̧ōņōņō eok make ilo Irooj” ilo Jabōt Bōlen ajri ro remaron̄ jin̄aik ļōmņak ko aer im likut ilo juon “bo̧o̧k in kam̧ōņōņō ko an Jabōt.” Innem, n̄e reaikuj ļōmņak kōn men ko jet ren kōm̧m̧ani ilo raan in Jabōt, remaron̄ kanōk juon ļōmņak jān bo̧o̧k eo.

• Komaron̄ kajjitōk ippān ajri ro bwe ren kiil mejaer ilo am̧ riiti Aiseia 60:1–3. Kajjitōk ippāer n̄an kōppeļļo̧k mejāer n̄e rej ron̄ naan eo “meram” im kiil mejāer n̄e rej ron̄ naan eo “marok.” Kōmeļeļeiki bwe Jisōs Kraist im gospel eo An rej āinwōt juon meram me ejipan̄ kōj lo iaļ eo ad ļo̧k n̄an ippān Jemedwōj Ilan̄.

• Aiseia 65:17–25 kōmeļeļeik ta eo laļin enaaj āinwōt n̄e Rilo̧mo̧o̧r enej bar itok. Ilo am̧ riiti eoon kein ippān ajri ro, jipan̄ er kappukot ekōjkan an mour naaj oktak ilo “laļ ekāāl” Aiseia ear kōmeļeļeiki Etke enaaj juon iien “m̧ōņōņō im lan̄lōn̄ indeeo”? (eoon18).

• Al juon al kōn Itok eo Kein Karuo an Rilo̧mo̧o̧r, eo āinwōt “When the Savior Comes Again” (Gospel Library). Kwaļo̧k n̄an doon ta ko kwoj reim̧aanļo̧k n̄an i kōn rooltok eo an Rilo̧mo̧o̧r. Ta eo jemaron̄ kōm̧m̧ane n̄an kōppopo n̄an raan eo?