Jeremias 1–3; 7; 16–18; 20

Handurawa nga kamo nakigsulti ngadto sa usa ka higala kinsa wala gayod sukad makadungog og mga propeta, ug kamo mihukom sa pagpasabot sa konsepto naggamit sa tawag ni Jeremias nga mahimong usa ka propeta diha sa Jeremias 1:4–19. Unsa ang inyong makaplagan dinhi niini nga mga bersikulo nga nagtudlo og usa ka butang mahitungod sa mga propeta sa Dios? Makahimo usab kamo sa pagpangita diha sa Jeremias 7:1–7; 20:8–9 ug sa usa ka himno sama sa “Maminaw Kita sa Propeta” (Mga Himno, no. 16).

Mahimo usab kamong motudlo sa inyong higala mahitungod sa buhing propeta karon. Aduna bay bisan unsa dinhi niini nga bersikulo nga mahimong motabang? Sama pananglit, unsay “[gi]luka” o “[gi]gun-ob” sa mga propeta sa atong panahon”? Unsa ang ilang “gitukod” ug “gitanom”? (Jeremias 1:10). Giunsa ninyo sa pagkahibalo nga ang atong buhi nga propeta tinawag sa Dios?

Tan-awa usab sa Mga Artikulo sa Hugot nga Pagtuo 1:6, 9; “Why Do We Have Prophets?” (video), ChurchofJesusChrist.org.

1:38

Unsay nakat-onan ni Jeremias mahitungod sa iyang kaugalingon diha sa Jeremias 1:5? Isip usa ka bag-ong tinawag nga propeta, nganong kana nga impormasyon importante alang kaniya nga mahibaloan?

Kadaghanan sa unsay nahibaloan ni Jeremias mahitungod sa iyang kaugalingon diha sa Jeremias 1:5 tinuod usab mahitungod kanimo. Ang Dios nakaila usab kanimo sa wala pa ikaw matawo ug miandam kanimo alang sa piho nga mga reponsibilidad. Sa pagkat-on pa og dugang mahitungod sa imong kinabuhi sa wala pa ikaw matawo, basaha sa Alma 13:1–4; Doktrina ug mga Pakigsaad 138:53–56; ug Abraham 3:22–23. Mahimo nga ikaw maglista sa mga kamatuoran nga imong nadiskobrehan. Nganong importante kini nga impormasyon alang kanimo nga mahibaloan?

Sa pagkat-on mahitungod kon giunsa niini nga mga kamatuoran pag-apekto sa kinabuhi ni Elder Ahmad S. Corbitt, tun-i ang iyang mensahe “Makahimo Kamo sa Pagpundok sa Israel!” (Liahona, Mayo 2021, 61–63). Sa unsang paagi nga ang pagkasayod mahitungod sa inyong kinabuhi sa wala pa dinhi sa yuta nag-apekto sa paagi nga kamo nagpuyo sa inyong mortal nga kinabuhi?

Ania ang unsay gisulti ni Presidente Russell M. Nelson mahitungod sa inyong kinabuhi sa wala pa dinhi sa yuta:

“Nakaila ang inyong Langitnong Amahan kaninyo sa dugay na kaayong panahon. Kamo, isip Iyang mga anak nga lalaki o babaye, gipili Niya nga moanhi sa kalibotan niining eksakto nga panahon, nga mahimong lider sa Iyang importante nga buhat sa kalibotan. Kamo gipili dili tungod sa inyong lawasnong mga kinaiya apan tungod sa inyong espirituhanon nga mga hiyas, sama sa kaisog, kasibot, kaligdong sa kasingkasing, kauhaw sa kamatuoran, kagutom sa kaalam, ug tinguha sa pagserbisyo ngadto sa uban.

“Inyong napalambo ang pipila niini nga mga hiyas sa kinabuhi nga wala pa dinhi sa yuta. Ang uban kamo makapalambo dinhi sa kalibotan samtang kamo nagpadayon sa pagtinguha niini” (“Mga Desisyon alang sa Kahangturan,” Liahona, Nob. 2013, 107).

Paghunahuna og pipila ka sitwasyon nga inyong atubangon diin mahimong importante nga hinumdoman kini nga mga kamatuoran mahitungod sa inyong kinabuhi sa wala pa dinhi sa yuta. Unsa ang inyong mabuhat sa pagpahinumdom sa inyong kaugalingon kabahin niini nga mga kamatuoran?

Tan-awa usab sa Russell M. Nelson, “Mga Desisyon alang sa Kahangturan,” Liahona, Nob. 2013, 106–9; Mga Hilisgotan ug mga Pangutana,” “Gitawag nang daan sa wala pa dinhi sa kalibotan,” “Kinabuhi sa Wala pa Dinhi sa Yuta,” Librarya sa Ebanghelyo.

Sa uga nga rehiyon diin mipuyo ang mga Israelita, gitigom sa mga tawo ang bililhong tubig sa ilawom sa yuta nga mga tigomanan nga gitawag og mga atabay. Unsa kaha ang “mga atabay nga likian” nga gihisgotan sa Jeremias 2:13 nagsimbolo? Ngano nga ang pagdawat og tubig gikan sa tuboran mas maayo kaysa magsalig sa atabay? Unsa ang gipasabot sa pagbiya sa “tuburan sa buhi nga mga tubig”? Samtang kamo nagbasa sa Jeremias 2 ug 7, tan-awa kon giunsa pagbiya sa mga tawo ang buhing tubig sa Ginoo (tan-awa, sama pananglit, sa Jeremiahs 2:26–28; 7:2–11). Ngano nga ang “tuboran sa mga tubig” usa ka maayong simbolo alang sa unsay mahatag sa Manluluwas kaninyo? Paghunahuna mahitungod kon giunsa ninyo pagdawat ang buhing tubig.

Jeremias 7 gipatumong ngadto sa mga tawo kinsa nanagsulod “sa balay sa Ginoo … sa pagsimba sa Ginoo,” apan ang ilang mga lihok wala mobagay sa ilang makita nga mga paghalad (tan-awa sa mga bersikulo 2–11). Unsa nga mga mensahe sa inyong pamati aduna ang Ginoo alang kaninyo dinhi sa mga bersikulo 21–23?

Sa Jeremias 16:14–15, gitandi ni Jeremias ang pagpundok sa Israel sa ulahing mga adlaw ngadto sa Exodo sa Israel gikan sa Ehipto. Sa inyong opinyon, ngano nga ang pagpundok mahimo gani nga mas importante ngadto sa katawhan sa Dios kaysa Exodo?

Unsa ang gisugyot sa Jeremias 3:14–18; 16:14–21 mahitungod kon sa unsang paagi ang pagpundok mahitabo?

Sa iyang mensahe “Paglaom sa Israel,” si Presidente Russell M. Nelson, sama ni Jeremias, mitudlo nga ang pagpundok sa Israel “mao ang labing importanteng butang nga mahitabo sa yuta karon” (tibuok kalibotan nga debosyonal, Hunyo 3, 2018, Librarya sa Ebanghelyo). Basa o paminaw ngadto sa iyang mensahe, ug tan-awa kon kamo makadiskobre ba (a) kon giunsa ni Presidente Nelson sa paghatag og kahulogan ang pagpundok sa Israel, (b) giunsa niya sa paghulagway ang importansiya niini, ug (c) unsaon ninyo nga kamo mahimong ka bahin sa pagpundok.

• Sa pagpaila sa importanting kamatuoran nga gitudlo sa Jeremias 1:5, kamo makapakita sa inyong mga bata og usa ka hulagway sa usa ka batang masuso (o, kon posible, kamo makatan-aw og mga hulagway sa inyong mga bata sa dihang sila mga masuso pa). Pangutan-a ang inyong mga bata kon sila nahibalo ba diin sila mipuyo sa wala pa sila matawo. Makahimo usab kamo sa pagpanganta og dungan sa usa ka awit nga nagtudlo mahitungod sa atong kinabuhi sa wala pa dinhi sa yuta, sama sa “Langit Gipoy-an Ko” (Songbook sa mga Bata, 140).

• Kon ang inyong mga bata gusto nga makakat-on pa og dugang, kamo makatabang kanila sa pagpangita sa “Kinabuhi nga Wala pa Dinhi sa Yuta” diha sa Giya ngadto sa mga Kasulatan. Makapangita sila alang sa mga tubag ngadto sa “kinsa,” “kanus-a,” ug “unsa” nga mga pangutana mahitungod sa kinabuhi nga wala pa dinhi sa yuta.

• Hunahunaa ang pagpakita og mga hulagway sa buhing propeta o mga propeta gikan sa mga kasulatan (kamo makakita og pipila diha sa mga magasin sa Simbahan, sa Libro sa mga Hulagway sa Ebanghelyo, ug Dali, Sunod Kanako). Pangutan-a ang inyong mga bata kon unsa ang ilang nahibaloan mahitungod niini nga mga propeta.

• Sa pagtudlo mahitungod sa unsay buhaton sa mga propeta, mahimo kamong mopili og pipila ka makatabang nga mga bersikulo gikan sa Jeremias 1, sama sa mga bersikulo 5, 7, 10, ug 19. Ang inyong matag bata makakuha og usa sa mga bersikulo, makabasa niini, ug makigbahin og usa ka butang nga ilang nakat-onan mahitungod sa mga propeta.

• Samtang kamo nagbasa sa Jeremias 16:16, ang inyong mga bata mahimong magpaka-aron ingnon nga “nangisda” o “nangayam” alang sa mga butang palibot sa kwarto. Nagtandi si Presidente Russell M. Nelson sa mga mangingisda ug mangangayam dinhi niini nga bersikulo ngadto sa mga misyonaryo (tan-awa sa “Ang Pagpundok sa Nagkatibulaag nga Israel,” Liahona, Nob. 2006, 81). Unsa ang buhaton sa mga misyonaryo? Unsaon nato pagtabang sa “pagpangisda” ug “pagpangayam” alang sa nagkatibulaag nga Israel? (tan-awa sa “A Message for Children from President Russell M. Nelson” [video], ChurchofJesusChrist.org).

  

  3:30

• Sa pagsuhid niini nga mga bersikulo, kamo mahimong maghisgot o magpakita kon unsaon paghimo sa mga kulon (tan-awa ang hulagway diha sa kataposan niini nga latid). Unsa nga mensahe ang Ginoo aduna alang kanato diha sa Jeremias 18:1–6? Unsa ang gipasabot nga mahimong kulonon diha sa mga kamot sa Ginoo? (tan-awa usab sa Isaias 64:8). Alang sa laing istorya nga nagtandi kanato ngadto sa yuta nga kulunon, tan-awa sa mensahe ni Elder Richard J. Maynes “Ang Kalipay sa Pagkabuhi nga Nakasentro Kang Kristo” (Liahona, Nob. 2015, 27–30).