Isaias 1–12

Li Kolonel kixye naq “chixjunil li k’a’aq re ru li kixye [laj Isaias] kiwan ut toj taawanq, jo’ chanru ajwi’ li aatin li kixye” (3 Nefi 23:3). Naq taatzol lix hu laj Isaias, naru nakayiib’ junaq kaaxukuut ut chi sa’ taatz’iib’aheb’ ch’ol aatin jo’ a’in: Lix kutankil laj Isaias, Lix k’anjel li Kolonel sa’ li ruchich’och’, ut Li roso’jikeb’ li kutan. Jultikaq aawe naq naab’aleb’ re lix profeetil aatin laj Isaias neke’tz’aqob’resiman ru chi k’iila paay ru (chi’ilmanq K’utul Raqal reheb’ li Loq’laj Hu, “Isaias”).

Li Awa’b’ej Dallin H. Oaks kixye: “Sa’ lix hu laj Isaias wan naab’al li profeetil aatin ut chanchan naq naab’al reheb’ a’an yoo chi k’ulmank. Jun reheb’ a’an na’aatinak chirixeb’ li kristiaan sa’ xkutankil laj Isaias malaj chirixeb’ li toj te’chalq. Jun chik li eetalil, na’aatinak chirix li kik’ulman sa’ li junxil kutan, naq kisache’ Jerusalen ut li tenamit ke’jek’iman chirix naq li Ralal li Dios kik’ehe’ chiru li krus. Wan ajwi’ jun chik li chanchan naq na’aatinak chirix li xkab’ xk’ulunik li Kolonel. Rik’in xnawb’al naq li profeetil aatin a’an naru nawan naab’al xyaalalil tento naq jwal aajel ru naq taqasik’ li k’utb’esinb’il na’leb’ rik’in li Santil Musiq’ej li tooxtenq’a chixtawb’aleb’ ru” (“Scripture Reading and Revelation,” Ensign, enero 1995, 8).

Jo’eb’ li profeet chiru xnumikeb’ li hoonal, laj Isaias kixq’useb’ li tenamit chirix lix musiq’ejil wanjikeb’. Naq taawil Isaias 1; 3; 5, sik’eb’ ch’ol aatin li neke’xch’olob’ chan ru wankeb’ chaq li kristiaan sa’ musiq’ej (chi’ilmanq Isaias 1:2–4, 21–23; 3:9, 16–17; 5:11–12, 20–23). K’a’ru li ch’a’ajkilal jo’eb’ a’an wankeb’ sa’ li qakutankil? Naru ajwi’ nakasik’eb’ raqal li neke’q’usuk chirix li k’a’ru li xiwxiw wan sa’ xk’ab’a’ lix musiq’ejil wanjikeb’ laj Israelita (jo’ Isaias 1:7; 3:17–26; 5:5–7, 13–15).

Rochb’eeneb’ li q’usuk, laj Isaias kik’ehok na’leb’ li neke’k’ehok yo’onihom rik’in li Kolonel (chi’ilmanq Isaias 1:16–19, 25–27; 3:10; 4). K’a’ru nakatzol chirix li Qaawa’ sa’ li aatin a’an? Chan ru naq jalan li raatin li Qaawa’ sa’eb’ li raqal a’in rik’in li aatin naraj laj Satanas naq taqapaab’?

Jo’ ajwi’ laj Isaias, eb’ li profeet sa’ li kutan a’in nokohe’xq’us chirix li maak ut li k’a’ru neke’xk’am chaq ut neke’xk’e qayo’onihom rik’in li Jesukristo. Ma wan xq’usumeb’ li naru nakak’oxla? Maare taawaj rilb’al junaq reheb’ li na’leb’ xe’yeeman sa’ li jolomil ch’utub’aj-ib’ toje’ xnume’ re xsik’b’al li q’usum ut li yeechi’ihom.

Naab’aleb’ re lix profeetil aatin laj Isaias wankeb’ tz’aqal choq’ re li qakutankil. Re xtawb’aleb’ a’an, sik’eb’ aatin li neke’xye k’a’ru te’k’ulmanq moqon. Naru taasik’eb’ li aatin a’in naq taawil Isaias 2; 4; 11–12. Naru ajwi’ nakayal xyeeb’aleb’ a’an chanchan ta wi’ naq yookeb’ chi k’ulmank anajwan rik’in yoo malaj yoo chi. K’a’ruheb’ li profeetil aatin nakate’xmusiq’a? K’a’ru nakatzol sa’eb’ li profeetil aatin a’in chirix Sion, lix kab’lankileb’ li santil ochoch, ut lix ch’utub’ankil Israel?

Isaias 2:2–3 aajel tz’aqal ru choq’ reheb’ laj Santil Paab’anel sa’ Roso’jikeb’ li Kutan. Chan ru naq yookeb’ chi tz’aqlok ru li profeetil aatin a’in? K’a’ru nakatzol chirix lix “b’e” li Qaawa’ sa’ li rochoch? (raqal 3).

Chi’ilmanq ajwi’ Isaias 5:26; “Taqeʼq saʼ xbʼeen li tzuul,” Eb’ li B’ich, 4.

Sa’ li Isaias 6, laj Isaias kixye resil lix b’oqb’al choq’ profeet. Naq nakawil li ch’ol a’in, k’a’ru naxtoch’ aach’ool chirix li kixk’ul laj Isaias? Chan ru naxjal li ch’ol a’in li nakak’oxla chirix li Qaawa’, eb’ lix profeet, ut li k’anjel b’oqb’ileb’ chixb’aanunkil?

Sa’ xhoonal lix k’anjel laj Isaias, laj Israel ki’ok sa’ aatin rik’in Siria re naq te’xkol rib’ chiru Asiria. Israel ut Siria ke’raj xminb’al ru laj Ajas, li rey re Juda, chixjunajinkil rib’ rik’ineb’. A’b’an laj Isaias kixye jo’ profeet naq taasachq li sum aatin a’in, ut kixye re laj Ajas naq tixpaab’ li Qaawa’ (chi’ilmanq Isaias 7:7–9; 8:12–13).

Naq laj Isaias yoo chixk’eeb’al xna’leb’ laj Ajas, a’an kixye wiib’ oxib’ li profeetil aatin jwal nawb’ileb’ ru, li wankeb’ sa’ Isaias 7:14; 8:13–14; 9:2, 6–7. A’ yaal k’a’ru naraj neke’xye li profeetil aatin a’in sa’ xkutankil laj Ajas, yaal naq neke’aatinak chirix li Jesukristo (chi’ilmanq ajwi’ Mateo 1:21–23; 4:16; 21:44; Lukas 1:31–33). K’a’ut naq “Emanuel” a’an jun chaab’il k’ab’a’ej choq’ re li Kolonel? (chi’ilmanq Mateo 1:23). Chan ru naq li Jesukristo a’an jun aj “tenq’” malaj jun “aj k’ehol tuqtuukilal” choq’ aawe? (Isaias 9:7). K’a’ chik ru nakatzol chirix li Kolonel sa’eb’ li raqal a’in?

• Sa’ Isaias 1:2–4, laa’at ut eb’ laa kok’al naru neketaw xyaalal naq li Qaawa’ moko sa ta xch’ool rik’in li tenamit. K’e reetal li juntaq’eetank rik’ineb’ li xul sa’ li raqal 3—ani laj “eechal qe”? Chan ru naqak’ut naq naqanaw ru?

• Re xtawb’al ru Isaias 1:16–18, laa’at ut eb’ laa kok’al naru nekeril junaq k’a’aq re ru lemtz’ ut kaq ut junaq k’a’aq re ru saq saq. Malaj naru nekexk’anjelak sa’ komonil re xch’a’jb’al ru k’a’ruhaq. Chan ru naqatz’ajni qib’ sa’ musiq’ej? Chan ru nokoxtenq’a li Jesukristo chixsaqob’resinkil qib’? K’a’ru naqatzol chirix li Kolonel sa’eb’ li raqal a’an? Wotz rik’ineb’ laa kok’al k’a’ru nakaweek’a chirix a’an ut k’a’ru xb’aanuhom choq’ aawe.

• Laj Isaias ki’aatinak chirix li kutankil naq sa’ li santil ochoch, “li tzuul wan wi’ li rochoch li Qaawa’,” “chixjunileb’ li tenamit” te’chalq (Isaias 2:2). Chan ru naru nakatenq’aheb’ laa kok’al chireek’ankil xsahileb’ xch’ool re xik sa’ li rochoch li Qaawa’? Naru nakapatz’ reheb’ naq te’xyiib’ xjalam-uuch li rochocheb’. Chirix a’an ilomaq Isaias 2:2, ut patz’ reheb’ naq te’xyiib’ xjalam-uuch “li rochoch li Qaawa’,” li santil ochoch. Ilomaq Isaias 2:3. Patz’ reheb’ naq te’xk’eheb’ kristiaan sa’ lix jalam-uucheb’, li neke’xik sa’ li santil ochoch, ut eb’ ajwi’ lix junkab’al.

• Naru ajwi’ nekeril Isaias 2:2–3 sa’ komonil, ut teesik’ junaq na’leb’ li nekexxmusiq’a, laa’at ut eb’ laa kok’al, chi xik sa’ li santil ochoch. Chirix naq teeril Isaias 2:4, naru nekeye chan ru naq li santil ochoch naxk’am chaq li tuqtuukilal eerik’in. Naru teeb’icha jun li b’ich chirix li santil ochoch, jo’ “Saʼ li santil ochoch” (B’ichleb’aal choq’ reheb’ li Kok’al, 99). Tenq’aheb’ laa kok’al chixtawb’aleb’ aatin sa’ li b’ich li neke’xk’ut k’a’ru li santil ochoch ut k’a’ru nab’aanuman aran.

• Re aatinak chirix li profeetil aatin kixye laj Isaias chirix li Kristo, laa’at ut eb’ laa kok’al naru nekex’aatinak chirix lix k’ab’a’eb’ li kristiaan, jo’ li awa’b’ej, li obiisp, malaj laj k’utunel. K’a’ru neke’xk’ut li aatin a’in chirixeb’ li kristiaan a’in? Tenq’aheb’ laa kok’al chixsik’b’aleb’ xk’ab’a’ li Jesukristo sa’ Isaias 7:14 ut 9:6–7 (chi’ilmanq ajwi’ li tusleb’ aatin re li xamaan a’in). K’a’ru neke’xk’ut li junjunq chi k’ab’a’ej a’an chirix li Jesukristo? K’a’ chik ru naqatzol sa’eb’ li raqal a’an chirix li Jesukristo?

• Naru ajwi’ nakawotz rik’ineb’ laa kok’al “Laj Isaias li Profeet” (sa’ Eb’ li Esilal sa’ li Najter Chaq’rab’, 150–151). Chi kok’ aj xsa’ patz’ k’a’ru naxnaw chaq laj Isaias chirix li Jesukristo k’iila chihab’ naq maji’ nayo’la. Naru nakawoksi Mateo 1:21–23; Lukas 1:31–33 re xyeeb’al chan ru naq lix profeetil aatin laj Isaias sa’ Isaias 7:14; 9:6–7 ke’tz’aqlok ru.

  

  1:18