იერემია 1–3: 7; 16–18; 20

წარმოიდგინეთ, რომ ესაუბრებით მეგობარს, რომელსაც არასოდეს სმენია წინასწარმეტყველების შესახებ და ამ ცნების ახსნა იერემიას წინასწარმეტყველად მოწოდების გამოყენებით გადაწყვიტეთ იერემია 1:4–19. რას ნახულობთ ამ მუხლებში, რაც ღვთის წინასწარმეტყველების შესახებ რამეს გვასწავლის? თქვენ ასევე შეგიძლიათ იხილოთ იერემია 7:1–7; 20:8–9 და საგალობელი, მაგალითად, „We Listen to a Prophet’s Voice“ (Hymns, no. 22).

თქვენ ასევე შეგიძლიათ, თქვენს მეგობარს დღევანდელი ცოცხალი წინასწარმეტყველის შესახებ ასწავლოთ. არის რამე ამ მუხლებში, რაც შეიძლება დაგეხმაროთ? მაგალითად, რას „[აღმოფხვრიან]“ ან „[შემუსრავენ]“ ჩვენს დროში წინასწარმეტყველები? რას „[აშენებენ]“ და „[რგავენ]“? (იერემია 1:10). საიდან გაიგეთ, რომ ჩვენი ცოცხალი წინასწარმეტყველი ღვთისგან არის მოწოდებული?

იხილეთ აგრეთვე რწმენის სიმბოლოები 1:6, 9; „Why Do We Have Prophets?“ (ვიდეო), ChurchofJesusChrist.org.

1:37

რა გაიგო იერემიამ საკუთარი თავის შესახებ იერემია 1:5-ში? როგორც ახლად მოწოდებული წინასწარმეტყველისთვის, რატომ იქნებოდა მისთვის მნიშვნელოვანი ამ ინფორმაციის ცოდნა?

ბევრი რამ, რაც იერემიამ საკუთარი თავის შესახებ შეიტყო იერემია 1:5-ში, ასევე გეხებათ თქვენც. ღმერთი ასევე გიცნობდათ თქვენ დაბადებამდე და გამზადებდათ კონკრეტული პასუხისმგებლობისთვის. იმისათვის, რომ გაიგოთ მეტი თქვენი ცხოვრების შესახებ დაბადებამდე, წაიკითხეთ ალმა 13:1–4; მოძღვრება და აღთქმები 138:53–56; და აბრაამი 3:22–23. შეგიძლიათ შეადგინოთ თქვენი აღმოჩენილი ჭეშმარიტების სია. რატომ არის მნიშვნელოვანი, რომ ეს ინფორმაცია იცოდეთ?

იმის გასაგებად, თუ როგორ იმოქმედა ამ ჭეშმარიტებებმა უხუცეს ახმედ ს. კორბიტის ცხოვრებაზე, შეისწავლეთ მისი გზავნილი „You Can Gather Israel!“ (Liahona, მაისი, 2021, 63–63). როგორ მოქმედებს თქვენი წინამიწიერი ცხოვრების შესახებ ცოდნა თქვენს მიწიერ ცხოვრებაზე?

აი, რა თქვა პრეზიდენტმა რასელ მ. ნელსონმა თქვენი წინამიწიერი ცხოვრების შესახებ:

„თქვენი მამაზეციერი დიდი ხანია გიცნობთ. თქვენ, როგორც მისი ვაჟი ან ქალიშვილი, ამორჩეულნი იყავით მის მიერ, რომ მოსულიყავით დედამიწაზე ზუსტად ამ დროს, და ყოფილიყავით მისი დიდებული საქმის წინამძღოლები დედამიწაზე. თქვენ იყავით არჩეულნი არა თქვენი სხეულის თვისებების გამო, არამედ თქვენი სულიერი თვისებებისათვის, როგორიც არის სიმამაცე, გულის პატიოსნება, ჭეშმარიტების წყურვილი, სიბრძნისაკენ ლტოლვა და მოყვასისადმი სამსახურის სურვილი.

თქვენ განავითარეთ ზოგიერთი ეს თვისება დაბადებამდე. დანარჩენები შეგიძლიათ განავითაროთ აქ დედამიწაზე, გულმოდგინე ძიებით“ („გადაწყვეტილებები მარადიულობისთვის“, გენერალური კონფერენცია, ნოემბერი, 2013, 107).

იფიქრეთ ზოგიერთ სიტუაციაზე, რომელთა წინაშეც შეიძლება აღმოჩნდეთ და რომელთა დროსაც მნიშვნელოვანი იქნებოდა ამ ჭეშმარიტებების გახსენება თქვენი წინამიწიერი ცხოვრების შესახებ. რა შეგიძლიათ გააკეთოთ, რათა საკუთარ თავს ეს ჭეშმარიტებები შეახსენოთ?

აგრეთვე იხილეთ რასელ მ. ნელსონი, „გადაწყვეტილებები მარადისობისთვის“, გენერალური კონფერენცია, ნოემბერი, 2013, 106–9; თემები და კითხვები, „Foreordination“, „Premortal Life“, სახარების ბიბლიოთეკა.

მშრალ რეგიონში, სადაც ისრაელიელები ცხოვრობდნენ, ხალხი ძვირფას წყალს მიწისქვეშა რეზერვუარებში ინახავდა, რომლებსაც ჭები ერქვა. როგორ ფიქრობთ, რის სიმბოლო შეიძლება იყოს იერემია 2:13 -ში მოხსენიებული „დაბზარული ჭები“? რატომ იქნება წყაროდან წყლის მიღება ჭებზე მინდობაზე უკეთესი? რას ნიშნავს „ცოცხალი წყლის [წყაროს]“ მიტოვება? როდესაც კითხულობთ იერემია 2-სა და 7-ს, შენიშნეთ, როგორ ტოვებდა ხალხი უფლის ცოცხალ წყაროს (იხილეთ, მაგალითად, იერემია 2:26–28; 7:2–11). რატომ არის „ცოცხალი წყარო“ კარგი სიმბოლო იმისა, რასაც მხსნელი გაძლევთ? დაფიქრდით, როგორ იღებთ ცოცხალ წყაროს.

იერემია 7 მიმართავს ადამიანებს, რომლებიც შედიოდნენ „უფლის სახლ[ში] … რომ თაყვანი სცე[ნ] უფალს“, მაგრამ მათი ქმედებები არ ემთხვეოდა მათ გარეგნულ ერთგულებას (იხილეთ მუხლები 2–11). როგორ ფიქრობთ, რა გზავნილები შეიძლება ჰქონდეს უფალს თქვენთვის მუხლებში 21–23?

იერემია 16:14–15-ში იერემიამ ისრაელის შეკრება უკანასკნელ დღეებში ეგვიპტიდან ისრაელის გამოსვლას შეადარა. თქვენი აზრით, რატომ უნდა ყოფილიყო შეკრება უფრო მნიშვნელოვანი ღვთის ხალხისთვის, ვიდრე გამოსვლა?

რას გვირჩევენ იერემია 3:14–18; 16:14–21, როგორ ხდება შეკრება?

თავის გზავნილში „Hope of Israel“, პრეზიდენტმა რასელ მ. ნელსონმა, იერემიას მსგავსად, გვასწავლა, რომ ისრაელის შეკრება „არის ყველაზე მნიშვნელოვანი რამ, რაც დღეს ხდება დედამიწაზე.“ (worldwide youth devotional, 3 ივნისი, 2018, სახარების ბიბლიოთეკა). წაიკითხეთ ან მოუსმინეთ მის გზავნილს და ნახეთ, შეგიძლიათ თუ არა აღმოაჩინოთ (ა) როგორ განსაზღვრავს პრეზიდენტი ნელსონი ისრაელის შეკრებას, (ბ) როგორ აღწერს ის მის მნიშვნელობას და (გ) როგორ შეგიძლიათ იყოთ შეკრების ნაწილი.

• იერემია 1:5-ში ნასწავლი მნიშვნელოვანი ჭეშმარიტების გასაცნობად, შეგიძლიათ აჩვენოთ თქვენს შვილებს ჩვილის სურათი (ან, თუ ეს შესაძლებელია, შეგიძლიათ ნახოთ თქვენი შვილების სურათები, როდესაც ისინი ჩვილები იყვნენ). ჰკითხეთ თქვენს შვილებს, იციან თუ არა, სად ცხოვრობდნენ დაბადებამდე. თქვენ ასევე შეგიძლიათ ერთად იმღეროთ სიმღერა, რომელიც გვასწავლის ჩვენი წინამიწიერი ცხოვრების შესახებ, მაგალითად, „I Lived in Heaven” (Children’s Songbook, 4).

• თუ თქვენს შვილებს სურთ, მეტი შეიტყონ, შეგიძლიათ დაეხმაროთ მათ, იპოვონ „Premortal Life“, Guide to the Scriptures. მათ შეუძლიათ მოიძიონ პასუხები „ვინ“, „როდის“ და „რა“ კითხვებზე წინამიწიერი ცხოვრების შესახებ.

• გაითვალისწინეთ ცოცხალი წინასწარმეტყველის ან წმინდა წერილებიდან წინასწარმეტყველების სურათების ჩვენება (ზოგიერთი შეგიძლიათ ნახოთ საეკლესიო ჟურნალები, Gospel Art Bookდა მოდი და გამომყევი-ში). ჰკითხეთ ბავშვებს, რა იციან ამ წინასწარმეტყველების შესახებ.

• იმისათვის, რომ ასწავლოთ, თუ რას აკეთებენ წინასწარმეტყველები, შეგიძლიათ აირჩიოთ რამდენიმე სასარგებლო მუხლი იერემია 1-იდან, მაგალითად მუხლები 5, 7, 10 და 19. თქვენს შვილებს შეუძლიათ აირჩიონ ერთი მუხლი, წაიკითხონ ის და ისაუბრონ იმაზე, რაც ისწავლეს წინასწარმეტყველების შესახებ.

• სანამ კითხულობთ იერემია 16:16-ს, ბავშვებს შეუძლიათ თავი მოაჩვენონ, რომ „თევზაობენ“ ან „ნადირობენ“ საგნებზე ოთახში. პრეზიდენტმა რასელ მ. ნელსონმა ამ მუხლში მეთევზეები და მონადირეები შეადარა მისიონერებს (იხილეთ „The Gathering of Scattered Israel“, Liahona, ნოემბერი, 2006, 81). რას აკეთებენ მისიონერები? როგორ შეგვიძლია დავეხმაროთ „თევზაობასა“ და „ნადირობას“ გაფანტული ისრაელისთვის? (იხილეთ „A Message for Children from President Russell M. Nelson” [ვიდეო], ChurchofJesusChrist.org).

  

  3:30

• ამ მუხლების შესასწავლად შეგიძლიათ განიხილოთ ან აჩვენოთ, როგორ კეთდება ჭურჭელი (იხილეთ სურათი ამ მონახაზის ბოლოს). რა გზავნილი აქვს უფალს ჩვენთვის იერემია 18:1–6-ში? რას ნიშნავს იყო თიხა უფლის ხელში? (იხილეთ აგრეთვე ესაია 64:8). სხვა ისტორიისთვის, რომელიც გვადარებს მექოთნის თიხას, იხილეთ უხუცეს რიჩარდ ჯ. მეინსის გზავნილი „The Joy of Living a Christ-Centered Life“ (Liahona, ნოემბერი, 2015, 27–30).