ესაია 50–57

მიუხედავად იმისა, რომ ისრაელიელებმა მრავალი წელი გაატარეს ტყვეობაში — და მიუხედავად იმისა, რომ ეს ტყვეობა მათი ცუდი არჩევანის შედეგი იყო — უფალს სურდა, რომ მათ მომავლისთვის იმედით შეეხედათ. ესაიას გზავნილიდან რა გაიმედებთ? ასეთი სქემა დაგეხმარებათ შესწავლაში:

იხილეთ აგრეთვე მოსია 12:20–24; 15:13–18; 3 ნეფი 20:29–46; მოძღვრება და აღთქმები 113:7–10; რასელ მ. ნელსონი, „Embrace the Future with Faith“, Liahona, ნოემბერი, 2020, 73–76.

არცთუ ისე ბევრია წმინდა წერილის თავები, რომლებიც უფრო ლამაზად აღწერენ იესო ქრისტეს გამომსყიდველ მისიას, ვიდრე ესაია 53. განიხილეთ ისეთი აქტივობები, რომლებიც დაგეხმარებათ, უკეთ გაიგოთ და გამოიყენოთ ეს მძლავრი სწავლება:

• დაფიქრდით ან განიხილეთ, როგორ ასახავენ ხშირად ისტორიებსა და ფილმებში გმირებს, რომლებიც ადამიანებს გადაარჩენენ ხოლმე. შეადარეთ ეს გამოსახულებები მხსნელის აღწერილობებს ესაია 53-ში.

• ყოველი მუხლის წაკითხვის შემდეგ, შეყოვნდით და დაფიქრდით იმაზე, თუ რა განიცადა მხსნელმა —„სნეულებანი“, „მწუხარება“ და „შეცოდებები“, რომლებიც მან იტვირთა — ყველა ადამიანისთვის და კონკრეტულად თქვენთვის. კითხვისას შეგიძლიათ შეცვალოთ სიტყვები „ჩვენ“ და „ჩვენი“ სიტყვებით „მე“ და „ჩემი“. რა გრძნობებს ან აზრებს იწვევს თქვენში ეს მუხლები?

• შეგიძლიათ უყუროთ ვიდეოს „My Kingdom Is Not of This World“ (სახარების ბიბლიოთეკა) და დაფიქრდით, როგორ აღსრულდა ესაია 53-ის წინასწარმეტყველებები. რა სახის სევდა და მწუხარება იტვირთა მხსნელმა თქვენს ნაცვლად?

  

  5:25

• იპოვეთ იესო ქრისტეს გამოსყიდვასთან დაკავშირებული მოვლენების სურათები (იხილეთ Gospel Art Book, nos. 56–60). შემდეგ შეგიძლიათ ესაია 53-ში იპოვოთ ფრაზები, რომლებიც აღწერს სურათებში ასახულ მოვლენებს. რის გაკეთებას შთაგაგონებთ ეს სწავლებები?

იხ. აგრეთვე “Behold the Great Redeemer Die,” Hymns, no. 191.

ჩვენ ყველას გვაქვს შემთხვევები, როდესაც ჩვენი ცოდვების ან სისუსტეების გამო უფლისგან შორს ვგრძნობთ თავს. ზოგიერთმა იმედიც კი დაკარგა, რომ მხსნელი ოდესმე აპატიებს მათ. ასეთ დროს ესაია 54 და 57 შესანიშნავი თავებია, რომ წაიკითხოთ დამშვიდებისა და გამხნევებისთვის. განსაკუთრებით ესაია 54:4–10; 57:15–19-ში, რომელი სიტყვები გასწავლით, რა დამოკიდებულება აქვს მხსნელს თქვენთან? როგორ იცვლება თქვენი ცხოვრება, როდესაც იცით ეს ყველაფერი მის შესახებ?

პრეზიდენტი დიტერ ფ. უხტდორფი ასწავლიდა:

არ აქვს მნიშვნელობა იმას, რა დონეზე განადგურებული გვეჩვენება ჩვენი ცხოვრება. არ აქვს მნიშვნელობა იმას, როგორი მძიმეა ჩვენი ცოდვები, როგორი ღრმაა ჩვენი მწუხარება, რაოდენ ეულნი, მიტოვებულნი ან გულგატეხილნი შეიძლება ვიყოთ. მათთვისაც კი, ვინც უიმედოდ, სასოწარკვეთილნი, იმედგაცრუებულნი არიან, დათმეს პატიოსნება ან ზურგი შეაქციეს ღმერთს, არსებობს აღშენების საშუალება. …

„სახარების სასიხარულო ამბავი ესაა: ბედნიერების მარადიული გეგმის გამო, რომელიც იესო ქრისტეს უსაზღვრო მსხვერპლის მეშვეობით უზრუნველყო ჩვენმა მოსიყვარულე მამაზეციერმა, ჩვენ გამოსყიდულნი ვიქნებით არა მხოლოდ ჩვენი დაცემული მდგომარეობიდან და აღვდგებით სიწმინდეში, არამედ მიწიერ წარმოდგენასაც გავცდებით და გავხდებით მარადიული ცხოვრების მემკვიდრენი და ღვთის აღუწერელი დიდების მონაწილენი. („იგი მხრებზე შეგისვამთ და მიგიყვანთ სახლში”, ლიახონა, მაისი, 2016, 102).

ასევე იხილეთ პატრიკ კერონი, „ღმერთის განზრახვა არის თქვენი შინ მოყვანა“, ლიახონა, მაისი, 2024, 87–89.

თაობების განმავლობაში ისრაელი ღვთის აღთქმის ხალხად იყო აღიარებული. თუმცა, ღვთის გეგმა ყოველთვის მოიცავდა ერთზე მეტ ერს, რადგან ყველა „[მწყურვალი]“ მოწვეულია „[მოვიდეს … წყლებთან]“ (ესაია 55:1). გაითვალისწინეთ ეს, როცა კითხულობთ ესაია 55-სა და 56-ს და დაფიქრდით, რას ნიშნავს იყოთ ღვთის ხალხი. რა არის ღმერთის გზავნილი მათთვის, ვინც „ [გამიჯნულად]“ გრძნობს მისგან თავს? (ესაია 56:3). მონიშნეთ ის მუხლები, რომლებიც აღწერს მათ დამოკიდებულებას და ქმედებებს, ვინც „ჩემს აღთქმას ინახავენ“ (იხილეთ ესაია 56:4–7).

• შეიძლება, თქვენი შვილებისთვის სახალისო იყოს ისეთი ფრაზების აღმოჩენა, როგორებიცაა „გაიღვიძე“, „აღდექ“ და „შეიმოსე ძალა“ ესაიას 51:9, 17; 52:1–2, 9 და შემდეგ გაითამაშეთ ეს ფრაზები. შეგიძლიათ ამის შემდეგ ისაუბროთ იმაზე, თუ რას ნიშნავს გაღვიძება, ადგომა და სულიერად გაძლიერება. რის გაკეთებას ითხოვს უფალი ჩვენგან ამ მუხლებში?

• თქვენს შვილებს ასევე შეუძლიათ წაიკითხონ ესაია 51:1, 4, 7 და დაადგინონ, ვის ესაუბრება უფალი და რა სურს, რომ მათ გააკეთონ. რას ნიშნავს უფლის „მოსმენა“? როგორ შეგვიძლია ვაჩვენოთ უფალს, რომ „ვუსმენთ“ მას?

• თქვენ და ბავშვებს შეგიძლიათ, ნახოთ რამდენიმე სურათი, რომლებიც ასახავს იესო ქრისტეს ტანჯვასა და სიკვდილს (იხილეთ, მაგალითად, Gospel Art Book, nos. 56, 57, 58). შემდეგ შეგიძლიათ ერთად წაიკითხოთ ესაიას 53:3–6, 9 და მოძებნოთ სიტყვები, რომლებიც აღწერს, რა ხდება სურათებში. დაეხმარეთ თქვენს შვილებს გააცნობიერონ, რომ ესაია ამ ჭეშმარიტებებზე, მათ განხორციელებამდე ასობით წლით ადრე საუბრობდა. რატომ არის მნიშვნელოვანი, რომ ადამიანებმა იცოდნენ ეს ყველაფერი ამდენი წლით ადრე? (იხილეთ ალმა 39:15–19).

• ესაია 53:4-დან ფრაზის „ იტვირთა მან ჩვენი სნეულებანი და ჩვენი ტკივილებით გაიტანჯა“ წაკითხვისას ბავშვებს შეუძლიათ სცადონ მძიმე საგნის აწევა (ან თავის მოჩვენება, თითქოს სწევენ). ისაუბრეთ იმაზე, თუ როგორ შეიძლება იყოს „სნეულება“ და „მწუხარება“ ან სევდა მძიმე და ძნელი გადასატანი. რატომ იტვირთა იესომ ჩვენი „სნეულებანი“, „მწუხარება“, „უსჯულოება“ ან ცოდვები? (იხილეთ აგრეთვე ალმა 7:11–12).

• რათა ასწავლოთ თქვენს შვილებს ესაია 55:6-ის შესახებ, დამალეთ იესოს სურათი სადმე ოთახში. სთხოვეთ ბავშვებს, იპოვონ სურათი და დაასახელონ გზათაგან ერთი, რომლითაც შეუძლიათ „ეძი[ონ] უფალი, სანამ შეიძლება მისი პოვნა“. შეიძლება სიმღერამ, მაგალითად, „Seek the Lord Early“ (Children’s Songbook, 108) მიაწოდოს მათ იდეები. შემდეგ შეგიძლიათ ერთ-ერთ ბავშვს მისცეთ საშუალება, დამალოს სურათი და გაიმეოროს აქტივობა.

• ესაია 55:9-ის წაკითხვის შემდეგ შეიძლება სახალისო იყოს თქვენი შვილებისთვის სკამზე შედგომა და საუბარი იმაზე, თუ როგორ გამოიყურება ყველაფერი, როცა „მაღლა ხართ“. ან მათ შეუძლიათ დახატონ, რას ნიშნავს მათთვის ესაია 55:9. ამის შემდეგ შეგიძლიათ უფლის ზოგიერთი გზა განიხილოთ, რომელიც უფრო მაღალია, ვიდრე ჩვენი გზები. მაგალითად, როგორია მისი დამოკიდებულება ცოდვილებისადმი? (იხილეთ მარკოზი 2:15–17). როგორ მიუძღვის ის სხვებს? (იხილეთ მათე 20:25–28). გაუზიარეთ თქვენს შვილებს, თუ როგორ ისწავლეთ უფლის უმაღლესი გზებისა და აზრების ნდობა.