Kuwa 19–25 Ukwakira ‘“Nakumenye Ntarakurema mu Nda ya Nyoko”: Yeremiya 1–3; 7; 16–18; 20,” Ngwino, Unkurikire—Kub’Urugo n’Itorero: Isezerano rya Kera 2026 (2026)

Kuwa 19–25 Ukwakira ‘“Nakumenye Ntarakurema mu Nda ya Nyoko”: Yeremiya 1–3; 7; 16–18; 20,’” Ngwino, Unkurikire: Isezerano rya Kera 2026

Jeremiah [Yeremiya], igihangano cyahanzwe na Walter Rane

Kuwa 19–25 Ukwakira: ““Nakumenye Ntarakurema mu Nda ya Nyoko”: Yeremiya 1–3; 7; 16–18; 20”

Yeremiya 1–3; 7; 16–18; 20

Ubwa mbere, Yeremiya ntiyatekereje ko azaba umuhanuzi mwiza. Yarahakanye ati: “Dore, Sinzi kuvuga,” (Yeremiya 1:6). Ariko [Nyagasani] yongeye kumwizeza ati: ”Nshyize amagambo yanjye mu kanwa kawe” (umurongo wa 9). Yeremiya yiyumviriye ko yari ”umwana” udafite ubunararibonye (umurongo wa 6), ariko [Nyagasani] yasobanuye ko icyo gihe yari yiteguye kurusha uko yabitekerezaga—Yari yaratoranyirijwe uyu muhamagaro ndetse mbere y’uko avuka (reba umurongo wa 5). Bityo Yeremiya yashyize ku ruhande ubwoba bwe maze yemera uwo muhamagaro. Yaburiye abami ba Yerusalemu n’abatambyi ko ubutagatifu bitwaza butazabakiza. “Umwana” watekerezaga ko atazashobora kuvuga yaje kumva ijambo ry’Imana“ mu mutima [we] nk’umuriro waka” kandi ntiyashoboye guceceka (Yeremiya 20:9).

Inkuru ya Yeremiya ni inkuru yawe nawe. Imana yakumenye, nawe, mbere y’uko uvuka kandi yaguteguriye ubutumwa bwawe mu buzima. Mu bindi bintu, ubwo butumwa bukubiyemo ikintu Yeremiya yabonye: ugukoranyirizwa hamwe kw’abantu b’Imana, umwe umwe, kugira ngo bazanwe i Siyoni” (Yeremiya 3:14). Ndetse niba utazi neza icyo gukora cyangwa kuvuga, ushobora “kutagira ubwoba … ; kuko ndi kumwe nawe, niko [Nyagasani] avuga” (Yeremiya 1:8, 19).

Kubw’incamake y’igitabo cya Yeremiya, reba ”Yeremiya” muri Guide to the Scriptures.

Ibitekerezo byo Kwigira mu Rugo no ku Rusengero

Yeremia1:4–19; 7:1–7; 20:8–9

Abahanuzi bahamagarirwa kuvuga ijambo ry’Imana.

Minutekereze ko murimo kuganira n’inshuti itarigeze na rimwe yumva iby’abahanuzi, maze mukiyemeza kumusobanurira urwo rwego mukoresha umuhamagaro wa yeremiya ngo abe umuhanuzi muri Yeremiya 1:4–19. Mbese ni iki musanga muri iyi mirongo kigisha ikintu cyerekeranye n’abahanuzi b’Imana? Mushobora kandi kureba muri Yeremiya 7:1–7; 20:8–9 n’indirimbo nka “We Listen to a Prophet’s Voice” (Indirimbo, no. 22).

Mushobora kandi gushaka kwigisha inshuti yanyu ibyerekeye umuhanuzi uriho muri iki gihe. Mbese haba hari ikintu muri iyi mirongo gishobora gufasha? Nk’urugero, ni iki abahanuzi muri iki gihe, ”barandura” cyangwa ”basenya”? Mbese ni iki ”bubaka” kandi ”batera”? Yeremiya 8:22. Mbese ni gute mwamenye ko umuhanuzi wacu uriho yahamagawe n’Imana?

Reba kandi Ingingo z’Ukwizera 1:6, 9; “Ni kuki dufite abahanuzi?” (videwo), ChurchofJesusChrist.org.

Yeremiya 1:5.

Imana yari inzi mbere y’uko mvuka.

Mbese ni iki Yeremiya yamenye kuri we ubwe muri Yeremiya1:5? Nk’umuhanuzi uhamagawe vuba aha, ni kuki aya makuru yaba ari ingenzi ko ayamenya?

Byinshi mu byo Yeremiya yamenye kuri we ubwe muri Yeremiya 1:5 ni iby’ukuri no kuri wowe. Imana kandi yakumenye mbere y’uko uvuka kandi yaguteguye kubw’inshingano zihariye. Kugira ngo mumenye kurushaho iby’ubuzima bwanyu mbere y’uko muvuka, nimurebe Aluma 13:1–4; Inyigisho n’Ibihango 138:53–56; na Aburahamu 3:22–23. Mushobora gukora urutonde rw’amahame mutahuyemo. Ese ni ukubera iki aya makuru ari ingirakamaro kuri wowe kuyamenya?

Kugira ngo mumenye iby’uko aya mahame yagize ingaruka buzima bw’Umukuru Ahmad S. Corbitt, mwige ubu butumwa “You Can Gather Israel!” (Liyahona, Gicurasi 2021, 61–63). Ni gute kumenya iby’ubuzima bwanyu bwa mbere yo kuza ku isi bugira ingaruka ku buryo ubaho ubuzima bwawe ku isi?

hano hari icyo Umuyobozi Russell M. Nelson yavuze ku byerekeye ubuzima bwanyu bwa mbere yo kuza ku isi:

“So wo mu Ijuru yakumenye gihe kirekire cyane. Wowe, nk’umuhungu cyangwa umukobwa We, watoranyijwe nawe ngo uze ku isi muri iki gihe kizwi, ngo ube umuyobozi mu murimo We ukomeye ku isi.” Ntabwo watoranyijwe kubw’ibiranga umubiri wawe ahubwo kubw’imiterere ya roho nk’ubutwari, umurava, ubunyangamugayo bw’umutima, inyota y’ukuri, inzara y’ubushishozi n’icyifuzo cyo gufasha abandi.

“Waguye imwe muri iyi miterere utaraza ku isi. Abandi mushobora kwagukira hano ku isi uko muyishakisha mutiganda.” (“Decisions for Eternity,” Liyahona, Ugushyingo 2013, 107).

Mutekereze bimwe mu bihe mushobora guhura nabyo, muri byo bikaba byaba ngombwa ko mwibuka aya mahame yerekeranye n’ubuzima bwanyu bwa mbere y’isi. Mbese ni iki mushobora ngo mwiyibutse aya mahame?

Reba kandi Russell M. Nelson, “Decisions for Eternity,” Liyahona, Ugushyingo 2013, 106–9; Topics and Questions, “Foreordination,” “Ubuzima bwa Mbere y’isi,” Isomero ry’Inkuru Nziza.

ibumoso, umuntu uhagaze mu gitenga kigari kirimo ubusa; iburyo, isumo — Muri Yeremiya 2:13, [Nyagasani] yagereranyije imitere ya roho y’abantu n’”ibitenga byamenetse” kandi We ubwe yigereranya n’“isoko y’amazi y’ubugingo.”

Yeremiya 2; 7

“Baranyimuye, njyewe soko y’amazi y’ubugingo.“

Mu karere kumye aho Abayisirayeli babaga, abantu babikaga amazi y’imbonekarimwe mu bigega munsi y’ubutaka byitwaga ibitega. Mbese mutekereza ko ”ibitega bitobotse” bivugwa muri Yeremiya 2:13 bishobora kuba bishushanya iki? Ni kuki guhabwa amazi avuye mu isoko byaba byiza kuruta kwishingikiriza igitega? Mbese kwimura ”isoko y’amazi y’ubugingo” bisobanura iki? Uko musoma Yeremiya 2 na 7, murabona uko abantu bimuraga amazi y’ubugingo ya [Nyagasani} (reba, nk’urugero, Yeremiya 2:26–28; 7:2–11). Mbese ni kuki “amazi y’ubugingo” ari ikimenyetso cyiza cy’ibyo Umukiza abaha? Nimutekereze k’uko muhabwa amazi y’ubugingo.

Yeremiya 7 yabwiwe abantu binjiraga mu “nzu ya [Nyagasani]… kuramya [Nyagasani],” ariko ibikorwa byabo ntibyahuzaga n’ugusenga kwabo kugaragara. (reba imirongo 2–11). Mbese ni ubuhe butumwa wiyumvira ko [Nyagasani] ahobora kuba agufitiye mu mirongo 21–23?

Mukoreshe imfashanyigisho zifatika. Abahanuzi ba [Nyagasani] akenshi bagereranya amahame ya roho n’ibintu tumenyereye. Mutekereze gukora mutyo uko mwiga kandi mwigisha inkuru nziza. Nk’urugero, kwishushanyiriza Yeremiya 2:13, mushobora gushyira amazi mu gikoresho cyasadutse cyangwa cyamenetse cyangwa munywe amazi ava mu isoko banyweraho amazi. Mbese ni gute Yesu ari nk’“isoko y’amazi y’ubugingo”? (Yeremiya 2:13). Mbese ni gute tunywa ku mazi Ye y’ubugingo?

Yeremiya 3:14–18; 16:14–21

[Nyagasani] azakoranya abantu Be.

Muri Yeremiya 16:14–15, Yeremiya yageranyije ugukoranya Isirayeli mu minsi ya nyuma n’Ukuva kwa Isirayeli muri Egiputa. Mu gitekerezo cyanyu, ni kuki ugukoranywa kuzaba ndetse ingezi ku bantu b’Imana kuruta mu Kuva?

Mbese ni ikihe gitekerezo Yeremiya 3:14–18; 16:14–21 atanga k’uko ugukoranywa kuzagenda?

Mu butumwa bwe “Ibyiringiro bya Isirayeli,” Umuyobozi Russell M. Nelson, kimwe nka Yeremiya, yigishije ko ugukorana kwa Isirayeli “ari ikintu cy’ingenzi kuruta ibindi kirimo kubera ku isi muri iki gihe” (worldwide youth devotional, Kamena 3, 2018, Isomero ry’Inkuru Nziza). Musome cyangwa mutege amatwi ubu butumwa, maze murebe niba mushobora kuvumbura (a) Uko Umuyobozi Nelson asobanura ugukorana kwa Isirayel, (b) Uko yerekana akamaro kabyo, n’ (c) uko mushobora kugira uruhare mu iryo korana.

Kubw’ibirenzeho, reba inyandiko z’uku kwezi z’amagazeti Liyahona no Kubw’Imbaraga z’Urubyiruko .

Ibitekerezo byo Kwigisha Abana.

Yeremiya 1:5

Data wo mu Ijuru yari anzi mbere y’uko mvuka.

Kugira ngo muriburire ukuri kw’ingenzi kwigishwa muri Yeremiya 1:5, mushobora kwereka abana ishusho y’uruhinja (cyangwa, niba bishoboka, mushobora kureba ku mashusho y’abana banyu mu gihe bari impinja). Mubaze abana banyu niba bazi aho babaga mbere y’uko bavuka. Mushobora kandi kuririmbira hamwe indirimbo yigisha ibyerekeye ubuzima bwacu mbere y’isi, nka “I Lived in Heaven” (Children’s Songbook, 4).
Niba abana banyu bashaka kumenya ibiruseho, mushobora kubafasha gushaka “Ubuzima bwa mbere y’isi” muri the Guide to the Scriptures. bashobora gushakisha ibisubizo ku bibazo “nde,” “ryari,” na “iki” ku buzima bwa mbere yu kuza mu isi.

Yeremiya 1:4–19

Abahanuzi bahamagarirwa kuvuga amagambo ya [Nyagasani].

CMutekereze kwerekana ishusho y’umuhanuzi uriho cyangwa abahanuzi bo mu byanditswe bitagatifu (mushobora gusanga bamwe muri Amagazeti y’Itorero, IGospel Art Book, na Ngwino, Unkurikire). Mubaze abana banyu icyo bazi ku bahanuzi.
Kugira ngo mwigishe ku byrekeranye n’ibyo abahanuzi bakora, mushobora gutoranya imirongo imwe ibafasha muri Yeremiya 1, nk’ imirongo 5, 7, 10, na 19. Abana banyu bashobora buri wese gufata umwe muri iyo mirongo, akawusoma, maze agasangiza ikintu bizemo cyerekeranye n’abahanuzi.

Yeremiya 16:14–16

Nshobora gufasha abana ba Data wo mu Ijuru kumugarukira.

Mu gihe musoma Yeremiya 16:16, abana banyu bashobora kwigira nk’aho ”barobanura” cyangwa ”bahiga” ibintu mu cyumba. Umuyobozi Russell M. Nelson yagereranyije abarobanura n’abahiga muri uyu murongo n’abavugabutumwa (reba “The Gathering of Scattered Israel,” Liyahona, Ugushyingo. 2006, 81). Mbese Abavugabutumwa bakora iki? Mbese ni gute twafasha ”kurobanura” no ”guhiga” Isirayeli yatatanye? (reba “A Message for Children from President Russell M. Nelson” [video], ChurchofJesusChrist.org).

3:30
Video: A Message for Children from President Russell M. Nelson

Yeremiya 18:1–6

Nshobora kureka [Nyagasani} akayobora ubuzima bwanjye, nk’uko umubumbyi aha ishusho ibumba.

Kugira ngo mwogoge iyi mirongo, mushobora kuganira cyangwa kwerekana uko ububumbyi bukorwa (reba ishusho ku mpera y’iri yerekana) Mbese ni ubuhe butumwa [Nyagasani] adufitiye muri Yeremiya 18:1–6? Mbese kuba mu ntoki za [Nyagasani] bivuze iki? (reba kandi Yesaya 64:8). Kubw’indi nkuru itugereranya n’ibumba ry’umubumbyi, reba ubutumwa bw’Umukuru Richard J. Maynes “The Joy of Living a Christ–Centered Life” (Liyahona, Ugushyingo 2015, 27–30).

Kubw’ibirenzeho, reba inyandiko y’uku kwezi y’igazeti Inshuti .

ibiganza bibumbira ku ruziga — “Dore, uko ibumba rimeze mu ntoki z’umubumbyi, niko namwe mumeze mo ntoki zanjye, mwebwe a’inzu ya Isirayeli. (Yeremiya 18:6).

Paji y’igikorwa cy’Ishuri ry’Ibanze: Nshobora gufasha abana ba Data wo mu Ijuru kumugarukira — “Dore, uko ibumba rimeze mu ntoki z’umubumbyi, niko namwe mumeze mo ntoki zanjye, mwebwe a’inzu ya Isirayeli. (Yeremiya 18:6).