Jesaja 58–66

Hvers vegna ætti einhver að vera án matar þegar matur er á boðstólum? Þegar þið lærið Jesaja 58:3–12, gætuð þið íhugað ástæður ykkar fyrir að fasta – sem og ástæður Drottins fyrir því að gefa þetta lögmál. Hér eru nokkrar fleiri spurningar til hugleiðingar:

• Hvers vegna er stundum hægt að líta á föstu sem meiri byrði en blessun? (sjá Jesaja 58:3–5). Hvernig breyta kenningar Drottins í þessum kafla þeim skilningi fyrir ykkur?

• Hver gæti verið merking þess að „leysa fjötra rangsleitninnar“ og „sundurbrjóta sérhvert ok“? (Jesaja 58:6). Hvernig getur fasta blessað aðra? (sjá vers 7).

• Hvernig hefur fasta leitt til blessananna sem lýst er í Jesaja 58:8–12?

Í boðskap sínum, „Sú fasta sem mér líkar“ (aðalráðstefna, apríl 2015), miðlaði Henry B. Eyring forseti nokkrum dæmum um hvernig fólk hefur verið blessað af föstu og föstufórnum. Hvernig hafið þið séð álíka blessanir í lífi ykkar?

Sjá einnig „Bless our Fast, We Pray,“ Hymns, nr. 138; Topics and Questions, „Fasting and Fast Offerings,“ Gospel Library.

Er hvíldardagurinn ykkur „fagnaðardagur“? Þegar þið lærið Jesaja 58:13–14, íhugið þá hvernig þið gætuð fundið meiri gleði á degi Drottins. Hver gæti t.d. verið merking þess að „varast að gegna störfum [sínum] á helgum degi [hans]“? Hver er munurinn á því að „gleðjast yfir Drottni“ og að „sinna … hugðarefnum [sínum]“?

Sjá einnig Russell M. Nelson, „Hvíldardagurinn er feginsdagur,“ aðalráðstefna, apríl 2015.

Í Jesaja 58–66 eru margar tilvísanir í friðþægingarhlutverk Jesú Krists. Gætið að þeim við nám ykkar. Gætið sérstaklega að titlum og orðum sem notuð eru til að lýsa frelsaranum. Dæmi:

• Hvað vekur áhuga ykkar í lýsingunni um að „enginn skarst í leikinn“ sem milligöngumaður í Jesaja 59:16–21? Hvernig tekst frelsarinn á við aðstæðurnar sem lýst er í versum 9–15?

• Þegar Jesús Kristur tilkynnti fólkinu í Nasaret að hann væri Messías, vitnaði hann í Jesaja 61:1–3 (sjá Lúkas 4:16–21; sjá einnig myndbandið „Jesus Declares He Is the Messiah,“ Gospel Library). Hvernig hefur Jesús Kristur blessað ykkur og aðra á þann hátt sem lýst er í þessum versum? Hvernig hefur hann fært fegurð í stað rústa?

  

  3:24

• Hvaða „velgjörða Drottins“ getið þið „minnst“? (sjá Jesaja 63:7–9).

• Hvaða fleiri tilvísanir í frelsarann finnið þið í Jesaja 58–66?

Sjá einnig Mósía 3:7; Kenning og sáttmálar 133:46–53.

Í Jesaja 60 og 62 er sagt frá ljósi og myrkri, augum og sjón, til að kenna hvernig fagnaðarerindi Jesú Krists mun blessa heiminn á síðari dögum. Gætið að þessum lýsingum í Jesaja 60:1–5, 19–20; 62:1–2. Þegar þið lesið þessa kafla, íhugið þá hvernig Guð er að safna saman börnum sínum úr myrkri í ljósið sitt. Hvert er hlutverk ykkar í verki hans?

Sjá einnig 1. Nefí 22:3–12; 3. Nefí 18:24; Kenning og sáttmálar 14:9; Bonnie H. Cordon, „Til þess að hún sjái,“ aðalráðstefna, apríl 2020.

Jesaja ræddi um tíma þegar „fyrri þrengingar eru gleymdar“ (Jesaja 65:16). Þótt þessi spádómur hafi uppfyllst að nokkru, er sá dagur ókominn að hann uppfyllist algjörlega – þegar Jesús Kristur kemur aftur. Jesaja lýsti þessum komandi degi í Jesaja 64:1–5; 65:17–25; 66. Gætið að því hversu oft hann notar orð eins og „gleðjist“ og „fagnið“. Af hverju mun endurkoma frelsarans verða ykkur gleðidagur? Hvað getið þið gert til að búa ykkur undir komu hans?

Sjá einnig Trúaratriðin 1:10; Russell M. Nelson, „Framtíð kirkjunnar: Búa heiminn undir síðari komu frelsarans,“ Líahóna, apríl 2020.

• Ef til vill er besta aðferðin til að hvetja börn ykkar til að fasta – þegar þau eru tilbúin til þess – að hjálpa þeim að skilja tilgang Drottins með þessu lögmáli. Íhugið að lesa saman Jesaja 58:6–11 til að finna svör við þessum spurningum: Hvers vegna föstum við? Hvernig föstum við? Þið gætuð líka lesið „Fasta“ í Leiðarvísi að ritningunum.

• Ef þið hafið átt innihaldsríka reynslu af föstu, miðlið henni þá börnum ykkar. Þið gætuð líka spurt þau hvernig þau myndu útskýra fyrir vini ástæðu þess að Drottinn gaf okkur þetta lögmál.

• Eftir lestur Jesaja 58:13–14, gætuð þið bent á daga vikunnar á dagatali og boðið börnum ykkar að þylja upp þá daga með ykkur. Þegar þið komið að hvíldardeginum, biðjið þau þá að nefna þann dag „fagnaðardag“. Segið þeim hvers vegna hvíldardagurinn sé ykkur fagnaðardagur.

• Miðlið hvert öðru hvernig þið getið „glaðst yfir Drottni“ á hvíldardegi. Börn ykkar gætu ef til vill teiknað hugmyndir sínar og sett þær í „kassa hvíldardagsgleði“. Þegar þau svo þurfa hugmyndir um hvað gera skuli á hvíldardegi, gætu þau dregið hugmynd úr kassanum.

• Þið gætuð boðið börnum ykkar að loka augum sínum þegar þið lesið Jesaja 60:1–3. Biðjið þau að opna augun þegar þau heyra orðið „ljós“ og loka þeim aftur þegar þau heyra orðið „myrkur“. Útskýrið að Jesús Kristur og fagnaðarerindi hans séu eins og ljós sem hjálpi okkur að sjá leiðina til baka til himnesks föður.

• Jesaja 65:17–25 lýsir því hvernig jörðin verður þegar frelsarinn kemur aftur. Þegar þið lesið þessi vers með börnum ykkar, hjálpið þeim þá að skilja hvernig lífið verður öðruvísi á hinni „nýju jörð“, eins og Jesaja tilgreindi. Af hverju verður þetta tími til að „gleðjast og fagna ævinlega“? (vers 18).

• Þið gætuð líka sungið saman söng um síðari komuna, eins og t.d. „Þegar hann kemur aftur“ (Barnasöngbókin, 82). Miðlið hvert öðru hverju þið hlakkið til varðandi endurkomu frelsarans. Hvað getum við gert til að búa okkur undir þann dag?