Mga Propeta ug Panagna

Ang mga propeta ug panagna adunay dako nga tahas sa tibuok Daang Tugon. Sila ni Abraham, Isaac, ug Jacob nakakita og mga panan-awon ug nakigsulti sa langitnong mga mensahero. Si Moises nakigsulti sa Dios nga nag-atubangay ug gisulti ang Iyang kabubut-on ngadto sa mga anak sa Israel. Ang una ug ikaduha nga mga basahon sa Mga Hari nag-asoy sa halandumong mga buhat ug mga mensahe sa mga propeta nga si Elias ug Eliseo. Ang Daang Tugon naghisgot usab sa babaye nga mga propeta sama ni Miriam ug Debora, kauban sa ubang mga babaye nga gipanalanginan og espiritu sa panagna, sama ni Rebeca ug Ana. Ug bisan tuod ang mga Salmo wala isulat og mga propeta nga tinawag sa Dios, sila usab napuno sa espiritu sa panagna, ilabi na nga sila nagpaabot sa pag-anhi sa Mesiyas.

Wala niini miabot nga usa ka sorpresa ngadto sa mga miyembro sa Ang Simbahan ni Jesukristo sa mga Santos sa Ulahing mga Adlaw. Sa pagkatinuod, ang gipahiuli nga ebanghelyo ni Jesukristo nagtudlo kanato nga ang mga propeta dili lamang usa ka makapaikag nga mga tawo sa kasaysayan apan importante nga bahin sa plano sa Dios. Bisan tuod ang pipila tingali nagtan-aw sa mga propeta isip talagsaon sa mga panahon sa Daang Tugon, kita nagtan-aw kanila isip usa ka butang nga kita adunay kaparehas sa mga panahon sa Daang Tugon.

Apan ang pagbasa og usa ka kapitulo gikan sa Isaias o Ezequiel tingali bation ang kalahi gikan sa pagbasa og mensahe sa kinatibuk-ang komperensiya gikan sa Presidente sa Simbahan karon. Usahay malisod ang pagtan-aw nga ang karaang mga propeta adunay usa ka butang nga isulti ngari kanato. Bisan pa niana, ang kalibotan nga atong gipuy-an karon lahi kaayo gikan sa kalibotan diin sila misangyaw ug nanagna. Ug ang pagkatinuod nga kita adunay usa ka buhing propeta makamugna og pangutana: Nganong takos kini sa pagpaningkamot—ug kini nagkinahanglan sa paningkamot—ang pagbasa sa mga pulong sa karaang mga propeta?

Alang sa kadaghanang bahin, ang mga tawo karon dili mao ang nag-una nga tigpaminaw sa mga propeta sa Daang Tugon. Kadto nga mga propeta adunay diha-diha nga mga kabalaka nga ilang gipatumong sa ilang panahon ug dapit—sama lamang sa atong mga propeta sa ulahing mga adlaw nga nagpatumong sa atong dihadiha nga mga kabalaka karon.

Sa samang higayon, ang mga propeta makakita usab lapas sa diha-diha nga mga kabalaka. Sila nagtudlo og mahangturong mga kamatuoran, nga may kalabot ngadto sa bisan unsa nga mga panahon ug dapit. Gipanalanginan og pagpadayag, ilang makita ang mas lapad nga panan-aw, ang mas lapad nga panan-aw sa buhat sa Dios. Sama pananglit, gipahimangnoan ni Isaias ang katawhan sa iyang panahon mahitungod sa ilang mga sala. Misulat usab siya mahitungod sa kaluwasan sa mga Israelita kinsa mopuyo og 200 ka tuig sa umaabot. Sa samang higayon, mitudlo siya mahitungod sa kaluwasan nga ang tanang katawhan sa Dios naningkamot. Ug misulat siya og mga panagna nga, bisan karon, naghulat gihapon nga matuman—sama sa mga saad og “bag-ong yuta” (Isaias 65:17) nga mahimong “mapuno sa kahibalo sa Ginoo” (Isaias 11:9), diin ang nawala nga mga tribo sa Israel pagapundukon ug diin “ang mga nasod” dili na “makakat-on mahitungod sa gubat” (Isaias 2:4). Bahin sa hingpit nga kalipay ug inspirasyon nga moabot gikan sa pagbasa sa mga pulong sa mga propeta sa Daang Tugon sama ni Isaias mao ang pag-amgo nga kita adunay tahas diha sa mahimayaong adlaw nga ilang gilantaw.

Busa kon kamo magbasa og karaang mga panagna, kini makatabang sa pagkat-on mahitungod sa kinatibuk-ang kahulogan nga sila gisulat—apan kinahanglan usab ninyong tan-awon ang inyong kaugalingon diha niini, o “mipahisama kanila ngadto sa [inyong kaugalingon]” (1 Nephi 19:24; tan-awa usab ang bersikulo 23). Usahay kana nagpasabot sa pag-ila sa Babelonia isip usa ka simbolo sa sala ug garbo, dili lamang isip usa ka karaan nga siyudad. Kini mahimong nagkahulogan nga ang Israel sabton isip mga tawo sa Dios sa bisan unsa nga panahon ug dapit. O kini nagpasabot sa pagtan-aw sa Zion isip ang ulahing adlaw nga hinungdan nga gisagop sa mga tawo sa Dios, kay sa tan-awon lamang kini isip lain nga pulong alang sa Jerusalem.

Kita makatandi sa mga kasulatan ngadto sa atong kinabuhi tungod kay atong nasabtan nga ang panagna mahimong matuman sa daghang mga paagi. Ang usa ka maayong ehemplo mao ang panagna diha sa Isaias 40:3: “Ang tingog sa usa nga nagasinggit, Andama ninyo ang dalan sa Ginoo.” Ngadto sa nabihag nga mga Judeo sa Babelonia, kini nga pahayag tingali nagpasabot ngadto sa Ginoo nga naghatag og dalan paggawas sa pagkabihag ug sa pagbalik ngadto sa Jerusalem. Ngadto ni Mateo, Marcos, ug Lucas, kini nga panagna nagpasabot ngadto ni Juan Bautista, kinsa miandam sa dalan alang sa mortal nga pangalagad sa Manluluwas. Ug nadawat ni Joseph Smith ang pagpadayag nga kini nga panagna gituman gihapon sa ulahing mga adlaw agi og pagpangandam alang sa milenyum nga pagpangalagad ni Kristo. Sa mga paagi nga kita nagsugod pa sa pagsabot, ang karaang mga propeta nakigsulti ngari kanato. Ug mitudlo sila og daghang bililhon, mahangturong mga kamatuoran nga sama lamang ka may kalabotan kanato sama kaniadto sa karaang Israel.

Tingali ang mas importante pa kaysa pagkakita sa imong kaugalingon diha sa mga panagna sa Daang Tugon mao ang pagkakita kang Jesukristo diha niini nga mga panagna. Kon ikaw mangita Kaniya, makakaplag ka Kaniya, bisan pa kon wala Siya mahisgoti pinaagi sa ngalan. Tingali kini makatabang sa paghinumdom nga ang Dios sa Daang Tugon, ang Ginoong Jehova, mao si Jesukristo. Bisan kanus-a ang mga propeta naghulagway unsa ang gibuhat sa Ginoo o unsa ang Iyang pagabuhaton, sila naghisgot kabahin sa Manluluwas.

Makaplagan usab ninyo ang mga pakisayran sa Usa ka Dinihogan, usa ka Manunubos, ug usa ka umaabot nga Hari gikan sa kaliwat ni David. Kining tanan nga mga panagna mahitungod ni Jesukristo. Mas sa kinatibuk-an, mabasa ninyo ang mahitungod sa pagkaluwas, pagpasaylo, katubsanan, ug pagpahiuli. Uban sa Manluluwas diha sa inyong hunahuna ug kasingkasing, kini nga mga panagna sa kasagaran motudlo kaninyo ngadto sa Anak sa Dios. Bisan pa, ang labing maayo nga paagi sa pagsabot sa panagna mao ang pagbaton “sa espiritu sa panagna,” nga gisulti ni Juan kanato nga mao ang “pagpamatuod ni Jesus” (Pinadayag 19:10).