“October 19–125. ‘Ke Mmeŋka-mbotke Fi Kaŋa ke Idibi Mma Mfiɔk Fi”: Jeremiah 1–3; 7; 16–18; 20’: Psalms 1–2; 8; 19–33; 40; 46” Di, Tiene Mi—Eke Ufɔk ye Ufɔk Abasi: Akani Testament 2026 (2026)

“October 19–125. ‘Ke Mmeŋka-mbotke Fi Kaŋa ke Idibi Mma Mfiɔk Fi,’” Di, Tiene Mi: Akani Testament 2026

Jeremiah, emi Walter Rane ewetde

October 19–25: “Ke Mmeŋka-mbotke Fi Kaŋa ke Idibi Mma Mfiɔk Fi”

Jeremiah 1–3; 7; 16–18; 20

Ke akpa, Jeremiah ikikereke ke enye eyedi eti prophet. “Sese, ami mfiɔkke ikɔ nditiŋ,” enye ɔtɔhɔ (Jeremiah 1:6). Edi Jehovah ama ɔnɔ enye uko ete, “Ami mmesin fi mme ikɔ mi ke inua fo” (ufaŋ 9). Jeremiah ekere ete ke enye edi “eyen” emi minyeneke ifiɔk (ufaŋ 6), edi Jehovah ama anam anwaŋa ete ke enye ama ebeŋeidem akan nte enye ekekerede—ema emek enye enim enɔ ikot emi mbemiso enye amana (se ufaŋ 5). Ke ntre Jeremiah ama ayak ndik esie enim onyuŋ enyime ikot oro. Enye ama ɔtɔt mme edidem Jerusalem ye mme oku ete ke ŋkari edisana mmɔ idinyaŋake mmɔ. “Eyen” emi ekekerede ke enye ikanke ikɔ itiŋ amadikop ikɔ Abasi “ike esit [esie] nte ikaŋ eke asakde” ndien owo ikemeke ndikub enye inua (Jeremiah 20:9).

Mbuk Jeremiah edi mbuk fo ŋko. Abasi ama ɔfiɔk fi, ŋko, mbemiso afo amana onyuŋ ebeŋe fi idem utom fo ke uwem. Ke otu mme ŋkpɔ efen, utom oro esine ŋkpɔ emi Jeremiah akadade okut: ndibok ikɔt Abasi, kiet kiet, man “eda [mmɔ] edi Zion” (Jeremiah 3:14). Ndien edieke afo mufiɔkke nnen nnen se anade nte afo etiŋ, afo“kufehe ndik … ; koro ami ndude ye afo, Ͻbɔŋ ɔdɔhɔ” (Jeremiah 1:8, 19).

Ke ndise ke usɔp mbaŋa mme ŋwed Psalms, se “Jeremiah” ke Bible Dictionary.

Mme Ekikere Ndikpep-ŋkpɔ ke Ufɔk ye Ufɔk Abasi

Jeremiah 1:4–19; 7:1–7; 20:8–9

Ekot mme prophet ete etiŋ ikɔ Abasi.

Kere nte ke afo etiŋ ɔnɔ ufan emi mikopke ibaŋa prophet akpa, ndien afo oyom ndinam aŋwaŋa ke ndida ikot Jeremiah ndidi prophet ke Jeremiah 1:4–19. Nso ke afo okut ke mme ufaŋ emi emi ekpepde ŋkpɔ abaŋa mme prophet Abasi? Afo ŋko emekeme ndise ke Jeremiah 7:1–7; 20:8–9 ye ikwɔ nte “We Listen to a Prophet’s Voice” (Hymns, no. 22).

Afo ŋko emekeme ndiyom ndikpep ufan fo mbaŋa odu uwem prophet mfin. Ndi ŋkpɔ ndomo kiet odu ke mme ufaŋ emi ekemede ndinwam? Ke nte uwut-ŋkpɔ, nso ke mme prophet ke eyo nnyin “edibede” mme “ewuri”? Nso ke mmɔ “ebɔp” enyuŋ “etɔ”? (Jeremiah 1:10). Didie ke afo edifiɔk ete ke edi Abasi okot odu uwem prophet nnyin?

Se ŋko Articles of Faith 1:6, 9; “Why Do We Have Prophets?” (vidio), ChurchofJesusChrist.org.

Jeremiah 1:5

Abasi ama ɔfiɔk mi mbemiso ami mmana.

Nso ke Jeremiah ekekpep abaŋa idem esie ke Jeremiah 1:5? Nte prophet emi ekotde obufa, ntak emi etop oro edide akpan ɔnɔ enye ndifiɔk?

Ediwak ŋkpɔ emi Jeremiah ekekpep abaŋa idem esie ke Jeremiah 1:5 edi akpanikɔ ɔnɔ fi ŋko. Abasi ama ɔfiɔk fi mbemiso afo amana onyuŋ ebeŋe fi idem ɔnɔ saŋa-saŋa utom. Ke ndikpep ediwak efen mbaŋa uwem fo mbemiso afo amana, kot Alma 13:1–4; Doctrine and Covenants 138:53–56; ye Abraham 3:22–23. Afo emekeme ndiwet mme akpanikɔ emi afo okutde. Ntak emi etop emi edide akpan ɔnɔ fi ndifiɔk?

Man akpep nte mme akpanikɔ emi otukde uwem Elder Ahmad S. Corbitt, kpep etop esie “You Can Gather Israel!” (Liahona, May 2021, 61–63). Didie ke ndifiɔk mbaŋa uwem fo mbemiso emana emi otuk usuŋ emi afo odude uwem mkpa fo?

Emi edi se President Russell M. Nelson etiŋde abaŋa uwem fo mbemiso uwem emi edikpade.

“Ete fo ke Heaven ɔfiɔk fi ke ata anyan ini. Afo, nte enyen Esie eren mme anwan, Enye ama emek fi edi ererimbot ke ata ini emi, edidi ada usuŋ ke akwa utom Esie ke ererimbot. Ema emek fi idighe ke ntak obot idem fo edi ke ntak eke spirit fo, utɔ nte odudu, uko, eti esit, nsat itɔŋ ke abaŋa akpanikɔ, biɔŋ kabaŋa ɔniɔŋ, ye udɔŋ ndinam ŋkpɔ nnɔ mbon efen.

“Afo ekenyene usuk ido emi ke uwem mbemiso uwem mkpa emi. Mbon efen afo emekeme ndinyene mi ke isɔŋ nte afo akade iso oyom mmɔ” (“Decisions for Eternity,” Liahona, Nov. 2013, 107).

Kere baŋa usuk idaha emi afo ekemede ndidu emi edidide akpan ete eti mme akpanikɔ emi abaŋa uwem fo mbemiso uwem mkpa emi. Nso ke afo akpanam man eti idem fo abaŋa mme akpanikɔ emi?

Se ŋko Russell M. Nelson, “Decisions for Eternity,” Liahona, Nov. 2013, 106–9; Topics and Questions, “Foreordination,” “Premortal Life,” Gospel Library.

ke ubɔk ufien, owo adade ke akamba ukpɔk idim, ke ubɔ nnasia, ebiet uduɔ-mmɔŋ — Ke Jeremiah 2:13, Ͻbɔŋ odomo idaha spirit mme owo ye “asiaha obube mmɔŋ” ndien odomo Idem esie ye “idim mmɔŋ uwem.”

Jeremiah 2; 7

“Mmɔ esin mi idim mmɔŋ uwem.”

Ke nsat isɔŋ emi mbon Israel ekeduŋde, mme owo ekenim mmɔŋ ke idak isɔŋ emi ekekotde obube mmɔŋ. Nso ke afo ekere “obube emi asiahade” emi etiŋde ebaŋa ke Jeremiah 2:13 ada ɔnɔ? Ntak emi ndibɔ mmɔŋ ke idim ɔfɔnde akan obube? Ɔwɔrɔ nso ndisin “idim mmɔŋ uwem”? Nte afo oktde Jeremiah 2 ye7, se nte mme owo ekesinde idim mmɔŋ uwem Ͻbɔŋ (se ke nte uwut-ŋkpɔ, Jeremiah 2:26–28; 7:2–11). Ntak emi “mmɔŋ uwem” edide eti se idade inɔ se Andinyaŋa ɔnɔde fi? Kere baŋa nte afo ɔbɔde odu uwem mmɔŋ.

EwetJeremiah 7 enɔ mme owo emi ekedukde “ufɔk Ͻbɔŋ … ndikpono Ͻbɔŋ,” edi mme edinam mmɔ ikisaŋake kiet ye edu ukpono mmɔ (se mme ufaŋ 2–11). Mme nso etop ke afo ekere ke Ͻbɔŋ enyene ɔnɔ fi ke mme ufaŋ 21–23?

Da mme ukpepŋkpɔ ndise. Mme prophet Abasi esiwak ndidomo mme akpanikɔ spirit ye mme ŋkpɔ emi nnyin ifiɔkde. Kere baŋa ndinam ukem oro nte afo ekpepde gospel. Ke nte uwut-ŋkpɔ, kere nte edi ndise Jeremiah 2:13, afo emekeme ndisin mmɔŋ ke ŋwaha mme mbomo abaŋ mme ɔŋwɔŋ oto idim uŋwɔŋ-mmɔŋ. Didie ke Jesus etie nte “idim mmɔŋ uwem”? (Jeremiah 2:13). Didie ke nnyin iŋwɔŋ ito odu uwem mmɔŋ Esie?

Jeremiah 3:14–18; 16:14–21

Ͻbɔŋ oyobok ikɔt Esie.

Ke Jeremiah 16:14–15, Jeremiah odomo ndibok Israel ke ukperede usen ye Ediwɔrɔ Israel ke Egypt. Ke ekikere fo, ntak emi edibok edidide ata akpan ɔnɔ ikɔt Abasi akan Ediwɔrɔ?

Nso ke Jeremiah 3:14–18; 16:14–21 enɔ ekikere abaŋa nte edibok etibede?

Ke etop esie “Hope of Israel,” President Russel M. Nelson, nte Jeremiah, ama ekpep ete ke edibok Israel “edi ŋkpɔ emi okponde akan emi adade itie ke ererimbot mfin” (worldwide youth devotional, June 3, 2018, Gospel Library). Kot mme ŋkpaŋ utɔŋ nnɔ etop esie, nyuŋ se me afo oyokut (a) nte enye etiŋde abaŋa edibok Israel, (b) nte enye etiŋde abaŋa ufɔn esie, ye (c) nte afo ekemede ndidi liet ke edibok emi.

Ke se iwakde ikan emi, se Liahona eke ɔfiɔŋ emi ye For the Strength of Youth magazines.

Mme Ekikere Ndikpep Nditɔ-ŋwɔŋ

Jeremiah 1:5

Ete ke Heaven ama ɔfiɔk mi mbemiso ami mmana.

Ndimen akpan akpanikɔ nwut emi ekpepde ke Jeremiah 1:5, afo emekeme ndiwut nditɔ fo ndise nsek-eyen (mme, edieke ekande, mbufo emekeme ndise mme ndise nditɔ fo ke ini mmɔ ekedide nsek). Bup nditɔ fo me mmɔ efiɔk ebiet emi mmɔ ekeduŋde mbemiso mmɔ emana. Mbufo ŋko emekeme ndikwɔ kiet ikwɔ abaŋade uwem mbemiso uwem mkpa, utɔ nte “I Lived in Heaven” (Children’s Songbook, 4).
Edieke nditɔ edimade ndifiɔk se ikande oro, afo emekeme ndiŋwam mmɔ nyom “Premortal Life” ke Guide to the Scriptures. Mmɔ ekeme ndiyom mme ibɔrɔ nnɔ “anie,” “ini efe,” ye “nso” mbume emi abaŋade uwem mbemiso uwem mkpa.

Jeremiah 1– 19

Ekot mme prophet ete etiŋ mme ikɔ Ͻbɔŋ.

Kere baŋa ndiwut mme ndise eke odu uwem prophet mme mme prophet ke mme ŋwed Abasi (afo emekeme ndikut usuk ke Church magazines, Gospel Art Book, ye Come, Follow Me). Bup nditɔ fo se mmɔ efiɔkde ebaŋa mme prophet emi.
Man ekpep se mme prophet enamde, afo emekeme ndisat usuk mme ufaŋ ke Jeremiah 1, utɔ nte verses 5, 7, 10, ye 19. Nditɔ fo ekeme ndisio ufaŋ kiet, ekot enye, enyuŋ ebuana ŋkpɔ emi mmɔ ekpepde ebaŋa mme prophet.

Jeremiah 16:14–16

Ami mekeme ediŋwam nditɔ Ete ke Heaven ndifiak nnyɔŋ ntiene Enye.

Ke ini okotde Jeremiah 16:16, nditɔ fo ekeme ndinam nte “ikɔ iyak” mme “itop utop” mme ŋkpɔ ke ubet. President Russell M. Nelson odomo mme ɔkɔ iyak ye mme ata utop ke ufaŋ emi ɔnɔ mme missionary (se “The Gathering of Scattered Israel,” Liahona, Nov. 2006, 81). Nso ke mme missionary esinam? Didie ke nnyin ikeme ndiŋwam “ŋkɔ-iyak” nyuŋ “ntop” nnɔ Israel emi ekesuande? (se etop enɔde nditɔ eto President Russell M. Nelson” [vidio], ChurchofJesusChrist.org

3:30
Video: A Message for Children from President Russell M. Nelson

Jeremiah 18:1–6

Ami mekeme ndiyak Ͻbɔŋ ada mi usuŋ, nte obot abaŋ anua mbat.

Man ɔduŋɔre mme ufaŋ emi, afo emekeme ndineme midighe owut nte ebotde ŋkpɔ (se ndise ke idak ibio ikɔ emi. Nso etop ke Ͻbɔŋ enyene ɔnɔ nnyin ke Jeremiah 18:1–6? Nso ke ɔwɔrɔ ndidi mbat ke mme ubɔk Ͻbɔŋ? (se ŋkoo Isaiah 64:8). Kabaŋa mbuk efen emi odomode nnyin ye obot abaŋ, se etop Elder Richard J. Maynes “The Joy of Living a Christ-Centered Life” (Liahona, Nov. 2015, 27–30).

Ke se iwakde ikan emi, se ke Friend magazine eke ɔfiɔŋ emi.

mme ubɔk ebotde abaŋ — “Sese, nte mbat eso emi odude andibot ke ubɔk, kpa ntre ke mbufo edu mi ke ubɔk, O ufɔk Israel” (Jeremiah 18:6).

Ikpa ŋwed edinam Primary: Ami mekeme ediŋwam nditɔ Ete ke Heaven ndifiak nnyɔŋ ntiene Enye. — “Sese, nte mbat eso emi odude andibot ke ubɔk, kpa ntre ke mbufo edu mi ke ubɔk, O ufɔk Israel” (Jeremiah 18:6).