یسعیاہ 1–12

نجات دہندہ نے سِکھایا کہ ”وہ سب باتیں جو [یسعیاہ] نے کی ہیں اور ہوں گی، حتیٰ کہ اُس کلام کے مُطابق جو اُس نے کہی ہیں“ (3 نِیفی 23:‏3)۔ جب آپ یسعیاہ کی کِتاب کا مُطالعہ کرتے ہیں، تو اِس طرح کی شہ سُرخیوں کے ساتھ نبُوتوں کا جدول بنانے پر غور کریں جیسے کہ: یسعیاہ کا زمانہ، نجات دہندہ کی فانی خِدمت، اور ایّامِ آخِر۔ غور کریں کہ یسعیاہ کی بُہت سی نبُوتیں ایک سے زیادہ طریقوں سے پُوری ہوتی ہیں (دیکھیں لُغت بائبل، ”یسعیاہ“)۔

صدر ڈیلن ایچ اوکس نے سِکھایا: ”یسعیاہ کی کِتاب متعدد نبوتوں پر مُشتمل ہے جو بظاہر مُتعدد طریقوں سے پُوری ہوتی ہیں۔ بظاہر یسعیاہ کے زمانے کے لوگوں یا اگلی نسل کے حالات سے مُتعلق معلُوم ہوتی ہے۔ ایک اور مفہُوم، اکثر علامتی، ظاہر درمیانی زمانے کے واقعات کی طرف اِشارہ کرتا ہے، جب یروشلیم تباہ ہُوا اور خُدا کے بیٹے کی مصلُوبیت کے بعد اُس کے لوگ مُنتشر ہو گئے۔ اِسی نبُوت کا ایک اور مطلب یا تکمیل بظاہر اُن واقعات سے مُتعلقہ معلُوم ہوتی ہے جو نجات دہندہ کی آمدِ ثانی کے ساتھ وابستا ہے۔ یہ حقیقت کہ اِن میں سے بُہت سی نبُوتیں مُتعدد معانی رکھ سکتی ہیں اِس بات کی اہمیت کو اُجاگر کرتی ہے کہ ہم اِن کی تشریح میں مدد کے لیے رُوحُ القُدس سے مُکاشفہ حاصِل کرنے کی کوشِش کریں“ (”صحائف کا مُطالعہ اور مُکاشفہ،“ اِنزائن، جنوری 1995، 8)۔

ہر زمانے میں نبیوں کی مانِند، یسعیاہ مُسلسل لوگوں کو اُن کی رُوحانی حالت کے بارے خبردار کرتا ہے۔ جب آپ یسعیاہ 1؛ 3؛ 5 پڑھتے ہیں، تو اُن فِقرات کو تلاش کریں جو بیان کرتے ہیں کہ لوگ رُوحانی طور پر کیسی حالت میں تھے (دیکھیے، مِثال کے طور پر، یسعیاہ 1:‏2–4، 21–23؛ 3:‏9، 16–17؛ 5:‏11–12، 20–23)۔ آپ ہمارے زمانے میں اِسی طرح کے مسائل دیکھتے ہیں؟ آپ اِن آیات کو بھی تلاش کر سکتے ہیں جو اِسرائیلوں کی رُوحانی حالت کے نتائج کے بارے میں خبردار کرتی ہیں (جیسا کہ یسعیاہ 1:‏7؛ 3:‏17–26؛ 5:‏5–7، 13–15)۔

اِنتباہات کے عِلاوہ، یسعیاہ نے مُنّجی کے وسیلے سے مُخلصی کی اُمید کے پیغامات دِیے (دیکھیے، مِثال کے طور پر، یسعیاہ 1:‏16–19، 25–27؛ 3:‏10، 4)۔ آپ اِن پیغامات میں سے خُداوند کی بابت کیا سیکھتے ہیں؟ اِن آیات میں خُداوند کا پیغام اِس سے کیسے مُختلف ہے جس پر شیطان چاہتا ہے کہ ہم اِیمان لائیں؟

یسعیاہ کی مانِند، اَنبیا آج ہمیں گُناہ اور اِس کے نتائج کے بارے میں خبردار کرتے ہیں، اور وہ یِسُوع مسِیح کے وسیلے اُمید کے پیغامات فراہم کرتے ہیں۔ آپ کون سی مِثالوں کے مُتعلق سوچ سکتے ہیں؟ آپ ماضی کی کسی مجلسِ عامہ کے پیغام کا جائزہ لینا چاہیں گے، جس میں ایسی اِنتباہات اور وعدے شامِل ہوں۔

یسعیاہ کی بُہت سی نبُوتیں ہمارے زمانہ کے لیے مخصُوص معانی رکھتی ہیں۔ اُنھیں تلاش کرنے کے لیے، زمانہِ مُستقبل کو تلاش کریں (جیسا کہ ”ہو گا“ یا ”جائے گا“)۔ مِثال کے طور پر، جب آپ یسعیاہ 2؛ 4؛ 11–12 کو پڑھتے ہیں تو اِن افعال کو تلاش کریں۔ آپ اُنھیں زمانہِ حال کے فعل سے بھی بدلنے کی کوشِش کر سکتے ہیں (جیسے کہ ہے یا رہا ہے)۔ آپ کو یسعیاہ کی کون سی نبُوتیں خاص طور پر مُتاثر کُن لگتی ہیں؟ اِن نبُوتوں سے آپ صیون، ہَیکلوں کی تعمیر، اور اِجتماعِ اِسرائیل کے بارے میں کیا سیکھتے ہیں؟

یسعیاہ 2:‏2–3 بالخصُوص مُقدّسِینِ آخِری ایّام کے واسطے مُتعلقہ ہے۔ یہ نبُوتیں کیسے پُوری ہو رہی ہیں؟ آپ اُس کے گھر میں خُداوند کی ”خیالوں“ اور ”راہوں“ کے بارے میں کیا سیکھتے ہیں؟ (آیت 3)۔

مزید دیکھیے یسعیاہ 5:‏26؛ ”پہاڑ کی چوٹی پر بُلند،“ گیت، نمبر 5۔

یسعیاہ 6 میں، یسعیاہ نے نبی کے طور پر اپنی بُلاہٹ کا ذِکر کِیا۔ جب آپ اِس باب کو پڑھتے ہیں، تو یسعیاہ کے تجربے کے بارے میں آپ کو کیا بات مُتاثر کرتی ہے؟ یہ باب خُداوند، اُس کے نبیوں، اور اُس کام کے بارے میں آپ کے سوچنے کے طریقے پر کیسے اثر انداز ہوتا ہے جو وہ کرنے کے لیے بُلائے گئے ہیں؟

یسعیاہ کی خِدمت کے دوران میں، اِسرائیل نے اسور کے خلاف اپنے دفاع کے لیے ارام کے ساتھ اِتحاد قائم کِیا۔ اِسرائیل اور ارام، یہُوداہ کے بادشاہ، اخز کو اپنے ساتھ شامل ہونے پر مجبُور کرنا چاہتے تھے۔ لیکن یسعیاہ نے نبُوت کی کہ اِتحاد ناکام ہو جائے گا اور اخز کو خُداوند پر بھروسا کرنے کی مشورت دی گئی تھی (یسعیاہ 7:‏7–9؛ 8:‏12–13)۔

جب یسعیاہ نے اخز کو مشورت دی، تو اُس نے کئی مشہُور و معرُوف نبُوتیں کِیں، جیسا کہ یسعیاہ 7:‏14؛ 8:‏13–14؛ 9:‏2، 6–7۔ اِن نبُوتوں کا اخز کے لیے جو بھی مطلب ہو، وہ واضح طور پر یِسُوع مسِیح پر لاگُو ہوتی ہیں (مزید دیکھیے متّی 1:‏21–23؛ 4:‏16؛ 21:‏44؛ لُوقا 1:‏31–33)۔ ”اِعمانُوایل“ مُنّجی کے لیے بہترین لقب کیوں ہے؟ (دیکھیے متّی 1:‏23)۔ وہ آپ کے لیے کیسے ”مُشیر“ یا ”سلامتی کا شہزادہ“ رہا ہے؟ (یسعیاہ 9:‏7)۔ اِن آیات سے آپ نجات دہندہ کی بابت اور کیا سیکھتے ہیں؟

• یسعیاہ 1:‏2–4 میں، آپ اور آپ کے بچّے ایسی وجوہات تلاش کر سکتے ہیں کہ خداوند لوگوں سے کیوں ناخُوش تھا۔ آیت 3 میں جانوروں کے ساتھ موازنہ کرنے پر غور کریں—ہمارا ”آقا“ کون ہے؟ ہم کس طرح دِکھاتے ہیں کہ ہم اُسے جانتے ہیں؟

• یسعیاہ 1:‏16–18 کو بہتر طور پر سمجھنے کے لیے، آپ اور آپ کی اولاد کسی روشن سُرخ اور کُچھ بے داغ سفید چیزوں کو دیکھ سکتے ہیں۔ یا شاید آپ مِل کر کُچھ دھوئیں تاکہ اِس آیت کو بہتر طور پر سمجھ سکیں۔ ہم رُوحانی طور پر کس طرح ناپاک ہوتے ہیں؟ یِسُوع ہمیں کیسے پاک صاف کرتا ہے؟ ہم اِن آیات سے مُنّجی کی بابت کیا سیکھتے ہیں؟ اپنے بچّوں کے ساتھ تذکرہ کریں کہ آپ اِس کے بارے میں کیا محسُوس کرتے ہیں اور اُس نے آپ کے واسطے کیا کِیا ہے۔

• یسعیاہ نے ایک ایسا وقت دیکھا جب ”خُداوند کے گھر کا پہاڑ سب قوموں“ کو اپنی طرف راغب کرے گا (یسعیاہ 2:‏2)۔ آپ اپنی اولاد کو خُداوند کے گھر جانے کے لیے کس طرح پُرجوش بنا سکتے ہیں؟ آپ اُنھیں اپنے گھر کا تصویری خاکہ بنانے کی دعوت دے سکتے ہیں۔ پھر آپ اِکٹھے یسعیاہ 2:‏2 پڑھیں، اور اُنھیں ”خُداوند کے گھر“ جو کہ ہَیکل ہے، کا تصویری خاکہ بنانے کی دعوت دیں۔ اِکٹھے مِل کر یسعیاہ 2:‏3 پڑھیں۔ اُنھیں اپنے تصویری خاکے میں بُہت سے لوگوں کو ہَیکل آتے ہُوئے شامِل کرنے کی دعوت دیں، جن میں اُن کے اہلِ خانہ بھی ہوں۔

• آپ اِکٹھے مِل کر یسعیاہ 2:‏2–3 بھی پڑھ سکتے ہیں اور کسی ایسی چیز کی نِشان دہی کر سکتے ہیں جو آپ کو اور آپ کے بچّوں کو ہَیکل میں جانے کی ترغیب دے۔ پھر، اِکٹھے یسعیاہ 2:‏4 پڑھنے کے بعد، آپ گُفت و شُنید کر سکتے ہیں کہ ہَیکل اُنھیں کیسے اِطمینان بخشتی ہے۔ ہَیکل کے بارے میں گیت گانے پر غور کریں، مثلاً ”مَیں ہَیکل دیکھنا چاہتا ہُوں“ (بچّوں کے گیتوں کی کِتاب، 95)۔ اپنے بچّوں کی مدد کریں کہ گیت میں وہ الفاظ تلاش کریں جو یہ سِکھاتے ہیں کہ ہَیکل کیا ہے اور ہم وہاں کیا کرتے ہیں۔

• یسعیاہ کی مسِیح کی نبُوتوں کو مُتعارف کرانے کے لیے، آپ اور آپ کے بچّے صدر، بِشپ، یا مُعلم جیسے لوگوں کے القاب کی بابت بات کر سکتے ہیں۔ یہ القاب اِن لوگوں کے بارے میں ہمیں کیا بتاتے ہیں؟ اپنے بچّوں کی یسعیاہ 7:‏14 اور 9:‏6–7 میں یِسُوع مسِیح کے القاب تلاش کرنے میں مدد کریں (مزید دیکھیے اِس ہفتے کی عملی سرگرمی کا صفحہ)۔ اِن میں سے ہر ایک لقب اُس کی بابت کیا سِکھاتا ہے؟ ہم اِن آیات سے یِسُوع کی بابت اور کیا سیکھتے ہیں؟

• آپ اپنے بچّوں کے ساتھ ”یسعیاہ نبی“ (پُرانے عہد نامے کی کہانیوں میں، 150–51) کا بھی اِشتراک کر سکتے ہیں۔ وقفے وقفے سے یہ پُوچھنے کے لیے کہ یسعیاہ اپنی پیدایش سے کئی برس پہلے یِسُوع مسِیح کی بابت جانتا تھا۔ پھر آپ متّی 1:‏21–23؛ لُوقا 1:‏31–33 کا اِستعمال کر کے بات کر سکتے ہیں کہ یسعیاہ 7:‏14؛ 9:‏6–7 میں کی گئی یسعیاہ کی نبُوتیں کیسے پُوری ہوئیں۔

  

  1:18