“Tebetembwa 28–Okitobwa 4. “Kam na Kabebetei Nanoia Au Aomata”: 40–49,” Nakomai, Iriirai—Ibukin te Mweenga ao te Taromauri: Te O Tetemanti 2026 (2026)
“Tebetembwa 28–Okitobwa 4. ‘Kam na Kabebetei Nanoia Au Aomata,’” Nakomai, Iriirai: Te O Tetemanti 2026
Kamarurungan te Mwaane ae Mataki, iroun Carl Heinrich Bloch, at the Frederiksborg Museum of National History
Tebetembwa 28–Okitobwa 4: “Kam na Kabebetei Nanoia Au Aomata”
Itaia 40–49
“Kabebetean te nano” bon ana moan taeka Itaia mwakoro 40. E kanikinaea moanakin te namakin ae kaokoro, katuruturuan kaokoron ana rongorongo te burabeti. Ana koroboki Itaia n taai ake ngkoa a kauringaki Iteraera ao Iuta ibukin te kamaunaaki ao te tautaekanaki are e na roko ibukin aia bure. Ma taetae ni burabeti aika imwiina a bon nanonaki ibukin kabebetean nanoia aomata aika Iutaia ae riaon 150 te ririki n taai aika a na roko—imwiin uruakan Ierutarem ao te tembora ao aomata a tautoronaki irouia i Baburon. Ma taetae ni burabeti aikai, ma, a bon waaki nako inanon taai aika a na roko nakoia Iteraera ake a konaaki man bwarananoia. A taetae nakoira, are n tabetai a namakina te konaaki, bwarannano, ao te bua.
Ana rongorongo Itaia nakoia ana aomata ao nakoira e bon beebete: “Tai maaku” (Itaia 43:1). Ma aki bua ni kabane. E aki mwaninga taekam te Uea, ao iai mwaakana iaon kangaanga nako are e a riaon am konaa. Tiaki te Uea, are “karika karawa” (taia 42:5), e korakora riki nakon Baburon, nakon te bure, nakon bwaai nako ake ti tautaekanaki iai? “Ko na okirai,” E bubuti, “ba I kamaiuko ni kaboko” (Itaia 44:22). E kona ni kamaiu, ni kaoka, ni kakorakora, ni kabwara te bure, ao ni kabebetea te nano—bwaai nako ake ko kainnanoi, ni kaineti ma arom, ni kaboan maium.
Iango ibukin te Kamatebwai n te Mweenga ao n te Taromauri
Itaia 40–49
E kona Iesu Kristo ni kabebetea nanou ao n anganai te kantaninga.
Ngke a tautaekanaki tibun Iteraera i Baburon, a mwaiti aika a miimi ngkana a tia ni bua aia tabo ngkai bon ana aomata ni berita te Atua, aika e a tia n rineiia. Ngkai ko wareka Itaia 40–49, tarai ikota ni kibuntaeka are a na kona ni katauraoa te kabebeteaki n nano ao te kantaninga. Ibukin ikota ni kibuntaeka n tatabeua nako ake ko kunei, iangoia raoi ao koroi mwiin bwaai ake e na taekin te Uea nakoim inanon kiibu aikai. Aikai kiibu tabeua aika ko na waaki ma ngaai:
-
40:11, 29–31:
-
41:10–13, 17–18:
-
42:6–7:
-
43:1–7, 25:
-
44:1–4, 21–24:
-
46:3–4:
-
49:7–16:
Tera ae ko namakinna bwa e tangiriko te Uea bwa ko na ataa rongorongona?
Te anene n taromauri “How Firm a Foundation” (Te Boki n Anene n Taromauri,, nambwa 85) e anaaki man ana taeka Itaia n Itaia 41:10; 43:2–5; 46:4. Iangoia anene ke ongora n te anene n taromauri aei, tarai baika ti te arona imarenan taekan te kuna ao kiibu aikai man Itaia. E kanga te Uea ni kakoroa bukin te berita ni kiibu aikai inanon maium?
Taraa naba Patrick Kearon, “He Is Risen with Healing in His Wings: We Can Be More Than Conquerors,” Riaona, Meei 2022, 37–39.
Kabonganai Tabeua Riki Booki aika Tabu Riki. N tabetai ti kona ni mataata riki n te O Tetemanti ngkana ti karin kiibu man ana Boki Moomon ibuakon ara kamatebwai. N aron te katooto, burabeti n ana Boki Moomon aika Nibwaai ao Iakobwa a tia ni karekei ana koroboki Itaia iaon bwaatua aika buraati (taraa 1 Nibwaai 19:22–23), ao a kabonganai taetae ni burabeti aikai n reiakina taekan te Tia Kamaiu. N reiakinna bwa e kanga Nibwaai ao Iakobwa ni kabotaua Itaia 48–49 nakoia aia aomata, taraa 1 Nibwaai 22. Are a na buokiko ni kabotaui mwakoro aikai nakon oin maium.
Man te ongeaaba iroun te Uea, ti kona ni karekea te “rau … ai aron te karanga” (Itaia 48:18).
Itaia 40–49
“Bon au toro ngkoe.”
Rinanon Iatai 40–49 ni kabane e taetae te Uea ibukiia Ana “toro” ao Ana “tia kakoaua.” Taeka aikai a taraa ni kaineti nakon Iesu Kristo (taraa Itaia 42:1–7), nakon te bata are Iteraera (taraa Itaia 45:4), ao nakon te Uea are Tairati, are e kariaia taian Iutaia bwa a na oki nako Ierutarem ao ni manga katea te tembora (taraa Itaia 44:26–28; 45:1–4). Ko na bae n iangoia bwa a kanga ikota ni kibuntaeka ni kaineti nakoim ae ana toro ao ana tia kaotioti te Uea. N aron te katooto, iangoi raoi titiraki aikai:
Itaia 40:1–3, 9–11; 43:9–12. N te kawai raa are ko a riki bwa ana tia kaotioti Iesu Kristo? Tera te “rongorongo ae kakukurei” are ko kona n tibwaia ngkai ngkoe Ana tia kakoaua? Ko na bae n iangoia bwa ko a weteaki nakon te tia kakoaua are e tei inanon te tabo ni kabowii. N te bowi aei, Iesu Kristo e bukinaki bwa e taekina te bwai are e koreaki n Itaia 43:11. Tera am kakoaua ae ko na anga ni boutoka Iesu ae boni ngaia ni koaua? Teraa bwaai ni kakoaua mani maium ae ti na kaotia?
Itaia 41:8–13; 42:6; 44:21. Tera ae e weteiko te Uea bwa ko na karaoia? Iangoi ana wewete te Ekaretia n ai aron naba mwioko tabeua ni beku ibukina. E kanga ni “karikiko” ke ni katauraoiko bwa ko na riki bwa Ana toro? E kanga ni boutokaiko ngkai ko beku?
Itaia 49:1–9. Tera taian rongorongo ake ko kunei inanon kiibu aikai are a kona ni buokiko ngke am konabwai ao am mwakuri ni ibuobuoki a taraa n “akea uana, ao akea naba mwina”? (te kibu4).
Itaia 40:3–8, 15–23; 42:15–16; 47:7–11
Mwaakan te Atua e korakora rikin nakon mwaakan te aonaaba.
Itaia e kaokiokia ni kauringiia ana aomata ibukin mwaakan te Atua ae akea kabotauana, ni kabotauaki nakon mwaakan te aonaaba ae kananokawaki are a katobibiaki iai. Kakaea taekan te rongorongo aei ngkai ko wareka Itaia 40:3–8, 15–23; 42:15–16; ao 47:7–11 (taraia bwa mwakoro 47 e koreaki nakon te tia tauia taenikai ibukin Iteraera, Bwaburon). Tera ae reireiniko ikota ni kibuntaeka aikai ibukin bwain te aonaaba? Tera ae a rereiniko ibukin te Atua? Iangoia raoi bukin tera ngkai e bae n rangi ni kakawaki nakoia ana aomata Iutaia ake a mena inanon te tautoronaki. Bukin tera e kakawaki iroum?
Itaia 48:10; 49: 13–16
E kona te Uea ni kanakoraoai rinanon karawawataau.
Ngkai ko wareka Itaia 48:10, iangoa oin am “nenikanaiai ae karawawataam.” E kanga te Uea “ni kaitiakiko”? E kanga Itaia 49:13–16 ni buokiiko ngkana ko karawawataaki?
Taraa naba “The Refiner’s Fire” (witeo), Gospel Library.
The Refiner's Fire
Ibukin iango riki tabeua, taraa te beeba ni kaongora n te namwakaina aio n te Riaona ao Ibukin Kakorakoraia Kairake maekatiin.
Iango ibukin Reiakinaia Ataei
Itaia 40:3–5
I kona n ibuobuoki ni katauraoa “kawain te Uea.”
-
Iangoi tabeua kawai ni kamataata tera ae nanonaki n “katauraoa … kawain Iehova,” n aron ae kabwarabwaraaki n Itaia 40:3–5. N aron te katooto, ko kona ma am ataei ni kaeta te bwai ae bwaoua, kaitiaka te burooa ae baareka, ke katiaka te kawai iaontano ae kiriatiibu. Ko kona naba ni kaota tamnein Ioane te Tia Bwabetio ao Iotebwa Timiti (taraa Boki n Tamnei n te Euangkerio, nambwa 35, 87). A kanga ni katauraoa te kawai ibukin Okin te Uea (taraa Ruka 3:2–18; Reirei ao Berita aika Tabu 135:3). Ti na kangaa n ibuobuoki? E na kona n riki aei bwa te tibwanga ni maroroakinna bwa a kanga kaain te Nakoanibonga ae te Aaron n ibuobuoki ni katauraoa kawain te Uea (taraa Reirei ao Berita aika Tabu 84:26–28).
Itaia 43:10
I kona n riki bwa ana tia kakoaua te Uea.
-
I mwiin warekan Isaiah 43:10 n bootaki, ko kona ni maroroakinna bwa tera ae nanonaki ae ko na riki bwa te tia kakoaua. Tibwaia imarenami bwaai ake ko a tia n rinanona are ko na n riki bwa te tia “kakoaua”—n aron te katooto, te amwarake ae kangkang ae ko a tia ni katongnga, te tabo ae ko a tia ni kawaria, ke te aomata ae ko kinaa. Tera ae nanonaki bwa ko na riki bwa ana tia kakoaua te Uea? Tera ae ti kona n tuangiia tabeman Ibukina?
Itaia 44:3–4; 45:8
Te Uea e na “urakin” Ana kakabwaia iaou.
-
Imwiin warekan kiibu aikai, a kona am atae n teboka te aroka ngkai ko maroroakin kakabwaia ake e urakin te Uea nako aoia. Tera ae na riki nakon te aroka ngkana ti tebotebokia? E kanga ana kakabwaia te Uea ni buokira n rikirake?
Ara “raoiroi [a kona n rik] ai aron naon marawa” (Itaia 48:18).
Itaia 48:17–18
Kawakinan ana tua te Atua e uota te rau.
-
Witeo ke tamnein te karaanga ao naoni marawa a kona ni buokiia am ataei ni katamneia n aia iango ae Itaia 48:18 (n aron te tamnei inanon te kamataata aei). A na bae n unga am ataei ni kakamwakurii baia ao angaia kanga n aron te karaanga ao naon marawa. E kanga te rau n titebo ma aekakin te karaanga? E kanga te rau n titebo ma aekakin taian nao? Taetae iaon aron buokam man kawakinan ana tua te Atua n namakina te rau n aron te nao ae korakora.
-
Baane anenea te anene ibukin te tua, n aron “Keep the Commandments” (Aia Boki n Anene Ataei,, 146–47). Tera te bwai ae reireiniko te anene aei bwa bukin tera ngkai ti riai ni kawakin ana tua te Atua?
Itaia 49:14–16
Te Uea e na bon aki kona ni mwaninga taekau.
-
Itaia 49:14–16 e kona riki bwa kabebeteakin nanoia am ataei inanon ririki aika a na roko. Ngkai ko wareka te kibu 14, ko kona ni maroroakinna tera ae karikiia aomata bwa a namakina ae a mwanuokinaki ke ni kitanaki. Ti na kanga n ataia ae E aki mwaninga taekara?
-
Ni kabwarabwarai kiibu 15–16, ko kona n titirakiniia am ataei temanna are aki kona ni mwaninga taekana, n aroia kaain am utu ke raoraom. Ni kaineti ma Itaia 49:15–16, bukin tera te Uea e na aki kona ni mwaninga taekara? I mwiina kam kona n tibwaia i marenami am namakin ibukin Iesu Kristo.
Ibukin iango riki tabeua, taraa te beeba ni kaongora n te namwakaina aio n te Te Rao maekatiin.