7–13 Septemba ‘Hem Bambae I Soemaot Stret Rod long Yu, blong Yu Yu Folem’: Ol Proveb 1–4; 15–16; 22; 31; Prija 1–3; 11–12,” Kam Folem Mi—Blong Hom mo Jos: OlTesteman 2026 (2026)
7–13 Septemba ‘Hem Bambae I Soemaot Stret Rod long Yu, blong Yu Yu Folem,’” Kam Folem Mi: OlTesteman 2026
Jisas wetem Ol Pikinini, i kam long Dilleen Marsh
7–13 Septemba: “Hem Bambae I Soemaot Stret Rod long Yu, blong Yu Yu Folem”
Ol Proveb 1–4; 15–16; 22; 31; Prija 1–3; 11–12
Maet yu tingting long buk blong Ol Proveb olsem wan koleksen blong waes kaonsel we i kam long papa mo mama we i gat lav (luk long Ol Proveb 1:8). Stamba mesej blong hem i we sapos yu lukaotem waes tingting—speseli waes tingting blong God—bae laef i go gud. Be, afta long Ol Proveb, i gat buk blong Ol Prija, we i stap traem blong talem se: “i no simpol nating.” Prija ia kwotem insaed long Ol Prija, i talem se hem i “mekem tingting blong [hem] i strong blong faenemaot wanem i defren long fasin we i gat save mo fasin we i krangke, mo wanem i defren long tok blong man we i waes mo tok blong man we i no gat hed.” Be hem i luk se “samting ya i stap mekem hem i wari moa” mo “hem i harem nogud moa” (Prija 1:17–18). Long ol defren wei, buk ia i stap askem: “?Bae i save gat wan samting we i gat tru mining long wan wol ia we i luk se evri samting i blong nating, i blong sot taem, mo i no save se bae i stap o no?”
Be yet, taem we tufala buk ia i lukluk long laef long ol defren kaen lukluk, be tufala i tijim ol semmak trutok. Prija i talemaot: “Antap long ol samting ya, wan samting nomo mi wantem talem long yu, se yu mas tinghevi long God, yu mas ona long hem, mo yu mas obei long ol tok blong hem, from we hemia nao samting we hem i mekem yumi from” (Prija 12:13). Hemia i semmak prinsipol we i stap insaed long Ol Proveb: “Yu mas trastem Hae God long olgeta tingting blong yu” (Ol Proveb 3:5; luk tu long ves 7). Laef i gud oltaem—sapos i no stret gud oltaem—taem yumi trastem mo folem Lod, Jisas Kraes.
Blong gat wan bigfala lukluk long ol buk ia, luk long “Ol Proveb, buk blong” mo “Prija” insaed long Gaed long Ol Skripja.
Ol aedia blong Stap Lanem Samting long Hom mo long Jos
Ol Proveb 1–4; 15–16; Prija 1–3; 11–12
“Yu mas lesin long ol waestok ya.”
Ol buk blong Ol Proveb mo Prija oli fulap wetem ol niu tingting abaot waes toktok. Tingting blong makem toktok ia, “waestok” mo ol nara toktok we oli go wetem olsem “save” mo “andastaning,” taem yu faenem olgeta long Ol Proveb 1–4; 15–16; Prija 1–3; 11–12. ?Olsem wanem ol japta ia oli jenisim wei we yu tingting abaot waes? Folem wanem we yu faenem, ?olsem wanem nao yu tokbaot waes we “i kamaot long [Lod] nomo”? (Ol Proveb 2:6). ?Wanem nao ol blesing we i kam tru long waes ia blong God?
Luk tu long Matiu 7:24–27; 25:1–13.
Helpem olgeta we oli stap lan blong serem wanem we oli bin stap lanem. “Givim janis long olgeta we oli stap lan, blong serem wetem wanwan long olgeta, wanem we oli stap lanem abaot Sevya mo gospel blong Hem. Taem yu mekem hemia, bae i helpem olgeta blong mekem ol trutok we oli bin lanem i kam pat blong olgeta mo talemaot ol tingting mo filing blong olgeta. Hemia bae i helpem olgeta tu blong trastem olgetawan se oli save serem ol trutok long eni ples o eni taem” (Tij Folem Wei blong Sevya, 26). Eksampol, yu save invaetem olgeta we oli stap lan blong raetemdaon sam long ol refrens we oli faenem olgeta insaed long Ol Proveb o Prija abaot waes tingting blong God. Afta, invaetem olgeta we oli stap lan blong tokbaot wanem we oli bin lanem.
Ol Proveb 1:7; 2:5; 3:7; 15:33; 16:6; 31:30; Prija 12:13
“Yu no lukluk long waes blong yuwan: fraet long Lod.”
Wan narafala stamba toktok we yu save faenem truaot long Ol Proveb mo Prija hem i “mas tinghevi long Hae God, mo mas ona gud long hem.” Lukluk gud sentens ia taem yu stap rid. ?Wanem nao yu filim se tingting hevi [fraet] long Lod i stap minim? Lukaotem ol niu tingting insaed long mesej blong Elda David A. Bednar “Therefore They Hushed Their Fears” (Liahona, May 2015, 46–49). ?Olsem wanem nao blong fraet long Lod i defren long ol nara kaen fraet?
Luk tu long Ol Proveb 8:13.
Ol Proveb 3:5–7; 4
“Trastem Lod wetem ful hat blong yu.”
?Olsem wanem nao bae yu traem blong winim tingting blong wan se i moa gud blong “trastem Lod” bitim blong “ting se save blong [yumi] ya blong naoia, hem i naf blong givhan long [yumi]”? (Ol Proveb 3:5). ?Wanem ol samting we yu save komperem olgeta o ol lesen we yu yusum samting we bae yu save yusum? Taem yu tingting hevi long Ol Proveb 3:5–7, tingting long ol wei we yu save komplitim ol sentens olsem: Blong stap trastem Lod i olsem se … Blong dipen long save blong yumiwan i olsem se …
?From wanem hem i no waes blong dipen long andastaning blong yumiwan? ?Olsem wanem nao yu faenemaot se yu save dipen long Lod?
Nomata hemia, samtaem bae yumi faenem i had blong trastem Lod. ?From wanem i olsem? Elda Gerrit W. Gong i givim sam risen, we i folem wetem kaonsel we i save help, insaed long “Gat Tras Bakegen” (Liahona, Nov. 2021, 97–99). ?Wanem ol stori o ol tijing we yu faenem insaed long mesej ia we i save helpem wan blong gat tras bakegen long Lod?
Tugeta, Ol Proveb 3:6 mo Ol Proveb 4 tufala i komperem wan laef i go wetem wan “rod” o wan “wei.” ?Wanem nao yu ting se blong letem Lod i “soemaot stret rod long yu blong yu folem,” i stap minim? (Ol Proveb 3:6). ?Wanem nao yu faenem insaed long japta 4 we i stap helpem yu blong “tingting hevi long rod blong leg blong [yu]”? (ves 26). Eksampol: ol ves, 11–12 mo 18–19 oli stap tijim wanem abaot ol blesing we wan i kasem taem hem i stap folem stret rod? ?Wanem nao ol ves 26–27 oli stap minim long yu?
Luk tu long 2 Nifae 31:18–21; “Lord, I Would Follow Thee,” Hym, namba 220.
Ol Proveb 15; 16:24–32
“Spos yu toktok gud long wan man we i kros, bambae yu save mekem tingting blong hem i kam kwaet.”
Sam long ol aedia insaed long Ol Proveb 15–16 oli save givim insperesen long yu blong kam antap long wei we yu stap toktok wetem ol nara man, speseli olgeta we yu lavem olgeta. Eksampol, tingbaot ol stret taem we “wan kwaet ansa” i help blong “[ronem] aot kros” (Ol Proveb 15:1).
Mo tu, yu save tingting long ol taem we Sevya i givim long saed blong ol tijing blong hem insaed long Ol Proveb 15:1–4, 18 (luk long Mak 12:13–17; Jon 8:1–11). ?Olsem wanem yu save folem eksampol blong Hem taem yu stap wok wetem ol narafala man?
?Long wanem wei nao ol kaonsel insaed long Ol Proveb 15; 16:24–32 oli aplae long ol dijitol komunikesen blong tedei? Luk sapos yu save faenem wan ves insaed long ol japta ia we yu save talem long wan nara wei olsem wan advaes abaot komunikesen long sosol media o tru long teks mesej.
Luk tu long Neil L. Andersen, “Blong Stap Folem Jisas Kraes: Stap Olsem Man blong Putum Pis,” Liahona, Mei 2022, 17–20; Ronald A. Rasband, “Ol Toktok Oli Impoten,” Liahona, Mei 2024, 70–77; Blong Ol Yut Oli Kam Strong: Wan gaed blong Stap Mekem Ol Joes (2022), 11–12.
?Huia I Save Faenem Wan Woman wetem Klin Fasin? II, i kam long Louise Parker
Ol Proveb 31:10–31
“Woman we i stap ona long Hae God, i stret blong olgeta man evriwan oli stap leftemap nem blong hem.”
Ol Proveb 31:10–31 i tokbaot wan “[woman] we fasin blong hem i stret,” o wan woman we i gat paoa long saed blong spirit, i save wokem samting, mo i save lidim tingting blong man. Yu save traem blong yusum toktok blong yuwan, mo talemsot wanem ol ves ia oli stap talem abaot woman ia. ?Wijwan long ol fasin ia yu save folem?
Prija 1–312
Laef long wol ia i blong sot taem.
?From wanem hem i impoten long yu blong tingbaot se plante samting long wol ia, olsem Prija 1–2 i talem, i “blong nating nomo” (o i blong sot taem, mo plante taem i no impoten)? ?Wanem nao yu faenem insaed long japta 12 we i mekem se laef i wan impoten samting?
Blong kasem moa aedia, luk long magasin blong manis ia Liahona mo Blong Ol Yut Oli Kam Strong magasin.
Sam Aedia blong Tijim Ol Pikinini
Ol Proveb 1:7; 2:5; 15:33; 16:6; Prija 12:13
Blong “fraet long God” i minim se, blong stap lavem mo obei long Hem.
-
Blong helpem ol pikinini blong yu blong andastanem ol toktok abaot stap fraet long God, yu save riplesem toktok ia “fraet” wetem ol toktok olsem respek, lav, o stap obei (luk tu long Hibrus 12:28). ?Olsem wanem hemia i jenisim wei we yumi stap tingting abaot ol ves ia? ?Olsem wanem nao yumi soemaot se yumi gat ona long Lod?
Ol Proveb 3:5–7
Mi save trastem Lod wetem ful hat blong mi.
-
Yu mo ol pikinini blong yu i save mekemap ol aksen we i save go wetem Ol Proveb 3:5–7, olsem blong mekem wan sep blong hat wetem ol han blong yu, stap lei i go wan saed, stap mekem aksen blong wokbaot be yu no wokbaot, mo stap poenem ol ae blong yu. ?Olsem wanem nao yumi save soem se yumi trastem Jisas Kraes wetem ful hat blong yumi?
-
Blong soem wanem i minim blong “I nogud yu ting se save ya blong yu naoia, hem i naf blong givhan long yu” (Ol Proveb 3:5), tingting blong stap invaetem ol pikinini blong yu blong lei long wan samting we i stanap strong mo i balens gud olsem wan wol. Afta, oli save traem blong lei long wan samting we i no strong, olsem wan brum. O oli save traem blong stap mekem wan stik o wan pensel i lei long ol defren samting we oli strong o tik, olsem wan buk o wan pis blong pepa. ?From wanem hem i impoten blong “trastem Lod” (ves 5) mo blong no “ting se save blong yu ya blong naoia, hem i naf blong givhan long yu”?
Lanem blong Stap Trastem Lod, i kam long Kathleen Peterson
Ol Proveb 15:1, 18
Mi save yusum ol toktok we oli kaen.
-
Maet yu mo ol pikinini blong yu i save tingting long ol situesen blong taem we yu o olgeta, maet yufala i filim kros. Tugeta, ridim Ol Proveb 15:1 mo helpem ol pikinini blong yu blong yusum ves ia long ol situesen we oli tingting long hem ia. Maet oli save praktisim sam “kwaet ansa.” Wan singsing abaot fasin blong stap kaen, olsem “Love Is Spoken Here” (Children’s Songbook, 190–91), i save putumaot strong mesej ia bakegen.
-
Blong lanem wanem i minim blong “no stap kros kwik” (Ol Proveb 15:18), yu mo ol pikinini blong yu i save serem ol taem we yu (o wan man o woman we yu save we i) bin filim kros be yu [hem i] jusum blong stap kaen. Helpem ol pikinini blong yu blong tingting long ol samting we yu save kwik blong mekem sapos yumi “no kwik blong kros.” Eksampol, yumi save kwik blong tingbaot Jisas, blong askem Papa long Heven blong i help, blong tingting long wan singsing blong Praemeri o sapos i posibol, wokbaot i go longwe.
Blong kasem moa aedia, luk long magasin blong Fren blong manis ia.