Jesaja 40–49

Þegar Ísraelsmenn voru í ánauð í Babýlon, gætu margir hafa velt fyrir sér hvort þeir hefðu endanlega glatað stöðu sinni sem hin útvaldi sáttmálslýður Guðs. Þegar þið lesið Jesaja 40–49, gætið þá að orðtökum sem gætu hafa veitt von og huggun. Íhugið og skráið hvað Drottinn gæti verið að segja við ykkur í hverju þessara versa. Hér eru nokkur sem þið gætuð byrjað á:

• 40:11, 29–31:

• 41:10–13, 17–18:

• 42:6–7:

• 43:1–7, 25:

• 44:1–4, 21–24:

• 46:3–4:

• 49:7–16:

Hvað finnst ykkur að Drottinn vilji að þið vitið um hann?

Þið gætuð veitt því athygli að sálmurinn „Vor Guð hefur spámönnum gefið sitt mál“ (Sálmar, nr. 21) hefur skírskotun til orða Jesaja í Jesaja 41:10; 43:2–5; 46:4. Íhugið að syngja eða hlusta á þennan sálm og gæta að hliðstæðum í texta hans og þessum versum í Jesaja. Hvernig hefur Drottinn uppfyllt loforðin í þessum versum í lífi ykkar?

Sjá einnig Patrick Kearon, „Hann er upprisinn og vængir hans færa lækningu: Við getum verið meira en sigurvegarar,“ aðalráðstefna, apríl 2022.

Hvarvetna í Jesaja 40–49 talar Drottinn um „þjón“ sinn og „vitni“ sín. Þessi orð geta átt við um Jesú Krist (sjá Jesaja 42:1–7), Ísraelsætt (sjá Jesaja 45:4) og Kýrus konung, sem leyfði Gyðingum að snúa aftur til Jerúsalem og endurbyggja musterið (sjá Jesaja 44:26–28; 45:1–4). Þið gætuð líka íhugað hvernig versin eiga við um ykkur sem þjóna og vitni Drottins. Íhugið til að mynda spurningar sem þessar:

Jesaja 40:1–3, 9–11; 43:9–12. Á hvaða hátt eruð þið vitni Jesú Krists? Hver eru „fagnaðarboðin“ sem þið getið miðlað sem vitni hans? Þið gætuð ímyndað ykkur að þið hafið verið kölluð í vitnastúku í réttarhöldum. Í þessum réttarhöldum hefur Jesús Kristur verið ákærður fyrir fullyrðinguna sem skráð er í Jesaja 43:11. Hvaða vitnisburð gætuð þið gefið til stuðnings fullyrðingu Jesú? Hvaða sönnun gætuð þið lagt fram úr ykkar eigin lífi?

Jesaja 41:8–13; 42:6; 44:21. Hvað hefur Drottinn kallað ykkur til að gera? Hugleiðið kallanir sem og önnur tækifæri til að þjóna honum. Hvernig hefur hann „skapað“ ykkur eða búið ykkur undir að verða þjónar hans? Hvernig styður hann ykkur þegar þið þjónið?

Jesaja 49:1–9. Hvaða boðskap finnið þið í þessum versum sem getur hjálpað þegar erfiði ykkar og þjónusta virðast „til ónýtis“ og „til einskis“? (vers 4).

Jesaja minnir fólk sitt stöðugt á óviðjafnanlegan mátt Guðs, jafnvel í samanburði við hinn þjakandi veraldlega mátt umhverfis það. Leitið slíks boðskapar við lestur Jesaja 40:3–8, 15–23; 42:15–16; og 47:7–11 (athugið að kafla 47 er beint til fangara Ísraels, Babýlon). Hvað kenna þessi ritningarvers ykkur um veraldlega hluti? Hvað kenna þau ykkur um Guð? Íhugið ástæðu þess að boðskapur þessi gæti hafa verið Gyðingunum í ánauð dýrmætur. Af hverju eru hún ykkur dýrmæt?

Þegar þið lesið Jesaja 48:10, íhugið þá ykkar eigin „bræðsluofn þjáningar“. Hvernig er Drottinn að „hreinsa“ ykkur? Hvernig hjálpar Jesaja 49:13–16 ykkur í raunum ykkar?

Sjá einnig „The Refiner’s Fire“ (myndband), Gospel Library.

5:2

• Íhugið nokkrar leiðir til að sýna fram á hvað það gæti þýtt að „greiða Drottni veg“, eins og lýst er í Jesaja 40:3–5. Þið og börn ykkar gætuð t.d. rétt úr einhverju sem er skakkt, tekið dót upp af gólfi eða búið til slóða í grýttan jarðveg. Þið gætuð líka sýnt myndir af Jóhannesi skírara og Joseph Smith (sjá Trúarmyndir, nr. 35,87). Hvernig greiddu þeir leið fyrir komu Drottins? (sjá Lúkas 3:2–18; Kenning og sáttmálar 135:3). Hvernig getum við hjálpað? Þetta gæti verið tækifæri til að ræða um það hvernig Aronsprestdæmishafar hjálpa við að greiða Drottni veg (sjá Kenning og sáttmálar 84:26–28).

• Eftir að hafa lesið saman Jesaja 43:10, gætuð þið rætt hvað það þýðir að vera vitni? Miðlið hvert öðru því sem þið hafið upplifað sem þið getið vitnað eða „vottað“ um – til dæmis mat sem þið hafið bragðað, stað sem þið hafið heimsótt eða einhvern sem þið þekkið. Hver er merking þess að vera vitni eða „vottur“ Drottins“? Hvað getum við sagt öðrum um hann?

• Eftir lestur þessara versa, gætu börn ykkar vökvað plöntu og þið rætt um þær blessanir sem Drottinn hefur úthellt yfir þau. Hvað gerist með plöntu þegar við vökvum hana? Hvernig hafa blessanir Drottins hjálpað okkur að vaxa?

• Myndir eða myndbönd af fljótum og öldum hafsins gætu hjálpað börnum ykkar að sjá fyrir sér Jesaja 48:18 (eins og myndirnar í þessum lexíudrögum). Börn ykkar gætu notið þess að hreyfa hendur og handleggi eins og fljót og öldur. Hvernig getur friður verið líkur fljóti? Hvernig getur réttlæti verið líkt öldum? Ræðið hvernig það að halda boðorð Guðs hefur hjálpað ykkur að finna friðsæld eins og fljót eða styrk eins og alda.

• Syngið saman söng um boðorðin, t.d. „Boðorðin haldið“ (Barnasöngbókin, 68). Hvað kennir þessi söngur um ástæðu þess að okkur ber að halda boðorð Guðs?

• Jesaja 49:14–16 getur verið börnum ykkar mikil hughreysting um ókomin ár. Þegar þið lesið vers 14, gætuð þið rætt hvað gæti valdið því að fólki finnst það gleymt eða yfirgefið. Hvernig vitum við að Drottinn hafi ekki gleymt okkur?

• Til að kynna vers 15–16, gætuð þið spurt börn ykkar um einhvern sem þau munu aldrei gleyma, t.d. fjölskyldumeðlim eða vin. Af hverju mun Drottinn aldrei gleyma okkur, samkvæmt Jesaja 49:15–16? Þið gætuð síðan miðlað hvert öðru tilfinningum ykkar til Jesú Krists.