Isaia 40–49

I te tītīra’a te ’āti ’Īserā’ela i Babulonia, e rave rahi paha tei uiui ē, ’ua mo’ehia ānei tō rātou ti’ara’a ’ei nūna’a mā’itihia e te Atua, ’ei nūna’a o te fafaura’a. ’A tai’o ai ’outou ia Isaia 40–49, ’a ’imi i te mau ’īrava o te hōro’a i te tāmāhanahana ’e te tīa’ira’a. Nō te mau ’īrava tāta’itahi e ’itehia ia ’oe, ’a feruri ’e ’a pāpa’i i tā te Fatu e parau nei ia ’outou i roto i teie mau ’īrava. Teie te tahi mau ’īrava e nehenehe ai ’oe e ha’amata :

• 40:11, 29–31:

• 41:10–13, 17–18:

• 42:6–7:

• 43:1–7, 25:

• 44:1–4, 21–24:

• 46:3–4:

• 49:7–16:

I tō ’outou mana’o, e aha te mau mea tā te Fatu e hina’aro nei ’ia māramarama ’outou ?

Tē fa’ahiti nei te hīmene «Aue te pa’ari» (Te mau Hīmene, N° 41) i te mau parau a Isaia i roto ia Isaia 41:10; 43:2–5; 46:4. E nehenehe e hīmene ’aore rā e fa’aro’o i teie hīmene, ma te ’imi i te mau tū’atira’a i rotopū i te mau parau ’e te mau ’īrava nō roto mai ia Isaia. Nāhea tō te Fatu fa’atupura’a i te mau fafaura’a i roto i teie mau ’īrava i roto i tō ’outou orara’a ?

Hi’o Patrick Kearon, «Ua ti’afa’ahou ’oia ma te ora i raro a’e i tōna pererau : E nehenehe tātou e hau atu i te feiā e hina’aro i te rē», Liahona, Mē 2022, 37–39.

I roto i te Isaia 40–49 tē paraparau nei te Fatu nō ni’a i tāna « tāvini » ’e tāna mau « ’ite ». E nehenehe teie mau parau e fa’ahiti i ni’a ia Iesu Mesia (hi’o Isaia 42:1–7), i te ’utuāfare ’o ’Īserā’ela (hi’o Isaia 45:4), ’e i te ari’i Cyrus, tei fa’ati’a i te mau ’āti Iuda ’ia ho’i i Ierusalema ’e ’ia patu fa’ahou i te hiero (hi’o Isaia 44:26–28; 45:1–4). Terā rā, i te mau taime ato’a, e nehenehe ato’a ’outou e feruri, nāhea teie mau ’īrava e tano ai nō ’outou ’ei tāvini ’e ’ei ’ite nō te Fatu. ’Ei hi’ora’a, ’a feruri i te mau uira’a mai teie te huru :

Isaia 40:1–3, 9–11; 43:9–12. E aha te aura’a ’o te parau ē, e ’ite ’oe nōna ? E aha te « parau maita’i » tā ’outou e nehenehe e fa’a’ite ’ei ’ite nōna ? E nehenehe ’outou e feruri mai te huru rā ē, ’ua pi’ihia ’outou ’ei ’ite i roto i te hō’ē tiripuna. I roto i teie ha’avāra’a, ’ua fa’ahapahia Iesu Mesia i te fa’ahitira’a i te parau i pāpa’ihia i roto i te Isaia 43:11. E aha te ’itera’a pāpū tā ’oe e nehenehe e hōro’a nō te pāturu i te parau a Iesu ? E aha te mau ha’apāpūra’a nō tō ’oe orara’a o tā ’oe e fa’a’ite atu ?

Isaia 41:8–13; 42:6; 44:21. E aha tā te Fatu i pi’i ia ’oe ’ia rave ? ’A feruri i te mau pi’ira’a o te ’Ēkalesia ē tae noa atu i te tahi atu mau rāve’a nō te tāvini iāna. Mea nāhea tāna i te « hāmanira’a » ’aore rā i te fa’aineinera’a ia ’outou nō te riro mai ’ei tāvini nōna ? Nāhea tāna pāturura’a ia ’oe i roto i te tāvinira’a ?

Isaia 49:1–9. E aha te mau parau poro’i tā ’oe e ’ite nei i roto i teie mau ’īrava ’o tē nehenehe e tauturu mai i te taime e riro tā ’oe mau tauto’ora’a ’e tāvinira’a, mai te huru ra ē e « mea faufa’a ’ore ? » (’īrava 4).

’Ua tāmau noa ’o Isaia i te fa’aha’amana’o i tōna mau ta’ata i te mana fāito ’ore o te Atua, rahi a’e i te teimaha o te mana o te ao nei tei hā’ati ia rātou. ’A ’imi i teie parau poro’i ’a tai’o ai ’oe ia Isaia 40:3–8, 15–23; 42:15–16; ’e 47:7–11 (’a hi’o ē, te pene 47 nō te nūna’a ïa tei haru ia ’Īserā’ela, ’o Babulonia). E aha tā teie mau ’īrava e ha’api’i nei ia ’oe nō ni’a i te mau mea o te ao nei ? E aha tā te reira e ha’api’i nei ia ’oe nō ni’a i te Atua ? ’A feruri na nō te aha teie parau poro’i e riro ai ’ei mea faufa’a roa nō te mau ’āti Iuda i roto i te fa’atītīra’a. Nō te aha e mea faufa’a te reira nō ’oe ?

’Ia tai’o ’outou ia Isaia 48:10, ’a feruri i tō ’outou iho « umu nō te ’ati ». Nāhea te Fatu e « ha’amaita’i » ia ’outou ? E mea nāhea Isaia 49:13–16 e tauturu ai ia ’outou ’ia māuiui ana’e ’outou i te mau ’ati ?

Hi’o ato’a « The Refiner’s Fire [Te auahi o te ta’ata tāmā] (video), Vaira’a buka ’evanelia.

4:59

• ’A feruri i te tahi mau rāve’a nō te fa’ahōho’a i te aura’a ’ia « fa’aineine […] i te ’ē’a o te Fatu », mai tei fa’a’itehia i roto ia Isaia 40:3–5. ’Ei hi’ora’a, e nehenehe ’outou ’e tā ’outou mau tamari’i e fa’a’āfaro i te hō’ē ’ohipa fefe, e tāmā i te hō’ē tahua hue, ’aore rā e ha’amanina i te hō’ē ’ē’a ’ōfa’ifa’i. E nehenehe ato’a ’outou e fa’a’ite i te mau hōho’a nō Ioane Bāpetizo ’e nō Iosepha Semita (hi’o i te Buka hōho’a nō te ’evanelia, N° 35, 87). E mea nāhea rātou i te fa’aineinera’a i te ’ē’a nō te taera’a mai o te Fatu ? (’a hi’o Luka 3:2–18; Te Parau Ha’api’ira’a ’e te mau Parau Fafau 135:3). Nāhea tātou e nehenehe ai e tauturu atu ? Teie paha te rāve’a nō te paraparau nāhea te mau taea’e tei mau i te autahu’ara’a a Aarona i te tauturu nō te fa’aineine i te ’ē’a o te Fatu (hi’o Te Ha’api’ira’a Tumu ’e te mau Fafaura’a 84:26–28).

• I muri a’e i te tai’o-’āmui-ra’a ia Isaia 43:10 , e nehenehe ’outou e paraparau nō te aura’a ’ia riro ’ei ’ite. ’A fa’a’ite i te tahi ’e te tahi i te mau mea tā ’outou i ’ite ē, e nehenehe ’outou e riro ’ei « ’ite nō »—’ei hi’ora’a, hō’ē mā’a tā ’outou i tāmata, hō’ē vāhi tā ’outou i rātere, ’aore rā te hō’ē ta’ata tā ’outou i mātau. E aha te aura’a ’ia riro ’ei ’ite nō te Fatu ? E aha tā tātou e nehenehe e parau i te tahi atu mau ta’ata nō ni’a iāna ?

• I muri a’e i te tai’ora’a i teie mau ’īrava, e nehenehe tā ’oe mau tamari’i e pīpī i te hō’ē tumu rā’au tanu ’a paraparau ai ’outou nō ni’a i te mau ha’amaita’ira’a tā te Fatu i nīni’i mai i ni’a ia rātou. E aha tē tupu i ni’a i te hō’ē rā’au tanu ’ia pīpī ana’e tātou i te reira ? Nāhea te mau ha’amaita’ira’a a te Fatu i te tauturura’a ia tātou ’ia tupu i te rahi ?

• E nehenehe te mau hōho’a ’aore rā te mau vidéo nō te mau ’ānāvai ’e te mau ’are moana e tauturu i tā ’outou mau tamari’i ’ia hi’o ia Isaia 48:18 (’oia ato’a i te mau hōho’a i roto i teie arata’i ha’api’ira’a). E au paha tā ’outou mau tamari’i e fa’ahā’uti’uti i tō rātou rima mai te hō’ē ’ānāvai ’e te mau ’are o te moana. Nāhea te hau e nehenehe ai ’ia riro mai te ’ānāvai pape ? Nāhea te parauti’a e nehenehe ai ’ia riro mai te ’are miti ? ’A parau e mea nāhea te ha’apa’ora’a i te mau fa’auera’a a te Atua i te tauturura’a ia ’outou ’ia fa’ari’i i te hau mai te hō’ē ’ānāvai ’aore rā, te pūai mai te ’are ra.

• Hīmene ʼāmui i te hōʼē hīmene nō niʼa i te mau fa’auera’a, mai te «Pour trouver la paix» (Chants pour les enfants, 68). E aha tā teie hīmene e ha’api’i nei nō ni’a i te tumu e ti’a ai ia tātou ’ia ha’apa’o i te mau fa’auera’a a te Atua ?

• E neheneheIsaia 49:14–16 e riro ’ei tāmāhanahanara’a rahi nō tā ’outou mau tamari’i e rave rahi matahiti i muri mai. ’Ia tai’o ’oe i te ’īrava 14, e nehenehe ’oe e paraparau nō ni’a i te mea e fa’ariro i te ta’ata ’ia mo’ehia ’aore rā ’ia fa’aru’ehia. Nāhea tātou ’ia ’ite ē, ’aita ’oia i ha’amo’e ia tātou ?

• Nō te ’ōmua i te mau ’īrava 15–16, e nehenehe ’outou e ani i tā ’outou mau tamari’i nō ni’a i te hō’ē ta’ata ’o tā rātou e ’ore roa e mo’ehia, mai te hō’ē melo o te ’utuāfare ’aore rā te hō’ē hoa. Mai te au i teie mau ’īrava Isaia 49:15–16, nō te aha e ’ore roa te Fatu e ha’amo’e ia tātou ? I muri iho e nehenehe ’outou e fa’a’ite i te tahi ’e te tahi i tō ’outou mau mana’o nō ni’a ia Iesu Mesia.