Fahsruh, Fahsr Tukuk
Ohktopa 12–18. “Mwet in Molwelah El Fah Tuhkuh nuh Zion”: Isaiah 58–66

“Ohktopa 12–18. ‘Mwet in Molwelah El Fah Tuhkuh nuh Zion’: Isaiah 58–66,” Come, Follow Me—For Home and Church: Wuhlweacng Mahtuh 2026 (2026)

“Ohktopa 12–18. ‘Mwet in Molwelah El Fah Tuhkuh nuh Zion,’” Come, Follow Me: Wuhlweacng Mahtuh 2026

Jisus el riti puk lihmlihm se nuh sin mwet ke iwen lohlngohk se

Jisus el muhta lun iwen lohlngohk fin acn Nazareth, sel Greg Olsen

Ohktopa 12–18:“Mwet in Molwelah El Fah Tuhkuh nuh Zion”

Isaiah 58–66

Ke muhtwacwacackiyacn luti luhn Jisus Kraist ah, El muhtwacta nuhke iwen lohlngohk fin acn Nazareth, ke acn el mahtuhlah we. El tulac insac in riti ke ma suhmuhslah, ikahslah puk lal Isaiah, ac riti ma kuht etuh ingena muh pa Isaiah 61:1–2. Na El fahk, “Misenge ma suhmuhslah se inge ahkpwacyeiyuck ke pacl se na kowos lohng ke nga riti ac.” Pa inge sie mwe fahkwack na kahlwem luhn Mwet Lahngo lah El pa suc Akmuhsraiyucklac, suc ac fah “ahksukohsohkye mwet suc muhta in kweok” ac “sulkackihn lah mwet srohoh ac fah sukohsohklah” (liye Luke 4:16–21). Pwacyena lah ma suhmuhslah se inge tuh ahkpwacyeyucklac ke lwen se inge. Ac, oacna palye puhkantwen sahyac lal Isaiah, ma ingacn oacyacpac ahkpwacyeiyucklac ke lwen lasr uh. Mwet Lahngo el tiacna tui in ahkkweyaclos suc muhsahllah insiac ma fahsr nuh Yohrohl. Srwackna puhkantwen mwet muhta in srohoh suc enenuh in moliyucklac. Ac oasr lwen wolacna se in ahkolah nuhkac—pacl se ma Leum el fah “orala kusrao sasu ac sie faclu sasu” (Isaiah 65:17) ac “mutunfal nukewa fah kaksakunul” (Isaiah 61:11). Ke kuht riti Isaiah uh ikacklah muhtahsr nuhke ma Leum el orwaclah tari, ke ma El oruh ingena, ac ma el ac fah oruh nuh sin mwet Lal.

akucl in lutlut

Mwe nuhnak nuhke Lutlut Lohm Sesr ac Alu

Isaiah 58:3–12

akucl luhn seminary
Lalo uh muhsahelah kuh ke nguhn ac ahkinsewowoye mwet suc enenuh.

Efuh kuh mwet uh in sifacna sulaclah in tiac mongo ke oasr mongo uh? Ke kom lutltut ke Isaiah 58:3–12, sahp kom ac kuh in nuhnkuh ke srihpac lom nuhke lalo uh—oac pacna srihpac luhn Leum in sang masap se inge. Kuhtuh pa inge kihsensiyuck in motkweyuck uh:

  • Efuh kuhtuh pacl uh mwet uh liye lalo uh muh mwe toasr se liki na in liye muh mwe insewowo se? (liye Isaiah 58:3–5). Mwe luti luhn Leum ke sapta inge ekuhllah fuhkah liye lom uh?

  • Meac kalmac in “tuhlahlosla suc kapir ke nununku sesuwos” ac “aksukosokye mwet su kowos akkweokye”? (Isaiah 58:6). Lalo uh ahkinsewowoye fuhkah mwet sahyac? (liye fuhs 7).

  • Lalo uh usot nuh sum fuhkah mwe insewowo ma ahkuhtweyucki oasr ke Isaiah 58:8–12?

Ke mwe fahkwack lal “Yac Tiac Lalo Se Inge Pa Nga Tuh Sulaclah Ah?” (Liahona, Mei 2015, 22–25), Prestuhn Henry B. Eyring el akacsruhi ke kuhtuh mwe srihkasrak lah mwet uh ahkinsewowoyeyuck fuhkah ke lalo ac mwe sang ke lalo. Kom puhlakihn fuhkah mwe insewowo inge ke moul lom an?

Liye pac “Bless Our Fast, We Pray,” Hymns, no. 138; Topics and Questions, “Fasting and Fast Offerings,” Gospel Library.

Srihke in etwaclah mwet kom luti an. “Ekihn sie mwet luti oacna Kraist enenuh in etwaclah mwet ma kom luti an ac srihke in kahlwem ke ma oan insiaclos. … Kom kuh in konwacack lah eltahl lotwelah wo emet fuhkah. Kom kuh in kihsensiyuhk, lohng ahkwoyac, ac tuni. Yohk liki nuhkwewa, kom kuh in pruhe siyuck ke kahlwem ma Nguhn muhkwena kuh in usot. Kom fin etuh yohk mwet se, ma se ma wo emet pa in kahsrel (mukulL kuh (muhtwacn) in sokwack srihpac lalos sifacna ac kuh ke wosasuc luhn Jisus Kraist. Pacl se kom kahlwem ke maluh luhn sie mwet, Nguhn ac fah luti kom lah kom ac kahsruh fuhkah in tulokihnyac maluh lal ke kof in moul luhn Mwet Lahngo” (Teaching in the Savior’s Way, 13).

Isaiah 58:13–14

Ahkfuhlwactye Leum ke lwen Sahpuht acsot engan.

Kuh lwen Sapuht lwen “engan” se nuh sum? Ke kom lutlut ke Isaiah 58:13–14, nuhnkuh lah kom ac sokwack fuhkah engan yohk ke lwen luhn Leum. Meac kalmac in forlah liki “mwe pwacr lom ke lwen muhtahl [Lal]”? Meac tiac oacna sie inmahsrlon “[engan] in oruh luhngse luhn Leum” ac “oruh luhngse lom sifacna”?

Liye pac Russell M. Nelson, “The Sabbath Is a Delight,” Liahona, Mei 2015, 129–32.

Isaiah 59:9–21; 61:1–3; 63:7–9

Jisus Kraist pa Mwet Lahngo ac Mwet in Molwelah luhk.

KeIsaiah 58–66 oasr mwe kahsruh puhkantwen nuhke orekma in iwaclah luhn Jisus Kraist. Suk ke ma inge ke kom lutlut uh. Suhmuhslah sifac ac kahs ma orekmakihnyuck in sang ahkuhtweyac ke Mwet Lahngo. Nuhke mwe srihkasrak:

  • Meac kom luhngse ke ahkuhtweyac se ke “pruhe ke mwet ngiac” ke Isaiah 59:16–21? Mwet Lahngo el kuhtanglah fuhkah ohiyac ma ahkuhtweyucki ke fuhs 9–15?

  • Ke Jisus Kraist el fahkwack nuh sin mwet fin acn Nazareth lah El pa Messiah, El rit liki Isaiah 61:1–3 (liye Luke 4:16–21; liye pac video “Jesus Declares He Is the Messiah,” Gospel Library). Jisus Kraist el ahkinsewowoye kom ac mwet sahyac fuhkah ke ohiyac ma ahkuhtweyucki ke fuhs inge? El ahollah apact uh fuhkah nuhke ma kahto?

    3:24

    Jesus Declares He Is the Messiah

  • Meac “pahkotwen ac luhngse pwacye luhn Leum” kom kuh in “fahkwack kac”? (liye Isaiah 63:7–9).

  • Meac pac kuhtuh mwe kahsruh sahyac kom sokwack ke Isaiah 58–66?

Liye pac Mosiah 3:7; Doctrine and Covenants 133:46–53.

poun mukul se ahsrweyucklac in ahkoswack lahm nuk se luhn muhtwacn se

Sie Mwe Sang luhn Kahlwem, sel Eva Timothy

Isaiah 60; 62

“Leum el fah sie kahlwem nuh sum ne tok ma pahtpaht.”

Isaiah 60 ac 62 sruhmuhn ke kahlwem ac lohsr, muhta ac liye in luti ke wosasuc luhn Jisus Kraist fah ahkinsewowoye facluh fuhkah ke lwen sahflah. Suk ke mwe nuhnak inge ke Isaiah 60:1–5, 19–20; 62:1–2. Ke kom riti sapta inge uh, motko lah God el orwacni fuhkah tuhlihk Nahtuhl liki lohsr nuhke kahlwem Lal. Meac ma kunom ke orekma se inge?

Liye pac 1 Nephi 22:3–12; 3 Nephi 18:24; Doctrine and Covenants 14:9; Bonnie H. Cordon, “That They Mei Liye,” Liahona, Mei 2020, 78–80.

Isaiah 64:1–5; 65:17–25; 66

Kraist El fah kol fin facluh ke tausin se yac.

Isaiah el sruhmuhn ke sie lwen ma “ma koluk nukewa ke pacl somla ac fah wanginla ac mulkinyukla” (Isaiah 65:16). Ke kahs in palye inge oasr tari ahkpwacye kac, ke ohiyac inge nuhkwewa, lah lwen se ingacn sonna sikyak—ke Jisus Kraist El fah fohlohkuh. Isaiah el ahkuhtweyac ke lwen se inge ke Isaiah 64:1–5; 65:17–25; 66. Srihke in akihlen ke el kwacna orekmakihn kahs inge oacna ke “engan” ac “enganwack.” Efuh kuh lwen in fohlohk luhn Mwet Lahngo ac mwe engan se nuh sum? Meac kom kuh in oruh in ahkolah nuhke tuhkuh Lal uh?

Liye pac Articles of Faith 1:10; Russell M. Nelson, “The Future of the Church: Preparing the World for the Savior’s Second Coming,” Ensign, Eprel. 2020, 13–17.

Nuhke kuhtuh pac liye ma nuhke mahlwem inge ke Liahona ac Nuhke Kuh lun Mwet Fuhsr mackuhsin.

akucl luhn tuhlihk

mwe nuhnak nuhke Luti Tuhlihk

Isaiah 58:6–11

Lalo uh ahkinsewowoyeyuc ac mwet enenuh sahyac.

  • Sahp inkacnek se ma wo emet in ahkkweye tuhlihk ingacn in lalo—ke elos ahkolah—in kahsrwelos in kahlwem ke srihpac luhn Leum ke masap se inge. Motko in tuhkweni riti Isaiah 58:6–11 in sokwack top nuhke kihsensiyuhk inge: Efuh kuht lalo? Kuht ac lalo fuhkah? Kom kuh pac liye ke “Fast, Fasting” ke mwe kolyuck nuhke ma suhmuhslah.

  • Kom fin puhla tari woiyacn lalo uh, akacsruhi nuh sin tuhlihk ingacn. Kom kuh pac in siyuhk selos lah elos ac ahkuhtweyac fuhkah nuh sin kawuhk se lah efuh Leum El use nuh sesr masap se inge.

Isaiah 58:13–14

Lwen Sahpuht kuh in lwen engan se nuh sihk.

  • Tukun kom riti Isaiah 58:13–14, kom kuh in srihsrngiyac lwen ke wik ke kacluhntuhr an ac nguhsre tuhlihk an in wi kom fahk lwen ingacn. Ke kom sun lwen Sahpuht uh, siyuhk seltahl in pahngon lwen se ingacn “sie lwen engan.” Fahk nuh selos lah efuh lwen Sahpuht uh lwen engan se nuh sum.

  • Akacsruhi nuh sin sie sin sie inkacnek ma kom kuh in “oruh luhngse luhn Leum” ke lwen Sapuht. Sahp tuhlihk ingacn kuh in sruhlwaclah nuhnak laltahl ac sang nuhke sie “pohk in mwe engan nuhke lwen Sahpuht.” Tok, ke elos enenuh nuhnak nuhke ma elos ac oruh ke lwen Sahpuht, elos kuh in eslah sie nuhnak an liki pohk se ingacn.

petsac se ke Jisus

Kahlwem Lasr, sel Dan Wilson

Isaiah 60:1–3

Mwet Lahngo el oacna sie kahlwem nuh sihk.

  • Kom kuh in ngihsre tuhlihk an in kaliyac muhtahlos ke kom riti Isaiah 60:1–3. Siyuhk selos in ikacslah muhtahlos fin elos lohng kahs se inge “kahlwem” ac kaliyac muhtahlos fin elos lohng kahs se inge “lohsr.” Ahkuhtweyac lah Jisus Kraist ac wosasuc Lal oacna sie kahlwem ma kahsrwe kuht in liye inkacnek lasr in fohlohk nuh yurin Pahpah Inkuhsrao.

Isaiah 65:17–25

Ke Jisus el ac sifilpac tuhkuh uh, El ac fah use mislac ac engan.

  • Isaiah 65:17–25 ahkuhtweyac lah fuhkah atacn facluh ke Mwet Lahngo El sifilpac tuhkuh uh. Ke kom wi tuhlihk an riti fuhs inge uh, kahsrwelos in suk lah moul uh ac sienna fuhkah ke “facluh sasuc” se ma Isaiah el ahkuhtweyac kac inge. Efuh pacl se inge pa pacl in “engan ac kaksak ne tok” uh? (fuhs 18).

  • Kom kuh pac in tuhkweni yuck ke on ke Tuhkuh Ahkluo, oacna ke “When the Savior Comes Again” (Gospel Library). Akacsruhi sie sin sie lah meac kom salka ke fohlohk luhn Mwet Lahngo uh. Meac kuht kuh in oruh in ahkolah nuh ke lwen sac?

Nuhke kuhtuh pac liye ma nuhke mahlwem inge ke Friend mackuhsin an.

Jisus Kraist El oasr yen engyeng uh, suhpwacma kahlwem uh

“Tuyak, ac tolak oana faht; ac wolana lun Leum God srekomi” (Isaiah 60:1). Kahlwem ac Moul, sel Mark Mabry

Sra puk in mukuikui luhn U luhn Tuhlihk Srihsrihk: Sahpuht kuh in mwe engan nuh sihk