యోబు 1–3; 12–14; 19; 21–24; 38–40; 42

యోబులోని మొదటి కొన్ని అధ్యాయాలు మన విరోధిగా లేదా నేరారోపకునిగా సాతాను పాత్రను కవితాత్మకంగా నొక్కి చెప్తాయి; అవి దేవుడు మరియు సాతాను మధ్య పరస్పర సంభాషణను వివరించవు. యోబు గురించి సాతాను చెప్పినదానిని (యోబు 1:9–11; 2:4–5 చూడండి) మీరు చదువుతున్నప్పుడు, “నేను దేవునిపట్ల ఎందుకు విశ్వాసంగా ఉండాలి?” అని మిమ్మల్ని మీరు ప్రశ్నించుకోవచ్చు. సాతాను సూచించిన కారణం మూలంగా మాత్రమే ప్రభువుపట్ల విధేయత చూపడం ఎందుకు ప్రమాదకరము?

అతని శ్రమల పట్ల యోబు స్పందన గురించి మిమ్మల్ని ఆకట్టుకునేది ఏది? (యోబు 1:20–22; 2:9–10 చూడండి).

దేవుడు అతడిని శిక్షిస్తున్నాడని యోబు స్నేహితులు సూచించారు (యోబు 4–5; 8; 11 చూడండి). ఈ ఆలోచనతో మీరు ఏ సమస్యలను చూస్తున్నారు? 12–13 అధ్యాయములలో యోబు స్పందనను చదవండి. నమ్మకంగా ఉండేందుకు అతనికి సహాయం చేసేలా దేవుని గురించి యోబుకు తెలిసినదేమిటి? సవాళ్ళను ఎదుర్కొనేందుకు మీకు సహాయపడేలా దేవుని గురించి మీకేమి తెలుసు?

కొన్నిసార్లు మనం అత్యంత కష్టమైన సమయాల్లో అతి ముఖ్యమైన సత్యాలను నేర్చుకుంటాము. యోబు 19:1–22లో యోబు వివరించిన శ్రమలను మరియు 23–27 వచనములలో అతడు ప్రకటించిన సత్యాలను ధ్యానించండి. మీ విమోచకుడు సజీవుడని మీకెలా తెలుసు? మీ జీవితంలో ఈ జ్ఞానము ఏ ప్రత్యేకతను కలిగియున్నది?

సిద్ధాంతము మరియు నిబంధనలు 121:1–12; 122 కూడా చూడండి.

యోబు 21–24లో, మీరు యోబు మరియు అతని స్నేహితుల మధ్య జరిగిన చర్చను చదువుతారు. ఈ చర్చలో చాలా మంది జనులు అడిగిన ఒక ప్రశ్న ఉంది: నీతిమంతులు కొన్నిసార్లు ఎందుకు బాధపడతారు?

యేసు క్రీస్తు యొక్క పునఃస్థాపించబడిన సువార్తలో మనకు అన్ని సమాధానాలు లేనప్పటికీ, కష్టాలు మరియు బాధలను అర్థం చేసుకోవడానికి సహాయపడే కొన్ని సత్యాలను మనం కలిగియున్నాము. ఈ సత్యాలలో కొన్నింటిని కలిగియున్న కడవరి-దిన లేఖనాలు క్రింద ఉన్నాయి. పరలోక తండ్రి మరియు ఆయన ప్రణాళిక గురించి ఈ లేఖనాలు మీకు ఏమి బోధిస్తాయి?

• 2 నీఫై 2:11–13

• మోషైయ 23:21–23; 24:10–16

• ఈథర్ 12:27

• సిద్ధాంతము మరియు నిబంధనలు 58:3–5

• అబ్రాహాము 3:22–26

మీరు అధ్యయనం చేసిన దాని ఆధారంగా, “నీతిమంతులు బాధపడడానికి దేవుడు ఎందుకు అనుమతిస్తాడు?” వంటి ప్రశ్నకు మీరు ఎలా సమాధానం చెప్పవచ్చు?

తన స్నేహితుల నిందారోపణల చేత (యోబు 16:1–5; 19:1–3 చూడండి) నిరాశపరచబడి, తన కష్టం కొరకు వివరణను కోరుతూ యోబు మళ్ళీ మళ్ళీ దేవునికి మొరపెట్టాడు (యోబు 19:6–7; 23:1–9; 31 చూడండి). యోబు గ్రంథంలో ప్రభువు స్పష్టమైన కారణం చెప్పలేదు. కానీ 38–40 అధ్యాయాలలో ఆయన ఒక ముఖ్యమైన సందేశాన్ని బోధించారు. ఆ సందేశమును మీరు ఎలా సంక్షిప్తపరచగలరు? ఉదాహరణకు, యోబు 38:1– 7, 18–24లో ప్రభువు యొక్క ప్రశ్నల నుండి మీరు ఏమి నేర్చుకుంటారు?

ప్రభువు యోబుతో తాను సృష్టించిన వాటి గురించి మరియు ఇతర అద్భుత కార్యముల గురించి మాట్లాడినట్లు మీరు గమనించవచ్చు (యోబు 38–39 చూడండి). మీరు ఆ సృజనల‌లో కొన్నింటిని (లేదా వాటి చిత్రాలు) చూడవచ్చు. దేవుని గురించి, మీ శ్రమల గురించి భిన్నంగా ఆలోచించడంలో ఈ విషయాలు మీకు ఎలా సహాయపడతాయి? అవి యోబు దృష్టికోణాన్ని ఎలా మార్చాయి? (యోబు 42:1–6 చూడండి; మోషే 1:8–10 కూడా చూడండి).

మన దృష్టికోణాన్ని మార్చడంలో సహాయపడే రెండు సర్వసభ్య సమావేశ సందేశాలు ఇక్కడ ఉన్నాయి: తమారా డబ్ల్యు. రూనియా, “దేవుని పిల్లల నిత్య గుర్తింపు ద్వారా దేవుని కుటుంబాన్ని చూడడం” (లియహోనా, నవ. 2023, 62–69); రస్సెల్ ఎమ్. నెల్సన్, “సిలెస్టియల్‌గా ఆలోచించండి!” లియహోనా, నవ. 2023, 117–20). ఏ సందేశంలోనైనా, తదుపరిసారి మీ శ్రమలు ఎక్కువగా అనిపించినప్పుడు మీరు గుర్తుంచుకోవాలనుకునే దాని కోసం చూడండి. మీరు నేర్చుకున్న వాటిని మీరెలా గుర్తు చేసుకుంటారు?

• యోబు గురించి వారికి ఏమి తెలుసో చెప్పమని మీ పిల్లలను ప్రోత్సహించండి. వారికి సహాయం కావాలంటే, మీరు వారికి యోబు 1:1, 13–22; 2:7–10 లేదా (పాత నిబంధన కథలు, 145-47లో) “యోబు” చూపించవచ్చు. సవాళ్లకు యోబు ఎలా స్పందించాడు? (యోబు 1:21; 2:10 చూడండి).

  

  1:55

• ప్రభువు గురించి అతనికి తెలిసిన దానిని బట్టి యోబు తన సవాళ్లలో విశ్వాసపాత్రంగా ఉన్నాడు. బహుశా మీరు మరియు మీ పిల్లలు యేసు క్రీస్తు ఇతరులతో సంభాషిస్తున్న చిత్రాలను చూడవచ్చు (క్రింద ఉన్నటువంటిది లేదా Gospel Art Book [సువార్త కళా పుస్తకము]లోని చిత్రాలు వంటివి). ఆయన గురించి మీకు తెలిసిన దాని గురించి మరియు ఆయన ఎలా ఉంటారనే దాని గురించి మాట్లాడండి. ప్రభువు గురించి యోబుకు ఏమి తెలుసు అని చూపించే కొన్ని వచనాలు ఇక్కడ ఉన్నాయి: యోబు 12:10, 13, 16; 19:25–27. ఆయన గురించి ఈ విషయాలు తెలుసుకోవడం ఎందుకు విలువైనది?

• యోబు 14:14లో యోబు ఒక ముఖ్యమైన ప్రశ్న అడిగాడు. బహుశా మీరు మరియు మీ పిల్లలు యోబుకు ఎలా సమాధానం చెప్పాలో వంతులవారీగా పంచుకోవచ్చు. ఆల్మా 11:42–44లో మీరు ఉపాయముల కొరకు చూడవచ్చు.

1:11

• యోబు విచారంగా ఉన్నప్పుడు, అతని స్నేహితులు అతను పాపం చేసినందున దేవుడు అతన్ని శిక్షిస్తున్నాడని చెప్పారు (యోబు 22:5 చూడండి). మనం యోబు స్నేహితులమైతే, అతనికి సహాయం చేయడానికి మనమెలా ప్రయత్నిస్తాం? విచారంలో ఉన్న ఇతరులకు మన మాటలు ఎలా సహాయపడగలవు? (యోబు 16:5 చూడండి). మీరు ఈ ప్రశ్నలను చర్చించేటప్పుడు ఈ నమూనా‌లో ఉన్న ఒకటి లేదా అంతకంటే ఎక్కువ చిత్రాలను చూపించడాన్ని పరిగణించండి.

• మంచి స్నేహితుని యొక్క కొన్ని లక్షణాలను జాబితా చేయమని మరియు ఈ లక్షణాలను కలిగి ఉన్న స్నేహితుని పేరు చెప్పమని మీ పిల్లలను అడగండి. తర్వాత మీరు యేసు క్రీస్తు చిత్రాన్ని చూడవచ్చు. యేసు మనలో ప్రతీ ఒక్కరికి ఏయే విధాలుగా మంచి స్నేహితుడు? మీరు కష్టకాలంలో ఉన్న ఒక వ్యక్తి గురించి ఆలోచించవచ్చు. మీరు వారికి క్రీస్తులాంటి స్నేహితునిగా ఎలా ఉంటారో ప్రణాళిక చేయండి.

• యోబు 19:23–27 చదివిన తర్వాత, మన విమోచకుడు సజీవుడని మీకెలా తెలుసనే దాని గురించి మీరు మరియు మీ పిల్లలు మాట్లాడవచ్చు. ఒక పుస్తకములో మీ సాక్ష్యమును (లేదా రక్షకుని చిత్రాలు) పెట్టడానికి మీరు కలిసి పనిచేయవచ్చు (23వ వచనము చూడండి).

• యేసు క్రీస్తు సజీవుడని తెలుసుకోవడం ఎందుకు ముఖ్యము?