“October 19–25. ‘Me Mwen Ua Foruketa me Non ewe Wuup Ngang Ua Fen Sisineok’: Jeremiah 1–3; 7; 16–18; 20,” Feito, Tapweto Mwiri—Ren Imw me Mwichefen: Testamen Noom 2026 (2026)
“October 19–25. ‘Me Mwen Ua Foruketa me Non ewe Wuup Ngang Ua Fen Sisineok,’” Come, Follow Me: Old Testament 2026
Jeremiah, seni Walter Rane
October 19– 25: “Me Mwen Ua Foruketa me Non ewe Wuup Ngang Ua Fen Sisineok”
Jeremiah 1–3; 7; 16–18; 20
Akkom, Jeremiah ese ekieki pwe i a tongeni epwe emon soufos mi och. “Nengeni, use tongeni kapas,” a ungeni (Jeremiah 1:6). Nge ewe Samon a epinukunuku i, “upwe erenuk met kopwe ara” (uwokisin 9). Jeremiah a mefi pwe i emon “semirit” ese sinenap (uwokisin 6), nge ewe Samon a awewei pwe i a fen monneta nap seni an apareni—i a fen epinipinino ngeni ei kokko pwan mwo mwen i a uputiw (nengeni uwokisin 5), Iwe Jeremiah a ponukano an nuokus me etiwa ewe kokko. A fonou ekkewe king me prist seni Jerusalem pwe ar etitipen pinino esap angaser. Ewe “semirit” ewe a ekieki pwe ese tongeni kapas a mefi an Kot kapas “non [netipan] usun ek ekkei mi ngetenget” me ese tongeni fanafaneno (Jeremiah 20:9).
Porousen Jeremiah we pwan ina porousom. Kot mi sisineok, pwan, me mwen ka uputiw me amonnokota ngeni om misin non ei manau. Me nein ekkoch mettoch, ena misin mi pachenong och mettoch Jeremiah a osini: ionfengeni noun Kot aramas, emon me emon, ne “wato [ir] ngeni Zion” (Jeremiah 3:14). Me pwan mwo ika kose wesen sinei met kopwe fori ika apasa, ka tongeni “kosap nuokus … ; pun Ngang mi nom reom, anon ewe Samon” (Jeremiah 1:8, 19).
Ren eu mennapen ewe puken Jeremiah, nengeni “Jeremiah” non ewe Bible Dictionary.
Ekkoch ekiek ren Kaeo non Imw me non Mwichefen
Jeremiah 1:4–19; 7:1–7; 20:8–9
Soufos ra kokko ar rewpe apasa an Kot kapas.
Anchangei pwe kapas ngeni emon chienom ewe ese mwo rorongorong usun soufos, me ka finata om kopwe awewei ewe kokkot ne aea an Jeremiah we kokko ngeni an epwe emon soufos non Jeremiah 1:4–19. Met ka kuna non ekkei uwokisin minne mi osukuna usun ekkewe soufosun Kot? Ka pwan tongeni nenengeni non Jeremiah 7:1–7; 20:8–9 me echo kon mi fen usun “We Listen to a Prophet’s Voice” (Puken Kon mi fen, no. 22).
Kopwe pwan mochen aiti chienom we usun soufosun ikenai mi manau. Mi wor mettoch non ekkei uwokisin repwe tongeni aninis? Ren awewe, met soufos non ach fansoun ra “uttireta” ika “oturereno”? Met ra “aueta” me “fotukatiw”? (Jeremiah 1:10). Ifa usun ka sinei pwe nouch we soufos mi manau a kokko me ren Kot?
Nengeni pwan Nongonongen Achifoua 1:6, 9; “Why Do We Have Prophets?” (fitio), ChurchofJesusChrist.org.
Why Do We Have Prophets?
Jeremiah 1:5
Kot a sineiei me mwen ua uputiw.
Met Jeremiah a kaeo usun pwisin i non Jeremiah 1:5? Usun emon minafon soufos mi kokko, pwata ena porous epwe auchea ngeni i an epwe sinei?
Napengeni met Jeremiah a kaeo usun pwisin i non Jeremiah 1:5 mi pwan ennet usun en. Kot mi pwan sisineok me mwen ka uputiw me amonnokota ngeni ekkoch tichikin wis. Om kopwe kaeo pwan ekkoch usun manauom me mwen om uputiw, annenai Alma 13:1–4; Doctrine and Covenants 138:53–56; me Abraham 3:22–23. Kopwe pwan fori eu etettenin ennet ka kuna. Pwata mi ouchea ngonuk ei porous om kopwe sinei?
Om kopwe kaeo ifa usun ekkei ennet ra siwini manauen Elter Ahmad S. Corbitt, kaeo an porous “Ka Tongeni Ionfengeni Israel!” (Liahona, May 2021, 61–63). Ifa usun om sinei usun manauom mwen ei manau a siwini napanapen om manaueni manauom iei?
Iei met Preseten Russell M. Nelson a apasa usun manau me mwen ei manau:
“Semom won Nang a fen sisineok non fansoun nakatam. En, usun Noun at ika nengin, ka kefiniata me ren I om kopwe feito fonufan non ei wesewesen fansoun, om kopwe emon souemwen non An angang mi nap won fonufan. Ka kefinita esap ren napanapen inisum nge ren nikinikin ngunum usun ren pwaracho, tiniken, wenecharen netipi, eu mochenin ennet, eu echiken mirit, me eu mochenin angang ngeni ekkoch.
“Ka fen amari ekkoch ekkei nikinik me mwen ei manau. Ekkoch ka tongeni amari ikei won fonufan nupwen ka achocho ne kukkuter” (“Decisions for Eternity,” Liahona, Nov. 2013, 107).
Ekieki usun ekkoch napanap kopwe mesengeni non minne epwe auchea om kopwe chechemeni ekkei ennet usun manauom me mwen ei manau. Met ka tongeni fori ne achema ngonuk pwisin usun ekkei ennet?
Nengeni pwan Russell M. Nelson, “Decisions for Eternity,” Liahona, Nov. 2013, 106–9; Topics and Questions, “Foreordination,” “Premortal Life,” Gospel Library.
Non Jeremiah 2:13, ewe Samon a anonno fengeni nonnomun ngunun ekkewe aramas ngeni “nenien konik mi pwang” me anonno fengeni I pwisin ngeni ewe “konikin manau mi puwacheta.”
Jeremiah 2; 7
“Ra fen nikitieino ewe konikin manau mi puwacheta.”
Non ewe kinikinin neni mi pwas ikewe ekkewe Chon Israel ra nom ia, aramas ra isoni konik non nenien konik fan puun ra iteni cistern. Met ka ekieki ita ekkewe “nenien konik mi pwang” ra kapas usun me non Jeremiah 2:13 ra esisinata? Pwata ach angei konik seni eu puwacheta epwe murino seni ach anongonong won eu nenien konik? Met wewen ne nikitano “ewe konikin manau mi puwacheta”? Nupwen ka anneani Jeremiah 2 me 7, apareni ifa usun ekkewe aramas ra nikitano an ewe Samon we konikin manau (nengeni, ren awewe, Jeremiah 2:26–28; 7:2–11). Pwata “konikin manau” mi eu ochun esisinen met ewe Chon Amanau a ngonuk? Ekieki ifa usun ka angei ewe konikin manau.
Jeremiah 7 a kapas ngeni aramas kewe ra tonong non “ewe imwen ewe Samon… ar repwe fen ngeni ewe Samon,” nge ar foffor ese masengeni nikinikin ar nikitu (nengeni uwokisin 2–11). Met porous ka mefi pwe an ewe Samon fani itom me non uwokisin 21–23?
Aea pisekin nesen. Noun ewe Samon soufos ra kan soun anonno fengeni ennetin ngun ngeni mettoch kich mi kan sisiner. Ekieki ne forip ena chok pwan nupwen ka kaeo me osukuna ewe kapas allim. Ren awewe, ne anchangei Jeremiah 2:13, ka tongeni ninanong konik non eu mettoch mi mwok ika ta ika un konik seni eu nenien konik mi kan kusuta. Ifa usun Jises a usun eu “konikin manau mi puwacheta”? (Jeremiah 2:13). Ifa usun sia un seni An konikin manau?
Jeremiah 3:14–18; 16:14–21
Ewe Samon epwe ionfengeni Noun aramas.
Non Jeremiah 16:14–15, Jeremiah a anonno fengeni ewe ionfengenin Israel non ekkewe fansoun soponon ngeni ewe Katoun Israel seni Egypt. Non om ekiek, pwata ewe ioifengen epwe kon auchea ngeni noun Kot aramas nap seni ewe Katou?
Met Jeremiah 3:14–18; 16:14–21 a apasa ren ifa usun ewe ioifengen a fis?
Non an porous “Epinukunukun Israel,” Preseten Russell M. Nelson, usun Jeremiah, a aiti kich pwe ewe ionfengenin Israel “ina ewe mettoch mi kon auchea a fis won fonufan ikenai” (mwichen serafo unusen fonufan, June 3, 2018, Gospel Library). Anneani ika ausening ngeni an porous, me katon ika ka tongeni kuna (a) ifa usun Preseten Nelson a awewei ewe ionfengenin Israel, (b) ifa usun i anapanapa auchean, me (c) ifa usun ka tongeni fiti pekin ewe ioifengen.
Ren pwan ekkoch, nengeni ekkewe auchean mettoch non ei maram ren ewe Liahona and Ren ewe Pochokunen Serafo magazines.
Ekkoch ekiek ren Osukuna Semirit
Jeremiah 1:5
Samach won Nang a sineiei me mwen ua uputiw.
-
Ne esinei usun ewe auchean ennet a keit me non Jeremiah 1:5, ka tongeni pwar ngeni noum kewe semirit echo sasingin emon monukon (are, ika mi tufich, ka tongeni nenengeni echo sasingin noum kewe semirit nupwen ir monukon). Eisini noum kewe semirit ika ir mi sinei ian ra nom ia me mwen ar uputiw. Ka pwan tongeni konu echo kon m mi aiti kich usun manauach akkom me mwen ei manau, usun ren “I Lived in Heaven” (Noun Semirit kon mi fel, 4).
-
Ika noum kewe semirit ra mochen pwan kaeo ekkoch, ka tongeni anisir n e kutta “Manauach akkom me mwen ei manau” non ewe Emwen ngeni ekkewe Pukefel. Ra tongeni kutta ponuwen “ion,” “inet,” me “met” kapaseis usun ewe manau akkom me mwen ei manau.
Jeremiah 1:4–19
Soufos ra kokko ar repwe apasa ewe kapasen ewe Samon.
-
Ekieki ne pwari ekkoch sasingin ewe soufos mi manau ika soufos seni ekkewe pukefel (ka tongeni kuna ekkoch non Church magazines, ewe Puken Gospel Art, me Feito, Tapweto Mwiri). Eisini noum kewe semirit met ir mi sinei usun ekkei soufos.
-
Om kopwe osukuna met soufos ra fori, kopwe fini ekkoch aninisin uwokisin seni Jeremiah 1, usun ren uwokisin 5, 7, 10, me 19. Emon me emon noum kewe semirit ra tongeni fini eu ekkewe uwokisin, anneani, me aporousa och mettoch ra kaeo usun ewe soufos.
Jeremiah 16:14–16
Ua tongeni anisi noun Samach won Nang semirit ar repwe niwin ngeni I.
-
Nupwen ka anneani Jeremiah 16:16, noum kewe semirit ra tongeni atitipan “attaw” ika “kut” mettoch non ewe rum. Preseten Russell M. Nelson a fen anonno fengeni ekkewe chon attaw me chon kut man non ei uwokisin ngeni misineri (nengeni “Ewe Ionfengenin Israel mi Toropas,” Liahona, Nov. 2006, 81). Met ekkewe misineri ra fori? Ifa usun sia tongeni aninis ne “attaw” me “kuttta” Israel mi toropas? (Nengeni “Eu porous ngeni Semirit seni President Russell M. Nelson” [fitio], ChurchofJesusChrist.org
3:30Video: A Message for Children from President Russell M. Nelson
Jeremiah 18:1–6
Ua tongeni mut ngeni ewe Samon epwe emweni manauei, usun emon chon fori einepwoch me sepi a anapanapa ewe puun.
-
Om kopwe katon ekkei uwokisin, kopwe aporousa ika pwari ifa usun einepwoch me sepi a for (nengeni ewe sasing nespononon ei etetten). Met an ewe Samon porous fan itach non Jeremiah 18:1–6? Met wewen ach kich puun me ne poun ewe Samon? (nengeni pwan Isaiah 64:8). Ren pwan eu porous mi anonno kich ngeni an chon for ainipwoch seni pun, nengeni Elter Richard J. Maynes “Ewe Pwapwan Manaueni eu Manauen Anonga Kraist” (Liahona, Nov. 2015, 27–30).
Ren pwan ekkoch, nengeni puken non ei maram ren ewe Friend magazine.