Jesaja 1–12

Frelsarinn kenndi að „allt, sem [Jesaja] mælti, hefur gerst og mun gerast, já, í samræmi við orð hans“ (3. Nefí 23.3). Þegar þið lærið í bók Jesaja, íhugið þá að búa til spádómatöflu með fyrirsögnum sem þessum: Tími Jesaja, Jarðnesk þjónusta frelsarans og Síðari dagar. Gætið að því að margir spádóma Jesaja eru uppfylltir á fleiri en einn hátt (sjá Leiðarvísir að ritningunum, „Jesaja“).

Dallin H. Oaks forseti kenndi: „Bók Jesaja inniheldur fjölmarga spádóma sem virðast geta uppfyllst á marga vegu. Einn virðist hafa að gera með fólkið á tímum Jesaja eða aðstæður hjá næstu kynslóð. Önnur merking, oft táknræn, virðist tengjast atburðum frá hádegisbaugi tímans, þegar Jerúsalem var eytt og fólki hennar var dreift eftir krossfestingu sonar Guðs. Enn önnur merking eða uppfylling sama spádóms virðist tengjast atburðum síðari komu frelsarans. Það að margir þessara spádóma geti haft fjölmargar merkingar undirstrikar mikilvægi þess að við leitum opinberunar frá heilögum anda til að hjálpa okkur að túlka þá“ („Scripture Reading and Revelation,“ Ensign, jan. 1995, 8).

Jesaja aðvaraði fólkið stöðugt, líkt og spámenn á öllum tímum, við andlegu ástandi þess. Þegar þið lesið Jesaja 1; 3; 5, gætið þá að orðtökum sem lýsa andlegri framgöngu fólksins (sjá t.d. Jesaja 1:2–4, 21–23; 3:9, 16–17; 5:11–12, 20–23). Hvaða álíka vandamál sjáið þið á okkar tíma? Þið gætuð líka gætt að versum sem vara við afleiðingum andlegs ástands Ísraelsmanna (t.d. Jesaja 1:7; 3:17–26; 5:5–7, 13–15).

Auk aðvarana, gaf Jesaja boðskap vonar um endurlausn fyrir milligöngu frelsarans (sjá t.d. Jesaja 1:16–19, 25–27; 3:10; 4). Hvað lærið þið um Drottin af þessum boðskap? Hvernig er boðskapur Drottins í þessum versum öðruvísi en sá sem Satan vill að við trúum?

Líkt og Jesaja, þá vara spámenn okkur við synd og afleiðingum hennar og þeir færa okkur boðskap vonar fyrir milligöngu Jesú Krists. Hvaða dæmi koma í huga ykkar? Þið getið rifjað upp boðskap frá liðinni aðalráðstefnu til að gæta að slíkum aðvörunum og loforðum.

Margir spádóma Jesaja hafa sérstaka merkingu fyrir okkar tíma. Til að finna þá, leitið að framtíðarsögnum (t.d. „skal verða“ eða „mun“). Dæmi: Gætið að þessum sögnum við lestur Jesaja 2; 4; 11–12. Þið gætuð jafnvel prófað að skipta þeim út fyrir nútíðarsagnir (eins og er eða er að fara). Hverjir þessara spádóma finnst ykkur einkar innblásandi? Hvað lærið þið af þessum spádómum um Síon, byggingu mustera og samansöfnun Ísraels?

Jesaja 2:2–3 á einkar vel við um Síðari daga heilaga. Hvernig eru þessir spádómar að uppfyllast? Hvað lærið þið um „vegi“ og „brautir“ Drottins í húsi hans? (vers 3).

Sjá einnig Jesaja 5:26; „Á háum fjallsins hnjúk,“ Sálmar, nr. 4.

Í Jesaja 6 segir Jesaja frá köllun sinni sem spámanns. Hvað vekur áhuga ykkar varðandi reynslu Jesaja við lestur þessa kafla? Hvernig hefur þessi kafli áhrif á hvernig þið hugsið um Drottin, spámenn hans og verkið sem þeir eru kallaðir til að vinna?

Í þjónustutíð Jesaja myndaði Ísrael bandalag við Sýrland, sér til varnar gegn Assýríu. Ísrael og Sýrland hugðust þvinga Akas konung Júda til aðildar við sig. Jesaja spáði því hins vegar að bandalagið myndi bregðast og ráðlagði Akas að reiða sig á Drottin (Jesaja 7–9; 8:12–13).

Þegar Jesaja leiðbeindi Akas, setti hann fram nokkra velkunna spádóma, eins og þá sem eru í Jesaja 7:14; 8:13–14; 9:1, 5–6. Hver sem merking þessara spádóma var fyrir Akasar, vísuðu þeir greinilega til Jesú Krists (sjá einnig Matteus 1:21–23; 4:16; 21:44; Lúkas 1:31–33). Af hverju er „Immanúel“ gott heiti fyrir frelsarann? (sjá Matteus 1:23). Hvernig hefur Jesús Kristur verið ykkur „Undraráðgjafi“ eða „Friðarhöfðingi“? (Jesaja 9:5). Hvað annað lærum við um frelsarann af þessum versum?

• Í Jesaja 1:2–4 gætuð þið og börn ykkar fundið ástæður fyrir því að Drottinn var ekki ánægður með fólkið. Gætið að samanburðinum við dýrin í versi 3 – hver er „húsbóndi“ okkar? Hvernig sýnum við að við þekkjum hann?

• Til að sjá fyrir ykkur Jesaja 1:16–18, gætuð þið og börn ykkar horft á eitthvað skærrautt og eitthvað skjannahvítt. Þið gætuð líka þess í stað unnið saman að því að þvo eitthvað. Hvernig verðum óhrein andlega? Hvernig hjálpar Jesús okkur að verða hrein? Hvað lærum við um frelsarann af þessum versum? Miðlið börnum ykkar því sem ykkur finnst um hann og því sem hann hefur gert fyrir ykkur.

• Jesaja sá fyrir þann tíma er „allar þjóðir [myndu] streyma“ að „fjallinu, sem hús Drottins stendur á“ (Jesaja 2:2). Hvernig getið þið hjálpað börnum ykkar að hlakka til þess að fara í hús Drottins? Þið gætuð boðið þeim að teikna mynd af heimili sínu. Lesið síðan saman Jesaja 2:2 og bjóðið þeim að teikna mynd af „húsi Drottins“, sem er musteri. Lesið saman Jesaja 2:3. Biðjið þau að bæta við myndirnar sínar mörgu fólki sem kemur í musterið, þar með talið fjölskyldu sinni.

• Þið gætuð líka lesið saman Jesaja 2:2–3 og fundið eitthvað sem innblæs ykkur og börn ykkar til að fara í musterið. Síðan, eftir að hafa lesið saman Jesaja 2:4, gætuð þið rætt hvernig musterið færir þeim frið. Íhugið að syngja söng um musterið, t.d. „Musterið“ (Barnasöngbókin, 99). Hjálpið börnum ykkar að finna orðtök í söngnum sem kenna hvað musterið er og hvað við gerum þar.

• Til að kynna spádóma Jesaja um Krist, gætuð þið og börn ykkar rætt um titla fólks, eins og forseta, biskup eða kennara. Hvað segja þessir titlar okkur um þetta fólk? Hjálpið börnum ykkar að finna titla Jesú Krists í Jesaja 7:14 og 9:5–6 (sjá einnig verkefnasíðu þessarar viku). Hvað kenna þessir titlar um hann? Hvað annað lærum við um Jesú Krist af þessum versum?

• Þið gætuð líka miðlað börnum ykkar „Spámaðurinn Jesaja“ (í Sögur úr Gamla testamentinu, 150–51). Staldrið við öðru hverju til að spyrja hvað Jesaja vissi um Jesú Krist mörgum árum áður en hann fæddist. Þið getið síðan notað Matteus 1:21–23; Lúkas 1:31–33 til að ræða hvernig spádómar Jesaja í Jesaja 7:14; 9:5–6 uppfylltust.

  

  1:18