Ihāia 1–12

Nā te Kaiwhakaora i whakaako, “Kua meatia ngā mea katoa i kōrerotia ai [Ihāia], ā, ka meatia aua mea e rite ana ki ngā kupu i kōrerotia ai e ia” (3 Nīwhai 23:3). I a koe e rangahaua ana te pukapuka a Ihāia, me waihanga i tētahi whakahoahoa mō ngā poropititanga me ngā taitara pēnei: Ngā rā o Ihāia, Te minitatanga o te Kaiwhakaora i te kikokiko, Ngā rā o muri nei hoki. Ehara i te mea kotahi anake te āhua i whakatutukihia ngā poropititanga a Ihāia, he maha ngā āhua i pērāhia ai (tirohia te Papa Kupu Paipera Tapu, “Ihāia”).

Nā Tumuaki Dallin H. Oaks i whakaako: “Kei roto i te pukapuka a Ihāia ngā poropititanga maha ko te āhua nei he maha hoki ōna whakatutukitanga. Ka aro tētahi ki ngā tāngata i te wā i a Ihāia, ka aro rānei ki ngā āhuatanga o te whakatipuranga whai muri iho. He tikanga anō, he mea tohu hāngai i te nuinga o te wā, e hāngai ana ki ngā mea i heipū ake i te waenganuitanga o ngā wā, arā, te whakangaromanga o Hiruharama me te whakamararatanga o ōna iwi whai muri iho i te rīpekatanga o te Tama a te Atua. Heoi, ko tētahi atu whakatutukitanga o tēnei poropititanga e hāngai atu ana ki ngā mea e heipū ake ai i mua i te Haerenga Tuaruatanga Mai o te Kaiwhakaora. Nā ēnei tūāhuatanga huhua e hāngai ana ki ngā whakatutukitanga o ngā poropititanga kitea ai tātou i te hiranga o tā tātou rapu i te Wairua Tapu hei āwhina kia mārama ai tātou ki aua poropititanga” (“Scripture Reading and Revelation,” Ensign, Hānuere 1995, 8).

Pērā i ngā poropiti katoa, whakatūpatoria ai e Ihāia te iwi e pā ana ki tō rātou taha wairua. I a koe e pānui ana i Ihāia 1; 3; 5, rapua ngā rerenga e whakamāramahia ai te āhua o te iwi ki te taha wairua (hei tauira, tirohia Ihāia 1:2–4, 21–23; 3:9, 16–17; 5:11–12, 20–23). He aha ētahi o ngā raruraru e kitea ai e koutou i ēnei rā? Māu hoki e rapu ngā whiti e whakatūpatoria ana e pā ana ki ngā utu i tau ai ki ngā Iharaira, he mea nā te āhua o tō rātou taha wairua (pērā Ihāia 1:7; 3:17–26; 5:5–7, 13–15).

Hei āpiti atu ki ngā whakatūpato, ka homai e Ihāia ngā karere whai tūmanako ki te hokonga mā roto i te Kaiwhakaora (hei tauira, tirohia, Ihāia 1:16–19, 25–27; 3:10; 4). He aha ngā akoranga māu mō te mahi ki te Ariki i roto i ēnei karere? E pēhea ana te rerekē o te karere a te Ariki i ēnei momo whiti i tā Hātana e hiahia ai hei whakapono mō tātou?

Pērā i a Ihāia, e whakatūpato mai ana ngā poropiti i ēnei rā e pā ana ki te hara me ōna utu, ā, ka homai e rātou ngā karere whai tūmanako mā roto i a Ihu Karaiti. He aha ētahi tauira? Tērā pea me tiro atu ki tētahi kōrero o mua nō ngā huinga whānui o te Hāhi e rapu ana i ngā whakatūpato me ngā whakaari.

Kei te hāngai pū ngā poropititanga maha a Ihāia ki tēnei rā. Ki te hia rapua ērā, tirohia ngā rerenga tūmahi wā heke (pērā i te “ka meinga” me te “ka haere” rānei). Hei tauira, rapua ēnei tūmahi i a koe e pānui ana i Ihāia 2; 4; 11–12. Tērā pea ka ngana kia whakaurua ngā rerenga tūmahi wā tū (pērā i kei te me te e haere ana). He aha ngā poropititanga tino pai rawa ki a koe? He aha ngā akoranga māu i ēnei poropititanga mō Hīona, te waihanga temepara, me te whakahuihuinga i a Iharaira?

E tino hāngai ana a Ihāia 2:2–3 ki te Hunga Tapu i ngā Rā o Muri Nei. E pēhea ana te whakatutukitanga i ēnei poropititanga? He aha tāu e ako ai e pā ana ki ngā “huarahi” me ngā “ara” i Tōna whare? (whiti 3).

Tirohia anōtia a Ihāia 5:26; “High on the Mountain Top,” Hymns, nama. 5.

I Ihāia 6, ka kōrero mai anō a Ihāia e pā ana ki tana karangatanga hei poropiti. I a koe e pānui ana i tēnei upoko, he aha ngā mea pai ki a koe e pā ana ki ngā āhuatanga i pā ai ki a Ihāia? He aha ō whakaaro e pā ana ki te Ariki nō muri iho i tāu nā pānui i tēnei upoko, Ana poropiti, me te mahi kua karangatia nei rātou ki te mahi?

I te wā o te minitatanga a Ihāia, ka piritahi a Iharāira ki a Hīria kia taea te kaupare atu i a Ahīria. I te hiahia a Iharaira me Hīria kia meinga a Ahati, te kīngi o Hura, kia piri hoki ki a rātou. Engari i poropititia e Ihāia, tērā, ka momotu tērā piringa, ā, ka tohua a Ahati kia whakawhirinaki ki te Ariki (Ihāia 7:7–9; 8:12–13).

I a Ihāia e tohutohu ana i a Ahati, ka meatia ngā poropititanga rongonui maha, pērā i aua mea e kitea nei i Ihāia 7:14; 8:13–14; 9:2, 6–7. Ahakoa he aha te hiranga o ēnei mea ki a Ahati, e mārakerake ana te kite kei te hāngi ēnei ki a Ihu Karaiti (tirohia anōtia Matiu 1:21–23; 4:16; 21:44; Ruka 1:31–33). He aha a “Imānuera” i te taitara pai mō te Kaiwhakaora? (tirohia Matiu 1:23). He aha Tāna hei “Kaitohutohu” hei “Wheao o te Maungārongo” rānei mōu? (Ihāia 9:7). He aha atu ngā mea e ako ai koe e pā ana ki te Kaiwhakaora i ēnei whiti?

• I Ihāia 1:2–4, ka taea e koutou ko ō tamariki te rapu i ngā take kīhai i koa te Ariki ki te iwi. Kia aro ki te whakatauritetanga ki ngā kararehe i whiti 3—ko wai tō tātou “māhita”? Me pēhea tātou e whakaatu ai kei te mōhio tātou ki a Ia?

• Hei whēkite māu Ihāia 1:16–18, me titiro atu koutou ko ō tamariki ki tētahi mea whero kānapa, ā, ki tētahi mea mā rawa. Tērā pea ka taea te mahi tahi ki te horoi i tētahi mea. Me pēhea e poke ai ō tātou wairua? E pēhea ana tā Ihu āwhina i a tātou kia meinga kia poke kore? He aha ngā mea e ako ai tātou e pā ana ki te Kaiwhakaora i ēnei whiti? Kōrerohia atu ki ō tamariki e pā ana ki ō whakaaro Mōna me Tāna i mahi ai mōu.

• I matakite a Ihāia i te wā e kukume ai “te maunga o te whare o te Ariki” i ngā tāngata katoa nō “ngā iwi katoa” ki reira (Ihāia 2:2). Me pēhea koe e whakahihiko i ngā ngākau o ō tamariki kia hīkaka ai rātou kia haere ai ki te whare o te Atua? Māu rātou e tono kia tāngia tētahi pikitia o tō rātou kāinga. Kātahi ka pānui ngātahi i Ihāia 2:2, kātahi ka tono i a rātou kia tā i tētahi pikitia o “te whare o te Ariki,” arā, ko te temepara. Pānui tahitia a Ihāia 2:3 . Tonoa rātou kia tāpiri atu ki ā rātou pikitia ngā tāngata e haere ana ki te temepara, tae atu ana ki ō rātou whānau.

• Māu hoki e pānui a Ihāia 2:2–3 kātahi ka tohua tētahi mea e whakahihiko ana i ō koutou ngākau kia haere atu ki te temepara. Ka mutu, whai muri iho i te pānuitanga i Ihāia 2:4 , me kōrero tahi e pā ana ki te rangimārie e ahu mai ana i te temepara. Me waiata, me whakarongo rānei rātou ki tētahi waiata mō te temepara, pērā i “I Love to See the Temple” (Children’s Songbook, 95). Āwhinatia ō tamariki kia kimihia ētahi kupu i roto i taua waiata e whakaako ana i ā tātou mahi i reira.

• Hei whakatūwhera i ngā kōrero mō ngā poropititanga a te Karaiti, me kōrero tahi koutou ko ō tamariki e pā ana ki ngā taitara e mau nei i ngā tāngata, pērā i te tumuaki, te pīhopa, te kaiako rānei. He aha ngā māramatanga e puta mai ana i ēnei taitara mō ēnei tāngata? Āwhinatia ō tamariki kia rapua ngā taitara o Ihu Karaiti i Ihāia 7:14 me te 9:6–7 (tirohia anōtia tēnei whārangi mahi mō tēnei wiki). He aha ngā whakaakoranga Mōna e puta ai i ēnei taitara? He aha atu tā tātou e ako ai mō Ihu Karaiti i ēnei whiti?

• Me kōrero tahi anō ki ō tamariki te “Isaiah the Prophet” (i Old Testament Stories, 150–51). Kia tū i ētahi wā kia uia atu he aha tā Ihāia i mōhio ai e pā ana ki a Ihu Karaiti i ngā tau maha i mua i Tana whānautanga mai. Kātahi ka taea te whakamahi a Matiu 1:21–23; Ruka 1:31–33 kia kōrero e pā ana ki te āhua i whakatutukihia ai ngā poropititanga a Ihāia i Ihāia 7:14; 9:6–7 .

  

  1:18