Isaiah 50–57

Inamo ika ekkewe Chon Israel ra nom non fotek non chommong ier—me inamo ena fotek a eu pungunon ar pwisin finingaw—ewe Samon a mochen ir repwe nenno mwer ren epinukunuk. Met ka kuna non an Isaiah porous mi ngonuk epinukunuk? Eu etettenin kato usun ei mi tongeni anisuk ne kaeo:

Nengnei pwan Mosaia 12:20–24; 15:13–18; 3 Nifai 20:29–46; Doctrine and Covenants 113:7–10; Russell M. Nelson, “Etiwa Fansoun Mwach ren Nuku,” Liahona, Nov. 2020, 73–76.

Ekkoch uwokisin non pukefel ra awewei an Jises Kraist angangen ngaseno mi watte ningochun nap seni Isaiah 53. Ekieki ekkoch urumot usun ekkei ne weweochuti me aea ekkei manamanen osukun:

• Ekipwichi ika kapas ren ifa usun tutunap me kachito ra kan soun esisinata ekkewe mi pwaracho ra angasa aramas. Osokafeseni ekkena esisinen mi pwaracho ngeni ekkewe anapanapen ewe Chon Amanau non Isaiah 53.

• Mwirin om anneani eu me eu uwokisin, kouno me ekieki usun met ewe Chon Amanau a riaffouni—ekkewe “netipechou,” “netipengaw,” me “atai annuk” I a mwarei—fan iten noun aramas meinisin me akkaewin fan itom. Ka tongeni siwini kapas usun “kich” me “ach” ren “ngang” me “ai” nupwen ka annea. Me memmef ika ekiek ekkei uwokisin pesei non en?

• Ekieki kopwe katon ewe fitio “My Kingdom Is No of This World” (Nenien puken Kapas Allim), me ekipwichi ifa usun ekkewe osini non Isaiah 53 ra pwonuta. Me ekkoch ekkewe netipechou me netipengaw ewe Chon Amanau a mwarei fan itom?

  

  5:25

• Kutta ekkoch sasingin ekkewe mettoch mi fis arap ngeni ewe Achasefan an Jises Kraist (nengeni Gospel Art Book, nampa 56–60). Mwirin ka tongeni kutta kapas non Isaiah 53 mi anapanapa ekkewe mettoch non ekkewe sasing. Met ekkei osukun ra peseok kopwe fori?

Nengeni pwan “Behold the Great Redeemer Die,” Kon mi fen, no. 191.

Kich meinisin a wor ach fansoun nupwen sia mefi towaw seni ewe Samon pokiten ach tipis ika tipwakingaw. Ekkoch ra fen fangeta epinukunuk pwe I epwe omusereno. Isaiah 54 me 57 ir sopwun mi amwarar ach sipwe anneani fan iten epinukunuk me pesepes atun ekkena fansoun. Akkaewin non Isaiah 54:4–10; 57:15–19, met kapas a aituk ifa usun ewe Chon Amanau a mefi usum? Met sokofesen a fori non manauom om kopwe sinei ekkei mettoch usun I?

Preseten Dieter F. Uchtdorf a osukuna:

“Ese nifinifin ifa usun aukukkun tatakisin manauach. Ese nifinifin paraparan tipisich, ika anonnonen ach kipwin, ach memefin anaemon chok, nikitino, ika choun netipach. Pwan mwo ekkewe ese wor rer apinukunuk, ra manau non netip weires, ra atai an emon nuku, fangeno ar pung, ika kunu seni Kot ra tongeni kausefanita. …

“Iei ewe poraus mi murinno usun ewe kapas allim: pokiten ewe kokkotun pwapwa esemuch mi feito seni Semach won Nang mi uren tong me ren ewe achasefan an Jises Kraist, sise chok tongeni ngaseno seni ach nonnomun chon tur me winiti chon tupwon, nge sia pwan tongeni fefeita me winiti nap seni ach weweiti me anemwiri manau esemuch me angei an Kot ning sise tongeni awewei” (“He Will Place You on His Shoulders and Carry You Home,” Liahona, May 2016, 102).

Nengeni pwan Patrick Kearon, “An Kot Mochen pwe Epwe Uweiuketo Neimw,” Liahona, May 2024, 87–89.

Ren tappin chommong fansoun, Israel a fen fatteno pwe ir noun Kot aramas pwon. Nge inamo, an Kot kokkot a fen apachanong nap seni chok eu muu, pun “ami meinisin mi kaka” ir mi ketiw ne “feito … ngeni ekkewe konik” (Isaiah 55:1). Ekieki ei non ekiek nupwen ka anneani Isaiah 55 me 56, me ekipwichi met wewen ach sipwe noun Kot aramas. Met an Kot porous ngeni ekkewe ra mefi “unusen keimuno” seni I? (Isaiah 56:3). Ekieki ne eisisina uwokisin mi anapanapa nikinik me fofforun ir ekkewe ra “angei me kamwochuno ai pwon mi pin” (nengnei Isaiah 56:4–7

• Menin epwe apwapwa ngeni noum kewe semirit ne kutta kapas usun “neno”, “uta,” me “pwinitanong om pochokun” non Isaiah 51:9, 17; 52:1–2, 9 iwe mwirin pwomenau ekkewe kapas. Mwirin om fori, ka tongeni kapas usun met wewen ne neno, uta, me pwinitanong pochokun non pekin ngun. Met ewe Samon a eisini kich sipwe fori non ekkei uwokisin?

• Noum kewe semirit ra tongeni anneani Isaiah 51:1, 4, 7 me esinata ion ewe Samon a kapas ngeni met met I mochen ir repwe fori. Met wewen ach sipwe “ausening ngeni” ewe Samon? Ifa usun sia tongeni pwar ngeni ewe Samon pwe sia “ausening ngeni” I?

• En me noum kewe semirt oua tongeni nenengeni ekkoch sasing mi pwarano ewe riaffou me manon Jises Kraist (nengeni, ren awewe Gospel Art Book, namper. 56, 57, 58). Mwirin ka tongeni annea fengeni Isaiah 53:3–6, 9 me kutta ekkoch kapas mi awewei met mi fis non ekkewe sasing. Anisi noum kewe semirit repwe weweiti pwe Isaiah a aporousa ekkei ennet fite puku ier a no me mwen repwe fis. Pwata epwe auchea ren aramas ar repwe sinei ekkei mettoch non chommong ier me mwan? (nengeni Alma 39:15–19).

• Mwirin om anneani seni Isaiah 53:4, “I a fen engino ngeni ach netipechou, me uwei ar netipengaw,” noum kewe semirit ra tongeni sossot ne chunata mettoch (ika etitipen chunata eu). Kapas ren ifa usun “netipechou” me “netipengaw” ika tipitipingaw ra tongeni chou ika weires ne mwarei. Pwata Jises a uwei ach “netipechou,” “netipengaw,” me “fofforungaw” ika tipis? (Nengeni pwan (nengeni pwan Alma 7:11–12).

• Om kopwe aiti noum kewe semirit usun Isaiah 55:6, ka tongeni opano echo sasingin Jises ekis non ewe rum. Ka tongeni etiwa noum kewe semirit ne kutta ewe sasing me eita eu anen ar repwe tongeni “kutta … ewe Samon nupwen i mi tongeni pwa.” Echo kon usun “Seek the Lord Early” (Noun Semirit Puken Kon, 108) a tongeni ngenir ekkoch ekiek. Mwirin ka tongeni mut ngeni emon me nein ekkewe semirit epwe opano ewe sasing me enniwini ewe urumot.

• Mwirin om anneani Isaiah 55:9, epwe apwapwa ren noum kewe semirit ar repwe uta won efoch sea me kapas ren ifa usun mettoch mi sokkono nikinikir nupwen ka “tekiata.” Ika ra tongeni chungani met wewen Isaiah 55:9 me rer. Mwirin ka tongeni aporous ekkoch me nein an ewe Samon kewe aan minne ir mi tekia nap seni ach kewe aan. Ren awewe, met we An napanap ne angang ngeni ekkewe mi tipis (nengeni Mark 2:15–17). Met we an napanap ne emweni ekkoch (nengeni Matthew 20:25–28). Aporous ngeni noum kewe semirit ifa usun ka kaeo ne epinukunuku an ewe Samon aan mi tekia me ekiek.