Proverbs 1–4; 15–16; 22; 31; Ecclesiastes 1–3; 11–12

Ekkewe puken Proverbs me Ecclesiastes ra ureno ren weweoch usun mirit. Ekieki ne esisina ewe kapas “mirit” me ekkoch kapas mi wewe ngeni, usun “sinenap” me “weweiti,” nupwen ka kutter non Proverbs 1–4; 15–16; Ecclesiastes 1–3; 11–12. Ifa usun ekkei sopwun ra siwini ewe napanap ka ekieki usun mirit? Anongonong won met ka kuna, ifa usun kopwe anapanapa ewe mirit minne “ewe Samon a awora”? (Proverbs 2:6). Met feioch a feito seni an Kot mirit?

Nengeni pwan Matthew 7:24–27; 25:1–13.

Pwan eu itenap a pwa non unusen Proverbs me Ecclesiastes ina ewe “nuokusun ewe Samon.” Kakaton ei kapas nupwen ka annea. Met ka mefi pwe wewen ne nuokusuti ewe Samon? Kutta ekkoch weweoch non an Elter David A. Bednar porous “Therefore They Hushed Their Fears” (Liahona, Nov. 2015, 46–49). Ifa usun nuokusun ewe Samon a sokkono seni ekkoch sokkun nuokus?

Nengeni pwan Proverbs 8:13.

Ifa usun kopwe sotuni ne pesei emon pwe mi murino ne “epinukunuk non ewe Samon” nap seni ne “anongonong … won [ach] pwisin weweiti”? (Proverbs 3:5). Met anonno fengen ika pisekin nesen kopwe aea? Nupwen ka ekipwichi Proverbs 3:5–7, ekieki usun anen om kopwe tongeni awesi sentence usun ekkei: Epinukunuku ewe Samon a usun … Kaeo won pwisin om weweiti a usun …

Pwata ese mirit ach sipwe anongonong won ach pwisin weweiti. Ifa usun ka fen kuna pwe ewe Samon epinukunukoch?

Inamo, sia tongeni kuan epwe weires ne epinukunuku ewe Samon fan ekkoch. Pwata a ina? Elter Gerrit W. Gong a apasa ekkoch popun, fiti fengen me ekkoch aninisochun ourour, non “Epinukunuk Sefan” (Liahona, Nov. 2021, 97–99). Met porous ika osukun ka kuna me non ei porous ewe epwe anisi emon ne eniwini sefani ar epinukunuk non ewe Samon?

Ir me ru Proverbs 3:6 me Proverbs 4 ra anonno fengeni manau ngeni eu “aan” ika eu “aneno.” Met ka ekieki pwe wewen ne mut ngeni ewe Samon epwe “pwar ngonuk [om] aan”? (Proverbs 3:6). Met ka kuna non sopwun 4 mi anisuk ne “ekipwichi ewe aanen [pecheom]”? (uwokisin 26). Ren awewe, met uwoksin 11–12 me 18–19 ra aituk usun ekkewe feiochun ar tapweno mwirin ewe aan mi pung? Met wewen ekkei uwokisin 26–27 ngonuk?

Nengeni pwan 2 Nifai 31:18–21; “Lord, I Would Follow Thee,” Kon mi fen, no. 220.

Ekkoch me nein ekkewe ekiek non Proverbs15–16 repwe tongeni peseok om kopwe aochueno ewe anen om oporous fengen ngeni ekkoch, akkaewin atongeom kewe. Ren awewe, ekieki usun tichikin fansoun nupwen “eu ponuwan mi pwetete” a aninis ne “okunnano ningeringer” (Proverbs 15:1).

Ka pwan tongeni ekieki usun fansoun nupwen ewe Chon Amanau a awewei ekkewe osukun non Proverbs 15:1–4, 18 (nengeni Mark 12:13–17; John 8:1–11). Ifa usun ka tongeni tapweno mwirin An nenien appiru nupwen ka chiechi ngeni ekkoch?

Ifa usun ita ewe ourour non Proverbs 15; 16:24–32 epwe wewe ngeni aporous won asepwan ikenai? Katon ika ka tongeni kuna eu uwokisin non ekkei sopwun ewe ka tongeni makkesefani anongonong ren ewe ourour usun om kakapas won social media ika seni text.

Nengeni pwan Neil L. Andersen, “Following Jesus: Being a Peacemaker,” Liahona, May 2022, 17–20; Ronald A. Rasband, “Words Matter,” Liahona, May 2024, 70–77; Ren ewe Pochokunen Sarafo: Ew Emwen ren Omw Kopwe fini Mochenum (2022), 11–12.

Proverbs 31:10–31 a anapanapa “emon fefin mi nimenimoch,” ika emon fefin mi watte pochokunen ngunun, an tufich, me an pesepes. Kopwe sossot ne mennapei non om pwisin kapas met eu me eu ekkei uwokisin a apasa usun fefin mi nimenimoch. Menni nein ekkei napanap ka appiru?

Pwata mi auchea ngonuk om kopwe chechemeni ena ukukun non ei fonufan, usun Ecclesiastes 1–2 a affata, mi “namotongaw” (ika mwochomwoch me fan ekkoch ese auchea)? Met ka kuna non Ecclesiastes 12 mi awora namotan manau esemuch?

• Om kopwe anisi noum kewe semirit repwe weweiti porous susun nuokusuti Kot, ka tongeni siwini ewe kapas “nuokus” ren kapas usun asufonu, tong, ika anesochisi (nengeni pwan Hebrews 12:28). Ifa usun ei a siwini ewe napanap sia ekieki usun ekkei uwokisin? Ifa usun sia tongeni pwari pwe sia nuokusuti ewe Samon?

• En me noum kewe semirit oua tongeni forata ekkoch mwokutukut ar repwe fiti Proverbs 3:5–7, usun ami fori efou foun ngasangas ren poumi, pereinging ngeni eu epek, uta nge pechemi mi fetan, me itini mesemi. Ifa usun sia pwari pwe sia epinukunuku Jises Kraist ren unusen netipach?

• Ne pwarano met wewen ne “ach sisap epinukunuku met sia pwisin sinei” (Proverbs 3:5), ekieki ne etiwa noum kewe semirit ne itita won och mettoch mi nukuchar me pochokun, usun eu etip. Mwirin ra tongeni sossot ne itita won och mettoch ese nukuchar, usun efoch pirum. Ika ra tongeni sossot ne itita won efoch kukkun fochun ira ika efoch mi itita won mettoch mi sokopat nukucharer, usun ren eu puk ika echo chon toropwe. Pwata mi auchea sipwe “epinukunuk non ewe Samon” (uwokisin 5) nge esap ach “pwisin weweiti”?

• Menin en me noum kewe semirit oua tongeni ekieki usun nikinik nupwen en ika ir ra fen mefi song. Anneani Proverbs 15:1 fengen, me anisi noum kewe semirit repwe nounou ei uwokisin ngeni ekkewe nikinik ra ekieki usun. Menin ra tongeni kaeo ekkoch “ponuwan mi pwetete.” Echo kon usun kirekiroch, usun ren “Love Is Spoken Here” (Noun Semirit Puken Kon, 190–91) a tongeni apochokuna ei nongonong.

• Om kopwe kaeo met wewe ne “mang ne song” (Proverbs 15:18), en me noum kewe semirit oua tongeni aporousa fansoun nupwen oua (ika emon ami mi sisinei) a mefi song nge a fini an epwe kirekiroch. Anisi noum kewe semirit ne ekieki usun mettoch sia tongeni mwitir ne ika sia “mang ne song.” Ren awewe, sia tongeni mwitir ne ekieki usun Jises, ne eisini Samach won Nang ren aninis, ne ekieki usun echo konun Kinter, are, ika mi tufich, ne fetan seni.