UIsaya 1–12

UMsindisi, ethetha ngo- [Isaya], wathi, “zonke izinto awazithethayo zibekho kwaye zisaya kubakho, kwanangokunxulumene namazwi awayewathethile” (3 Nifayi 23:3). Njengoko ufunda incwadi kaIsaya, cinga ngokwenza itshati yeziprofeto enezihloko ezifana nezi: Umhla kaIsaya, Ubulungiseleli basemhlabeni boMsindisi, kunye Nemihla yokugqibela. Phawula ukuba iziprofeto ezininzi zikaIsaya zizaliseka ngeendlela ezininzi (bona IsiKhokelo kwiZibhalo, “Isaya”).

UMongameli Dallin H. Oaks wafundisa: “Incwadi ka-Isaya iqulethe intaphane yeziprofeto ezibonakala zinenzaliseko ezininzi. Omnye ubonakala ebandakanya abantu bomhla kaIsaya okanye iimeko zesizukulwana esilandelayo. Enye intsingiselo, edla ngobangumqondiso, ibonakala ibhekisa kwiziganeko zexesha eliphakathi, xa iYerusalem yatshatyalaliswayo baza abantu bayo bathi saa emva kokubethelelwa koNyana kaThixo. Enye intsingiselo okanye inzaliseko yesi siprofeto sinye ibonakala inxulumene neziganeko zokuza kweSibini koMsindisi. Inyaniso yokuba uninzi lwezi ziprofeto zinokuba neentsingiselo ezininzi igxininisa ukubaluleka kokufuna kwethu isityhilelo kuMoya oyiNgcwele ukuze asincede sizitolike” (“Scripture Reading and Revelation,” Ensign, EyoMqungu1995, 8).

Njengabaprofeti kumaxesha onke, uIsaya waqhubeka ebalumkisa abantu ngemeko yabo yokomoya. Njengoko ufunda UIsaya 1; 3, 5, khangela amabinzana achaza indlela abantu ababeqhuba ngayo ngokomoya (bona, ngokomzekelo, UIsaya 1:2–4, 21–23; 3:9, 16–17; 5:11–12, 20–23). Ziziphi iingxaki ezifanayo ozibonayo kwixesha lethu? Unokukhangela kananjalo imiqolo ezilumkisa ngemiphumo yemeko yokomoya yamaSirayeli (ezifana no Isaya 1:7; 3:17–26; 5:5– 7, 13–15).

Ukongeza kwizilumkiso, uIsaya wanika imiyalezo yethemba lentlawulelo ngoMsindisi (bona, ngomzekelo UIsaya 1:16–19, 25–27; 3:10; 4). Yintoni oyifundayo malunga neNkosi kule miyalezo? Wahluke njani umyalezo weNkosi kule miqolo kulo uSathana afuna ukuba siwukholelwe?

NjengoIsaya, abaprofeti namhlanje bayasilumkisa ngesono nemiphumo yaso, yaye banikela imiyalezo yethemba ngoYesu Krestu. Yeyiphi eminye imizekelo onokucinga ngayo? Ungafuna ukuphonononga umyalezo osuka kwikomfa yajikelele edlulileyo, ujonge ezo zilumkiso nezithembiso.

Uninzi lweziprofeto zikaIsaya lunentsingiselo ekhethekileyo kumhla wethu. Ukuze uzifumane, khangela izenzi zexesha elizayo (ezifana no “iyakuba” okanye “uya kuhamba”). Ngokomzekelo, khangela ezi zenzi njengoko ufunda UIsaya 2; 4; 11-12. Ungazama ukuzitshintsha ngezenzi zexesha langoku (ezifana no i okanye uyahamba). Ziziphi iziprofeto ezikukhuthazayo ngokukhethekileyo? Ufunda ntoni kwezi ziprofeto ngeZiyon, ukwakha iitempile, nokuhlanganisa uSirayeli?

UIsaya 2:2–3 ubaluleke kakhulu kwabaNgcwele beMihla yokuGqibela. Zizaliseka njani ezi ziprofeto? Ufunda ntoni “ngeendlela” zeNkosi endlwini yaYo? (umqolo 3).

Bona kananjalo UIsaya 5:26; “High on the Mountain Top,” Hymns, no. 5.

Ku isahluko 6, uIsaya ubalise ngobizo lwakhe lokuba ngumprofeti. Njengoko ufunda esi sahluko, yintoni ekuchukumisayo ngoko kwenzeka kuIsaya? Esi sahluko siyiphembelela njani indlela ocinga ngayo ngeNkosi, ngabaprofeti baYo, nangomsebenzi ebabizelwe wona?

Ngexesha lobulungiseleli bukaIsaya, uSirayeli wazimanya neSiriya ukuze azikhusele kwi-Asiriya. USirayeli neSiriya zazifuna ukunyanzela uAhazi, ukumkani wakwaYuda, ukuba azimanye nabo. Kodwa uIsaya waprofeta ukuba olo manyano lwaluya kusilela waza wamcebisa uAhazi ukuba akholose ngeNkosi (UIsaya 7:7–9; 8:12–13).

Njengoko uIsaya wacebisa uAhazi, wenza iziprofeto ezininzi ezaziwayo, ezinjengezo zifumaneka ku Isaya 7:14; 8:13–14; 9:2, 6–7. Nokuba ezi ziprofeto zazithetha ukuthini kuAhazi, ngokucacileyo zisebenza kuYesu Krestu (bona kananjalo UMateyu 1:21–23; 4:16; 21:44; ULuka 1:31–33). Kutheni igama elithi “Imanuweli” lisisibizo esilungileyo soMsindisi? (bona UMateyu 1:23). Ube “Ngumcebisi” okanye “iNkosana Yoxolo” njani kuwe? (UIsaya 9:7). Yintoni oyifundayo ngoMsindisi kule miqolo?

• Ku Isaya 1:2–4, wena nabantwana bakho ninokufumana izizathu zokuba iNkosi yayonwabali ngabantu. Phawula uthelekiso kunye nezilwanyana ku mqolo 3—ngubani “inkosi” yethu? Sibonisa njani ukuba siyamazi Yena?

• Ukuze ube nomfanekiso-ngqondweni ka Isaya 1:16–18, wena nabantwana bakho ningajonga into ebomvu eqaqambileyo nento emhlophe qhwa. Okanye ninokusebenza kunye ukuze nihlambe into ethile. Siba ngabangacocekanga njani ngokomoya? UYesu usinceda njani ukuba sicoceke? Yintoni esiiyifundayo ngoMsindisi kule miqolo? Yabelana nabantwana bakho ngendlela oziva ngayo ngYye kwaye noko akwenzele kona.

• UIsaya wabona kwangaphambili ixesha xa “intaba yendlu yeNkosi” iya kutsala abantu bazo “zonke iintlanga” (UIsaya 2:2). Ungabanceda njani abantwana bakho bazive benemincili ngokuya endlwini yeNkosi? Unokubamema ukuba bazobe umfanekiso wekhaya labo. Emva koko fundani kunye UIsaya 2:2, kwaye ubameme ukuba bazobe umfanekiso “wendlu yeNkosi,” oyitempile. Fundani UIsaya 2:3 kunye. Bameme ukuba bongeze kwimifanekiso yabo abantu abaninzi abeza etempileni, kuquka neentsapho zabo.

• Ningafunda kananjalo UIsaya 2:2–3 kunye kwaye nichonge into enikhuthazayo nabantwana bakho ukuba niye etempileni. Emva koko, emva kokufunda UIsaya 2:4 kunye, ningaxoxa ngendlela itempile ebazisela ngayo uxolo. Ngokomzekelo, phambi kokuba ucule iculo elingeetempile, ungacela abantwana ukuba baphakamise izandla ukuba bayibonile itempile. Nceda abantwana bakho bafumane amagama kwingoma afundisa ukuba itempile iyintoni na kwaye yintoni esiyenzayo kuyo.

• Ukwazisa iziprofeto zikaIsaya ezingoKrestu, wena nabantwana bakho ninokuthetha ngezibizo zabantu, njengomongameli, ubhishophu, okanye utitshala. Ezi zibizo zisixelela ntoni ngaba bantu? Nceda abantwana bakho bafumane izihloko zikaYesu Krestu UIsaya 7:14 kunye 9:6–7 (bona kananjalo iphepha lomisebenzi wale veki). Isihloko ngasinye kwezi zifundisa ntoni ngaYe? Yintoni esiyifundayo malunga noYesu Krestu kule miqolo?

• Ungabelana nabantwana bakho “U-Isaya uMprofeti” (kuwo Amabali eTestamente eNdala, 150–51). Yima ngamaxesha athile ukuze ubuze ngoko uIsaya wayekwazi ngoYesu Krestu kwiminyaka emininzi ngaphambi kokuba Yena azalwe. Unokusebenzisa emva koko UMateyu 1:21–23; ULuka 1:31–33 ukuze uthethe ngendlela iziprofeto zikaIsaya eziku Isaya 7:14; 9:6–7 zazaliseka ngayo.

  

  1:18