Isaias 40–49

Idi nabalud dagiti Israelita idiay Babilonia, mabalin a pampanunoten ti adu no agnanayon a napukawda ti lugarda kas pinili ti Dios, dagiti natulagan a tao ti Dios. Bayat ti panangbasam iti Isaias 40–49, sapulem dagiti binatog a mabalin a nakaipaay iti liwliwa ken namnama. Para iti tunggal binatog a masarakam, utobem ket isuratmo no ania ti mabalin a kinuna ti Apo kenka kadagitoy a bersikulo. Adtoy dagiti sumagmamano a mabalin nga irugim:

• 40:11, 29–31:

• 41:10–13, 17–18:

• 42:6–7:

• 43:1–7, 25:

• 44:1–4, 21–24:

• 46:3–4:

• 49:7–16:

Ania ti mariknayo a kayat ti Apo a maammuanyo maipapan Kenkuana?

Mabalin a madlawyo a ti himno nga “How Firm a Foundation” (Hymns, no. 85) naadaw kadagiti balikas ni Isaias iti Isaias 41:10; 43:2–5; 46:4. Ibilang ti panagkanta wenno panagdengngeg iti daytoy a himno, a mangsapul kadagiti kapada dagiti liriko ken dagitoy a bersikulo manipud iti Isaias. Kasano nga impatungpal ti Apo dagiti kari kadagitoy a bersikulo iti biagmo?

Kitaen met iti Patrick Kearon, “He Is Risen with Healing in His Wings: We Can Be More Than Conquerors,” Liahona, Mayo 2022, 37–40.

Iti intero nga Isaias 40–49 agsao ti Apo maipapan iti “katulonganna” ken dagiti “saksina.” Maibasar dagitoy a balikas ken ni Jesucristo (kitaen iti Isaias 42:1–7), iti balay ti Israel (kitaen iti Isaias 45:4), ken ken ni Ari Ciro, a nangipalubos kadagiti tao a Judio nga agsubli iti Jerusalem ken bangonen manen ti templo (kitaen iti Isaias 44:26–28; 45:1–4). Mabalinmo pay nga ibilang no kasano a mayaplikar dagiti binatog kas maysa a katulongan ken maysa a saksi ti Apo. Kas pagarigan, utobem dagiti saludsod kas kadagitoy:

Isaias 40:1–3, 9–11; 43:9–12. Iti ania a kaipapanan a maysaka a saksi ni Jesucristo? Ania dagiti “naimbag a damag“ a maibinglaytayo kas saksina? Mabalinmo a panunoten a naawaganka iti witness stand iti maysa a panagusig iti korte. Iti daytoy a pannakausig, naisaklang ni Jesucristo gapu iti panagsaona a naisurat iti Isaias 43:11. Ania a pammaneknek ti mabalinmo nga ited a mangsuporta iti panagkuna ni Jesus? Ania ti pakakitaan nga idatagmo manipud iti biagmo?

Isaias 41:8–13; 42:6; 44:21. Ania ti inyawag kenka ti Apo nga aramidem? Ibilangmo dagiti awag iti Simbaan a kas met iti dadduma pay a gundaway nga agserbi Kenkuana. Kasano a “binukel” wenno insagananakayo nga agbalin a katulonganna? Kasano a sinuportarannaka bayat ti panagserbim?

Isaias 49:1–9. Ania dagiti mensahe a masarakam kadagitoy a bersikulo a makatulong no kasla “maipaay iti awan, ken kinaubbaw” dagiti panangkagumaanmo ken panagserbim? (bersikulo 4).

Inulit-ulit nga impalagip ni Isaias kadagiti taona maipapan iti awan kaaspingna a bileg ti Dios, a kas maidilig iti nailubongan a bileg a nanglawlaw kadakuada. Sapulem daytoy a mensahe bayat ti panangbasam iti Isaias 40:3 8, 15–23; 42:15–16; ken 47:7–11 (kitaen a ti kapitulo 47 ket maiturong iti nangibalud iti Israel, ti Babilonia). Ania ti isuro dagitoy a binatog kenka maipapan kadagiti nailubongan a banag? Ania ti isuro kenka dagitoy maipapan iti Dios? Utobem no apay mabalin a napateg daytoy a mensahe kadagiti Judio iti pagbaludan. Apay a napateg daytoy kenka?

Bayat ti panangbasam iti Isaias 48:10, utobem ti bukodmo nga “horno ti parigatan.” Kasano ti “pananggugor” ti Apo kenka? Kasano a tulongannaka ti Isaias 49:13–16 no agsagabakayo kadagiti rigat?

Kitaen met iti “The Refiner’s Fire” (video), Gospel Library.

5:2

• Mangpanunot iti sumagmamano a wagas a mangiladawan no ania ti mabalin a kaipapanan ti “isaganayo … ti dalan ti Apo,” kas nailadawan iti Isaias 40:3–5. Kas pagarigan, mabalinmo ken dagiti annakmo ti mangpalinteg iti maysa a banag a nakillo, mangdalus iti narugit a suelo, wenno mangpalinis iti maysa a pagnaan iti nabato a daga. Mabalinmo pay nga ipakita dagiti ladawan da Juan Bautista ken Joseph Smith (kitaen iti Libro ti Arte ti Ebanghelio, dagiti num. 35,87). Kasano nga isaganada iti dalan para iti yaay ti Apo? (kitaen iti Lucas 3:2–18; Doktrina ken Katulagan 135:3). Kasano a makatulongtayo? Mabalin a gundaway daytoy a pagsaritaan no kasano a tumulong dagiti Aaronic Priesthood holder a mangisagana iti dalan ti Apo (kitaen iti Doktrina ken Katulagan 84:26–28).

• Kalpasan ti panangbasayo iti Isaias 43:10 nga aggigiddan, saludsodem kadagiti annakmo maipapan iti no ania ti kayat a sawen ti agbalin a maysa a saksi. Ibinglay iti tunggal maysa dagiti banag a napadasanyo a makapagbalinkayo a maysa a “saksi” ti—kas pagarigan, ti taraon a rinamananyo, maysa a lugar a sinarungkaranyo wenno maysa a tao nga am-ammoyo. Ania ti kaipapanan ti panagbalin a saksi ti Apo? Ania ti mabalintayo nga isarita iti dadduma a tattao maipapan Kenkuana?

• Kalpasan ti panangbasa kadagitoy a bersikulo, mabalin dagiti annakmo ti agsibug iti mula ken pagsasaritaan maipapan kadagiti bendision nga imbukbok ti Apo kadakuada. Ania ti mapasamak iti maysa a mula no sibugantayo daytoy? Kasano a tinulongannatayo a dumur-as dagiti bendision ti Apo?

• Dagiti ladawan wenno video dagiti karayan ken dalluyon ti taaw ket makatulong kadagiti annakyo a mangiladawan iti panunotda ti Isaias 48:18 (kas kadagiti ladawan iti daytoy a balabala). Mabalin a magunstuan dagiti annakmo ti manggaraw kadagiti ima ken takiagda kas iti karayan ken dagiti dalluyon ti baybay. Kasano a maipada ti talna iti maysa a karayan? Kasano a maipada ti kinalinteg kadagiti dalluyon? Isaritam maipapan iti no kasano a nakatulong kenka ti panagtungpal kadagiti bilin ti Dios a makarikna iti talna a kas iti maysa a karayan wenno napigsa kas maysa a dalluyon.

• Aggigiddan nga agkansion iti maysa a kanta maipapan kadagiti bilin, kas iti “Keep the Commandments” (Children’s Songbook, 146–47). Ania ti isuro daytoy a kanta maipapan iti no apay a nasken a tungpalentayo dagiti bilin ti Dios?

• Isaias 49:14–16 ket mabalin a dakkel a liwliwa kadagiti annakyo iti sumaganad a tawtawen. Bayat ti panangbasam iti bersikulo 14, mabalinmo nga isarita maipapan no ania ti mabalin a mangiparikna kadagiti tao a nalipatan wenno nabaybay-anda. Kasano nga ammotayo a dinatayo nalipatan ti Apo?

• Tapno mayam-ammo dagiti bersikulo 15–16, mabalinmo a saludsoden kadagiti annakmo maipapan iti maysa a tao a didanto kaano man malipatan, kas iti maysa a miembro ti pamilia wenno gayyem. Segun iti Isaias 49:15–16, apay a dinatayto malipatan ti Apo iti kaano man? Kalpasanna mabalinyo nga ibinglay iti tunggal maysa maipapan ken ni Jesucristo.