ესაია 58–66

რატომ უნდა დარჩეს ვინმე ნებაყოფლობით საკვების გარეშე, როცა საკვები ხელმისაწვდომია? ესაია 58:3–12-ის შესწავლისას შეიძლება დაფიქრდეთ მარხვის მიზეზებზე, ისევე როგორც უფლის მიზეზებზე ამ კანონის მიცემისთვის. აი, კიდევ რამდენიმე კითხვა დასაფიქრებლად:

• რატომ შეიძლება მარხვა, ზოგჯერ ტვირთად უფრო აღიქმებოდეს, ვიდრე კურთხევად? (იხილეთ ესაია 58:3–5). როგორ ცვლის ამ თავის უფლის სწავლებები თქვენს აღქმას?

• რას შეიძლება ნიშნავდეს „გახსენი საბელნი ბოროტეულთა“ და „ყველა უღელი გაწყვიტეთ“? (ესაია 58:6). როგორ შეიძლება, მარხვამ დალოცოს სხვები? (იხილეთ მუხლი 7).

• როგორ მოგიტანათ მარხვამ ესაია 58:8–12-ში აღწერილი კურთხევები?

თავის გზავნილში „Is Not This the Fast That I Have Chosen?“ (Liahona, მაისი, 2015, 22–25), პრეზიდენტმა ჰენრი ბ. აირინგმა ისაუბრა რამდენიმე მაგალითზე, თუ როგორ იკურთხნენ ადამიანები მარხვით და მარხვის შესაწირავებით. როგორ გახდით მსგავსი კურთხევების თვითმხილველი თქვენს ცხოვრებაში?

იხილეთ აგრეთვე „Bless Our Fast, We Pray“, Hymns, no. 138; Topics and Questions, „Fasting and Fast Offerings“, სახარების ბიბლიოთეკა.

არის თუ არა კვირადღე თქვენთვის „შვება“? ესაია 58:13–14-ის შესწავლისას დაფიქრდით, როგორ შეგიძლიათ მეტი სიამოვნება მიიღოთ უფლის დღეს. მაგალითად, რას შეიძლება ნიშნავდეს, რომ „[დააკავო შენი ფეხი] შენი სურვილისაგან, [მის] წმინდა დღეს“? რა განსხვავებაა „უფალში [გახარებასა]“ და „[შენი საკუთარი საქმის გაკეთების“ შორის?

იხილეთ აგრეთვე რასელ მ. ნელსონი, „შაბათი შვებაა“, ლიახონა, აპრილი, 2015.

ესაია 58–66-ში არის მრავალი მინიშნება იესო ქრისტეს გამომსყიდველი მისიის შესახებ. მოძებნეთ ისინი სწავლის დროს. კერძოდ, გაითვალისწინეთ წოდებები და სიტყვები, რომლებიც გამოიყენება მხსნელის აღსაწერად. მაგალითად:

• რა ახდენს შთაბეჭდილებას ესაია 59:16–21-ში აღწერილი „დამცველის“ შესახებ? როგორ გადალახავს მხსნელი მუხლები 9–15-ში აღწერილ პირობებს?

• როდესაც იესო ქრისტემ ნაზარეთელ ხალხს გამოუცხადა, რომ ის იყო მესია, მან მოიხმო ციტატა ესაია 61:1–3-დან (იხილეთ ლუკა 4:16–21; აგრეთვე იხილეთ ვიდეო „Jesus Declares He Is the Messiah“, სახარების ბიბლიოთეკა). როგორ დაგლოცათ თქვენ და სხვები იესო ქრისტემ ამ მუხლებში აღწერილი გზებით? როგორ უბოძა მან სილამაზე ფერფლის სანაცვლოდ?

  

  3:24

• რომელი „[წყალობები უფლისა]“ შეგიძლიათ „[გაიხსენოთ]“? (იხილეთ ესაია 63:7–9).

• რა სხვა ცნობებს ხედავთ მხსნელის შესახებ ესაია 58–66-ში?

იხილეთ აგრეთვე მოსია 3:7; მოძღვრება და აღთქმები 133:46–53.

ესაია 60 და 62 საუბრობენ სინათლესა და სიბნელეზე, თვალებსა და დანახვის უნარზე, რათა ასწავლონ, თუ როგორ აკურთხებს იესო ქრისტეს სახარება სამყაროს უკანასკნელ დღეებში. მოძებნეთ ეს ცნებები ესაია 60:1–5, 19–20; 62:1–2-ში. ამ თავების წაკითხვისას დაფიქრდით, როგორ კრებს და გამოჰყავს ღმერთს თავისი შვილები ბნელეთიდან თავის ნათელში. რა როლი გაქვთ ამ საქმეში?

იხილეთ აგრეთვე 1 ნეფი 22:3–12; 3 ნეფი 18:24; მოძღვრება და აღთქმები 14:9; ბონი ჰ. კორდონი, „რათა ხედავდნენ ისინი“, ლიახონა, მაისი, 2020, 78–80.

ესაიამ ისაუბრა დღეზე, როდესაც „დავიწყებულია უწინდელი უბედურებანი“ (ესაია 65:16). მიუხედავად იმისა, რომ ამ წინასწარმეტყველებას რამდენიმე აღსრულება აქვს, მისი სრული გაგებით, ის დღე ჯერ კიდევ არ დამდგარა, როდესაც იესო ქრისტე უნდა დაბრუნდეს. ესაიამ აღწერა ეს მომავალი დღე ესაია 64:1–5; 65:17–25; 66-ში. დააკვირდით, რამდენად ხშირად იყენებდა ის სიტყვებს, მაგალითად „გახარება“ და „გახარეთ“. რატომ იქნება მხსნელის დაბრუნება თქვენთვის სიხარულის დღე? რისი გაკეთება შეგიძლიათ მისი მოსვლისთვის მოსამზადებლად?

იხილეთ აგრეთვე რწმენის სიმბოლოები 1:10; რასელ მ. ნელსონი, “The Future of the Church: Preparing the World for the Savior’s Second Coming,” Ensign, აპრილი, 2020, 13–17.

• შესაძლოა, საუკეთესო გზა, წაახალისოთ თქვენი შვილები მარხვისთვის, როცა ისინი მზად იქნებიან, არის დაეხმაროთ მათ, გაიგონ უფლის მიზნები ამ კანონისთვის. ერთად წაიკითხეთ ესაია 58:6–11, რათა იპოვოთ პასუხი ამ კითხვებზე: რატომ ვმარხულობთ? როგორ ვიმარხულოთ? თქვენ ასევე შეგიძლიათ იხილოთ „Fast, Fasting“, Guide to the Scriptures.

• თუ თქვენ გქონიათ მარხვის მნიშვნელოვანი გამოცდილება, გაუზიარეთ ის თქვენს შვილებს. თქვენ ასევე შეგიძლიათ ჰკითხოთ მათ, როგორ აუხსნიდნენ მეგობარს, რატომ მოგვცა უფალმა ეს კანონი.

• ესაია 58:13–14-ის წაკითხვის შემდეგ შეგიძლიათ კალენდარზე მიუთითოთ კვირის დღეები და მოიწვიოთ თქვენი შვილები, რათა თქვენთან ერთად ჩამოთვალონ დღეები. როდესაც კვირამდე მიხვალთ, სთხოვეთ მათ, დაარქვან ამ დღეს „შვება“. უთხარით, რატომ არის კვირა თქვენთვის სასიამოვნო.

• გაუზიარეთ ერთმანეთს, როგორ შეგიძლიათ „ისიამოვნოთ უფლის მიერ“ კვირას. შესაძლოა, ბავშვებმა დახატონ თავიანთი იდეები და მოათავსონ ისინი „კვირის შვების ყუთში“. შემდეგ, როდესაც მათ დასჭირდებათ იდეები, თუ რა შეიძლება გააკეთონ კვირას, მათ შეუძლიათ ყუთიდან ამოიღონ იდეა.

• თქვენ შეგიძლიათ სთხოვოთ ბავშვებს, დახუჭონ თვალები, როცა კითხულობთ ესაია 60:1–3-ს. სთხოვეთ მათ, გაახილონ თვალები, როდესაც გაიგონებენ სიტყვას „ნათელი“ და ისევ დახუჭონ, როცა გაიგონებენ სიტყვას „ბნელი“. აუხსენით, რომ იესო ქრისტე და მისი სახარება ჰგავს ნათელს, რომელიც გვეხმარება, დავინახოთ ჩვენი გზა ზეციერი მამისკენ.

• ესაია 65:17–25 აღწერს, როგორი იქნება დედამიწა, როცა მხსნელი კვლავ მოვა. როცა ბავშვებთან ერთად კითხულობთ ამ მუხლებს, დაეხმარეთ მათ დაადგინონ, რით იქნება ცხოვრება განსხვავებული ესაიას მიერ აღწერილ „ახალ დედამიწაზე“. რატომ იქნება ეს დრო, როცა შეგვიძლია „[გავიხაროთ] და [ვილხინოთ] უკუნისამდე“? (მუხლი 18).

• თქვენ ასევე შეგიძლიათ ერთად იმღეროთ სიმღერა მეორედ მოსვლაზე, როგორიცაა „When the Savior Comes Again“ (სახარების ბიბლიოთეკა). გაუზიარეთ ერთმანეთს, რას ელით მოუთმენლად მხსნელის დაბრუნებისას. რა შეგვიძლია გავაკეთოთ ამ დღისთვის მოსამზადებლად?