Isaiah 58–66

Pwata emon epwe fangeta an esap mwongo nupwen mi wor mwongo? Nupwen ka kaeo Isaiah 58:3–12, menin kopwe ekieki usun om kewe popun echikipin—usun pwan an ewe Samon kewe popun a ngeni kich ei annuk. Ikkei ekkoch kapas eis sipwe ekieki:

• Pwata echikipin fan ekkoch a tongeni nikinikin pwe eu chou nap seni eu feioch (nengeni Isaiah 58:3–5). Ifa usun an ewe Samon osukun non ei sopwun a siwini ena napanapen ekiek me reom?

• Ita met wewen ne “epichano seinin fofforungaw” me “ata meinisin achou”? (Isaiah 58:6). Ifa usun echikipin a tongeni efeiochu ekkoch? (nengeni uwoksin 7).

• Met usun echikipin a fen ngonuk ekkewe feioch mi awewetiw non Isaiah 58:8–12?

Non an porous “Esap Iei ewe Echikipin U fen Finata?” (Liahona, Ma 2015, 22–25), Preseten Henry B. Eyring a aporousa ekkoch awewen ifa usun aramas ra fen feioch ren echikipin me asoren echikipin. Ifa usun ka fen kuna feioch mi nonno non manauom?

Nengeni pwan “Bless Our Fast, We Pray,” Kon mi fen, no. 138; Itenap me Kapaseis, “Fasting and Fast Offerings,” Nenien puken Kapas Allim.

Ewe ranin Sabbath “eu pwapwa” ngonuk? Nupwen ka kaeo Isaiah 58:13–14, ekieki ifa usun kopwe tongeni kuna watten pwapwa non ranin ewe Samon. Ren awewe, met ita wewen om kopwe kun “seni om fori om pwapwa non [An] ran mi pin”? Met ewe sokofesenin nefinen “apwapwai” inisum non ewe Samon” me “fori pwisin om napanap”?

Nengeni pwan Russell M. Nelson, “The Sabbath Is a Delight,” Liahona, May 2015, 129–32.

Isaiah 58–66 a chommong an kapas usun ewe angangen achasefan an Jises Kraist. Kutter nupwen ka kaeo. Akkaewin, apareni ekkewe itenap me kapas mi nounou ne anapanapa ewe Chon Amanau. Ren awewe:

• Met a eingok usun ewe anapanapen ewe “chon affor” non Isaiah 59:16–21? Ifa usun ewe Chon Amanau a okkufu ekkewe napanap mi awewetiw non uwokisin 9–15?

• Nupwen Jises Kraist a esinei ngeni ekkewe aramasen Nazareth pwe I ewe Messiah, I a apasa ekkoch kapas seni Isaiah 61:1–3 (nengeni Luke 4:16–21; nengeni pwan ewe fitio “Jesus Declares He Is the Messiah,” Nenien puken Kapas Allim). Ifa usun Jises Kraist a efeiochuk me ekkoch non ekkewe napanap mi awewetiw non ekkei uwokisin. Ifa usun I a fen awora ningoch non nenien fanangen puun?

  

  3:24

• Met “umoumoch me tong an ewe Samon” ka tongeni “apasa”? (nengeni Isaiah 63:7–9).

• Met ekkoch pwan kapas usun ewe Chon Amanau ka kuna me non Isaiah 58–66?

Nengeni pwan Mosaia 3:7; Doctrine and Covenants 133:46–53.

Isaiah 60 me 62 a kapas usun saram me rochopwak, mas me kuna an epwe osukuna ifa usun ewe kapas allimen Jises Kraist epwe efeiochu ewe fonufan non ewe fansoun soponon. Kutta ekkei ekiek non Isaiah 60:1–5, 19–20; 62:1–2. Nupwen ka anneani ekkei sopwun, ekieki ifa usun Kot a ionfengenieu Noun semirit seni rochopwak ngeni An saram. Met wisom me non ei angang?

Nengeni pwan 1 Nifai 22:3–12; 3 Nifai 18:24; Doctrine and Covenants 14:9; Bonnie H. Cordon, “That They May See,” Liahona, May 2020, 78–80.

Isaiah a kapas usun eu ran nupwen “ekkewe osukosuk akkom ra monnukuno” (Isaiah 65:16). Nupwen ei osini a fen chommong pwonutan, non unusochun nikinik, ena ran ese mwo wareto—nupwen Jises Kraist epwe niwin. Isaiah a anapanapa ei ranin mwan non Isaiah 64:1–5; 65:17–25; 66. Apareni fan fite i a aea kapas usun “pwapwa” me “apwapwa.” Pwata an ewe Chon Amanau niwin epwe eu ranin apwapwa ngonuk? Met ka tongeni fori om kopwe amonneta ngeni An wareto?

Nengeni pwan Nongonongen Achifoua 1:10; Russell M. Nelson, “The Future of the Church: Preparing the World for the Savior’s Second Coming,” Ensign, Apr. 2020, 13–17.

• Menin ewe murinon anen om kopwe pesei noum kewe semirit ar repwe echikipin—nupwen ra monneta—ina om kopwe anisir repwe weweiti an ewe Samon kewe popun ei annuk. Ekieki ne annea fengeni Isaiah 58:6–11 ne kutta ponuwen ekkei kapaseis: Pwata sia echikipin? Ifa usun sipwe echikipin? Ka pwan tongeni nenengeni non “Fast, Fasting” non ewe Emwen ngeni ekkewe Pukefel.

• Ika mi wor mettoch mi auchea a fis ngonuk ren echikipin, aporousa ngeni noum kewe semirit. Ka pwan tongeni eisinir ifa usun repwe awewei ngeni emon chiener pwata ewe Samon a ngeni kich ei annuk.

• Annea fengeni Isaiah 58:13–14, ka tongeni affatau ekkewer ranin ewe wiik won ewe calendar me etiwa noum kewe semirit ar repwe fituk ne apasa ekkewe ran. Nupwen ka tori ewe Sabbath, eisinir ar repwe eita ngeni ena ran “eu pwapwa.” Urenir pwata ewe Sabbath eu pwapwa ngonuk.

• Aporousa fengeni ekkoch anen ami tongeni “apwapwa kemi non ewe Samon” won ewe Sabbath. Menin noun kewe semirit ra tongeni chungani ekkoch ekiek me warenong non eu “pworun pwapwan Sabbath.” Mwirin, nupwen a namot ngeni ekkoch ekiek usun mettoch repwe fori won ewe Sabbath, ra tongeni weitau eu ekiek seni ewe pwor.

• Nupwen ka tingorei noum kewe semirit ar repwe apungu meser nupwen ka anneani Isaiah 60:1–3. Eisinir repwe suki meser nupwen ra tong ewe kapas “saram” me apungu sefanir nupwen ra ronge ewe kapas “rochopwak.” Awewei pwe Jises Kraist me An kapas allim ir usun eu saram mi anisi kich ne kuna anach we sefan ngeni Samach won Nang.

• Isaiah 65:17–25 a anapanapa met ewe fonufan epwe usun nupwen ewe Chon Amanau a feito sefan. Nupwen ka anneani ekkei uwokisin ngeni noum kewe semirit, anisir repwe kutta ifa usun manau epwe sokkono non ewe “minafon fonufan” Isaiah a anapanapa. Pwata ei epwe eu fansoun epwe “apwapwa me emeseik”? (uwoksin 18).

• Oua pwan tongeni konu echo kon usun ewe Oruwan Wareto, usun ren “When the Savior Comes Again” (Nenien puken Kapas Allim). Aporousa ngeni emon me emon met ka esukusuku usun an ewe Chon Amanau niwinsefan. Met sia tongeni fori ach sipwe ammonata ren ena ran?