Isaias 40–49

Sa dihang ang mga Israelita mga binihag sa Babelonia, mahimong daghan ang natingala kon sila sa hangtod nawad-an ba sa ilang dapit isip pinili, pakigsaad nga mga katawhan sa Dios. Samtang kamo magbasa sa Isaias 40–49, pangita og mga tudling nga mahimong makahatag og kahupay ug paglaom. Alang sa matag tudling nga inyong makaplagan, pamalandong ug pagrekord kon unsa kaha ang gisulti sa Ginoo nganha kaninyo dinhi niini nga mga bersikulo. Ania ang pipila nga mahimo ninyong sugdan:

• 40:11, 29–31:

• 41:10–13, 17–18:

• 42:6–7:

• 43:1–7, 25:

• 44:1–4, 21–24:

• 46:3–4:

• 49:7–16:

Unsa sa inyong pamati ang gusto sa Ginoo nga inyong mahibaloan mahitungod Kaniya?

Tingali inyong mamatikdan nga ang himno “Unsa Kalig-on ang Tukuranan” (Mga Himno, nu. 44) nagkuha sa mga pulong ni Isaias diha sa Isaias 41:10; 43:2–5; 46:4. Hunahunaa ang pagkanta o pagpaminaw niini nga himno, mangita alang sa mga pagkasusama tali sa mga pulong sa awit ug sa mga bersikulo gikan sa Isaias. Giunsa sa Ginoo pagtuman ang saad niini nga mga bersikulo diha sa inyong kinabuhi?

Tan-awa usab sa Patrick Kearon, “Siya Nabanhaw nga adunay Kaluwasan sa Iyang mga Pako: Mahimong Labaw Pa Kita ka mga Mananaog,” Liahona, Mayo 2022, 37–40.

Sa tibuok Isaias 40–49 ang Ginoo namulong kabahin sa Iyang “alagad” ug sa Iyang “mga saksi.” Kini nga mga pulong nagtumong ngadto ni Jesukristo (tan-awa sa Isaias 42:1–7), ngadto sa balay ni Israel (tan-awa sa Isaias 45:4), ug ngadto ni Hari Ciro, kinsa mitugot sa mga Judeo sa pagbalik ngadto sa Jerusalem ug sa pagtukod og balik sa templo (tan-awa sa Isaias 44:26–28; 45:1–4). Mahimo usab ninyong hunahunaon kon sa unsa nga paagi ang mga tudling magamit nganha kaninyo isip usa ka alagad ug usa ka saksi sa Ginoo. Sama pananglit, pamalandong og mga pangutana sama niini:

Isaias 40:1–3, 9–11; 43:9–12. Sa unsa nga paagi kamo usa ka saksi ni Jesukristo? Unsa ang “maayong mga balita” nga inyong ikapakigbahin isip Iyang saksi? Mahimo kamong maghanduraw nga kamo gitawag ngadto sa baroganan sa saksi [witness stand] sa usa ka husay sa korte. Niining paghusay, si Jesukristo ang gikasohan sa pagpangangkon sa nasulat diha sa Isaias 43:11. Unsa nga pagpamatuod ang inyong mahatag agi og suporta sa giangkon ni Jesus? Unsa nga ebidensya gikan sa inyong kinabuhi ang inyong ipresentar?

Isaias 41:8–13; 42:6; 44:21. Unsa ang gitawag sa Ginoo kaninyo nga ipabuhat? Hunahunaa ang mga calling sa Simbahan ingon man ang ubang mga oportunidad sa pag-alagad Kaniya. Giunsa Niya “pag-umol” o pag-andam kaninyo nga mahimong Iyang sulugoon? Sa unsa nga paagi Siya nagsuporta kaninyo samtang kamo nagserbisyo?

Isaias 49:1–9. Unsa nga mga mensahe ang inyong makaplagan niini nga mga bersikulo nga makatabang kon ang inyong mga paninguha ug pag-alagad ingon og nahimong “walay kapuslanan, ug nakawang”? (bersikulo 4).

Gibalik-balik ni Isaias sa pagpahinumdom sa iyang katawhan kabahin sa dili matupngan nga gahom sa Dios, bisan itandi ngadto sa malupigon nga kalibotanong gahom nga naglibot kanila. Pangitaa kini nga mensahe samtang kamo nagbasa sa Isaias 40:3–8, 15–23; 42:15–16; ug 47:7–11 (timan-i nga ang kapitulo 47 gitumong ngadto sa nagdakop sa Israel, ang Babelonia). Unsa ang gitudlo niini nga mga tudling kanimo mahitungod sa kalibotanon nga mga butang? Unsa ang gitudlo niini kaninyo mahitungod sa Dios? Palandonga kon nganong kini nga mensahe bililhon unta ngadto sa katawhang Judeo nga diha sa pagkabihag. Nganong bililhon kini kaninyo?

Samtang inyong basahon ang Isaias 48:10, pamalandonga ang inyong kaugalingong “hasohasan sa kasakitan.” Sa unsang paagi ang Ginoo “naghashas” kaninyo? Sa unsang paagi ang Isaias 49:13–16 nagtabang kanato kon kita nag-antos og kasakit?

Tan-awa usab sa “The Refiner’s Fire” (video), Gospel Library.

4:59

• Paghunahuna og pipila ka paagi sa paghulagway kon unsa kaha ang kahulogan sa “andama … ang dalan sa Ginoo,” ingon nga gihulagway diha sa Isaias 40:3–5. Sama pananglit, kamo ug ang inyong mga bata makatul-id og usa ka butang nga baliko, makahawan sa nagkatag nga sawog, o makahimo og usa ka hawan nga dalan diha sa batoon nga yuta. Makapakita usab kamo og mga hulagway ni Juan Bautista ug Joseph Smith (tan-awa sa Libro sa mga Hulagway sa Ebanghelyo, mga nu. 35, 87). Giunsa nila pag-andam ang dalan alang sa pag-anhi sa Ginoo? (tan-awa sa Lucas 3:2–18; Doktrina ug mga Pakigsaad 135:3). Sa unsang paagi kita makatabang? Kini mahimong usa ka oportunidad sa paghisgot mahitungod kon unsaon sa mga tighupot sa Aaronic nga Pagkapari sa pagtabang og andam sa dalan sa Ginoo (tan-awa sa Doktrina ug mga Pakigsaad 84:26–28).

• Human sa pagbasa og dungan sa Isaias 43:10 kamo makahisgot mahitungod kon unsa ang kahulogan niini nga mahimong usa ka saksi. Pakigbahin sa usag usa og mga butang nga inyong nasinati nga kamo makahimo nga usa ka “saksi” sa—sama pananglit, usa ka pagkaon nga inyong natilawan, usa ka lugar nga inyong nabisitahan, o usa ka tawo nga inyong nailhan. Unsay buot ipasabot nga mahimong saksi sa Ginoo? Unsa ang atong ikasulti sa ubang mga tawo mahitungod Kaniya?

• Human mabasa kini nga mga bersikulo, ang imong mga bata makabu-bu og tanom ug makahisgot mahitungod sa mga panalangin nga gibu-bu sa Ginoo diha kanila. Unsa ang mahitabo sa tanom kon ato kining bu-buan? Giunsa sa mga panalangin sa Ginoo pagtabang kanato nga motubo?

• Mga hulagway o mga bidyo sa mga balod sa mga suba ug lawod makatabang sa inyong mga bata sa paghanduraw sa Isaias 48:18 (sama sa mga hulagway dinhi niini nga latid). Ang inyong mga bata mahimong malingaw sa paglihok sa ilang mga kamot ug bukton sama sa usa ka suba ug mga balod sa dagat. Sa unsa nga paagi nga ang kalinaw mahisama sa usa ka suba? Sa unsa nga paagi nga ang pagkamatarong sama sa mga bawod? Paghisgot mahitungod kon sa unsang paagi ang pagtuman sa mga kasugoan sa Dios nakatabang kaninyo nga mobati nga malinawon sama sa usa ka suba o malig-on sama sa usa ka balod.

• Kantaha og dungan ang usa ka awit mahitungod sa mga kasugoan, sama sa “Sunda ang Kasugoan” (Songbook sa mga Bata, 68). Unsay gitudlo niini nga awit mahitungod kon nganong gikinahanglan nato ang pagsunod sa mga kasugoan?

• Isaias 49:14–16 makahimo og usa ka dakong kahopayan ngadto sa inyong mga bata sulod sa mga katuigan nga moabot. Samtang inyong basahon ang bersikulo 14, kamo makahisgot mahitungod sa unsa kaha ang makahimo sa mga tawo nga mobati og nakalimtan o nabiniyaan. Unsaon nato sa pagkahibalo nga ang Ginoo wala makalimot kanato?

• Sa pagpaila sa mga bersikulo 15–16, makapangutana kamo sa inyong mga bata mahitungod sa usa ka tawo kinsa dili gayod nila makalimtan, sama sa usa ka sakop sa pamilya o higala. Sumala sa Isaias 49:15–16, nganong dili gayod makalimot ang Ginoo kanato? Dayon makahimo kamong mopakigbahin sa usag usa sa inyong kaugalingon nga mga pagbati mahitungod ni Jesukristo.