Isaiah 40–49

Nupwen ekkewe Chon Israel ra fotek non Babylon, chommong menin ra aureki ika a fen poutuno senir nenier we usun noun Kot mi kefinita, aramas pwon. Nupwen ka anneani Isaiah 40–49, kutta porous repwe tongeni awora kinamwe me epinukunuk. Ren eu me eu porous ka kuna, ekipwichi me rekotuni met ewe Samon it epwe apasa ngonuk non ekkei uwokisin. Iei ekkoch ka tongen poputa ren:

• 40:11, 29–31:

• 41:10–13, 17–18:

• 42:6–7:

• 43:1–7, 25:

• 44:1–4, 21–24:

• 46:3–4:

• 49:7–16:

Met ka mefi ewe Samon a mochen kopwe sinei usun I?

Menin kosap apareni pwe ewe kon mi fil “Mi Pochokun ewe Nongonong” (Kon mi fel, nampa 4) a feito seni an Isaiah kapas non Isaiah 41:10; 43:2–5; 46:4. Ekieki ne konu ika ausening ngeni ei kon mi fen, kutta ekkoch nonno pok nefinen ekkewe kapasen ewe kon me ekkei uwokisin seni Isaiah. Ifa usun ewe Samon a fen apwonueta ekkewe pwon non ekkei uwokisin non manauom?

Nengeni pwan Patrick Kearon, “I a Manaueta ren Echikar non Poun: Sia Tongeni Pwan Nap Seni Chon Okkufu,” Liahona, May 2022, 37–40.

Non unusen Isaiah 40–49 ewe Samon a kapas ngeni Noun “chon angang” me Noun “chon pwarata.” Ekkei kapas ra tongeni kapas usun Jises Kraist (nengeni Isaiah 42:1–7), ngeni ewe imwen Israel (nengeni Isaiah 45:4), me ngeni King Cyrus, ewe a mut ngeni ekkewe aramasen Jew repwe niwin ngeni Jerusalem me ausefanieta ewe tempel (nengeni Isaiah 44:26–28; 45:1–4). Ka pwan tongeni ekieki ifa usun ekkewe porous ra wewe ngonuk usun emon chon angang me emon chon pwarata usun ewe Samon. Ren awewe, ekipwichi kapaseis usun ekkei:

Isaiah 40:1–3, 9–11; 43:9–12. Non met napanap ka emon chon pwarata usun Jises Kraist? Met ekkewe “porous mi och” ka tongeni aporousa en om Noun chon pwarata? Ka tongeni anchangei pwe ka fen kokko ngeni ewe nenien pwarata non imwen kapung. Non ei kapung, Jises Kraist a kuna kapung ren an apasa met mi rekotutiw non Isaiah 43:11. Met kapasen pwarata ka tongeni awora ne anisi an Jises kapas? Met pisekin pwarata seni manauom kopwe awora?

Isaiah 41:8–13; 42:6; 44:21. Met ewe Samon a fen kokkoruk kopwe fori? Ekieki kokkon Mwichefen usun pwan ekkoch tufich ne angang ngeni I. Ifa usun I a fen “foruketa” ika amonnokota om kopwe winiti Noun chon angang? Ifa usun I a anisuk om ka angang I?

Isaiah 49:1–9. Met porous ka kuna me non ekkei uwokisin minne ra tongeni anisuk nupwen om achocho me angang usun ita “ese wor namwotan, me a namotongaw”? (uwokisin 4).

Isaiah a eniwini ne achema noun aramas usun an Kot manaman ese wor nonnon, pwan mwo anonno fengeni ngeni ewe weiwein riaffoun fonufan mi rokopwanireno. Kutta ei porous nupwen ka anneani Isaiah 40:3–8, 15–23; 42:15–16; me 47:7–11 (apareni pwe sopwun 47 ra kapas ngeni nou Chon Israel chon omwochur, Babylon. Met ekkei uwokisin ra aituk usun mettochun fonufan? Met ra aituk usun Kot? Ekipwichi pwata ei porous ita epwe fen auchea ngeni ekkewe aramasen Jew me non fotek. Pwata mi auchea ngonuk?

Nupwen ka anneani Isaiah 48:10, ekipwichi om pwisin “ekkein riaffou.” Ifa usun ewe Samon a “enimenimochukeno”? Ifa usun Isaiah 49:13–16 a anisuk nupwen ka kuna riaffou?

Nengeni pwan “The Refiner’s Fire” (fitio), Nenien puken Kapas Allim.

5:2

• Ekieki usun ekkoch anen om kopwe anapanapa met ita wewen ne “amonnata … ewe anen ewe Samon,” usun mi awewetiw non Isaiah 40:3–5. Ren awewe, en me noum kewe semirit oua tongeni awena och mettoch mi kopai, nimetano eu neni mi toropas mettoch won, ika fori eu fatochun aan non eu puun mi chommong fau. Ka pwan tongeni pwari ekkoch sasingin John ewe sou papatais me Joseph Smith (nengeni Gospel Art Book, nampa 35, 87). Ifa usun ra amonnata ewe aan ren an ewe Samon wareto? (nengeni Luke 3:2–18; Doctrine and Covenants 135:3). Ifa usun sipwe tongeni anisir? Ei mi tongeni epwe eu tufich ne kapas ren ifa usun chon amwochu Aaronic Pristut ra tongeni aninis ne amonnata anen ewe Samon (nengeni Doctrine and Covenants 84:26–28).

• Nupwen oua anneani Isaiah 43:10 fengen, oua tongeni kapas usun met wewen an emon epwe chon pwarata. Aporousa fengeni ekkoch mettoch ka fen mefi pwe ka tongeni emon “chon pwarata”usun—ren awewe, och mwongo ka fen neni, eu neni ka fen churi, ika emon aramas en mi sinei. Met wewen ach sipwe noun ewe Samon chon pwarata? Sia tongeni ureni ekkoch aramas usun I?

• Mwirin ami anneani ekkei uwokisin, noum kewe semirit ra tongeni atutu efoch ira me kapas usun ekkewe feioch ewe Samon a ninatiw wor. Met a fis ngeni efoch ira nupwen sia atutu? Ifa usun an ewe Samon efeioch a anisi kich sipwe marita?

• Sasing ika fition chonupupu me nóónóón sat ra tongeni anisi noum semirit repwe anapanapa non ar ekiek Isaiah 48:18 (usun ekkewe sasing non ei etetten). Noum kewe semirit ra tongeni pwapwaiti ar repwe amwokutu pour usun eu chonupupu me nóónóón ewe sat. Ifa usun kinamwe a tongeni usun chonupupu? Ifa usun sia wenechar a sun nóó? Kapas ren ifa usun om anneasochisi an Kot kewe annuk a fen anisuk ne mefi kinamwe usun eu chonupupu ika poochokun usun eu nóó.

• Konu fengeni eu kon usun annuk, usun ren “Keep the Commandments” (Noun Semirit Puken Kon, 146–47). Met ei kon a aiti kich usun pwata sipwe anneasochisi an Kot kewe annuk?

• Isaiah 49:14–16 a tongeni epwe eu watten ekinamwe ngeni noum kewe semirit non chommong ier repwe feito. Nupwen ka anneani uwokisin 14, ka tongeni kapas usun met ita epwe fori ekkewe aramas repwe mefi pwe ra monnukuno ika poutmwanino. Ifa usun sia sinei ewe Samon ese monnukano kich?

• Om kopwe esinei uwokisin 15–16, ka tongeni eisini noum kewe semirit usun emon resap tongeni monnukano, usun emon chon ar famini ika chiener. Anongonong won Isaiah 49:15–16, pwata ewe Samon ese tongeni monnukicheno? Mwirin oua tongeni aporousa fengeni pwisin ami memmef usun Jises Kraist.