UYobhi 1–3; 12–14; 19; 21–24; 38–40; 42

Izahluko zokuqala zikaYobhi zigxininisa, ngendlela ebumbongo, indima kaSathana njengotshaba okanye ummangali wethu; aziyichazi intsebenziswano yokwenyani phakathi koThixo noSathana. Xa ufunda into eyathethwa nguSathana ngoYobhi (bona UYobhi 1:9–11; 2:4–5), usenokuzibuza, “Kutheni ndihlala ndithembekile kuThixo? ” Kutheni le nto kunokuba yingozi ukuthobela iNkosi kuphela ngenxa yesizathu esacetyiswa nguSathana?

Yintoni ekuchukumisayo ngendlela uYobhi awasabela ngayo kwizilingo zakhe? (bona UYobhi 1:20–22; 2:9–10).

Abahlobo bakaYobhi bacebisa ukuba uThixo wayemohlwaya (bona UYobhi 4–5; 8; 11). Ziziphi iingxaki ozibonayo ngalo mbono? Funda impendulo kaYobhi kuzo izahluko 12–13. Yintoni awayeyazi uYobhi ngoThixo eyamenza wakwazi ukuhlala emthembile? Yintoni oyaziyo ngoThixo ekunceda ujongane nemicelimngeni?

Ngamanye amaxesha sifunda ezona nyaniso zibalulekileyo ngamaxesha anzima. Cingisisa ngezilingo ezichazwa nguYobhi ku Yobhi 19:1–22 neenyaniso azibhengezayo kuyo imiqolo 23–27. Wazi njani ukuba uMhlawuleli wakho uyaphila? Lwenza mahluko mni olu lwazi ebomini bakho?

Cinga ngokucula okanye ukumamela iculo elingoYesu Krestu, njengale “I Know That My Redeemer Lives” (Hymns, no. 136). Ngawaphi amazwi kweli culo avakalisa iimvakalelo zakho ngaYe?

Bona kananjalo IMfundiso neMinqophiso 121:1–12122.

Ku Yobhi 21–24, uya kufunda ingxoxo-mpikiswano phakathi kukaYobhi nabahlobo bakhe. Oyena ndoqo wale ngxoxo ngumbuzo oye wabuzwa ngabantu abaninzi: Kutheni abantu abangamalungisa bebandezeleka maxa wambi?

Nangona singenazo zonke iimpendulo, kwivangeli ebuyisiweyo kaYesu Krestu, sineenyaniso ezithile ezingasinceda ukuba siqonde ubunzima nokubandezeleka. Ngezantsi zizibhalo zemihla yokugqibela eziqulathe ezinye zezi nyaniso. Ezi zibhalo zikufundisa ntoni ngoBawo waseZulwini necebo laKhe?

• 2 Nifayi 2:11–13

• Mozaya 23:21–23; 24:10–16

• Etere 12:27

• IMfundiso neMinqophiso 58:3–5

• Abraham 3:22–26

Ngokusekelwe koko ukufundileyo, unokuwuphendula njani umbuzo othi “Kutheni uThixo evumela abantu abangamalungisa ukuba babandezeleke?”

Ekhathazekile zizityholo zabahlobo bakhe (bona UYobhi 16:1–5; 19:1–3), UYobhi wambuza ngokuphindaphindiweyo uThixo isizathu sokuba abandezeleke kangaka (bona UYobhi 19:6–7; 23:1–9; 31). INkosi ayizange inike isizathu esicacileyo kwincwadi kaYobhi. Kodwa Yona yafundisa umyalezo obalulekileyo kuzo izahluko 38–40. Ungawushwankathela njani lo myalezo? Ngokomzekelo, ufunda ntoni kwimibuzo yeNkosi ku Yobhi 38:1–7, 18–24?

Uyakuqaphela ukuba iNkosi yathetha noYobhi ngezinye zendalo zaYo neminye imisebenzi yamandla (bona UYobhi 38–39). Usenokujonga ezinye zezo ndalo (okanye imifanekiso yayo). Zikunceda njani ezi zinto ukuba ucinge ngendlela eyahlukileyo ngoThixo? malunga nezilingo zakho? Zayitshintsha njani imbono kaYobhi? (bona UYobhi 42:1–6; bona kananjalo Moses 1:8–10).

Nantsi imiyalezo emibini yekomfa yajikelele enokunceda ukutshintsha imbono yethu: uTamaraW. Runia, “Seeing God’s Family through the Overview Lens” (Liahona, Nov. 2023, 62–69); Russell M. Nelson, “Cinga Selestiyali!” (Liyahona, EyeNkanga 2023, 117–20). Kuwo nawuphi na umyalezo, khangela into oza kufuna ukuyikhumbula kwixesha elizayo xa izilingo zakho zibonakala zisongamela. Uza kuzikhumbuza njani ngoko ukufundileyo?

• Khuthaza abantwana bakho ukuba bakuxelele oko bakwaziyo ngoYobhi. Ukuba bafuna uncedo, unokubabonisa UYobhi 1:1, 13–22; 2:7–10 okanye ku“UYobhi” (kuwo Amabali eTestamente eNdala, 145–47). Wasabela njani uYobhi kwimingeni? (bona UYobhi 1:21; 2:10).

  

  1:55

• UYobhi wayethembekile kwiingxaki zakhe ngenxa yoko wayesazi ngeNkosi. Mhlawumbi wena nabantwana bakho ningajonga imifanekiso kaYesu Krestu esebenzisana nabanye (njengalo ungezantsi okanye kuyo Incwadi yoMsebenzi woBugcisa beVangeli). Thetha ngezinto ozaziyo ngaYe nokuba Yena unjani na. Nantsi eminye imiqolo ebonisa oko uYobhi wayekwazi ngeNkosi: UYobhi 12:10, 13, 16; 19:25–27. Kutheni kubalulekile ukwazi ezi zinto ngaYo?

• UYobhi wabuza umbuzo obalulekileyo ku Yobhi 14:14. Mhlawumbi wena nabantwana bakho ningatshintshana nisabelana ngendlela ebeninokumphendula ngayo uYobhi. Unokukhangela amacebo kwi Alma 11:42–44 (Ithala leeNcwadi zeVangeli).

1:11

• Xa uYobhi wayebuhlungu, abahlobo bakhe bathi uThixo uyamohlwaya ngenxa yokona kwakhe (bona UYobhi 22:5). Ukuba besingabahlobo bakaYobhi, besiya kuzama njani ukumnceda? Amazwi ethu anokubomeleza njani abanye xa belusizi? (bona UYobhi 16:5). Cinga ngokubonisa umfanekiso omnye okanye ngaphezulu kolu lwandlalo njengoko nixoxa ngale mibuzo.

• Cinga ngokucela abantwana bakho badwelise iimpawu zomhlobo wokwenene baze bachaze nomhlobo onezi mpawu. Emva koko unokujonga umfanekiso kaYesu Krestu. UYesu ungumhlobo wokwenene kuthi ngamnye wethu ngaziphi iindlela? Unokucinga ngomntu otyhubela ixesha elinzima. Ceba indlela onokuba ngumhlobo onjengoKrestu kubo.

• Emva kokufunda UYobhi 19:23–27, wena nabantwana bakho ningathetha ngendlela eniyazi ngayo ukuba uMhlawuleli wethu uyaphila. Ningasebenza kunye ukubeka ubungqina benu (okanye imizobo yoMsindisi) encwadini (bona umqolo 23).

• Yabelana ngamabinzana asuka kwiculo elomeleza ukholo lwakho kuYe. Kutheni kubalulekile ukwazi ukuba uYesu Krestu uyaphila?