Isaiah 50–57

Okposuk edide ke nditɔ Israel ema edu ke ufin ke ediwak isua—ndien okposuk edide ke ufin oro ekedi ke ntak idiɔk edimek mmɔ—Abasi okoyom mmɔ ese ini iso ye idorenyin. Nso ke afo okut ke etop Isaiah emi ɔnɔde fi idorenyin? Ndise ntem ekeme ndiŋwam fi ke ukpepŋkpɔ.

Se ŋko Mosiah 12:20–24; 15:13–18; 3 Nephi 20:29–46; Doctrine and Covenants 113:7–10; Russell M. Nelson, “Embrace the Future with Faith,” Liahona, Nov. 2020, 73–76.

Mme ibuot ŋwed Abasi ifaŋ etiŋ ebaŋa utom edifak Jesus Christ nte eyede ekan Isaiah 53. Kere baŋa mme edinam ntem man etim ɔfiɔk onyuŋ ada mme enyene odudu ukpep-ŋkpɔ emi anam utom.

• Kere mme neme nte mme mbuk ye mme ndise esiwak ndiwut mme ada ibuot emi esinyaŋade mme owo. Se se misaŋake kiet ke mme ndise oro ye se etiŋde ebaŋa Andinyaŋa ke Isaiah 53.

• Ke okotde ufaŋ kiet kiet ama, tre man ekere abaŋa ufen emi Andinyaŋa ɔkɔbɔde—mme “ukut,” “mfuhɔ,” ye “mme ndudue,” emi Enye ɔkɔbɔde—ɔnɔ kpukpru owo ye akpan akpan ɔnɔ fi. Afo emekeme ndikpuhɔ mme ikɔ “nnyin” ye “ami” nte afo okotde. Ewe ifiɔk ye mme ekikere ke mme ufaŋ emi enɔ fi uko ebaŋa?

• Kere baŋa ndise video emi “My Kingdom Is Not of This World” (Gospel Library), ndien kere nte mme prɔfesi ke Isaiah 53 ekesude. Nso idi usuk mme ukut ye mme mfuhɔ emi Andinyaŋa okobiomde ɔnɔ fi?

  

  5:25

• Yom mme ndise eke mme edinam emi abaŋade Erisio-isop Jesus Christ (see Gospel Art Book, nos. 56–60). Afo emekeme ndikut mme ibio ikɔ ke Isaiah 53 emi etiŋde abaŋa mme edinam ke mme ndise oro. Nso ke mme ukpepŋkpɔ emi enɔ fi uko ete anam?

Se ŋko “Behold the Great Redeemer Die,” Hymns, no. 191.

Nnyin kiet kiet iminyene mme ini emi nnyin ikerede ke imida nsan nsan ye Ͻbɔŋ ke mme idiɔk-ŋkpɔ ye mmem-idem nnyin. Usuk eduɔk idorenyin ete ke Enye eyefen ɔnɔ mmɔ. Isaiah 54 ye57 edi mme ikpɔ ibuot ŋwed ndikot nnɔ idorenyin ye uko ke mme ini ntre. Akpan akpan ke Isaiah 54:4–10; 57:15–19, mme ikɔ efe ekpep fi nte Andinyaŋa ekerede abaŋa fi? Nso ukpuhɔde ke enye anam ke uwem fo ndifiɔk mme ŋkpɔ emi mbaŋa Enye?

President Dieter F. Uchtdorf ama ekpep ete:

“Ifinake ke nte uwem nnyin ekpebiarade ofuri-ofuri eketre. Ifinake nte idiɔk ŋkpɔ nnyin ekpe eyibede, nte idiɔk esit nnyin ɔkpɔtuŋɔde, nte ikpedide ikpɔŋ, inana owo, mme nte esit nnyin ɔkpɔbuŋɔde eketre. Mbon eke minyeneke idorenyin, emi edude ke mfuhɔ, emi ebiaŋade mmɔ, emi ebɔde unen mmɔ, mme emi ebiatde enyiŋ Abasi ekeme ndinyene erifiak mbop …

“Inem etop ikɔ Abasi edi ntem: oto ke ntak nsinsi uduak inemesit emi edima Ete nnyin ke Enyɔŋ ɔnɔde ye ke ntak saŋa-saŋa Mkpa Erifak Jesus Christ, nnyin imekeme ndibɔ erifak ŋwɔrɔ ke iduɔ nnyin enyuŋ efiak enam nnyin isana, edi nnyin ŋko imikeme ndikan ekikere mkpa nnyin nnyene nsinsi uwem nnyung mbuana ke ubɔŋ Abasi emi owo mikemeke nditiŋ mbaŋa” (“He Will Place You on His Shoulders and Carry You Home,” Liahona, May 2016, 102).

Se Patrick Kearon, “See also Patrick Kearon, “God’s Intent Is to Bring You Home,” Liahona, May 2024, 87–89.

Ke mme emana, efiɔk Israel nte mbon ediomi Ͻbɔŋ. Edi, uduak Abasi kpukpru ini esisine awak akan idut kiet, koro “kpukpru owo emi itɔŋ asatde” ekot ete “edi … ke mmɔŋ” (Isaiah 55:1). Nim emi ke esit nte afo okotde Isaiah 55 ye56, onyuŋ ekerede abaŋa se ɔwɔrɔde ndidi ikɔt Abasi. Nso idi etop emi Abasi ɔnɔde mbon emi “ediaŋare” ekpɔŋ Enye? (Isaiah 53:3). Kere baŋna nsinim ndo ke mme ufaŋ emi etiŋde abaŋa mme ido ye mme edinam mbon emi “emumde ediomi mi” (se Isaiah 56:4–7).

• Ekemedi ŋkpɔ mbre ɔnɔ nditɔ fo ndikut mme ibio ikɔ nte “demede,” “daha da,” ye “sine ukeme fo” ke Isaiah 51:9, 17; 52:1–2, 9 ndien nam mme ibio ikɔ oro. Ke ama anam ntre ama, afo emekeme nditiŋ mbaŋa se ɔwɔrɔde ndidemede, ndidaha nda, ye ndisine ukeme eke spirit. Nso ke Ͻbɔŋ oyom ete nnyin inam ke mme ufaŋ emi?

• Nditɔ fo ŋko ekeme ndikot Isaiah 51:1, 4, 7 ndien ekut owo Ͻbɔŋ etiŋde ikɔ ɔnɔ ye se oyomde ete mmɔ enam. Nso ke ɔwɔrɔ ndikpaŋ utɔŋ nnɔ Ͻbɔŋ? Didie ke nnyin ikeme ndiwut Ͻbɔŋ ite ke nnyin “imikpaŋ utɔŋ inɔ” Enye?

• Afo ye nditɔ fo emekeme ndise ediwak ndise emi owutde ufen ye mkpa Jesus Christ (se, nte uwut-ŋkpɔ, Gospel Art Book, nos. 56, 57, 58). Ndien mbufo emekeme ndikot Isaiah 53:3–6, 9 kiet enyuŋ eyom mme ikɔ emi etiŋde ebaŋa se itibede ke mme ndise oro. Nwam nditɔ fo ndifiɔk nte ke Isaiah akabuana mme akpanikɔ emi ke mme isua ikie mbemiso mmɔ editibe. Ntak emi edide akpan ɔnɔ mme owo ndifiɔk mme ŋkpɔ emi ediwak isua ke iso? (se Alma 39:15–19).

• Ke okotde oto Isaiah 53:4ama, “Enye ama ada mme ukut nnyin, onyung obiom mme mfuho nnyin,” nditɔ fo ekeme ndimen mbiomi emi odobide (mme enam nte idibede kiet). Tiŋ baŋa nte “ukut” ye “mfuhɔ” mme mfuhɔ-mfuhɔ ekemede ndidobi ye ɔsɔŋde ndimen. Ntak emi Jesus okobiomde “ukut,” “mfuhɔ,” ye “ukwaŋ-ŋkpɔ” mme mme idiɔk-ŋkpɔ nnyin? (se Alma 7:11–12).

• Kpep nditɔ fo baŋa Isaih 55:6, afo emekeme ndidip ndise Jesus ke ebiet kiet ke ubet. Afo emekeme ndikot nditɔ fo ete eyom ndise oro ndien esiak usuŋ kiet emi mmɔ ekemede “ndiyom … Ͻbɔŋ ke ini ekemede ndikut enye.” Ikwɔ nte “Seek the Lord Early” (Children’s Songbook, 108) ekeme ndinɔ mmɔ mme ekikere. Ndien afo emekeme ndiyak eyen fo kiet edip ndise ndien efiak enam edinam emi.

• Ke okotde Isaiah 55:9, ama ekeme ndidi mbre ɔnɔ nditɔ fo ndida ke ŋkpɔitie nyuŋ ntiŋ mbaŋa nte ŋkpɔ enyenede ukpuhɔde ke ini afo odude ke “enyɔŋ.” Midighe mmɔ ekeme ndimiŋ ndise se Isaiah 55:9 ɔwɔrɔde. Afo ndien emekeme nditiŋ mbaŋa usuk mme usuŋ Ͻbɔŋ emi ekonde ekan mme usuŋ nnyin. Ke nte uwut-ŋkpɔ, nso idi usuŋ Esie ndinam ŋkpɔ ye mme anam idiɔk? (se Mark 2:15–17). Nso idi usuŋ Esie ndida mbon efen usuŋ? (se Matthew 20:25–28). Buana ye nditɔ fo se afo nte afo ekpepde ndidori enyin ke mme edikoŋ usuŋ ye mme ekikere Ͻbɔŋ.