“Ohktohpa 19–25. ‘Meet Liki Nga Lumwekomla Nga Sulekomla’: Jeremiah 1–3; 7; 16–18; 20,” Come, Follow Me—For Home and Church: Wuhlweacng Mahtuh 2026 (2026)

“Ohktopa 19–25. ‘Meet Liki Nga Lumwekomla Nga Sulekomla,’” Fahsruh, Fahsr Tukuk: Wuhlweacng Mahtuh 2026

Jeremiah, sel Walter Rane

Ohktopa 19–25: “Meet Liki Nga Lumwekomla Nga Sulekomla”

Jeremiah 1–3; 7; 16–18; 20

Ke muhtwacwacackiyac ah, Jeremiah el tiacna nuhnkuh muh el ac mwet pahluh wowo se. “Leum God fulatlana, nga nikin lah mea nga ac fahk,” el tohrkahskahs fahk (Jeremiah 1:6). Tuhsruhk Leum El ahkkweyacl ac fahk, “Nga ac sot nu sum kas kom in fahk” (verse 9). Jeremiah el puhla muh el arulacna “fusrla” (fuhs 6), tuhsruhk Leum el ahkuhtweyac nuh sel lah yohk ahkolah lal liki na ke el etuh uh—el tuh akmuhsralah tari nuhke pahng se inge finne met likna el isuslac ah (liye verse 5). Pwacnwacng Jeremiah el muhlkuhnlah sahngweng lal ac eis pahng se inge. El sensenkihnkackihn nuh sin tohkohsrah ac prist luhn acn Jerusalem lah kikiacp in muhtahl lalos ac fah tiacna molweloslac. Mukul “fuhsr” sac suc nuhnkuh muh el tiacna kuh in sramsram tuh eklac ac el tuh puhla “lun [insiacl] kahs luhn God inge oacna sie e fihrihr” ac el tiac kuh in kutongyac (Jeremiah 20:9).

Sramsram lal Jeremiah uh sramsram lom pac. God el etwekom pac, met liki kom isuslac ac ahkolah nuh sum tari ma kom in tuhkuh oruh fin facluh. Inmahsrlon ma sahyac, orekma se ingacn sie ma Jeremiah el liyacack ke palye lal: orwacni mwet luhn God, kais sie, “in [fohlohkohnuhlosme] nuh Zion” (Jeremiah 3:14). Ac finne kom tiac etuh lah meac kom ac oruh kuh fahk, kom kuh in “nimet sangweng selos … ; tuh nga ac fah wi kom, Leum el fahk” (Jeremiah 1:8, 19).

Nuhke mwe ahkuhtweyac nuhke puk lal Jeremiah, liye “Jeremiah” Pwacpuhl Tiksinacri an.

Mwe nuhnak nuhke Lutlut Lohm Sesr ac Alu

Jeremiah 1:4–19; 7:1–7; 20:8–9

Mwet pahluh elos pahngonyuck in fahkwack ke kahs luhn God.

Petsacelah muh kom sramsram nuh sin kawuck se lom suc soenna lohng ke mwet pahluh uh, ac kom sulaclah in ahkuhtweyac ke sie mwe nuhnak orekmakihn pahng se lal Jeremiah in ekihn sie mwet pahluh ke Jeremiah 1:4–19. Meac kom konwacack ke fuhs inge ma luti sie ma ke mwet pahluh luhn God? Kom kuh pac in liye ke Jeremiah 7:1–7; 20:8–9 ac on in alu soko oacna “We Listen to a Prophet’s Voice” (Puk In On, no. 22).

Sahp kom ac luhngse pac in luti kawuck se lom ingacn ke mwet pahluh suc moul misenge. Yac oasr ma ke fuhs inge ma kuh in kahsruh? In mwe srihkasrak, meac mwet pahluh ke pacl lasr uh “fuhswack” kuh “ikorikihnyac” uh? Meac elos “muhsahi” ac “ukwiyac” uh? (Jeremiah 1:10). Kom etuh fuhka lah mwet pahluh moul lasr el pahng sin God?

Liye pac Articles of Faith 1:6, 9; “Why Do We Have Prophets?” (video), ChurchofJesusChrist.org.

Jeremaia 1:5

God el etweyuc met liki nga isuslah ah.

Meac Jeremiah el lotwelah kacl sifacna ke Jeremiah 1:5? Ekihn sie mwet pahluh sasuc tuhfahna pahngonyuck, efuh mwe fahkwack ingacn yohk srihpac nuh sel in etuh kac?

Ma pucspucs Jeremiah el lotwelah kacl sifacna ke Jeremiah 1:5 ac oacyacpac pwacye nuh keim. God el etwekom pac met liki kom isuslac ac ahkwoekomlac nuhke kunohkohn yohk srihpac lom. In lotwelah yohk ke moul lom met liki kom isuslac ah, riti Alma 13:1–4; Doctrine and Covenants 138:53–56; ac Abraham 3:22–23. Sahp kom kuh in oraclah list se ke ma pwacye kom konwacack ingacn. Efuh yohk srihpac nuh sum in etuh ma inge?

In lotwelah lah ma pwacye inge ekuhllah fuhkah moul lal Elder Ahmad S. Corbitt, lutlut ke mwe fahkwack lal“Kom kuh in usacni Israel!” (Liahona, Mei 2021, 61–63). Etuh lom ke moul lom met liki isuslac nuh facluh ekuhllah fuhkah ohiyacn moul lom fin facluh se inge?

Pa inge ma Prestuhn Russell M. Nelson el fahk ke moul lom met liki kom tuhkuh nuh facluh:

“Pahpah Inkuhsrao el etwekom ke lusen pacl na loeloes se. Kowos, oacna tuhlihk mukul kuh muhtwacn Nahtuhl, suleyucklac Sel in tuhkuh nuh facluh ke pacl fal se inge, in sie mwet kol ke orekma yohk Lal fin facluh. Kom suleyuhklac tiac ke ohiyen mahno tuhsruhk nuhkeohiyac wowo luhn nguhn elah lom, oacna puhlaik, tiac sahngeng, suwohs luhn insiac, maluhkihn ma pwacye, masrinsraclkihn lahlnwetmwet, ac kena se in kuhlwacnsuhpuh mwet sahyac.

“Kom muhsahi ohiyac wowo inge met liki kom tuhkuh nuh facluh. Kom kuh in muhsahi pac ma sahyac fin facluh se inge ke kom sikalweni in suk kaclos” (“Decisions for Eternity,” Liahona, Nov. 2013, 107).

Nuhnkuh ke kuhtuh ohiyac sahp kom puhla muh yohk srihpac in esam ke ma pwacye ke moul lom met liki isuslac nuh facluh. Meac kom kuh in oruh in ahkacsmakihnye kom ke ma pwacye inge?

Liye pac Russell M. Nelson, “Decisions for Eternity,” Liahona, Nov. 2013, 106–9; Topics and Questions, “Foreordination,” “Premortal Life,” Gospel Library.

ke lacsac an, mwet se tu lun sestuhn luhlahp se; ke lacyot an, kof puhtat se — Ke Jeremiah 2:13, Leum el kapsruh ohiyac in nguhn luhn mwet uh nuhke “ Lufin kof su wohn ac tia ku in sruokya kof” ac kapsruh nuh Kacl sifacna nuhke “unon in kof loslos nu selos.”

Jeremiah 2; 7

“Elos forla likiyu nga su unon in kof loslos nu selos.”

Ke acn paho ma mwet Israel tuh muhta we, mwet uh tuh nacnwack kof sacohk nimaclos ke mwe nwacna kof ma an ye fohk uh ma pahngpahng sestuhn. Meac kom nuhnkuh tuh “elos forla likiyu” ma sruhmuhnyuhk ke Jeremiah 2:13 luhmweyuhk nuhkac? Efuh ituhk kof liki unohn in kof uh wo liki na in epacl nuhke sestuhn se? Meac kalmac in forlah liki “unon in kof loslos nu selos”? Ke kom riti Jeremiah 2 ac 7, akihlen ke mwet ingacn tuh fahsr liki kof in moul luhn Leum (liye, nuhke mwe srihkasrak, Jeremiah 2:26–28; 7:2–11). Efuh kuh “kof in moul” el akucl wowo se nuhke ma Mwet Lahngo el usot nuh sum? Nuhnkuh kac lah kom eis fuhkah kof in moul.

Jeremiah 7 el sramsram nuh sin mwet suc utyak nuh in “lohm sin Leum … in alu nuh sin Leum,” tuhsruhk mukwikwi lalos tiacna fal nuhke ohiyacn alu lalos (liye fuhs2–11). Mwe fahkwack fuhkah kom puhla Leum el usot nuh sum ke fuhs21–23?

Orekmakihn ma ke lesin Mwet pahluh luhn Leum elos kwacna kapsruh ma pwacye ke ma kawihl uh nuhke ma kuht akihlen uh. Nuhnkuh in oruh oacpacna ke kom lotwelah ac luti ke wosasuc uh. Fin pa nuhke ma se inge, in petsacelah Jeremiah 2:13, kom kuh in sang kof nuhke sie mwe nwacna kof ma srasrwelihk kuh muhsahllah kuh nihm kof liki unohn in kof se. Jisus el oacna sie “unon in kof loslos nu selos” fuhkah? (Jeremiah 2:13). Kuht ac nihm ke kof in moul Lal fuhkah?

Jeremiah 3:14–18; 16:14–21

Leum El fah orwacni mwet Lal.

Ke Jeremiah 16:14–15, Jeremiah el kapsruh fahsrweni luhn Israel ke lwen sahflah uh nuhke Tufoklac luhn Israel liki acn Egypt ah. Ke nuhnak lom sifacna, efuh fahsrweni se inge yohk srihpac nuh sin mwet luhn God liki na Tufoklac sac?

Meac oruh Jeremiah 3:14–18; 16:14–21 el nuhnak kac lah sikyak fuhkah fahsrweni se inge?

Ke mwe fahkwack lal “Hope of Israel,” Prestuhn Russell M. Nelson, oacna Jeremiah, luti lah fahsrweni luhn Israel “pa ma se ma yohk srihpac emet ma sik fin facluh ingena” (worldwide youth devotional, June 3, 2018, Gospel Library). Riti kuh lohng mwe fahkwack lal, ac liye lah kom kuh in konwacack (a) lah Prestuhn Nelson el ahkuhtweyac fuhkah fahsrweni luhn Israel, (b) el ahkuhtweyac fuhkah ke yohk srihpaciyac, ac (c) lah kom ac wi fuhkah fahsrweni se inge.

Nuhke kuhtuh pac liye ma nuhke mahlwem inge Liahona ac Nuhke Kuh luhn Mwet Fuhsr mackuhsin.

mwe nuhnak nuhke Luti Tuhlihk

Jeremaia 1:5

Pahpah Inkuhsrao el etweyuc met liki nga isuslac.

In tuhkahkihn ma pwacye yohk srihpac ma lutiyuhk oasr ke Jeremiah 1:5, kom kuh in sang nuh sin tuhlihk an in liye sie petsac ke sie tuhlihk fuhsr (kuh, fin ac kuh, kowos kuh in liye petsac ke tuhlihk na nuhtum an ke pacl se elos tuh tuhlihk fuhsr ah). Siyuhk sin tuhlihk an lah elos etuh lah elos muhta oyac met liki elos isuslac uh. Kowos kuh pac in tuhkweni yuck on ma luti ke moul lasr meet liki kuht isuslac nuh facluh, oacna ke “I Lived in Heaven” (Puk In On luhn Tuhlihk, 4).
Fin tuhlihk an ke lutlut yohk kac, kom kuh in kahsrwelos konwacack “Premortal Life” ke mwe Kahsruh nuhke Ma Suhmuhslah. Elos kuh in suk top nuhke “suc,” “ngac,” ac “meac” kihsensiyuck ke moul met liki isuslac nuh facluh.

tuhlihk muhtwacn se sruok tuhlihk fuhsr se

Jeremiah 1:4–19

Mwet pahluh uh pahngonyuck in fahkwack kahs luhn Leum.

Srihke nuhnkuh in sang petsac ke mwet pahluh moul kuh mmwet pahluh ke ma suhmuhslah (kom kuh in konwacack kuhtuh ke Church magazines, puk Gospel Art Book, ac Come, Follow Me). Siyuhk sin tuhlihk an lah meac elos etuh ke mwet pahluh inge.
Kom fin luti ke mwet pahluh, kom kuh in sulaclah kuhtuh fuhs ah in kahsrwekom ma oasr ke Jeremiah 1, oacna ke fuhs 5, 7, 10, and 19. Tuhlihk ingacn kuh in kais sie sulaclah sie sin foh ingacn, riti, ac akacsruhi ke sie ma elos lotwelah ke mwet pahluh.

Jeremiah 16:14–16

Nga kuh in kahsruh tuhlihk nahtuhl Pahpah Inkuhsrao in fohlohk nuh Yohrohl.

Ke kom riti Jeremiah 16:16, tuhlihk an kuh in oruh in na muh eltahl “pahtuhr” kuh “sukok” ma lun infuhkihl sac. Prestuhn Russell M. Nelson el kapsruh mwet ahyah ac mwet sukok kosro ke fuhs se inge nuh sin misineris (liye “The Gathering of Scattered Israel,” Liahona, Nov. 2006, 81). Meac orekma luhn misineri? Kuht ac “ahs” ac “suk” fuhkah ke mwet Israel ma fahsrwelihk uh? (liye “Sie mwe fahkwack nuh sin Tuhlihk sel Prestuhn Russell M. Nelson” [video], ChurchofJesusChrist.org).

3:30
Video: A Message for Children from President Russell M. Nelson

Jeremiah 18:1–6

Nga kuh in sang Leum elan kol moul luhk, oacna ke mwet orek ahluh el luhmahlah atac ke kle uh.

In kahsrwe kom ke kom e riti ke fuhs inge uh, kom kuh in sruhmuhn kuh sang petsac ke oreklac luhn pottery uh (liye petsac se ke sahflahiyacn ma tahklac inge). Mwe fahkwack fuhkah Leum el use nuh sesr ke Jeremiah 18:1–6? Meac kalmac in oacna fohk kle lun poun Leum? (liye pac Isaiah 64:8). Nuhke sie pac sramsram ma kapsrwe kuht nuhke fohk luhn potter se, liye mwe fahkwack lal Elder Richard J. Maynes “The Joy of Living a Christ-Centered Life” (Liahona, Nov. 2015, 27–30).

Nuhke kuhtuh pac liye ma nuhke mahlwem inge ke Friend mackuhsin an.

paho luhmahlah fohk nuhke ahluh ke wil se — “Kowos muta inpouk oana ke kle uh oan inpoun mwet orek ahluh, O kowos mwet Israel” (Jeremiah 18:6).

Sra puk in mukuikui luhn U luhn tuhlihk srihsrihk: Nga kuh in kahsruh tuhlihk nuhtin Pahpah Inkuhsrao in fohlohk nuh Yohrohl — “Kowos muta inpouk oana ke kle uh oan inpoun mwet orek ahluh, O kowos mwet Israel” (Jeremiah 18:6).